一杯多糖多奶的奶茶的個人專頁

我之前都好期待黎食,係openrice到見到好多人話平,好食,所以就搵日黎食。果日我去到見到門口冇乜人,之後去拎籌啦,等左約3分鐘就入得去。坐低左之後,有個侍應路過,帶耳機,之後我聽到佢係到唱歌,搞到我笑左勁耐不過講真,我真係覺得d員工唔應該係咁,竟然可以聽歌,要改善!!!:(d食物好快到,首先係餐湯--羅宋湯。雖然份量少,但真係幾好飲。:)之後黎既係肉醬焗飯,係飯上鋪滿肉醬,旁邊仲有少少芝士,一個字:香根著就係水牛芝士比薩,我係芝士狂魔,所以我好鐘意呢個pizza,不過個底厚,所以一凍左就好韌至於杯橙汁就...普普通通咁啦...整體黎講係好既,服務就...要改善咁啦,但價錢就算平既,會再去既...…查看更多

呢間既雞蛋仔好平,6蚊一底,10蚊兩底;出面果d通常10蚊一底,我見咁平米試下,冇抱太大既希望。我同同學夾份買左2件,比較出面果d就得個殼,但入面果d真係有餡!我自己果底ok咖:)不過我同學同我投訴話冇餡!所以我分左d有餡既比佢.不過都幾好食咖!有牛油香.不過就焦左d,有陣焦焦地既味,唔太好:(建議時間要控制好d不過真係好平,比出面果d雞蛋仔平1倍,可能會再黎:)…查看更多

放左學去食KFC,見到有個15蚊/19.8蚊既下午茶,我個肚空,連個銀包都空,所以買左個15蚊既黎食。不過杯熱奶茶唔錯但就唔夠熱,奶同茶既比例就唔錯個包都好好咖,塊雞都幾好食,唔會太薄,不過佢連塊蕃茄都冇,得蕃茄醬, 但係我唔飽,其實15蚊可以食到更多既野,偏貴:(我諗下次都唔會再黎,太貴,唔飽,醫唔到肚…查看更多

終於test完喇!!!我今日同同學放鬆下;同學建議去吉野家醫下肚。呢間吉野家好大....我一路做功課一路食,可能最近溫書真係太累,我叫同學幫我買,不過我就去左搵周公...真係第一次係公眾地方ZZZ...野食黎喇!!!香香既牛肉再加牛肉汁Perfect!D牛肉真係好正!平時我食牛肉都要好瘦,因為我唔鐘意D脂肪,太肥,太韌;但呢到D牛肉D脂肪就真係正到爆!D脂肪入口又唔肥,有陣牛肉香,而且唔韌!入口即溶,估唔到連鎖餐廳都有呢D質素!D牛肉冇得彈!!!但D野飲就唔太好,杯凍奶茶真係好唔得!不過17蚊咋喎!地方又舒服!下次一定會再黎!!…查看更多

今個月d錢淨番唔多,只係夠食飯錢,我答應過自己放學唔可以亂買野但我行到門口,好nice既店員就比左兩款味我試,曲奇同芒果;之後我決定要一球大既曲奇.手不受控制,拎出20蚊,店員接過錢後,哎呀!又係受唔住誘惑,又買左野黎食個店員問我要唔要轉特大,我好似遊魂咁無啦啦話唔駛,所以得一球大既(其實我好想好想要特大)12蚊:)好有曲奇味,因為我記得之前食過另外一d鋪頭係冇曲奇味,我要左個筒,個筒真係好食咖,有陣牛油香味,同雪糕一齊食真係好夾咖!我同學就叫左個櫻桃,我試左一啖,藥水味:(但我同學話ok,但我就覺得麻麻...我發誓唔可以再咁敗家!…查看更多

放學黎荃灣行,咁岩路過Yogurt Town所以就叫左杯細既我叫左原味,再近用錢既速度好快,所以只能夠忍忍手,d料唔好落得太多。但我受唔住椰果既誘惑,落左好多= =不過我就落左好多輕身既料;例如棉花糖,餅/曲奇碎等...不過d杏仁片真係輕到冇人有,磅重果時我再落d杏仁片落去,好幾片,但重量增加過囉;磅重果陣再加d杏仁片啊,價錢唔會改變咖!不過唔好一大"咋"咁落去!一小撮係得既味道方面:十分好:)yogurt溶得唔快好快就到夏天喇!我諗到時實大排長龍...亦都冇左冷天食雪糕果d風味..冬天啊,你可不走嗎?…查看更多

之前去新城市行,心郁郁想食雪糕,跟著就去左呢間食我要左個抹茶牛奶雪糕,14蚊有抹茶味,但好淡;牛奶味我就食唔出,有一樣好既就係唔太凍,亦都唔會好快溶,我食完支雪糕都冇溶到,而且冇凍我條利彊曬,仲食到支雪糕既味;但味道方面就真係好淡,要改進不過支雪糕都ok大:)價錢方面我就覺得14蚊唔值咁樣,未必會再食呢到既雪糕,但其他野我會試…查看更多

今日1點放學,知道日本幅射,怕以後都冇得食,所以黎食人生第一次迴轉壽司食埋呢一次,可能下次佢地入個d貨唔會好,所以食埋呢一批冇事既貨其實佢地都好擔心,怕客人會減少,我諗佢地未必會入日本貨,希望佢地會渡過呢個難關啦:(環境好乾淨迴轉帶轉得好快食物方面:三文魚飯三文魚子壽司燸米滋蟹子壽司三文魚刺身類似饅魚,唔知係米星饅三文魚飯好足料,但醬油落得太多,變到d飯好鹹.食三文魚飯時唔好落太多醬油三文魚子壽司好得意,好好玩,但青瓜唔得:(燸米滋,好好食蟹子壽司我的最愛!今次好多料呀!食左2碟,太好味呀!!三文魚刺身,比三文魚壽司肥美,建議叫刺身,有3塊呢個同學食既,好肥,好多油,但唔錯希望我會再黎啦:)…查看更多

放左學,好肚餓,同同學行荃灣,但唔知去邊,所以就黎左呢到食呢間店雖然好細,但顏色好搶眼,好易認;不過位置有d吊腳,如果有時間既話先會突登走去我叫左個肉鬆蛋餅,即整正啊!不過好熱,但熱先好食凍左真係唔好味;d肉鬆好多,由於好大風,搞到我成身肉鬆==但d肉鬆唔會"淋滋滋"讚!食左幾舊,因為我件冷衫真係好多肉鬆,所以就唔食著,搵個地方,坐低慢慢食:)不過凍左,加左d醬汁,唔好食;所以一定要襯熱食,記著加醬汁呀!!!!!我熱食果陣發現唔到包醬汁...真笨!下次一定會再泥!!因為太正喇…查看更多

天氣又凍,考左一星期試,痛苦死我喇.今日就去左松記食糖水,暖番下入到去冇乜人,我同3個同學叫左個糖不甩,椰汁紫米露(熱),椰果紫米露x2,盧薈紫米露.我地係紫米露兵團哈哈!不過d野食好快黎到,肚餓既我更係食左野先啦個椰汁紫米露真係熱咖,我差d燙親個嘴,個糖不甩薑味既,岩曬今日咁凍.至於個椰果紫米露我同學話椰果份量多,但d紫米唔係好多;另外個盧薈就冇乜口感,下次唔會食,比椰果貴,但又遜色過個椰果(我同學講咖)...不過我都幾滿意今個下午茶;美中不足既係份量太少,我仲未飽比錢果陣原來學生有9折:)我同同學計數差,搞左好耐先知找番既錢應該點分.不過我覺得呢間野幾貴,差唔多20蚊一碗,但又唔係食得好飽總括而言:食物唔錯,但價錢偏貴…查看更多

打番之前冇時間打既食評第一次去沛公,係openrice到睇到人地話好好,不過我就有d失望一行到去,哇!成個櫃空既,不過都有我想食既曲奇班戟,見到個櫃話20蚊,點知果個人話16蚊.不過我覺得舊野好細舊.番到屋企食落,冇乜曲奇味,食左有些少朱古力味.但食到差唔多食曬,我覺得好漏,舊野咁細舊我都覺得漏,証明有用足料:)雖然有些少失望,但我下次都會再去.因為我住係荃灣有時我覺得好幸福,因為荃灣多野食,岩曬為食的我:)我會再搵多D好野食比大家:)…查看更多