BBBC's Profile

我地成大班朋友一齊出來聚舊，去左太子酒吧街坐低。我哋叫咗啲小食，呢款小食個名字好得意，鴨脾珍寶珠。睇menu都吾知係乜，聽店員介紹係用油浸慢慢煮熟既方法製作左鴨脾肉先，然後再整成好似個波波甘樣，再加一隻棒，就變成珍寶珠喇。入口有香濃既鴨肉味，肉質有點實，外層炸得香脆，味道確有一手。跟住又係小食，雞翼一碟。雖然無乜特別，但味道都幾口味架，入哂味。龍蝦汁海鮮墨魚麵，呢道菜既靈魂就係黑魚都喇，墨魚麵煮得軟硬恰到好處，有龍蝦汁伴隨，龍蝦味道全完覆蓋住墨魚麵，煮得好有味道。大蝦蝦肉堅挺，絕到係新鮮貨色。半場休息，我地已經飲左好多款手工啤了，款款都不同味道，有朱古力,香蕉味，花味等既啤酒，幾特別。終於有飽肚既菜式，千島海鮮pizza。Pizza餅底幾好食啊，味道有好香濃既千島醬，再加厚厚既芝士，好味道。肉醬雜菜千層麵，肉醬味道都幾正宗果款，正常野啦，千層麵幾爽口，一片片放入口，good。…Read More

呢間小店位置吾靚，都係朋友經開見到帶我來試試。我見到都有人等位。我望左幾眼，見到整出來既漢堡包將幾靚，我一於等下。我點左客基本野，芝士牛堡套餐。先講包皮係脆熱既，有heart。中層夾住厚厚既牛肉，實係好多肉汁流出來，咬入口好香牛味，茄汁又夠多，好食。套餐有薯餅食，炸得好脆夠哂熱，不過略為太硬。…Read More

今日朋友帶我哋來食私房菜， 我好期待因為我最鍾意食私房菜 ，原因係菜式夠特別味道又好獨特。我朋友推介點左食呢個香煎蓮藕餅， 蓮藕夠哂爽脆帶有絲，有肉碎放係面再煎得金黃色，香噴噴味道，飄入我既口腔之中，令我覺得異常興奮。正當我食到忘我之際，突然有條魚游過來，原來係一條清蒸東星班。蒸得火候剛剛好，肉質非常嫩滑無比，而且呢條東星好新鮮，味道好鮮甜，正。跟住到東星晚朋友，紅蟹出場。呢道薑蔥炒紅蟹，廚師用薑蔥爆得非常夠鑊氣，好野味，蟹肉幾實淨又有好香既蟹味，而且隻蟹都算幾大隻，好多蟹肉添。最後我地上留陸地，見到呢隻雞，哈哈就係茶皇煙燻雞。呢道菜吾講得笑，都係全晚之冠，因為全完吾係普通既豉油雞甘，而是用茶味再用煙燻出雞既味道來，令雞肉好滑身，入口啖啖燻香味，而且完全滲入雞肉內層，令我回味無窮。…Read More

見呢排歐洲國家盃比賽， 就緊係要出去飲下酒 食下飯睇下比賽。 因比賽時間比較難就， 我只好根據自己嘅心目中喜愛既球隊西班牙國家隊， 於是就揀左呢間西班牙餐廳喇。眼見呢間餐廳都幾多人西班牙奄列，呢度菜既煮飯法呢就唔同一般奄列咁樣比較煎得熟d，乾身既，味道幾香奄列入面仲有好多材料添，落足料抵讚。初榨橄欖油香蒜炒辣魷魚味道夠曬嘢未而且香濃，辣辣地味道既刺激，再加上魷魚既煙韌口感配搭，呢度小食跟埋cocktail一起嘆至正。Pussy Foot味道調教得適中，幾好飲跟住食個意大行利寶盒， 入面裝著有煙三文魚， 蕃茄忌廉芝士，意式辣肉腸及pama ham等。 最喜愛佢嘅蕃茄忌廉芝士 夠曬濃味。招牌菜西班牙啤酒會慢煮牛肉面呢道菜主理得好像煮得好綿既牛腩一樣牛肉面夠哂嫩滑，味道濃郁撲鼻，還有少許啤酒味既味道，非常滿足啊。再試下呢杯Stringbow Apple其實即係apple cider, 呢隻牌子出面少見，係呢間先至有甘多款酒飲，下次再試飲下其他。…Read More

呢間餐廳一向比我感覺似酒吧多，今次我見到有晚餐仲介紹，所以試下先。入面氣氛甚有酒吧味道，燈光比較黑。我只好靠臺燈先見到menu既字。田螺釀酥盒呢款前菜認真好香田螺香味同酥味，我自己就分開品賞，味道一流。叫左道美國安格斯肉眼扒，好香又大塊，牛味濃，我叫左7成，不過煎得太熟，外層若煎脆些會更好味道好勁大份既英式炸盤炸雞翼炸魷魚薯條炸得非常香脆，味濃，脆醬幾厚。尤其雞翼外層香鬆，內裡有雞汁流出來。德國脆皮咸豬手呢款原來係餐廳既招牌菜，好有口感好容易切開，點蜜糖+芥辣醬超好味，外層鬆脆入面又厚肉地不太肥，岩哂我食，帶少少咸味適中。呢晚真係食得好飽。…Read More

朋友特別駕車來勝利道介紹有好野食，即時聽番首安仔既- 流淚行勝利道配合下先。此店就位於勝利道近街尾，要預早搵車位啊。我們一行幾人到了，看到門口貼了很多明星演員合照，原來有好多明星來過幫襯。到了點菜，呢度最出名既係食烤魚，店員介紹酸菜味道既側魚，原條只賣$188抵食。一大盤放上檯，坐下已聞到好香既酸菜味道。全條魚佈滿很多酸菜、芽菜及荳腐卜，非常重本，魚身經過油香浸泡，魚肉吸收了酸菜及辣既味道，有香辣等兩種層次。新鮮魚全條煮成半熟，全無腥味，肉質非常嫩滑，越食越香，肉質非常鮮甜，加上油脂豐滿，啖啖魚肉香味，湯底大家一定記得要飲，好鮮香魚味，難得。麻辣水鵝腸鵝腸夠爽口彈牙夠大片麻辣水煮令鵝腸加入豐富既味道藕帶爆香川腸臘腸經青椒和蔥花爆香得非常芳香臘腸味道濃郁帶有辣既味道，完全提升了臘腸既神緒小藕切柱狀，配合蔥花既香味，再加入臘腸味，令藕帶味道更出色水煮豬面青豬面青經水煮炮製過後，肉質滲著香濃既麻辣刺激但非常嫩滑，啖啖麻香好誘惑呀！呢間餐廳味道好味又正宗，價錢吾貴，幾抵食添，一定再來…Read More

呢間車仔麵特色雖然是一般，但勝在牛腩牛筋等煮得幾好食，牛腩牛筋好入味，而且肉質軟腍夠滑，不會太硬。至於腩汁就不過不失夠香濃。麵身煮火候剛好，爽口易食。以平民價位食呢碗車仔麵ok 啦。…Read More

朋友介紹去佐敦八文樓那邊吃燒龍蝦+九層塔。 我聽到都覺得幾新奇又吸引，終是乎我們一行幾人便去光顧。呢間店名叫龍蝦燒，出名係食燒龍蝦+九層海鮮塔。顧名思義就是食海鮮，有鮮元貝、蜆、花蛤、鮑魚、馬刀貝、龍躉肉、龍蝦、羔蟹、蝦等，再加一個原味雞煲。當店員拿九層海鮮塔出來，嘩一聲，真係好巨型既塔，足足要蒸九層，仲好似幾重手，店員真落力啊。呢個就係原味雞煲，雞味好濃郁又香，雞肉夠滑入哂味道，雞湯夠香甜!鮮元貝，都幾大隻，味道鮮甜，肉質爽口花蛤肥美，新鮮清甜ok龍躉肉爽，入口有好香魚味，肉質地夠厚又大份，抵食羔蟹，蟹肉非常甜又多膏，必讚^_^鮑魚就新鮮爽口兼彈牙再加碼一碟肥牛主角出場，燒龍蝦，呢碟蒜蓉燒龍蝦，味道非常香口，龍蝦肉經過蒜蓉一起燒，陣陣飄香龍蝦蒜喜片蓉味，龍蝦肉實夠淨新鮮，好有味道同口感。推薦^_^整體來說，鍾意食海鮮既一定要試下，海鮮新鮮好味，明碼實價，價錢公道兼抵食。…Read More

行經見到有甘多人食此芝士撻相當一定有其吸引之處，半熟芝士撻比人既感覺是是否流心呢。賣相就幾得意圓圓賬賬的，外層烤焗至金黃色，一咬入口看見芝士真的是半熟的樣子，好似會跳動的一樣，陣芝士味非常香濃，應該有加入cream等運合而成，真是香甜好味。撻皮夠鬆脆可口，仲要係牛油皮至愛。讚…Read More

三文魚是好多香港人的至愛包括我亦是。今次點這個定食，有幾塊三文魚刺身為主菜，三文魚夠肉質新鮮香甜，但有少許近三文魚既尾位，呢度要扣分啊。魚子就夠大粒，另外烏冬煮得恰到好處，彈牙爽口。合格…Read More

朋友今日介紹我來品嚐麻辣雞煲，我們點了小辣的雞煲，怕太辣會熱到傻。當我一看，內裡已有各種不同的雜茶及洋蔥，當魚有麻辣既配料啦。果陣好濃既辣味真係聞得我好享受。我首先試下辣度，放入豬肉丸，魚皮餃及墨魚丸測試一下辣道。豬肉丸有口應夠彈牙，魚皮餃多餡料，墨魚丸就夠爽口，味道全部都算合格，味道變成麻辣丸子及餃子了。…Read More

呢間餐廳風格都裝修得幾靚，好有日本風味。至於食物質素呢，由於食物種類太多，當然就定要食刺身啦。 刺身拼盤件數都足數量，三文魚算厚切，北寄貝，活蝦等都是新鮮的，全部入口感覺鮮甜好味，肉質挺身，可以order多幾次啊。 …Read More

聽朋友講呢雞批係好出名的。所以今次我來到華輝，就當然要試下呢度既雞批啦。雞批望下去外觀幾好，批皮咬入口幾鬆脆，仲有好香既牛油味。而餡料來講算足夠，有雞肉、火腿等。以雞批的味道來說，好味。…Read More

每次到食壽司我都會點一碟腐皮壽司吃的，原因鍾意外層塊腐皮甜甜的味道，濕濕的包圍全內層的飯團，當放入口那一刻，還可以吸啜到甜甜的腐皮汁的味道。而腐皮的質城又比到我有少許煙靱的口感，真係要慢嚐。…Read More

識食米線當然要去食米線專門店，因中午時間太多人了，只好食外賣。 通常都會食呢款酸辣米線，因其味道偏濃郁，酸酸地既感覺但又加上微辣的刺激，再吃內裡既配菜，越食越開胃。麵身可能外賣關係，有少少過熟了。…Read More