stupidk's Profile

見佢月尾就結業，諗住最後一次黎支持下。早一個星期我已經book左枱，個日亦準時到達。去到現場見到大排長龍，派龍頭位置嘅人係冇book枱，咁我就入餐廳問吓職員，當時只得一位店員喺廚房忙緊，成枱都係未洗嘅碗碟，佢同我講要等咖啡師返嚟先可以安排入座。咁我話冇問題啦，麻煩佢喺咖啡師返嚟嘅時候同佢講聲我喺出邊等緊。到個長毛咖啡師返嚟。我就同佢講我book咗枱，佢話：「你喺出邊等。」我問佢係咪都要排隊？佢話：「都係喺出邊等。」啲態度差到呢。咁我唯有出去排，等咗一個鐘左右，佢一路都有安排人入去餐廳，但嗰啲人都係冇book枱嘅，即係佢唔存在所謂book枱唔book枱嘅分別，亦冇做分流，全部人都係要排同一條隊。期間有其他人都係book咗枱，但係都係俾佢掃返出嚟要排隊，我冇話book左枱一定唔駛排，但要排同一條隊係咩玩法？咁好心你唔好接Booking啦，或者我可以考慮早啲嚟唔使等咁耐，而唔係以為book左枱就坐定粒六。其實你咁既態度，摺都只會係遲早既事，咁駛瀨咩政唔政治，見都有幾多人話你地態度好差，我都慶幸冇幫襯過你哋網上生意，以前冇，將來亦唔會。…Read More

炮台山爭鮮久違幾年終於返黎了！31/7-2/8新開張優惠碟碟$6，店員醒目有禮貌，食物又平又抵食，終於唔駛成日幫襯元氣，仲有folder同搓手液送，食足廿幾碟都係$180蚊，又飽又滿足！🤤…Read More

諗住同朋去試下新開既牛極，我其實搭車去既，唔係大熱天時行過去，去到門口量體溫話我37.4度，個女職員淨係俾個温度槍我望，冇講任何野但唔俾我入，咁我覺得你可以同我地講聲因為温度過高叫我地等陣既。我地就係門口等左幾分鐘再度過，期間我係不停吹風扇，第二次度就38.1度，咁委屈無謂等啦走人了，因為我兩個好肯定冇發燒，亦廢事大熱天事係出面等咁耐（舖入面係冇其他客人既），唔知支額探槍咩事（建議店主買返支精準啲），不過應該冇下次。…Read More

一入去，嘩，落雨咩，個冷氣倒水咁樣倒，地下放左幾個水盤接水，個地下彈到成地都係水，我地揀左一個水彈唔到比較遠少少既位置坐。見到好多枱唔夠人手根本執枱都執唔切，啲員工拎住啲水呀、炸雞呀係漏水位下面行，啲冷氣水好污糟架，其實點解唔係側邊行呢？真係好唔衛生，大佬，你咁搞法不如整好先開舖啦，我見到有幾個客都話入左黎中伏，有啲又好淡定照食冇乜反應。好彩我碗麵佢冇係漏水位下面行過拎俾我，唔係我實退貨走人。濃厚豬骨豚肉玉子拉麵🍜係幾好食既枱都濕哂，放布都冇用天花啲竹都濕哂員工係漏水位下面拎住食物走黎走去…Read More

去新開的灣仔分店試一下三拍子牛扒及牛柳，一個人自修也不用尷尬，三拍子牛扒$78，飯湯沙律任食，比其他類似舖頭唔駛加$30先有得食飯更加抵，唔駛一百蚊就可以食到牛扒餐，性價比亦高，遲下應會變成飯堂，唯一不足係廳面都幾大油煙，抽風唔係太理想。…Read More

今日經過問門口條友，18:00前係咪$68碗，條友態度勁差好大聲講：平日呀！係呢間舖頭老闆就多謝你啦，請着啲咁好態度既員工，成功幫你出名賣廣告，好食到曉飛都唔幫襯啦，仲要唔係喎！…Read More

今次評分主要係俾華姐個仔既態度落柯打，話盡量有就俾冇就唔俾，我話冇所謂啦，冇咪其他部位囉，佢話我唔會幫你寫，師父俾就俾唔俾就唔俾，唔到我地話事，你講咁多野做乜？我覺得你唔駛講呢番說話囉，如果你唔鐘意人地指明部位，你可以唔同部位唔同價錢，願者上釣，食左你成廿年，家下做大陸佬生意做傻你呀？食碗粉仲食埋你嗒氣，出面大把清湯腩啦！好把閉呀？今次碗粉又粗，個湯底又咸好似落味精咁，有排唔會再黎食。PS但舖入面有兩個後生仔女態度好好…Read More