llittle chicken的个人专页

暫停咗一段時間嘅餃子約會又嚟啦，今次揀咗深水埗餃子名店「家後」嘅分店Cafe「家後2.0」，原本係去「家後」嘅點知7點半去到都仲大排長龍，老闆建議我哋去佢分店可以快啲有位，而且座位都舒適好多。「家後2.0」同本店style完全唔同，行cafe文青路線，餐牌同價錢基本上都係同本店一樣，但開心嘅係唔使大排長龍，我哋等咗5分鐘就有得入座。上菜都好快，好快就放到一枱都係食物，我哋點咗湯餃（麻辣白菜/韮菜）、煎餃（芫茜/洋蔥）、麻辣雞翼、生菜同豆漿。煎到金黃色嘅餃子睇到都流口水餃子皮煎完都唔會硬掘掘，顏色均勻，係屋企完全做唔到嘅效果。有滿滿芫茜嘅餃子，皮薄餡靚，皮脆肉餡多汁，芫茜味好香濃，芫茜控一定要試。而洋蔥就好香甜，又爽又多汁，一樣都好好食。湯餃一樣好出色，一樣係皮薄餡靚，韮菜餃肉餡多汁有濃厚韮菜味，好食。粉紅色嘅係麻辣香菜，白菜好爽脆，麻與辣比例適中，係開胃之選。麻辣雞翼好大隻，食落啖啖肉，相比麻辣白菜餃，麻辣雞翼嘅麻辣相比淡一啲。開心果巴斯克芝士蛋糕煎餃湯餃好食不在話下，芝士蛋糕更加係出色，開心果味好濃，每一啖蛋糕都似食緊開心果，開心果味濃得嚟又食到厚厚嘅芝士味，除咗開心果味仲有原味藍莓味，下次會再嚟試埋其他味。…查看更多

Yoho睇完早場出嚟試咗間新cafe幾有驚喜。自家製餃子套餐價錢有啲貴，試完又覺得味道對得起個價錢嘅，餃子我哋揀咗三鮮豬肉拼粟米豬肉，沙律可揀黑醋或者芝麻醬，我哋揀咗芝麻醬，貝殼蛋糕揀咗原味同朱古力味。餃子包得好飽滿，餃子皮簿餡靚，粟米豬肉餃粟米好爽甜，肉餡好多汁，好味。三鮮豬肉（韮黃+蛋花+鮮蝦）我本身好中意食韮菜餃，韮黃餃就第一次試，相對韮菜韮黃比較清淡，味道一樣咁香甜，但就唔怕會口臭，啱晒怕有口氣嘅朋友。馬德蓮蛋糕（貝殼蛋糕）兩款口味嘅口感都好綿密，配咖啡都好正。中意清淡嘅朋友中意蜂蜜牛油有好香牛油味，而我就中意濃厚嘅朱古力味。All day breakfast 擺盤靚靚嘅all day breakfast見到都開心，大大碟放滿咗我中意嘅嘢食，一次過滿足貪心又選擇困難嘅我。黑松露炒蛋有黑松露味，蛋唔老，份量十足。大磨菇多汁厚肉，配炒蛋一齊食味道就更濃厚。沙律配咗黑醋汁好好胃，沙律菜有羽衣甘藍好新鮮好爽脆。香噴噴嘅pancake味更加令人胃口大開，第一次食焦糖香蕉配Pancake，唔使加糖醬都夠晒香甜，而酸酸甜甜嘅士多啤梨同藍莓就可以平衡返焦糖嘅甜味。分別試咗巴西natural同埃塞俄比亞washed咖啡，埃塞俄比亞washed好特別，味道好清新，飲落飲花茶，有陣淡香好relax。而巴西natural有陣朱古力焦糖味，味道相對濃厚啲。有為小朋友而設嘅小梳化同小玩具，小朋友可以投入佢哋嘅家家酒世界，大人可以同朋友暢所欲言。每枱都有精緻鮮花做點綴，花花牆同天幕都適合女士們打卡。…查看更多

有晚好晏收工，同同事去咗公司附近茶餐廳食晚飯，本身諗住是但求其食飽算，點知餐牌好多選擇而且都好吸引，價值仲好親民，最後點咗兩個主菜一個小食一個甜品share食。餐牌選擇多多紐倫堡德國脆豬手配薯菜，本身仲有個白飯，由於豬手太大食唔曬嘅關係，我哋都冇要到個白飯，豬手份量好大，豬手皮都脆脆哋，豬肉都入味，薯菜就不過不失，豬手配埋酸菜食都唔覺油膩。主菜豬手追加咗個冰震蘭花苗，色澤碧綠，入口都好爽脆，點芥辣豉油個味道好清新，夏天食應該仲正。波士頓龍蝦海鮮湯扁意粉，有魷魚、蜆、青口大大隻清口龍蝦好多膏，味道好香濃，龍蝦肉好彈牙，肉質鮮甜，老實講冇諗過百零蚊可以食到咁高質嘅龍蝦，食完好食嘅龍蝦累積咗一日嘅工作疲勞都冇曬。意粉配蝦膏好正生芝士蛋糕，香濃芝士味，口感軟滑，性價比極高…查看更多

朋友知我中意食餃子，介紹咗太子嘅餃掂俾我，去到門口見到有好多名字合照，未食都知呢間嘢唔簡單，餐廳整齊企理，座位闊落坐得舒服。龍鳳松茸雙餃龍鳳松茸即係有齊黑白松露餃，一次可以食到兩款人氣餃子啱晒心大心細嘅我。 餃子餡料飽滿而且皮薄，可以透過外皮睇到餃子嘅餡料，筷子夾起外皮都唔易穿，入口煙韌。首先食白松露味，餡料有種獨特嘅香味，第一次食白松露唔肯定係未白松露嘅香味，香味慢慢滲出齒頰留香。而黑松露餡味道偏濃，每一啖都係黑松露嘅香味，兩種餡料都多汁唔油膩，係皮薄餡靚嘅出品，餃子嘅質素係對得住收費嘅。跟餐個湯都好香豬骨味，拍得住阿媽靚湯，佐餃子一齊食都得。黃金原味皮蛋蛋黃流心，黃金皮蛋味道比黑皮蛋味道淡，冇鹼水味相對更食得到蛋黃香味。不得不提餐廳提供俾顧客嘅佐料-菜脯豆豉醬， 辣度輕微味道有層次，食得材料嘅香味，加少少落皮蛋度令整體味道提升好多，有呢個醬唔使餸都食到一碗飯。熱蜂蜜檸檬薏米檸檬薏米酸酸甜甜幾好飲，去濕又開胃好適合春天飲。#nomnomdumpling #太子餃掂…查看更多

朋友帶咗我去佢最鍾意嘅餐廳食團年飯，餐廳主打美國菜，一開lift門即刻見到一大台「捽碟機」，牆上掛咗好多老闆珍藏黑膠碟作佈置，我唔識都睇得出老闆對音樂嘅熱愛，整體環境簡約懷舊得嚟又有現代感，枱與枱之間都闊落，聽住好聽音樂食飯心情都特別靚。餐牌有多款頭盤、主菜、小食同套餐選擇，套餐都相當豐富同抵食。朋友發板點咗牛扒套餐、5重芝士Pizza、香蒜牛油煮蜆同洋蔥圈。炸洋蔥圈洋蔥圈食落口感好特別，冇一絲絲「藕斷絲連」嘅纖維，我大膽估計係先將洋蔥攪碎再同粉漿混埋一齊，再整成圈狀落油炸，每個洋蔥圈都係相若大小同形狀應該都幾考功夫，入口鬆化唔油膩，有洋蔥香味。凱撒沙律+粟米周打湯套餐嘅凱撒沙律份量適合兩個人食，沙律菜新鮮清爽，醬汁正常，整體不過不失。餐湯唔會太濃稠，有香甜粟米味，湯底有啲雜菜，幾好飲，隨湯附上嘅蒜茸包大有驚喜，有滿滿蒜香同牛油焦香味，香脆得嚟唔硬，好好食。香蒜牛油煮蜆朋友大大力推薦嘅蜆果然名不虛傳，一大碟肥美嘅蜆放在眼前相當吸引，蒜香、香草香夾雜住蜆嘅海水味，有種去咗海灘嘅感覺。蜆肉睇相都睇佢得出肥美，入口肉質嫩滑冇渣，十分清甜一啲都唔腥，勁好食。蒜蓉包點蜆汁又有另一番滋味，香脆嘅蒜茸包多咗份清新感，蜆汁實在太好味，食到最後，我直情將蜆汁當湯飲。鮑魚虎蝦配牛扒鮑魚好啱團年飯食，成件事好應節，飽魚完全唔韌仲有種爽脆口感，味道鮮甜唔腥，好好食。虎蝦有大大兩隻，睇見都好滿足，入口啖啖肉，有濃厚蒜香牛油味，好惹味，好味到我可以一個人食十隻。配菜都做到咁好，完全食得出廚師嘅誠意。朋友唔太喜歡食太生嘅牛扒所以叫咗七成，廚師將成熟控制得啱啱好，牛扒表面有焦香牛油味，即使七成熟牛扒嘅肉汁仲保存得好好，成塊扒嘅口感都好好食唔到有渣嘅感覺，芥辣醬唔知係未餐廳秘製配方，鹹、酸、辣味調製得好好，同牛扒好夾，肉味之餘有多幾種層次嘅味道。5重芝士PizzaPizza又係朋友大大力推薦嘅菜式，Pizza一出爐已經聞到果種濃厚嘅芝士香味，上到枱更加係不得了，pizza個樣冇乜特別但味道絕對係冇得輸，一啖pizza係有唔同嘅芝士味爆發出嚟，芝士味濃厚得好誇張，雖然芝士味重但又冇因為咁而好鹹，脆邊更係錦上添花，每啖都似食緊芝士脆脆，pizza好食到我可以自己食曬成個。紐約芝士蛋糕套餐嘅甜品係紐約芝士蛋糕，味道清新唔漏，食完濃厚芝士味嘅pizza，個芝士蛋糕有種清味蕾嘅作用，為成餐飯劃上句號。…查看更多

間中會去荔枝角同vendor開會，幾次經過間波希米亞風嘅餐廳好靚一直都想試，同朋友聚舊於是揀咗呢間餐廳。門外餐桌唔單止適合打卡，都好適合帶寵物嘅食客，我哋坐低之後見到有食客帶咗寵物嚟，職員對寵物好友善。餐廳內嘅波希米亞風格好適合女孩子打卡。頭盤意粉主菜嘅特色選擇都唔少。三重芝士火鍋第一次食芝士火鍋心情好興奮，火鍋配咗5款食材，其中牛舌最出色，牛味濃郁，入口即溶，唔使加芝士都已經好好。而其他材料味道相對清淡，加咗芝士好食得出芝士嘅味道有唔同層次，濃而不漏好有驚喜。蝦夠大隻，去乾淨蝦腸，肉質彈牙。牛舌味道濃郁，入口即溶。藍青口配蒜茸包青口鮮嫩唔腥，醬汁好香香草牛油味同淡淡酒味，味道唔錯，我直頭當湯飲。蒜茸包香脆有蒜香味。軟殼蟹意大利粉意大利粉色彩繽紛靚到似幅畫，份量十足，原隻軟殼蟹外脆內juicy, 意大利粉質地滑溜，唔知係醬汁有加到蛋黃食入口好香蛋味，味道濃郁。溫泉蛋生熟程度拿捏得十分準確，我俾滿分！…查看更多

今年聖誕假期決定留港消費，假期好多人都離港外遊，趁機去下啲人氣cafe打下卡食嘢，去咗其中一間位於錦田市中心嘅cafe。由錦上路站行過去大概15-20分鐘左右，沿途可以感受下鄉村嘅寧靜。Cafe外面簡約闊落，門前都有啲枱凳可以享受陽光，適合喜歡「賞」太陽嘅客人。入到室內首先見到一邊係水吧工作枱，另一邊係餐枱，感覺闊落舒適。由於我哋到嘅時候cafe開門不久，我哋可以揀選坐內堂嘅榻榻米，環境清幽雅致，和式嘅設計猶如置身日本，舒適且適合打卡嘅朋友。榻榻米嘅另一邊都有個小庭院但唔適合進嘢，佈置簡單得嚟令人好放鬆，cafe嘅設計非常有心思，周到地考慮埋食客嘅感觀視覺，淨係嚟嘆咖啡都爽。餐牌設計精簡，好配合cafe嘅風格，有沙律、咸食、甜品、小食等選擇。周打蜆湯+麵包首先飲個周打湯暖暖胃，喜歡湯底唔太「杰」，入口有鮮甜嘅蜆肉味，食到有好多蜆肉，味道係日式西餐風格。麵包外脆內軟，煙韌但唔難咬開，外表普通但味道出色。蟹肉薯仔沙律之前係西貢果間分店食過蟹肉薯仔沙律念念不忘，好彩錦田分店都有，朋友食過都大讚，蟹肉唔腥，完美提升咗薯仔嘅鮮味，既食到薯香亦食到蟹肉嘅鮮甜，必食推介！狸貓蕎麥麵日本控朋友講我先知狸貓麵即係麵上面加油炸豆皮，係關東地區嘅叫法，好可愛嘅叫法。豆皮甜甜哋索飽咗昆布湯，好好食。而蕎麥麵冇過硬或過淋，算唔錯。檸檬班戟甜品我哋揀咗檸檬班戟，同西貢分店一樣都係大大份，視覺上同味覺上都大大哋得到滿足，檸檬味入口好清新，完全可以遮蓋邪惡感，冰凍嘅雪糕加熱辣辣班戟，冰火效果食到停唔到口。Dirty 朋友表示dirty嘅冰火感好得意，一啖可以感受到兩種口感，既可以飲到咖啡嘅香味又可以飲到奶嘅香滑。Affoqato咖啡齡淺嘅我第一次見「Affoqato」,與其話係咖啡不如話係甜品，雲尼拿雪糕上面淋上熱嘅espresso，味道似tiramisu, 成件事好開心。…查看更多

是日做完facial覺得好肚餓，見天氣太凍就順便係同一座大廈食埋嘢先走。相對商場cafe樓上cafe性價比係會高啲，地方闊落之餘又唔需要限時，仲有board game免費借玩，原來我都好耐冇約朋友冇去樓上cafe玩啦，好懷念啊！龍蝦湯天氣凍最正就係飲熱湯，於是加配咗個龍蝦湯，味道不過不失，勝在夠熱飲完個身即時暖咗。軟殼蟹黑松露意大利粉軟殼蟹大大隻咬落外脆內juicy, 唔使拆殼都食啖啖肉，絕對係中意食蟹嘅懶人首選。意大利粉軟硬適中，質地好滑溜，係我喜歡嘅口感，配料有菇、洋蔥同紅黃椒，紅黃椒有輕微酸甜味可以中和忌廉醬汁嘅油膩感，好欣賞廚師嘅心思。水牛城雞翼天氣凍胃口特別好忍唔住叫多個雞翼，外脆內juicy嘅雞翼配合水牛城醬汁，酸酸辣辣好過癮。玫瑰花&洋甘菊茶為咗避免太晏飲咖啡失眠，所以揀咗花茶，茶味清香易入口，飲完返屋企程車瞓足全程，果然對睡眠好有效。朱古力心太軟&雪糕心太軟熱辣辣有香噴噴嘅朱古力味，用匙羹切開見到有朱古力流心，心太軟外脆內軟，焗得剛剛好，配上冰凍雪糕一凍一熱好醒神。…查看更多

去咗尖沙咀山林道食新餐廳，雖然係樓上餐廳但環境好靚，我好喜歡皮革梳化同凳，靚之餘仲好好坐，格調都高啲，枱興枱之間十分闊落，傾偈都傾得開心啲。餐牌有刺身、日式同西式料理選擇，一間餐廳可以滿足你兩個願望啊意粉、拉麵、烏冬嘅搭配毫無違和感鐵板燒種類好多，可以飲返兩杯鵝肝多士最近發現香港越嚟越少餐廳會做鵝肝多士，難得見到就梗係要食啦，鵝肝大塊過多士見到都開心，擺盤都好靚，令我口水都流埋，多士烤得香脆配上煎得甘香嘅鵝肝，整個口腔都溢滿鵝肝同多士嘅香味，食完一件好想再食一件安格斯肉眼肉眼扒同薯角嘅香味未擺上枱已經聞到，牛扒表面煎到焦香，油脂均勻分佈，色香俱全，急不及待切開放入口品嚐，牛脂同牛肉香味係口腔混合嘅味道令人難忘，好想飲返杯，可惜朋友唔飲酒我都冇飲到，牛肉鮮嫩唔韌十分好食。牛扒上而嘅係炸蒜片，炸得香脆似薯片咁，呢樣嘢好啱餸酒剛剛好七成熟，肉質juicy 薯角炸得酥脆但完全唔油膩，唔需要點茄汁都夠好味香蝦蝦意粉不得不讚啲蝦蝦，又爽又彈冇得輸，味道鮮甜，茄汁甜酸適中，係新鮮蕃茄嘅味道，輕微嘅辣味令到蝦味同蕃茄味更有層次，意粉軟硬適中蝦蝦好爽彈朱古力慕絲蛋糕濃厚朱古力味，入口即溶，甜苦比例適中，好食…查看更多

係九龍公園游完水好肚餓，同朋友諗住去亞士厘道求其食啲嘢走人，途中見到間門面好靚嘅餐廳，原來係食台灣嘢，反正未諗到食乜就不妨一試，結果喜出望外，整體味道都好台灣、好好食。室內設計都好靚，以木為主，唔浮誇但有特色，唔講以為係去咗日本。麻辣鴨血（麵餐加配半份）首先百頁豆腐煮滿汁好入味，麻辣味属於輕微，唔嗆喉，食開十小辣嘅我可以完全駕御到；鴨血大大舊，雖然湯汁唔重口味，鴨血都好入味，入口冇羶味。涼拌麻辣牛腱頭（跟餐加配半份）呢味小食嘅味道較濃，好入味好夠曬火侯，配麵食就啱啱好，牛筋咬落好特別，夾雜住爽同煙韌嘅口感，同芫茜一齊食就更惹味。皮蛋豆腐每每見到皮蛋豆腐都會叫，台式皮蛋豆腐相對係偏甜，味道好清新，食完一堆辣嘢用嚟中和下就最啱。滷蘭花乾將豆卜叫作蘭花乾十分優雅，入口味道同豆卜差唔多，相對外皮較豆卜更香口，雖然簡單但好食。半筋半肉麵朋友食半筋半肉湯麵，滷牛筋同牛肉鋪滿麵上，賣相相當吸引，我麵忍唔住要問朋友拎兩舊試下，牛筋好軟糯，啖啖膠質充足口腔，雖然大大舊但依然入味，證明好夠火候；牛肉塊一樣好夠火候，肉質唔難，筋位軟糯，整體好有牛味；麵係台灣粗麵，質地煙韌，配以濃濃牛肉湯，每啖都係滿足感。大大舊牛筋見到都流口水嘅牛肉蔥油拌麵我好中意食油拌麵，次次見到都會食，呢度嘅蔥油拌麵唔似上海做法咁油，味道偏甜，食得到有蔥嘅香味，麵底冇過淋，整體都唔錯。樣樣都想食，唔小心點咗好多嘢食，放到一枱都係好滿足，咁多嘢食都只不過係三舊水，好抵食。桂蜜躺雪山（麵餐加配）最後仲要食多個甜品埋尾，仙草好有味，口感属比較實在嘅類型，芋圓味道口感就正正常常咁，紅豆係甜味嘅來源，整體味道比較一般。…查看更多

有日返工時好想食卡邦尼意粉，心動不如行動，係OpenRice搵咗間有卡邦尼意粉嘅深水埗餐廳放工就去食。餐廳座落於深水埗同石硤尾之間，偏離深水埗心臟地帶環境清幽，一進門就見到滿天嘅繁星，座位都十分寛闊舒適，適合聚舊詳談。主菜可以加48蚊可以升級做套餐，包括有沙律、餐湯、餐飲同甜品，升級套餐多咗四樣嘢其實好抵。跟餐沙律基本沙律菜雖然唔特別但就十分大份，沙律菜都相當新鮮入口爽脆。甘荀忌廉湯&蒜蓉包第一次飲甘筍忌廉湯感覺好新奇，未飲之前預期會有嘅特殊嘅甘荀草腥味，點知入口完全飲唔出甘荀草腥味，同朋友都覺得反而係似南瓜味。蒜蓉包有蒜香牛油味，夠香脆。溫泉蛋卡邦尼意粉卡邦尼意粉賣相並不花巧，眼見材料都十足，溫泉蛋十分搶眼，每每食溫泉蛋蛋黃總是令我期待嘅而總係留到最後先食。首先食一啖意粉，意粉軟硬度控制得剛剛好，只有現煮意粉先做得到嘅效果。溫泉蛋熟得剛剛好，切開蛋黃慢慢地流出，蛋黃香味同意粉一齊食令意粉提升咗一個層次。紐西蘭草飼肉眼賣相不錯，有燒汁、茄汁同蜜糖芥末三款醬汁，肉眼表面煎得焦香，剛剛好七成熟，每個位置都熟得剛剛好無過熟或者過生，食落有油香，七成熟嚟講唔算靱，有驚喜。有燒汁、茄汁同蜜糖芥末三款醬汁提供，執扒本身好夠味，我個人喜歡唔點汁。表面香脆內面軟糯嘅薯仔都好好食，露荀同粟米荀正常發揮，味道都可以。跟餐布甸布甸味道正常，口感都無乜特嘢，勝在大大份可以過個甜品癮。…查看更多

辣妹朋友又帶我食四川菜，今次去咗元朗間樓上川菜，地方大到嘩出聲，裝修都好有氣派，枱同枱之間好闊落，卡位舒服之餘又可以同其他食客保持距離，廁所都好乾淨企理，飲多幾杯啤酒都唔怕去廁所。餐牌選擇有好多，最方便係自助落單，有四川小菜同烤魚兩大類供選擇，得我同辣妹兩得食得唔多嘢，辣妹中意食乾鍋同酸菜魚所以點咗乾鍋、酸菜魚同啲前菜。涼拌拼盤通常有小食拼盤我都會揀因為乜都有啲唔使煩。泡椒雞翼尖好重泡椒味但又唔辣感覺好特別，好啱做下酒菜；夫妻肺片味道偏麻味但唔算辣，加咗芫茜同芝麻特別香口；黃金皮蛋食落冇鹼水味，流心蛋黃冇得輸；蓮藕片同青瓜都好爽脆，味道清新最啱就係用嚟中和食乾鍋嘅油膩感。酸菜魚酸菜魚個賣相十分吸引，有菊花作點綴，另外份量大到嚇親我同辣妹，眼見湯底唔多辣椒同麻子，於是食開十小辣嘅我就放心大啖入口，結果食落都幾嗆鼻，開頭幾啖就已經辣到頭皮發麻，食多幾啖又覺得幾過癮，食完飲啤酒覺得特別爽添，難怪辣妹成日都話要辣啲啦。魚片冇骨味道唔腥，配菜都好值得欣賞，有爽脆萵筍、豆芽、豆卜、闊薯粉同豆皮燜麵，而我係第一次食豆皮燜麵，豆皮嘅口感好特別似係豆腐邊果種質地，索咗麻辣湯汁後好惹味，一食就愛上咗。自選肥腸乾鍋自選乾鍋有個好處就係想食乜餸就加乜餸，炒出嚟會變得好有層，辣味可以揀麻辣、香辣同蒜香，辣妹又選咗麻辣，我食完呢餐之後食辣程度應該都提升咗好多。乾鍋原鍋配菜有蓮藕同萵筍，蓮藕、萵荀同花椰菜炒過之後變得香口但仲保持到爽脆口感，肥腸好肥美，同芫茜一齊入口特別滋味。紅糖冰粉冰粉配料簡單只有花生米、提子乾同菠蘿，食過之後覺得好有驚喜，花生米嘅味道同紅糖味出奇地夾，提子同菠蘿嘅酸甜味添加咗清新感，可以去除主菜嘅重口味。…查看更多

住荃灣嘅朋友生日去咗荃灣88廣場嘅一間酒吧餐廳食晚飯，西鐵站行10分鐘左右就到。餐廳設有室外同室內座位， 室外座位係高枱，我坐室內卡位，座位十分闊落舒服，同朋友chill住咁飲兩杯好正。餐牌嘢食好多元化，有好多特色fusion菜式，要飲兩杯絕對不缺下酒菜。啤酒有happy hour & non happy hour price, 就啱happy hour時就會抵啲，我哋嚟到剛好過咗happy hour時間，美食當前加上同朋友慶生又點可以唔飲兩杯呢。同朋友睇住個餐牌心大心細好多嘢想食，可惜兩條友食唔到幾多嘢，最後放棄咗意粉同pizza揀咗西班牙海鮮飯，飲啤酒點又可以唔揀豬手呢，另一主菜就揀咗脆皮豬手。西班牙海鮮飯海鮮飯賣相好靚，五顏六色嘅擺盤令到成件事生色不少，材料有蝦、魷魚、蜆、青口、辣肉腸等等。米飯吸收曬海鮮鮮甜嘅湯汁，飯粒粒分明但飯粒係唔硬嘅，軟硬適中。味道有濃濃海鮮味之外仲有滿滿嘅香草香味，味道好有層次，各種海鮮都煮得剛剛好唔會因為過熟而好韌。脆皮豬手豬手去骨碎上十分細心，同樣都係份量十足，配菜有粟米、咸酸菜同薯仔沙律。豬皮炸得脆卜卜，口感似足鬆脆嘅燒腩仔皮，唔會太咸同太油，餸啤簡直就係無敵。肉嘅部分好嫩滑同好入味，唔會似湯渣咁又鞋又冇味，呢隻豬手值得再encore。啤酒冰凍夠氣…查看更多

餐廳格局闊落舒適，員工友善有禮貌，講解清楚周到。主菜多選擇，可加錢upgrade配菜。餐湯+麵包是日餐湯應該係椰菜花忌廉湯，每啖都飲得出濃濃嘅椰菜花香味，剛好我同朋友都好喜歡食椰菜花，我哋都好喜歡呢個湯。餐湯跟配咗三款歐式麵包，就咁食會比較乾，配合湯一齊食剛剛好。廚師Caeser Caesar沙律份量材料豐富而且大份，減肥中嘅朋友又想食得好味啲可以選擇呢個沙律，有飽肚感又好食。沙律醬唔會太稠杰，麵唔會太鹹，味道剛好。 肉完全唔會覺得柴肉質滑溜，剛剛好熟，保持到雞肉嘅肉汁，表面有輕微焦香，雞肉味濃。雞蛋係溏心嘅，即使我食咗一隻蛋都冇飽滯感，蛋味香濃，好似食拉麵隻蛋咁開心。巴馬火腿烤焗完之後變得香脆，味道偏鹹同生菜一齊食味道剛好，互補長短。煙肉更是大大塊，喜歡食煙肉嘅朋友一定會好滿足。蒜香白酒大蜆扁意粉大大隻鈕西蘭大蜆鋪面相當吸引，忍唔住即刻試返粒，肥美嘅大蜆味道好鮮，肥厚嘅蜆肉肉質爽唔靱，好好食。意粉嘅醬汁都好出色，蒜味、蜆嘅鮮甜味同微微嘅辣椒味令到意粉整體味十分惹味，意粉本身好煙韌彈牙，軟硬度好適中，下次再嚟我都係會食呢個意粉。 香草焗原條法國海鱸魚先講賣相已經夠剎食，牛油紙包裏著原條海鱸魚呈上，儀式感十足，牛油紙還可保持魚嘅肉汁同熱力。扒開魚身，白晳嘅魚肉相當吸引，係睇得出嘅肉汁豐富。魚肉口感滑溜，如同想像一樣咁多汁，味道鮮甜唔腥，偶爾散發出淡淡嘅牛油味、香檸味，十分好食。伴碟嘅雜菜就不過不失啦，而我就好喜歡嫩薯，口感有少少黏完全唔粉，完全冇飽滯感。Gunner Mock-tail我中意薑啤嘅味道所以叫咗Gunner, 味道同薑啤好接近但就冇咁甜同多汽。Pandan pineapple milk shake朋友嘅milk shake色彩斑斕，好有亞熱帶風情，我飲咗同兩啖覺得幾好飲，斑斕味道好出，菠蘿味道唔出感覺上味道似飲椰子奶，唔太甜又夠滑，好飲。…查看更多

去深水埗買完嘢行過見到間台灣嘢有麵線食，感覺香港嘅台式餐廳有好多但有麵線食嘅好似唔多，見好耐無食過麵線就入咗去食。睇餐廳店名以為係食牛肉都為主，睇完餐牌先知飲品選擇更多，比起台式外賣飲品店都唔輸蝕。七點入座幾乎座無虛席，我發現好幾枱客同我一樣都係自己嚟食，可能呢間餐廳係獨食之選綜合麵線（滷豬大腸+蚵仔）麵線賣相同係台灣食到嘅差唔多，味道濃淡都適中，麵線軟滑，入口即化。肥美蚵仔入口即溶，味道鮮甜唔腥。滷豬大腸十分肥美，係睇得出嘅邪惡感，滷水入味，入口即溶，整體都好食。冬瓜茶加愛玉我點咗少冰微糖，冬瓜茶味道清新解渴，夏天可消暑褪悶熱。愛玉份量十足，幾乎整杯都係愛玉，只係加4蚊就有好抵，愛玉入口爽滑彈牙，味道清爽，單點一杯行街飲都正。宜蘭迷你蔥肉餡餅食完麵線覺得唔夠喉，見隔離枱點嘅餡餅外皮煎到底面金黃色賣相相當吸引，於是我又點份嚟食下。餡餅外皮脆得嚟有啲煙韌，外皮香口，口感味道都似煎餃。餡料飽滿內餡充滿肉汁，當咬開外皮時裡面嘅肉汁會爆發出嚟，肉汁有蔥同高麗菜嘅甜味同肉餡嘅香味，即使餅皮煎到香脆肉汁可以補充返水份，令到餡餅食落唔dry，整體唔錯。…查看更多