Seasonsfall's Profile

餐廳就跟荃廣，但係一個少人見到既角落。禮拜五夜晚幾乎冇乜人，直接入到去。有一個好大既星球周一個小星球吊係中間做裝飾。我同朋友兩個叫左二人餐$5xx. 整體尼講，服務同食物質素都唔錯。員工都好好笑容。前菜：麵包脆軟，餐湯適中。主食：牛扒有嚼勁但唔un, 肉汁豐富，牛油汁少鹹唔洗放得多。risotto 都唔錯甜品：焦糖燉蛋好滑！…Read More

朋友介紹話呢間西餐唔錯，咁我就同另一位朋友尼試下啦...提前幾個鐘book, 有位。位置唔難搵， 附近都好多野食。order 了二人餐是日餐湯係蕃茄濃湯...我朋友話似蕃茄醬湯...我唔食蕃茄既就加錢叫左龍蝦湯...幾鹹不過有龍蝦肉，有鮮味都ok叫左個松露飯，只記得好鹹，幾有菇味份牛扒算不錯，14 oz. D 醬又係更鹹。 就咁食好d...(套餐牛扒就9 oz)唔知係米幾日前食左幾好味既意大利餐... 今次就有點失望囉...…Read More

每款食物都好精緻生蠔，毛蟹，紫菜夾燒帶子，烏冬，同最後個雪糕係我最愛！某d魚生有特別既醬汁 都好香大大隻北海道直送生蠔同毛蟹隻蟹食到我爸爸眼都唔貶 食埋個殼海膽陣味都同以前食過既唔一樣全部都好新鮮環境就應該好多烏蠅仔 成晚個蚊燈係到拍拍拍聲 好多外國人幫襯呢 師傅人都好nice不過埋單$6000 up..(四位+小朋友）真係唔平…Read More

開頭差d 走過左一大塊木版咁既門咁好低調入到去雖然好細但環境算舒適 木頭為主既設計用小學作業簿尼做既menu 清楚易明 開頭冇圖 唔知點樣點菜但食曬所有後 覺得每樣都唔錯食完好舒服既感覺點左個鹽三文魚飯團有蕃薯，生菜蕃茄沙律，豆腐一個三文魚飯團 同一個雜豆類飯團後者較dry 但整體算唔錯 且食得飽餐飲叫左熱蘋果茶 清香蘋果味 飲落好舒服溫暖再叫左個焦糖燉蛋 好香蛋味 焦糖亦脆（雖然唔暖見到旁邊d 人叫其它甜品賣相都唔錯！想再尼多次～…Read More

第一次食呢間野個時，喉嚨痛唔知食乜好，咖哩煎炸都唔食得。兩個朋友一個叫凍烤豬撈濛$40，一個叫凍烤牛撈濛$40。咁我就跟前者叫個豬啦，小食叫左炸軟殼蟹$7x. 等左陣，好快就上菜。撈濛賣相都唔錯，倒d 汁落去撈完食，又幾開胃wo. 夏天熱辣辣食個凍濛都幾過口癮。 個烤豬比我想像中好，至少有烤肉既醬料味，量都唔係話好少。 本身以為40蚊咁平既晚餐，不抱以厚望，其實又唔差wo! 但個蟹就麻麻地又貴，cp 值好低。第日又去多次，午市有凍烤豬濛撈餐$38, 又有野飲，叫左個鹹檸水，諗住消一消個喉嚨啦...隻檸檬就係佢隻撈汁個半舊，嘩，其實幾酸下... 有種鹹柑桔既風味。當然係比唔上既，但都算ok, 好似放左好多鹽咁好鹹...…Read More