嚟過勁嘆燒烤不下數十次，元朗想食燒烤嘅不二之選，由第一任老闆經營開始轉手至依加第三任老闆娘均有幫襯！燒烤類型有港式及重慶，重慶貴大約十至二本蚊，已包括可選港式燒烤食物！生日🎂嚟搞party，三五知己已至兩口子，嚟過嘅朋友均有不錯嘅評價，大致環境舒服，食物種類比較多，價錢合理，所以我帶過嚟嘅朋友又會帶朋友嚟燒烤，又因有車位關係，方便一啲要揸車嘅朋友前來！交通方面，只要喺西鐵錦上路站🚇落車後轉往大埔嘅64K巴士🚃就可到達，在元朗市中心也可搭64k巴士🚃直接到達，如由元朗座的士入去大約五十至七十元，方唔方便見人見智！食物方面重慶必選推介雞軟骨，豬腸，豬腩肉，韭菜及原條茄子🍆等，三種肉類如識得燒嘅話送酒🍻一流，每次自己去燒起碼KO👊佢約五十串，配上三種調味料❨辣粉，椒鹽，孜然粉❩，另備有醬油及水方便燒疏菜類食物～港式方面必選雞脾，風沙豬扒及羊架，雞脾如遇大胃王，兩隻算小意思，風沙豬扒啲炸蒜粒腌滿整塊豬扒，燒到外皮微燶非常可口，羊架腌得入味，愛羊者必選！臨尾加塊燒面包，將整塊面包搽滿內有蒜香嘅牛油燒成多士，滿足😋👍🏽👍🏽👍🏽依加經營呢個燒烤場係老闆娘B媽，兩公婆加數個伙記提供服務，無論食物環境服務質素均比上兩任好，更用心！耐不耐嚟到又會有新嘢(無論食物或設施)，老闆娘及老闆也很好人愛與客人交流，好有以前香港擁有嘅人情味！👍🏽👍🏽👍🏽
…さらに見る
…さらに見る
