第一次食呢間海鮮，佢tst嗰間之前好似都幾出名😗見到好多人叫佢個shake shake手搖海鮮袋，但我哋今次冇叫，因為試吓啲佢原汁原味嘅海鮮😋⭐️海膽配刺身墨魚（HKD $138）墨魚刺身鮮甜彈牙😋上面仲放咗蟹籽，但海膽味唔係特別甜同濃海膽味⭐️白酒牛油法式煮青口 （HKD $168）每隻青口裏面都有大大粒肉👏 簡單嘅煮法，又可以用白酒突出到青口嘅鮮味⭐️ 路易期安那蟹餅（HKD $138）超有驚喜🤩滿滿嘅蟹肉🦀🦀🦀平時食嗰啲蟹餅都係麵粉多過蟹肉，但佢呢個每一啖都係絲絲蟹肉⭐️ 手拆蟹鉗蟹膏意大利燴飯（HKD $158）燴飯嘅煮得啱啱好，口感唔會太軟，亦都唔會太硬，材料有蟹絲、蕃茄同唔知節瓜定青瓜😂蟹味濃，口感都好豐富⭐️ 焗酥皮慢煮羊膝（HKD $298）羊肉煮得好淋，用叉就可以輕鬆拆骨分肉🐏🍴酥皮都幾香幾好味，但係個汁好鹹，跌咗落去嗰啲酥皮都鹹到食唔到😩⭐️ 炭燒慢煮原條牛肋骨（HKD $498）作為食肉獸最期待嘅一道菜😍配菜有炸薯條🍟新鮮炸嘅薯條超脆，建議一送上嚟快啲食，凍咗會冇咁好味😂不過個牛肉就有啲失望🫢雖然味道同肉質都唔錯，但一大半都係肥肉，瘦肉好少（唔知係咪我哋嗰舊偏肥），除非叫嚟打卡，唔係感覺叫返普通牛扒會抵啲另外仲叫咗兩杯Cocktail兩杯Mocktail🍹🍸 Virgin Sangria正正常常，Lycheet ini酒精味都濃，個人覺得甜咗少少🤏🏻推薦叫The Captain's Signature整體係椰子味，三層顏色（藍/白/粉），陽光沙灘feel好適合打卡🧉🏖️ 🌊…查看更多
