shirleycheung5's Profile

中午同朋友過黎1881 影相打卡呢個時間好熱所以都無咩人，隨便影都無路人入鏡，正呀1881都有好多間餐廳，裝修都不同風格，無理由齋影唔幫襯㗎，最尾揀左Luma因為佢地有個花園打卡一流，不過打完卡拿拿聲入番去餐廳，實在太熱啦🥵室內裝修都係復古懷舊feel, 餐廳唔算大，分開左兩邊，中間有個open kitchen每邊可以坐到20幾位左右，但位置寬鬆，坐得舒服😌中午佢地都有set lunch 提供，價錢合理。我同朋友都係揀左3道菜，鐘意佢地彈性選擇，如果唔食甜品可以揀兩個頭盤。食物都係法國菜西餐為主，每道菜員工都有介紹，我自己個人少食西餐，感覺還好，同行朋友表示食物好滿意👍原諒我地掛住食同打卡無點影食物相。同埋平時唔叻寫食評。值得一讚，員工影相技術一流，隨手影都好專業，服務態度超好👍夜晚嘅話慶祝生日或者紀念日應該好有氣氛，絕對唔失禮…Read More

無聊落樓下買飯食，行行下見到有新開串燒就走入去試下雞皮燒得一流，齒頰留香雞肉好滑，好多汁多春魚就梗係無得輸啦差罐啤酒就一流，不過打左針唔敢飲酒拉麵就不過不失啦，但$4x嘅價錢又真係大碗夾抵食因為新開張，我臨走個廚師係個果籃度攞左個蘋果比我😆…Read More

好正嘅外賣自取，揀左A餐黑毛豬腩配黑椒汁，用openrice落單比錢超方便，半個鐘後攞得。返到公司同事個個都眼紅呀，超惹味嘅黑椒汁，豬腩肉好淋身有肉味。格外追加南瓜湯$15就不過不失啦，反而個前菜有驚喜，留返一陣3點做下午茶，健康又好食。無諗過外賣都可以整得咁好。值得一讚嘅係去到餐廳外賣未準備好，但餐廳同事都好nice咁叫我坐低等等，仲問我要唔要水。$68蚊一個外賣，咁嘅服務咁質數算係咁啦，值得推薦 …Read More