肥美美's Profile

超差服務網上評論都有提過佢服務差，又有「隱籲」提過穩陣啲都係叫海南雞飯算數。我中伏，自己蠢。兩個人去，叫一個海南雞飯一個煎魚午市套餐。海南雞飯合理時間上，水準普通。成個餐食完，煎魚都唔見影。催過，侍應話煎緊。又再過一大輪，侍應埋嚟收雞飯碗碟，盆上其實仲有甜品。如果之前侍應冇講大話舊魚煎緊，而家應該變咗炭。我起火，埋雞飯張單走人，$150大元加一。酒店餐廳喎！午飯時間半個場冇人。油麻地周街美食，我蠢。…Read More

因為羊肉湯和咖喱飯所以再來。羊肉湯完全不油膩，新鮮嘅羊肉味再配合清甜白蘿蔔，適合虛寒體質，非常暖身。至於羊肉咖喱飯，不像日式咖喱，是北海道多香料那種，吃得辣嘅人可以加入辣椒粉，絕對是清碟之選。今次點了羊肩柳、羊臀肉、牛舌芯。羊味香濃，肉嫩有咬口，厚切牛舌芯亦要一再encore!新嘗試炸羊腩粒送手工啤酒🍻一流！最後仲有驚喜，老闆送上自家製羊扒漢堡，不得了，愛羊人士必食，是最濃羊味的一款。👍下次還要再試，自家製羊肉叉燒😋…Read More

謎底最後先由樓面姐姐解開：原來黃埔厚福館仲有幾日就執笠。事先唔知，嚴重中伏。$1188套餐，啲牛肉超唔新鮮+又瘦又薄。補碟封門柳，解凍咗好耐先上枱，有冇食過封門柳似柴皮牛肉乾？6點半入座，大部分飲品沽清？！知道謎底就可以解釋一切：好耐冇入貨，我哋幫人哋執笠前清倉底！其實，就算唔入新貨，分店送貨過嚟幫補，10分鐘車程。做生意唔係咁無道義嘅！以後有人提起去佢分店，我一定大聲祝朋友好運！（公道一句：樓面姐姐們招呼OK。）…Read More

訂了枱到K11 Musea的The Mussels晚餐。被安排在一個密蔽角落，桌椅根本是小型咖啡廳的size，桌面剛好夠放兩杯咖啡的大小，惆悵究竟能放下什麼晚餐？向銀白色染髮的年輕經理禮貌地請求一張椅子安置隨身的包包和手提電腦，經理馬上黑面，說稍後安排；後來來了一位侍應，問我們要有氣還是沒氣的礦泉水，我們請求要暖水，又是馬上黑面。我們禮貌地重複請求多一張椅子，看見他跟經理溝通兩句，然後終於送來椅子，晦氣地拋下一句「有需要我會取回。」我又驚又氣的問「你們餐廳這麼缺椅子？」他反嗆「椅子是給人坐的。」我重複，我們在角落位置，放張椅子根本不會妨礙他人。我們帶隨身物品離開角落，侍應用身體迫近我們，我以為正在拍江湖電影呢！逃到餐廳門口，向經理投訴，他一味說「言語誤會、言語強會。」我們嚴正要求一個能夠放得下隨身物品、安享晚餐的位置。到餐後離開，經理都沒有道歉一聲。當然，侍應如此囂張，是經理縱容的吧？青口的size、味道都不比任何街坊餐廳出色，青口以外選擇極少，卻是尖沙咀海傍價錢、下三流服務。大家冒險去試，小心。…Read More

堂堂iSquare頂樓、風光一時嘅南海1號，而家午餐點心任食，$208一位。可惜點心只有10幾款，食物質素遠遜於街坊茶樓；大約五款炒粉麵飯，大部分茶餐廳都比佢好。開頭話有一個半鐘，過程中不停埋嚟收碟，大半個鐘就問last order。…Read More

餐牌清楚地分門別類上。我們每類點了一些。好「得意」，首先竟然上串燒。然後是吞拿魚腩壽司… 與男友對望，我們是在餐牌的刺身專頁點了刺身盛喎，這卻明明是壽司。男友向落單經理了解，她翻開餐牌，指著上面的刺身盛說眼前就是我們落單的東西。吃了一口壽司，心有不甘，餐牌那頁全是各款刺身盛，何來實物變成壽司盒？！男友應我要求再次問另一位經理，為何餐牌上刺身專頁會出現壽司呢？他老實得多：「這個是壽司盒，你們啱食嗎？」「我想吃刺身。」沒有糾纏，他隨即收回，請師傅重做，然後傳來師傅勞氣質問邊個伙計落錯單？原來的女經理，從此再沒有行近我們這邊。跟著是壽司卷等等上檯。想再柯打第二輪，餐牌看了再看，算了，牛肉烏冬和天婦羅烏冬作結。結賬收$2400有多，像快餐店大細的二人檯，上了食物之後，清酒也要移開去旁邊的待應工作台上擺住先！環境音樂吵耳，招待屬MK街坊風格，收費卻是一千多一位，不行了吧！相機什麼也沒吃，因為沒有食物有驚喜。…Read More

呢幾日唔舒服男朋友獎勵吓我帶我嚟呢度食飯。即日定枱只能夠坐近門口，地方寬敞又有屏風都唔覺坐門口十分舒服。因為唔舒服所以要食清啲(其實叫餸時都括咗出去)😜 清清地食馬友蒸肉眼筋，馬友好香又惹味，忍唔住叫咗一碗飯兩份。跟住再食蟹粉琵琶豆腐，可能少少感冒調理比較遲鈍，蟹粉唔算好香但整體都好好味😋之後豁出去就係食呢油泡田雞配金華火腿。田雞冇乜驚喜不過出奇嘅新鮮，刀工亦好好唔會食到好多骨。金華火腿送酒亦一流，可惜今晚唔飲得🤧最後再嚟雲吞魚湯到庭烏冬，雲吞滑口紮實，魚湯烏冬亦算做到恰到好處。驚喜反而係甜品蘆薈燉雪耳雪蓮，冰凍清甜。仲有合桃酥，配上肉鬆，甜甜鹹鹹，令人不自覺就食晒😋唯一問題係上菜比較慢，但服務環境同埋食物平均分都係相當高，果然係米芝蓮三星！…Read More

星期一放假，本想試吓佢既下午茶，訂了兩位三時三十分。電話接待員兩次話下午茶係4:30last order，5點要離場以準備晚市。結果我3:40到，門口小姐話4:00last order, 4:30要離場。掃興啦！咁究竟係門口小姐錯抑或電話接待錯先？事實上，門口接待處的小姐當時態度亦都明示暗示我唔好坐低。算啦，唔阻你提早落場啦。😒好彩，轉個身落去Ground floor 的Artisian Lounge食AFTERNOON TEA, 仲好味😋…Read More

多年前，友和曾經是明星飯堂，價錢貴，食物幾好，不過，俱往矣。我幫趁好多年，主要去宵夜，夜班的經理們，近年陸續離開，相熟師傅據說「放假」，換了些不熟悉日本菜的經理，招呼也不再親切。然後，最壞慘劇發生：所謂時價的，懷疑是合理價錢的四、五倍！懷疑被割到一頸血落樓。係，柯打前沒問價，因為之前的經理、師傅都熟，不會亂來；今天我們變「生客」，新經理手起刀落！奸險的是，我們有問一兩樣，報價如舊合理，漏問那一兩樣，張單馬上血淋淋，奸乎？！十多年感情，傷心！…Read More