monchichi_foodie's Profile

💚🤍❤️💜我前不久造訪了這家餐廳，品嚐了他們的幾道招牌菜，留下了深刻的印象。首先，我被椰菜花忌廉湯所驚艷。這碗是日餐湯的質感十分滑順，入口即化，搭配新鮮的材料，每一口都帶來滿滿的香濃味道。每天不同的餐湯選擇，更增添了驚喜感，讓我對這家餐廳的創意印象深刻。接下來，我嘗試了生炸蜜糖雞翼，這款菜色令人回味無窮。雞翼外酥內嫩，滋味獨特的酸酸甜甜的汁讓整道菜變得十分誘人。這種獨特的味道組合確實是一個驚喜，也證明了廚師的創意廚藝。而味噌蟹肉青口意粉更是一道美味的海鮮料理。青口肉質鮮嫩，融入味噌的香氣，讓每一口都充滿了濃郁的海味。這道意粉以其簡單卻美味的方式，完美地捕捉了海鮮的風味，絕對是一道讓人印象深刻的佳餚。最後，我品味了香橙卡達拉娜，這款甜點帶來了整頓餐食的完美結尾。橙的清新與忌廉的滑順交相融合，帶來一股迷人的清甜香氣，讓人回味無窮。總而言之，這次用餐體驗給我留下了極佳的印象。從椰菜花忌廉湯到生炸蜜糖雞翼，再到味噌蟹肉青口意粉和香橙卡達拉娜，每道菜都展現了餐廳的烹飪精湛和創意，我肯定會再次光臨，並推薦給身邊的朋友們。…Read More

我最近去了一家非常受歡迎的癡膠雞，體驗了他們的招牌菜─羊肚菌花膠雞米線。我在六點至七點之間到達時，店舖外已經排起了長龍，店內也座無虛席，這足以證明這道菜的受歡迎程度。我點了一碗$82的羊肚菌花膠雞米線，當它端上桌時，我馬上被它的美味所吸引。雞肉有著濃郁的肉味，而且十分嫩滑，每一口都能感受到它的鮮美。花膠在這道菜中起到了很重要的角色。它的軟度適中，並且呈現出大塊的樣子，給人一種豪華的感覺。這碗湯使用小火慢慢煲煮，所以熱度剛剛好，讓人喝起來很舒服。最特別的是米線，它浸泡在濃郁的湯底下，吸收了湯的美味，使得口感更加豐富。每一口米線都充滿了湯汁的香氣，讓人回味無窮。總的來說，這碗羊肚菌花膠雞米線絕對是一道美味的佳餚。它結合了嫩滑的雞肉、豐盈的花膠和濃郁的湯底，每一口都帶來滿滿的驚喜。如果你正在尋找一個美味而受歡迎的餐點，我極力推薦這道羊肚菌花膠雞米線…Read More

琴日同朋友去完長洲，於黃昏乘船出中環，我哋揀咗一起食堂食晚餐，想食吓啲台灣嘢食，好似去咗台灣打卡咁。紅燒三寶牛肉麵係佢嘅主打食品，三寶有牛腩、牛腱、牛丸，個牛腩一層肉，一層肥肥地嘅肉，好好味，好有肉味，炆得好琳。個牛腱好林好滑，煙煙韌韌，好多骨膠原，牛丸都好有牛肉味。啲紅蘿蔔同白蘿蔔炆得好甜，好香。啲面係台灣烏龍麵，佢好似烏冬咁，但又好煙靭好滑，啲湯帶微辣，又甜甜地，係啲牛肉同啲蘿蔔帶出嚟嘅，味道好濃，超好飲，個texture好有質感，飲完又唔會口渴，真材實料。吉列炸蠔有四隻，份量好充足，啲蠔都好大隻，咬落好Juicy，啲皮又脆，又有啲沙律醬伴碟，係好好味嘅小食。炸花枝丸好彈口，佢嘅花枝丸好多魷魚肉係入面，好有質感，好惹味，值得推介。我哋又叫咗仙草冬瓜茶同愛玉鳳梨綠茶，個仙草冬瓜茶，味道比較清甜，真係小確幸，好清新嘅感覺。愛玉鳳梨綠茶味道比較濃，但係始終係綠茶，仍然俾人好惹味清甜嘅感覺，為我今個禮拜日帶來喜悅嘅感覺，呢場真係食得好開心，佢嘅價錢唔貴，位置又好，交通方便，值得一去再去。…Read More

琴日喺中環開完會，同同事喺地鐵站附近搵嘢食，中環真係有好多食肆，我哋決定食西餐，於是就喺蘭桂坊附近搵嘢食，後來決定喺Uncle Pizza，Pasta & Grill度食。我哋點咗個Uncle Ping Gor薄餅，佢嘅特色係German Culture, 佢嘅餡料有兩種德國嘅腸料，車打芝士同埋啲菇，由於有兩隻味嘅腸，放入口嗰時有mix and match嘅感覺，再加埋一啲蘑菇同埋車打芝士味道非常滋味，佢又以蜜糖芥末醬混合，非常香口，薄餅texture同一般嘅係唔同嘅, 佢嘅濕潤度比較多，而唔係得個脆，好有咬口，質感豐富，可以用脷部去感覺嗰啲薄餅嘅質感，而薄餅又有好多餡料👍好豐富同足料，好惹味😋而且賣相好靚，好吸引。另外，我哋又點咗個老闆極力推介嘅炸棒棒雞翼嚟食，個棒棒雞翼炸得好脆口，好Juicy, 啲肉質仲有水份喺度，所以咬落去肉質鬆軟嫩滑，一啲都唔乾身唔韌，佢個BBQ汁都係好好味, 非常之夾，值得推薦👍呢間餐廳食物嘅味道及賣相都好好，好有驚喜，值得再次回味, 座位亦都唔擠迫👍👍👍…Read More

今日約咗個舊同學去將軍澳食嘢，我哋揀咗都會駅嘅牛摩食放題，由於我朋友都係擦得之人，所以我哋揀咗極品美國牛小排呢個餐，呢個餐係5個餐之中最貴嘅，但係食完之後就覺得抵食，物超所值。我哋揀咗一個蕃茄湯底，令一個係蟲草花雞白湯。個蕃茄湯酸酸地，湯味好濃，個蟲草花雞白湯，湯底好滑好香👍👍佢提供肉類有好多選擇，有極品美國牛小排、美國和牛、極上黑豚肉，牛板腱、牛肩胛、牛舌、羊卷肉、雞肉。佢提供嘅肉好滑，特別係牛小排，就算滾得耐咗啲牛肉都唔會韌，但係啲肉又唔肥，肉味好濃，好juicy, 唔似而家外面嗰啲火鍋提供嘅肉類，淡而無味好似食柴咁，呢個餐嘅食物太多選擇，但係牛小排係主力推介，係要一試再試，真係好好味👍👍👍佢嘅薄牛舌都係好好食，好爽甜。雞肉都係又滑又有雞味。海鮮其實都好多選擇，廣島蠔係要極力推介，滾完之後啲蠔肉都唔縮，又滑又冇渣。帆立貝都係好大隻，又甜又冇喳。魷魚仔都好爽口好甜。醬爆瀨尿牛丸、皮蛋紅姜貢丸，同牛骨濃汁牛丸都係好好味好特別，肉質好彈口，好Juicy。餐廳提供嘅雪糕好滑好香，記得要試👍👍👍呢度有好多醬料，總有幾種醬料係啱你嘅口味。食完之後，我哋都覺得好滿足好開心，呢個餐真係好美滿，一定要一試再試。…Read More

川之源我之前食過，因為好食，所以今日再去食，不過就食正街樓上鋪嗰間，貪佢唔使行條樓梯斜路，佢嘅午市好抵食，用料靚，我哋今日就食咗個二人午市套餐。老闆娘好Nice，推介咗啲食物俾我哋。首先我哋揀咗碟涼拌木耳，佢嘅汁調得好好味，惹味得來好清新。老闆娘話佢嘅炒菜注重少油少鹽，注重健康，我哋嗰碟油麥菜真係用佢嘅原味鮮甜加蒜片嚟炒，好清新自然。個酸菜魚嘅魚肉好滑，而最重要嘅係佢個湯唔係比一浸油蓋住晒，老闆娘話佢哋係調節左味道，知道香港人注重健康，所以唔會比一浸油咁蓋住，啲湯都鮮甜好飲，而佢嘅酸菜都係自己醃製，佢用唔同嘅菜嚟醃，醃嘅時間要幾日，喺醃菜嘅期間又唔可以比油掂到，所以要好多心機，但係因為用唔同嘅菜嚟醃，所以咬口有唔同層次，再加埋有粉絲同埋魚片喺入邊，非常之享受味蕾上面嘅不同層次，非常惹味，值得一試再試。飯後甜品係桂花冰粉，佢嘅桂花味好清香，黑糖味又唔會太甜，食落好舒服好開心，喺店舖內嘅必食推介。值得一提嘅係佢提供嘅蕎麥茶，佢嘅茶味非常之香，同埋有茶味，唔同外面餐廳嘅蕎麥茶，只係香但冇茶味。問過老闆娘，原來佢嘅蕎麥茶係由四川訂貨來的，呢款蕎麥茶係有解熱氣肥膩作用，令到人唔使咁熱氣，老闆娘嘅心思真係抵讚。而我哋食完之後都唔會覺得口渴，所以真係要一試再試，老闆娘亦同我哋講，佢用嘅食材來貨價貴，係用咗佢哋嘅心思去煮一啲好食物比客人嘅。…Read More

獅城美食在銅鑼灣？！🇸🇬約左朋友到銅鑼灣時代廣場嘅花漾食星洲菜，餐廳環境好舒服，它嘅坐位不算擠逼，與鄰枱距離都有空間，我地可以閑適傾計。我哋點咗海南雞飯拼喇沙米線、蝦頸膏抄通菜、參峇醬燒魔鬼魚、凍桔仔話梅冰。喇沙不辣但非常惹味，佢嘅燶度好恰當，個湯稀杰適中，個湯蝦都好彈牙。海南雞非常香滑鬆化，有雞嘅香滑味，咬落好juicy, 它的拌醬料亦好滋味，我哋選擇油飯配海南雞，真係讓我地好好放肆地開懷大吃，呢個餐嘅海南雞份量都好多，巳夠我地兩個人食了。而蝦頭膏炒通菜都很滋味，個蝦頭膏醬汁好惹味。我們又叫左個參峇醬燒魔鬼魚，呢個魚燒過後嘅魚質地一啲都吾乾身，啲骨仲好軟身，有啲直程可以咬得到嘅，佢嘅texture還很juicy，肉質好滑，非常滋味，醬汁好有層次感，有參峇醬混有沙嗲、咖喱及五香粉的味，非常好味，超值得推介。飲品係凍桔仔話梅冰，呢個飲品唔係好甜，係酸酸地，好惹味，令到人哋好開胃，好好飲。餐廳嘅職員好nice, 主動介紹一啲食物俾我哋，下次再嚟嗰陣時希望可以再試多啲其他嘅食物。…Read More

燒牛愛好者必去！有朋友提議去尖沙咀嘅牛匠石燒聚餐，由於我哋三個人都並不大食，於是點了一個牛匠極上盛2.0嘅烤肉同埋厚切特上牛舌來食，個牛匠極上盛烤肉包括一口牛、牛胸腹肉、A4和牛肩肉、鹿兒島無激素雞頸肉、封門柳、薄切牛舌、M9牛胸肉、牛肋骨肉、西班牙黑豚，再加埋個厚切牛舌，原來佢嘅份量都好大碟，牛肉texture好軟身，有種溶化嘅感覺，有肉的油香味，咬落有豐富嘅肉汁，非常juicy, 而且佢提供嘅醬汁好好味，有蒜味同醬油味，味道亦濃杰適中，所以一定迎合到不同食客的要求。佢提供一啲蒜片同生菜，俾我哋包住啲肉嚟食，咁就唔使咁熱氣啦，仲有個紫菜伴飯有好多紫菜，同櫻花蝦，夾埋啲肉同溫泉蛋嚟食，令人好開胃，我哋叫嘅水果茶，都幾大杯，好多生果係入面，有藍莓、熱情果、菠蘿、士多啤梨，飲得好開心，個芝士奶蓋四季茶，佢嘅茶味好清香，芳香怡人。我哋雖然食咗啲肉，都吾會覺得飽濟，餐廳安排嘅坐位並不擠逼，與鄰枱距離都有空間，並不嘈雜，我地可以閑適傾計，四圍環境也很舒服。服務員好有禮貌，多次幫我哋玩枱上邊嘅碟，又教我哋點樣燒啲牛脷至最好食。呢餐食得好開心…Read More

約咗朋友去花墟買花，大有收穫，已經係下午茶時間，於是我哋喺附近搵嘢食，發現大南街附近有一啲小食店好有文青feel，我哋搵咗一間日式fusion嘅八不，我哋兩個人都唔算大食，經店員推介，我哋點咗柚子大根、吉列廣島蠔赤面、大阪元茄。呢間餐廳嘅環境好舒服，係日式嘅設計，比我哋可以靜靜地傾下計，令我地都好似去咗日本咁👍柚子大根係餐廳推薦食品，呢啲大根口感脆脆地又甜嘅漬物類，柚子味亦都好清新，好好味，至啱我哋啲怕肥人士。個吉列廣島蠔有三隻咁多，好抵食，咬落去好creamy得嚟又脆口👍👍👍令到我哋忍唔住要再encore😋再加個蕎麥面，清新可口，令人完全唔覺個吉列廣島蠔油膩，係必食之選。大阪元茄係將茄子嘅皮去除，然之後用醬油慢煮啲茄子，又能保留茄子嘅味道，係味蕾嘅享受👍👍👍侍應服務態度好親切，主動介紹餐牌上邊嘅食物俾我哋, 這餐食得好開心同滿足👍👍👍👍…Read More

滿足酒店半自助餐Lunchtime 約朋友食飯，佢話柏麗酒店嘅半自助餐好抵食，好多嘢食揀，所以成日嗰度係佢半個飯堂咁，一於就試下😀禮拜一到五嘅半自助餐係$168，真係佛心價，佢個主菜可以揀龍蝦汁海鮮意粉或者香煎石斑，我就揀咗香煎石斑。塊魚煎得好好，個皮係微脆，但個魚肉仍然唔會乾淨淨咁，同有啲魚油，用少少鹽已經吊起魚嘅鮮味。我覺得個柚子汁係畫龍點睛之作，佢好清新同少少甜，用嚟點其他配菜都好ok！🤩至於自助餐嘅部分，因為係半自助餐，所以唔會有好誇張嘅選擇，但係都幾多嘢揀。見天氣有啲凍，我就試咗佢嘅中湯，入面好足料，有翠肉瓜、髮菜咁，好暖心🥰 佢嘅沙律菜都好脆，食得出好新鮮，仲有唔同嘅汁揀🥗 可能因為係新年，所以更加有我最愛嘅桂花糕，非常清香，又唔會太甜😋 佢仲有打卡必備嘅朱古力噴泉，可以點棉花糖同西瓜菠蘿🍫🍉🍍 同有四款雪糕，我試咗綠茶味，茶味唔算濃但奶味超濃！值得再試！…Read More

隱世高質私房菜🤐😛今日約咗朋友去佢屋企攞嘢，到食飯時間，佢推薦去佢屋企樓下嘅帝景灣大灰熊食肆食晚餐。朋友話呢間係隱世食店，佢食過都覺得好好食，咁我哋決定試吓🤪呢間食肆附近環境好舒服，店內環境都好乾淨，坐位寬蔽☺️店主好親切，送咗個前菜琥珀合桃比我哋，呢個琥珀合桃好鬆脆，好香口，但又唔會太甜，好好味🥜個番茄肉片湯味道酸酸哋，好開胃，入面有番茄同一啲菇同肉片，啲肉片好嫩滑🍅🍄個豆腐班腩係暖胃之選，豆腐好滑，魚肉好厚身好滑，有甜香而味鮮，非常惹味，唔試真係損失🥸個黑酣黑豚肉炸得好香脆鬆軟，店主話佢哋係即叫即做的，所以攞到上枱時，咬落熱辣辣，啲肉肥瘦適中，非常鮮味好食，配合洋蔥，酸酸甜甜非常惹味，餸飯一流😚整體來講，呢間食店啲小菜好有水準，看似平凡嘅家庭菜佢都經過巧手烹調，真係值得一試再試😉…Read More

鮮味十足嘅火鍋🍲今日我同朋友在尖沙咀聚餐，尖沙咀附近好多食肆，我哋喺韓國街買咗啲醬油蟹，再喺度搵野食。由於我哋都唔係大胃口，我哋揀咗一間新開業嘅花月宮，佢嘅食物大致分刺身、海鮮、豬牛羊肉類嘅火鍋等🤩我哋揀咗個泰北冬蔭公原隻澳洲龍蝦海鮮鍋做湯底，個湯入面有好多配菜和菇類，再有幾隻蝦、青口、魷魚仔，最搶眼球嘅有全隻澳洲龍蝦🦞🇦🇺🤯呢個湯底好抵食，我哋再點咗台山蠔及蘇格蘭蟶子皇🏴󠁧󠁢󠁳󠁣󠁴󠁿。由於餐廳有備魚池，啲海鮮真係好新鮮，根本就完全吾使加調味料，都可以食到海鮮嘅鮮味，肉質新鮮甜美，值得大讃，鮮味一流。啲湯浸咗海鮮後非常惹味，十分好飲。個龍蝦物及聖子皇肉質十分彈口，台山蠔肉質好creamy👍👍個薄切牛舌心好爽，好脆口😋個鵝腸都好爽脆，好肥美😍侍應推介玉油柑茶非常好飲，佢有油柑子、楊桃、桔餅等煲成的凍飲，令人非常開胃舒服，一定要推薦試吓🥳食完後侍應送個紅豆糖水比我地，呢個好有驚喜，入面有雪燕及波波珠，有三種咬口又唔甜，食咗甜品都自覺冇罪夠感😋侍應嘅服務非常好，態度親切有禮，令人食得好舒服同食物嘅質素都好好☺️餐廳安排坐位唔算擠逼，與鄰枱距離都有空間，並唔嘈雜，我地可以閑適傾計，四圍環境也很舒服，尼餐食得好開心🥳…Read More

開心聚餐居酒屋約咗朋友去尖沙咀一聚，由於近冬至及聖誕節，朋友好多聚餐，而且我哋兩個人都唔算大食，所以冇打算揀放題，有人推介係中港中心嘅泓居酒屋食串燒，咁我哋揀呢間嘅環境好舒服，比我哋可以靜靜地傾下計，而且佢有個大銀幕影上日本的旅遊景點，令我地都好似去咗日本咁🇯🇵我哋點咗雞肉、牛舌心、牛肩肉、茘枝豚肉、廣島蠔及脆皮原條白鰻😀餐廳提供嘅牛肩肉串燒非常滋味同有風味，啲肉質非常肥美嫩滑，啲牛脂肪同肉嘅比例非常平均，燒烤後鎖實啲肉汁，非常juicy，完全冇鞋口，簡直有入口即融，但又唔覺得肥膩😍佢嘅茘枝豚肉亦都非常好味，啲豬肉有肉質本身的味道，入面夾著粒茘枝肉，咬落去浸透陣陣的清香甜美，令人驚喜，有幸福的感覺❤️❤️個廣島蠔咬落去好creamy👍👍👍令到我哋忍唔住要再encore😋脆皮原條白鰻，有炭燒的風味得嚟又保持白鰻的肉質甜味，皮脆肉嫩😛我哋點了杯青蘋果梳打，味道好清新開胃。另一杯巨峰提子梳打，有好香濃嘅巨峰提子味嘅飲品☺️餐廳安排我哋坐喺卡位，坐位一點也不擠逼，侍應服務態度好親切，這餐食得好開心同滿足👍👍👍👍…Read More

美味暖心粥麵餐🥰前幾日天氣非常寒冷，我哋又決定去行工展會，入場前諗住食啲嘢暖肚，就同同事喺天后地鐵站附近搵嘢食，天后真係有好多食肆，我哋決定食簡單嘅粥麵餐，就揀咗味滿這間食肆😀佢嘅食物質素真係高👍👍👍首先，個淨雲吞煮嘅時間岩岩好，個皮唔會淋，蝦好爽，有蝦味，蝦同豬肉嘅比例好恰當，入面仲係有啲大地魚粉混埋，好好味，湯都有濃濃嘅大地魚湯，真係好惹味😋另一個係店長推介嘅炸醬撈麵，啲麵煮嘅時間控制得好好，麵爽得嚟條條分明又煙韌彈口，唔會痴實哂，個醬汁同豬肉絲味道酸酸甜甜，又有啲辣咁，但味道踏實不浮跨，完全值得回味😚店長話佢地主打豬雜粥，於是我哋點了一碗及第粥，啲粥煲得好棉滑，及第粥嘅材料好新鮮，豬潤煲得好爽脆，其他如豬心豬肚都係爽甜美味，一定係新鮮豬，佢冇落梳打粉，又好多料，一定要食👍👍👍個炸鯪魚球大粒得嚟又爽肉彈牙，佢嘅魚肉都係好鮮甜，混有陳皮味，個蜆芥醬嘅蜆肉都好大粒，襯托得啲鯪魚球天衣無縫😚另外我哋又點咗蝦腸粉，個蝦都係爽甜彈牙，粉皮又薄又滑👍👍👍 尼間餐廳將廣東粥麵餐表現出優秀的層次，佢各樣食物都係水準之上，但價錢並唔貴，好有驚喜，值得再次回味，如果係某某記嘅支持客真係要嚟試吓，絕對唔會令你失望😍…Read More

日式fusión餐琴日喺銅鑼灣開完會，同同事喺地鐵站附近搵嘢食，銅鑼灣真係有好多食肆，我哋決定食西餐，但諗起之前曾經食過古今喺銅鑼灣地鐵站附近，位置非常方便📍決定再去古今添食我哋點咗個壽司薄餅，佢係一個fusion菜式，薄餅其實係輕微炸過嘅壽司飯做餅底，上面有吞拿魚碎、蟹子、蟹柳、芝士碎、杏仁片等，挾雜住啲沙律醬、燒汁，非常滋味，佢有啲拉絲芝士在入面，但又好多吞拿魚碎，令到個薄餅非常香口，又比得多料👍好豐富同足料，好惹味😋而且賣相好靚，好吸引個雞中翼串係有炭燒烤味，好有肉味，肉質鬆軟嫩滑，值得一試👍另外我哋又點咗安格斯蔥牛卷，呢個菜在其他餐廳都好易食到，但佢嘅安格斯牛肉片真係好滑，冇渣的，又有肉香味，咬下去啲日本䓤嘅清香都透出嚟，加埋燒汁同脆片襯托，非常好食。 我哋再點咗超級龍卷風，其實佢亦係壽司卷物嘅fusion，入面有芝士、炸蝦、蟹柳及脆片，這個挺好吃的👌🏼勝在層次幾豐富，荷熱熔了的芝士，又有炸蝦及脆片，上面加上沙律醬、燒汁等，和珍珠米配合起來都幾得意喎！真的别有一番風味👍👍佢係西餐同日本餐嘅fusion，食物嘅味道及賣相都好好，好有驚喜，值得再次回味…Read More