JessicaWong1273's Profile

之前諗住同朋友食韓燒，見到平昌好評如潮，於是提早book定位，今晚到達時，見到餐廳內坐無虛席，慶幸自己一早已經book好位，接待我們的是一位韓國人，另外餐廳內牆上有不同種類的韓國插畫，令人頓時置身於韓國。我哋選了世子御膳同大君御膳，食物種類都頗多，有熟食，有雞，有豬，有海鮮，而且落單10分方便，只需把該款食物的號碼填在板上交給服務員，食物亦都很快送到。把落單版交給服務員後大約5分鐘左右食物就送到，非常快，我們叫了你好牛前空腹肉，護心肉，辣豬梅肉片，還有蝴蝶蝦伴他他醬，芝士腸。另外我們都叫了一些熟食，脆炸1口芝士，紫菜粉絲卷，醬油鵪鶉蛋，魚糕湯， 味道10分唔錯，值得再試。另外值得一讚的是服務員態度良好，當我們燒版焦了，他們會立即幫我們換新的，10分貼心。…Read More

今天晚上下班經過厚福街這座新起的商場, 於是試一這間韓國小食檔, 一入到餐廳, 環顧四周,裡面的裝修跟傳統韓國的小食攤很類似, 播住韓文歌 頓時跟置身於韓國一樣, 等候數分鐘,店員帶我地坐下, 我地叫了一客甜辣炸雞, 芝士泡菜煎蛋卷, 薯仔煎餅, 街頭魚糕串串, 醬油蟹SET,, 柚子梳打,青蘋果梳打等候大約10分鐘左右, 首先送到薯仔煎餅, 賣相十分吸引, 口感煙煙韌韌, 不會太軟, 這個一定要點醬汁一齊食, 這更突出薯仔煎餅的味道, 喜歡清淡的朋友一定要試一試。醬油蟹配紫菜卷簡直一流, 蟹不會太腥, 可以食到蟹的鮮味, 食完醬油蟹再食一口紫菜脆脆解膩,。我最愛食的魚糕串串, 暖笠笠, 而且魚糕湯十分鮮甜, 令我想再encore。 另外試了芝士泡菜煎蛋卷這款傳統街頭小食, 有蛋香, 食落唔會太辣, 很值得一試。最後一定要叫的是甜辣炸雞, 味道甜甜辣辣, 十分開胃, 另外雞肉十分鮮嫩, 最貼心的地方是店員準備好手套給我們, 這樣手不會弄髒, 頓時感覺很窩心。總括而言, 這裡不失為一個可以感受韓國傳統文化和閒聊的好地方。…Read More

星期六下午經過這間餐廳被它的裝潢吸引，於是試一試，店員安排我們坐卡位，位置寛闊舒適，非常適合朋友或一家大細聊天。我們點了一份馬拉盞通菜，串燒拼盤，燒膳，面包蟹，青咖哩雞，薄餅，沙律和牛腩，最重要點我最喜歡的椰青。馬拉盞通菜味道美味，充滿泰或風味，令我十分驚喜。串燒併盤有豬，牛，雞，配以獨有醬汁，串燒肉不會老，點醬汁十分惹味，而外表都十分吸引。燒膳最令我意思不到，肉質鮮甜，只有很少骨，而且味道甜甜地，非常開胃。面包蟹賣相吸引，面包點咖哩汁非常惹味，咖喱汁有蟹和蛋白，口感豐富，喜歡食蟹一定要試。青咖哩雞味道辣辣地..配以薄餅令人一試難忘，辣度適中，喜歡少辣的朋友一定會喜歡。牛腩肉質很軟林林，非常入味，配以白飯一流。飲品一定要飲椰青，椰青肉十分美味，配以咖哩解漏一流☺️…Read More

有日放工同朋友經過，被它門口的裝修吸引..日式裝修，入到裏面已經聞到很香的麻辣味😋位置都十分舒適，非常闊落。我地當然揀左麻辣湯底再配藥膳雞湯底..牛肉同海鮮就自己用QR落單..其他配料就自己出去取， 有一個非常貼心既位置是我估唔到佢有圍裙比客人拎，咁樣冇咁易彈到落淺色衫度，令到我感到十分窩心。到飲品區，有好多款自家飲品，仲有低糖果汁，最令我估唔到佢有一個酒區，有清酒，梅酒可以比大家斟，飲品選擇非常多。另外配料區都有很多選擇，菜可以自己拎份量。熟食區有鹽酥雞，仲有小龍蝦，同冷盤，水果，肉燥飯，很少火鍋放題有小龍蝦，小龍蝦味道都很好， 令我非常驚喜。火鍋方面，麻辣鍋味道非常正，又麻又辣，食辣既朋友一定要試，而藥膳雞愈煲個味愈濃郁，食物完全唔需要點醬汁，非常入味最後甜品區有自家製甜品，雪條，意式焦糖布甸味道很好，令我十分驚喜總括嚟講，下次一定會再食，好少食到一個咁高汁既火鍋放題…Read More

荔枝角雖然係工廠大廈區，但就好多唔同特色既美食隱藏係大廈，我同朋友就發掘左呢間既優雅又搞笑既餐廳。點解話搞笑呢??因為一望到去，環境優雅寧靜，但係餐牌就非常搞怪，見到用好多搞怪既公主去襯托。兩既對比，令人覺得好新奇。我地兩個人叫左一份主食:香燒紐西蘭肉眼扒10安士(五成熟)。份量非常足，有薯菜作配答。牛扒肉質軟而且入味，覺得兩個女生share岩岩好。另外，我地仲叫左青芥末牛油果三文魚籽蟹肉多士。呢個令我地二人都好驚喜。同行朋友唔太中意牛油果都大讚呢個小食。因為佢醬唔會太辣，而且開胃得很，再配牛油粒粒既分明既口感。兩個都讚好呢個，絕對可以再encore!!因為我地兩個人都係細食，所以我地留肚叫左個甜品:芒果熱情果忌廉班戟卷。即叫即整，整既時候已經遠遠聞到pancake既蛋香。味道唔會太甜，芒果醬酸酸地，可以一解岩岩食完肉既油膩感。整體黎講，呢間絕對值得再encore!我同朋友都好滿意🥰…Read More

放假同朋友出去聚會，比我搵到呢個地方，黎到門口比我一種好舒適的感覺，我地坐靠窗位置，呢個位睇風景一流，而且環境靜靜地，傾計一流，同埋位置寛闊，唔會太逼，令我十分驚喜😌我地叫左安格斯牛肉漢堡配薯格，香煎豬扒配焦糖蘋果同安格斯牛扒，服務員態度十分好餐湯是南瓜忌廉湯，服務員好細心問我地要唔要加胡椒，湯十分滑，唔會太咸，值得再試🥰主菜是安格斯牛肉漢堡，牛肉十分多肉汁，又唔會太老，漢堡十分足料，另外薯格辣辣地，非常惹味，整體來講，味道十分出色.另外時香煎豬扒唔會太老，食到啖啖肉汁，唔會太鞋，都非常出色。安格斯牛扒5成熟入口即溶，唔會太硬，如果喜歡食安格斯牛扒一定要試😊最後甜品是慕絲杯，打卡絕對一流，食落唔會太甜，做飯後甜品一流😋😋整體黎講，下次朋友聚會一定會再黎，是一個食物質素同環境都十分好舒適的一個地方😍…Read More

一日午餐經過呢間唔太起眼的食堂，見到餐牌上有呢款藥膳五谷粉就叫黎試一試，等了大約10分鐘左右就有得食，估唔到咁足料，一黎到就聞到好香藥材味，有紅棗，杞子，雞，呢個價錢估唔到咁足料，值得再encore一次…Read More

係沙田行到攰就入去食甜品，叫了朱古力多士同士多啤梨厚多士，下午茶人唔算多，環境都十分舒服，士多啤梨味雪糕配上蜜糖多士，份量都非常多，可以慢慢傾計同食，係傾計同食甜品的好去處。…Read More

今日終於黎試一試呢間的醉雞面，之前朋友都說很好食，我叫了醉雞蝦子撈，和醉雞河粉，大約10分鐘左右就有野食，估唔到雞是原隻雞比，啖啖肉，而且有香濃酒味，非常好食，蝦子撈面都唔會太硬，估唔到呢個價錢食到呢個質素，會經常黎食…Read More

一日經過油麻地，見到呢間台式野諗住試下，叫了一份蛋卷，一份肉燥飯同一份小食併盤，蛋卷味道不過不失，但份量偏細，而小食併盤味道一般，肉燥飯都是一般，但待應態度很差，好像想快點趕我們走一樣，感覺很差…Read More

一日收工經過見到呢間餐廳有蛋包飯就諗住試一試，我地叫了一份蛋包飯，一份肉醬焗薯角，等了大概10分鐘左右，令我意想不到想蛋包飯裏的飯都是蛋炒飯來的，薯角味道不過不失，而且以晚餐時間來說價錢不是太貴…Read More

南記終於開到大埔，有日午餐專登黎試下，叫了魚卷酸辣米線，仲有新出的芫茜米線，午餐時間人非常多，芫茜米線芫茜味非常重，如果喜歡食芫茜一定要選，另外魚肉春卷都是很好吃的，非叫的餸，一定會再食…Read More

有日係大埔做野見到呢間食店諗住試下，估唔到有驚喜，叫了一份鹽酥雞米粉，橙汁，估唔到鹽酥雞味道很好，唔會太咸，另外米粉都好好味，很少地方可以食到呢種米粉，令我十分驚喜…Read More

有日係西貢行街見到呢間cafe諗住試一試，叫了一份all day breakfast,一份抺茶紅豆班戟，一杯白核梳打，環境非常舒適，非常適合聊天或休息，班戟味道很好味，如果去開西貢，可以試下。…Read More

有日係the one行過見到呢間cafe環境唔錯，於是入去食午餐，我地叫all day breakfast同埋牛角包，餐廳內人唔算太多，玻璃可以睇到下面既環境，很舒適，食物質素不過不失，非常適合朋友坐低慢慢傾計…Read More