dorabb's Profile

同朋友行開街，聽人介紹話呢間火鍋.......聽講話係明星都會去，當然唔會太信啦，咁同朋友行開銅鑼灣，就不如去試試!而且天氣凍左，打邊爐真係最佳選擇!我地兩個人，就揀左試呢個2人餐.....價錢相宜，而且食物方面都算多先講湯底，唔算太辣，不過係超香，食落口感覺係會有少少麻味.....成個餐有牛、豬、海鮮，仲有好少可以食到GEI鴨血，而且有埋蔬菜，甜品，都算幾抵食!食材方面都好新鮮，好欣賞個鴨血，咬落好Q好爽，口感好特別，而且真係好少見到同可以食到~至於牛同豬，肉質鮮嫩，食落係好有口感，啖啖都係肉~海鮮方面，呢個餐都好多種類真係，有青口、花蛤、蝦等......滿足到想食海鮮GEI朋友啊!講真，食完呢個都幾飽~因為佢食物都算多，而且打邊爐傾傾下，都幾飽啊!最欣賞係呢度GEI食物都好新鮮，朋友都大讚好味~…Read More

去過北海道既朋友仔都知道，果度最出名既就係拉麵，札幌味噌、旭川醬油同函館鹽味，上年去自由行果陣就差唔多日日食，不過每家出品都有自己特色，所以食極都唔會厭。今次同同事黎到呢度，好自然又想搵返北海道既味道，見到有札幌味噌拉麵，就呢個啦！味道都幾濃郁，漂住油脂，配埋肉碎同粟米粒一齊食，配搭幾清新，麵質有咬口，有少少似刀削面咁厚身。札幌味噌拉麵 $90見隔離檯有人食緊中華海草，自己又口痕想食所以叫左碟，脆脆清凉既口感，當係清新一下口腔都唔錯丫！中華海草 $20…Read More

最近好姊妹失戀，我即刻義不容辭陪佢兼鼓勵佢啟動喪食mode解悶，琴日食完日本野，今日就輪到韓國野，之前佢成日就住唔敢食，怕男朋友話佢肥，而家可以身心大解放啦！前菜d泡菜好正，甜酸鹹辣樣樣齊，開胃爆燈！唔洗講野，之前怕肥而從未點過既厚切五花腩，今日唔食真係對唔住自己，勁有口感，無豬肉既臊味，肉質爽脆，脂肪四溢成日油香，不得了！仲有霜降牛小排，油花好靚呀babe，燒幾燒就食得，肉質鮮嫩多汁，勁想大叫一聲”好好味呀”！見好姊妹拋開一切咁盡情食，應該好快無事！…Read More

連日OT，終於捱到星期五晚喇，終於可以食返餐好慰勞下自己喇，一個人食飯都要食得好好地，咁先係愛自己既表現嘛。一個小食加一款意粉份量啱啱好，呢度既芝麻雞翼炸得薄脆香口，肉嫩juicy，放耐左仍然美味；卡邦尼意大利粉味道濃郁creamy，煙肉、雜菇菌都好足料，意粉煮得啱啱好，食完大滿足，完全忘記晒工作上既所有煩惱！YO~…Read More

Happy Friday，梗係要成班女仔出動去飲野傾計同識下新朋友仔啦！有同事之前黎過呢度話氣氛好好，坐得舒服之餘，野飲選擇亦多，仲有唔少創意美食，所以成班靚女決定今晚黎呢度Girls’ Talk~呢度分為bar area同outdoor area，吸引左附近唔少白領放左工黎chill。望下張drink list，選擇都唔少，有人揀cocktail、有人揀whisky、有人揀啤酒。由於我地食飽飯先過黎坐，所以唔係好肚餓，但都好好奇想知道呢度有咩食，有fd見到個Uni Carbonara Udon即刻雙眼發光，話要叫黎同大家開心share喎！Uni Carbonara Udon即係類似大家成日食到既卡邦尼意粉既整法，但就加入海膽同將意粉改左做烏冬，成件事變得好「日式」。我地將所有食材撈混黎食，d烏冬沾滿海膽、蛋汁同芝士，食落好滑身，海膽好鮮甜，喺酒吧食到呢d fusion創意美食，可以話係好有新鮮感！…Read More

最近公司附近開左呢間意大利菜專門店，好鍾意呢度既佈置，舒適優雅之中又有濃濃既藝術氣氛。知道呢度出名薄餅，不過今日同同事都不約而同想食意粉多D，HAHA~個長通粉煮得啱啱好，有咬口，加入咗牛肝菌、蘑菇汁、松露菌油同火腿黎煮，食落香濃，菌味突出，汁盡收精華。個意粉份量十足，海鮮豐富，有蝦、魷魚、蜆、魚等等，食得出好新鮮，檸檬起提味作用，令成碟意味道非常清新。…Read More

近年成日都聽到一啲傳統食店因為業主瘋狂加租而被迫結業，所以行街經過見到呢亭賣少見少既傳統中式糖水舖，真係要好好支持下！呢度招牌三寶係芝麻糊、杏仁糊同合桃糊，今次就試左芝麻糊。佢地標榜係自家鮮磨經典糖水專門店，以古法製造，好少有咁用人手炒製。芝麻糊顏色呈啡黑，同平日見到偏灰黑有啲唔同，一到枱已聞到陣陣芝麻香，食落口感好順滑、味道好濃郁。好多人都話芝麻糊有益補身，得閒經過要食多幾碗先得。…Read More