mio_j's Profile

真係好鍾意ruby Tuesday既午餐買一送一優惠，帶俾我好多機會試到午餐唔同既菜式。呢次我就試左卡邦尼亞帶子意粉同埋千層闊麵。特別喜愛每碟意粉都有蒜蓉包，好鍾意呀。塊蒜蓉包真係好新鮮, 同埋食得出係即焗既, 暖暖地好香蒜蓉味好脆, 正！卡邦尼亞帶子意粉超好味，出乎我意料之外咁好！非常足料有4隻帶子同埋好多煙肉粒,帶子好大粒，有少少辣辣地，好惹味！卡邦尼亞意粉有好濃既奶油白汁味道，醬汁好正！至於千層闊麵，雖然麵本身好淡味, 但有好厚既芝士真係一流. 因為我好鍾意食芝士呀！！！…Read More

公司有同事要走了，好豪氣咁買左cova cake 請我地食。cova 既cake單睇外表真係好精緻好吸引，唔知味道如何呢？同事分別買左幾款餅，分別有藍莓芝士餅，雜果吉士打tart，仲有tiramisu，雜果芝士餅同朱古力慕絲。因為我之前食過好多次cova既burberry cheese cake，所以今次無揀，我揀左雜果吉士打tart，因為見佢d雜果好新鮮好吸引。雜果吉士打tart望落好似好香脆，點知.....一啖食落去.....個tart好硬，跌晒分數！要食晒d雜果之後，最後食個tart....反而d雜果挽回分數，有藍莓芒果蜜瓜哈蜜瓜紅莓，尤其係芒果，好甜呀！另外位同事揀左雜果芝士餅，一樣的雜果，但係變左芝士餅。味道不錯，食左唔會覺得太甜，甜道岩岩好。值得一讚！…Read More

好開心呀~有驚喜！同事T請食agnes b cafe cake，尤其鍾意，因為外型精緻好吸引呀，真係有d唔捨得食呀因為我鍾意Hazelnut, 今次揀左Chloe-榛子朱古力蛋糕，Chloe有淡淡榛子味，朱古力又唔太甜唔太滯，蛋糕中層口感軟軟滑滑加埋朱古力脆脆餅底，真係好好味呀 餅底單吃好脆卜卜, 但係很難拮開, 完全與蛋糕分離。下次再試埋其他款式既agnes b cafe cake先！…Read More

今晚同朋友食飯，我地揀左wildfire，覺得呢到環境好，又有海景。wildfire 主要都係以美式食物為主，份量多之餘，食物水準同味道都唔錯！最適合三五知己一齊食飯。我地叫左海鮮Pizza，主要係有蝦同帶子，最岩鍾意食海鮮既我。pizza 又香又薄又脆，而且又落足料，絕不馬虎！仲有mozzarella芝士係pizza 面，好香口，真係好好味，好正呀！我地仲叫左大蝦意粉，好creamy，好香濃既芝士，好惹味，不得不提虎蝦好大隻呀，又係出乎意料之外咁好味！…Read More

一向鍾情星巴克既雞肉蘑菇批。放完大假返工，要食返個豐富既早餐振奮一下！就諗到星巴克既雞肉蘑菇批加多杯暖暖既Mocha，成個人都醒神晒！店主很nice咁主動幫我烘熱蘑菇雞肉批，態度很好。雞肉蘑菇批熱食好好味，酥皮鬆脆而帶牛油香，外面脆脆，裡面熱辣辣！雞肉多唔會淨係得雞皮，蘑菇都好多呀，味道唔會太咸, 而且個批都好脆好好味，加埋茄汁食既話，正啊~~~Mocha更加唔洗講，依舊保持水準，咖啡濃郁，依舊好味。呢一餐早餐，我好滿意呢！…Read More

放工前一刻，經已到左心力交粹既時候，好肚餓.....同事C提意食Mazazu Crepe！相當好，小妹初次嘗試Mazazu Crepe，充滿期待呀~~~~~去到門口淨係見到好多款既Crepe display，都已經好吸引，加上有陣陣蛋香味！未食都已經流晒口水喇....Crepe既款式好多，有甜有咸，亦可以自由配搭，因為太多款式既關係，好難決擇要邊款，十五十六之際......女店員service好好呀，好主動推介Brownie配可可醬俾我地，我就揀左士多啤梨做配料，同事就揀左香蕉，可以分別試兩種不同既口味！pancake 皮好薄好煙韌，仲有陣陣蛋香味~~~So nice！Bownie 有濃濃朱古力味道，而且Brownie入口仲係暖暖地同脆脆地架！再配埋士多啤梨、忌廉同可可醬，口感豐富，好配搭既組合。因為我地order要少d忌廉，所以食落唔係太甜太"溜"，味道岩岩好呀！個Crepe食到最後一啖底部都仲有忌廉同可可醬架，證明落足料！食完真係好飽同好滿足呀~~~~…Read More

一到午飯時間就會傷腦筋諗食咩~~~同好友T試下名家既Lunch set 仲可以欣賞海港景色，做左大半日工，係時候Break一Break喇！係門口見到menu有好款Lunch Set 選擇，價錢又合理。好鍾意食韓國菜既我，一向都好鍾意食石頭碢飯，見到有石頭碢飯Lunch set ，二話不說就點左喇！！！成個Lunch Set 好豐富呀~~除左主角石頭碢飯之外，仲有3款配菜，當然唔少得我至愛既kimchi同芽菜，全部都好開胃~石頭碢飯未食都聞到好香，賣相好吸引；個飯既份量好大碗，好足料好豐富其實石頭飯既材料同外面一般都差唔多，但係要讚一讚個辣醬, 好有韓國風味! 成個Lunch 食晒呀，好飽好滿足！！！下次一定會再黎世貿名家，除左好食之餘，賣點當然係無敵海景喇！…Read More

已經第二次食CoCo咖喱喇！呢次同男友第二次黎CoCo壹番屋，我地心有靈犀點左咖喱吉列豬扒奄列飯，都係要少辣。(上次我叫左唔辣，其實即係甜咖喱，少少甜，味道一般，今次試少辣)落左order之後都要等15-20分鐘先有得食。賣相好精緻，全碟都鋪滿香濃咖喱汁，咖喱汁撈飯，好正呀！！每啖飯都有咖喱汁同奄列蛋連吉列豬扒塊，奄列蛋炒完仲好滑，值得一讚！推介俾大家，咖喱飯一定要加奄列蛋先好味，錦上添花！！吉列豬扒亦炸得好鬆脆！！成碟咖喱飯食晒呀。個人要求唔高，呢個價錢食到有水準既咖喱吉列豬扒奄列飯，算係一讚喇！令我諗返係日本旅行食既咖喱飯喔~~~~…Read More

之前睇報紙飲食版都有介紹過博多一風堂，好吸引；係openrice既食評排行榜亦高居前位，所以要決定親身去試下有幾好食。去到餐廳門口拎位已經有好多人等位喇，果然吸引好多人黎一嘗博多拉麵風味。我地都等左大約三十分鍾呀.....好肚餓~~~當入餐廳門口，職員一口純正而流利既日語招呼，好親切呀。亦有侍應係日本人，招呼亦好友善同細心因為我唔食得辣所以叫左白丸，男朋友叫左赤丸，另外我地每人再加隻半熟蛋yeah~~~~拉麵到喇，奶黃既湯底不太油膩，先飲一啖湯，飲得出係好香甜濃味既豬骨湯底，真係好似係日本食既正宗拉麵~~~好滿足，好正呀拉麵麵度適中，好彈牙呀~~~塊叉燒同半熟蛋亦好好味，完全收貨！！！試左男友個碗赤丸既一啖湯，係偏辣，飲唔到太多湯，好岩鍾意食辣既朋友。因為實在好肚餓，拉麵份量亦唔夠，我地兩個追加拉麵，食完真係好飽呀~~~~~~…Read More

一直都知道世貿中心間Ruby Tuseday午餐有買一送一優惠，仲可以係商場地下部E-Directory print Coupon，實在太方便喇！呢個promotion去到11月30號咋，今日趁返半日工，同男朋友嘆返個超值既露比午餐先~~~~露比set lunch 有 湯或沙律揀，主菜同餐飲。主菜我地揀左mini burger迷你露比同千層闊麵，餐湯就揀忌廉湯，仲有麵包送tim~~~忌廉湯同我平時係出面飲既味道好唔同呀，好香濃既奶味，反而忌廉味道就較輕。可以一邊飲湯一邊"點"黑糖麵包或者法包，頭盤經已好開胃喇主菜黎喇！午餐既mini burger有兩個，burger亦可以選擇要牛肉餡或者雞肉餡。當然我地要牛肉同雞肉各一喇，可以試到兩款味道嘛~~~男朋友大讚好味道！另外有我最愛既粗薯條做伴碟，差不多成碟粗薯條都俾我食晒至於千層闊麵，有兩塊蒜蓉片做伴碟，好香濃好脆呀~~~好鍾意呀！闊麵有好厚厚既芝士鋪係面，啖啖都有芝士同闊麵，好正呀!不過午餐既份量比較少，男朋友食完話唔係好咁喉。但有買一送一優惠，仲想點呢~~~~最後埋單都係大約90幾蚊，100蚊有找！有買一送一優惠的確好超值，我一定會再黎食多幾次呀！…Read More