樹仔's Profile

今日同太太第一次試食呢間人氣點心店，叫左以下幾款點心：蝦餃 - 大隻，多蝦，不過皮比較厚；燒賣 - 正常大粒，有1隻半蝦；胡椒牛肉餅 - 外皮夠酥，肉好食；鳳爪排骨飯 - 由細到大都未食過咁難食的蒸飯，只有1件2隻腳趾的鳳爪，排骨似煲湯的肉，無味道，肉淋到梅晒。成盅飯1滴豉油都無，檯面的豉油味道好奇怪。我地食左兩啖已經放棄左。原來想再叫其他點心，但食完盅排骨飯已經無晒胃口。長沙灣有好多酒樓點心店，呢間唔食無損失。…Read More

今日(16/9)14:08 我陪馬來西亞朋友叫左杯Americano外賣，落完單咖啡機的職員行開左，過左5分鐘都無人返黎沖咖啡。我朋友好正常咁問其他預備緊餐廳野食的職員幾時會有人沖咖啡，突然有個比較高及肥的女職員走過黎，以極惡劣的態度對答：肥女職員：您地做咩架？我朋友：等緊杯咖啡肥女職員：幾時落單架？我朋友，5-6分鐘前肥女職員：等下，無咁快！我從來未試過係coffee shop見過咁差態度的職員，完美顯示咩叫不耐煩，唔想做的面色。雖然最終佢都有沖杯咖啡比我哋，但全程黑面，語氣極差。連我個馬來西亞朋友都話未見過一餐餐廳/coffee shop的職員態度可以咁差。如果唔係見Openrice食評幾好，我都唔會介紹比朋友，完全影衰晒香港餐飲業，我亦一定會同所有朋友share呢件事。…Read More

初四晚同朋友去叫小菜，點了以下食物：粟米班塊 - 無汁的魚塊好硬，炸得太燶菠蘿咕嚕肉 - 每件都無咩肉，粉多過肉蒜蓉炒菜芯 - 菜芯好油，只食到蒜蓉味特價白灼蝦 - 蝦肉唔實淨，又未到“梅”蟲草蒸雞 - 最正常，不過有幾件雞得肥膏凍檸茶 - 最好味，茶唔澀，有4片檸檬中湯 - 應該蘿蔔雞腳湯，正常例水味道白飯 - 好乾，好硬，不過好大碗長沙灣的茶記都食唔少，同一個鋪位之前的冰室茶餐廳都好食好多，所有小炒都可以話係差，得杯凍檸檬最正常。長沙灣係出左名多餐廳，完全唔明點解今時今日仲有呢種質素的茶餐廳可以生存到。…Read More

五龍粥麵茶餐廳之前久唔久都會幫襯，佢地的炒粉麵夠鑊氣，常餐夠大份。今日同太太食lunch貪得意試個酸辣水餃米線，一上檯我地見到有兩片檸檬即刻笑左，仲忍唔住要share比 friend。碗酸辣水餃米線d水餃幾大粒，幾好味，但係個湯又唔酸又唔辣，d咸菜都係好淡，清清地想試新野都可以一試既，想食好味野都係叫返炒粉麵好d！…Read More