WYOOPPP's Profile

話說有一日午餐食佢個蕃茄湯底餃子米線，一咬落去見到係粉紅色嘅豬肉餡，未煮熟都夠膽上碗，離哂譜。食飯時間已經要等位，入到去全部4人座位，多多一個人都要迫到不如坐埋我大髀，落單QR code，之前食過一次落凍檸茶少冰走甜，冰仲多過朋友杯正常冰既凍檸茶，發生咩事。其實之前食過酸菜魚算幾好食先再黎，但無諗過未煮熟都可以上菜，下次唔會再黎。我無同番佢地講因為我費事換過碗既時候廚房加料，我希望佢地會改善下，最基本煮熟個餃子，唔係想食豬肉刺身。…Read More

同朋友諗住happy hour飲杯野，問佢除左啤酒布無其他有happy hour,佢話cocktail都係，點知埋單見到張單跟本無做到happy hour價錢，仲要一坐低就話無酒牌所以一定要叫一款食物，叫兩杯margarita好似比人飲過咁，得半杯，兩杯無happy hour仲要一杯當兩杯咁賣，埋單比卡佢碌，碌左勁耐又唔係忙，手腳慢到我望住個員工係度吹水，一路睇張單再同佢d同事吹下水先拎過黎，大佬呢間野成版酒樽放曬係barten個位仲講得出無酒牌老奉焗你叫，係門口未入去都唔講，真係祝你生意興隆，咁做生意法🤔…Read More

一入去scan哂安心出行同針卡，有個男侍應態度差咁問我地有無掃安心出行，我答佢掃左，佢晦氣再問有無掃針卡，我答佢掃左喇，之後就唔理走開，開頭以為係社企人士就算數，睇到佢午飯時間都同人正常對答同態度無岩岩對我地咁差，其實做咩要咁樣對客人？正常岩岩光臨你間茶餐廳都無野踩到你地條尾唔使咁晦氣。食物黎到後，我本身係叫熱茶走少甜，杯野飲左啖，一d煉奶味都無，同一杯奶茶走甜無分別。其實黎過兩次，諗住跑馬地會態度正常d（都唔預計佢會係服務好架喇）但兩次都差唔多，今次多埋呢個男侍應仲衰。…Read More

撞正星期日入長洲，多人到不得了，未食晏就諗住醫肚就諗起陳通記，其實食過好多次，係我衰，唔應該星期日食陳通記，外賣叫左碗沙嗲牛通同什肉米通加凍奶茶去個朋友度食，收錢就快呀，等左成4、5個字講緊係叫外賣咋，仲要收錢個男人寸寸貢咁，叫我自己問下落單果個同埋都唔知搵唔搵得番張單喎，見到佢係負責收錢，妹妹行埋去比錢就好禮貌又撩佢地傾計呀剩，可惜我就唔係妹妹仔喇^_^下次咪搞我，入去長洲都唔會再幫襯。👋🏻…Read More

上網見到人氣布甸蛋撻，諗住黎試試佢，嚟到見到排隊人龍5、6個左右，剛好前面有2個人離隊離開了，等了5分鐘店員出嚟截龍只賣比4位客人剛好包括我。心諗咁幸運唔使排咁耐，因為當時氣溫30度，再等我可能會放棄😂入去比錢店員話比4個入唔比我媽咪入黎，我話入嚟買其他麵包都唔得？佢即時話可以，以為咁大陣仗要買蛋撻先比入？比錢時問佢可唔可以Apple pay又話得，之後禁左出黎又話唔得😂（我不是用消費卷，只係貪方便）比完錢又再出嚟門口排隊等呀店員姐姐入盒，一位啡色短髮中年店員姐姐一邊正在放蛋撻入盒，一邊同排我前面個位叔叔係度吹水，等佢入盒仲耐過排隊，然後個位啡色短髮中年店員姐姐命令式叫我入去買飛先可以出黎拎蛋撻，我回答佢我已買飛，等緊你入盒。（其實得4個客人可以買到咁都唔認得呢4位客人會唔會太離譜😂間鋪又不是十分大）佢即時好大反應話個客問我嘢我更要答佢啦，我話你係同叔叔係度傾計喎，傾計無問題，問題係可唔可以快手少少，我話天氣咁熱仲要等你慢慢吹住水入盒，跟住佢態度勁差即時話：我都熱架，咁個客問我野，我咪答佢（但明明店內有冷氣，係客人係出面排隊，佢地企既位置係有冷氣）我同佢講你咁既態度係趕客，我即時入去收銀櫃檯同店員比個意見佢，其實中途比完錢已經有另一位叔叔入嚟買蛋撻，店員都態度不太好話賣哂，個叔叔同佢爭論話又20分鐘有而家又話賣哂，店員話係呀就係咁快賣哂！由此可見，佢地客人態度咁差好難再番去幫襯，蛋撻食落口同普通蛋撻無咩太大分別，係大個少少同埋曲奇皮，$12一個買左半打仲要受氣😂😂😂試一次都嫌多。…Read More

午飯叫了叉燒燒腩飯，出餐時間算快但某女店員態度有待改善，十問九不理客人。叉燒肥瘦適中，燒腩皮也算脆，也附上芥末，飯也足夠男士腹飽，價錢也尚可，出餐速度快，有短髮女士態度可以，男士也很正常，唯獨是這長髮女店員服務有進步空間。…Read More

我經apps order 2人餐同2杯野飲，一杯加$9一杯係唔使加錢定加$2咁樣，但送黎果個人整瀉左，佢講左sorry,我都無怪佢，打去商店問個職員話責任唔係佢度，佢話幫我問，但其實你問佢退錢又好投訴又好都幫唔到件事，係咪我下次叫外賣明知會易倒瀉既我唔去落單？我覺得咁講野好有問題，你賣野比人就算問題唔係你度講野都無需咁冷漠，其實個外送員話個杯蓋蓋唔實，咁呢個我唔知邊個問題，但送到黎得番半杯係咩玩法？我仲要幫襯左呢間野3次起碼，因為佢d野好食, 店員待客之道有待改善。PS:杯野係似花奶加水加冰，我唔知飲緊咩，因為佢無貼label說明係咩黎，另一杯係茶味既奶水咁，超失望，今次好大機會係我最後一次幫襯，雖然食物係好味。…Read More

一入到去見到都7成滿座，雖然環境細但桌大，行出行入都要唔該借借，香港地方細無辦法。我同屋企人去食，天氣好熱但鋪頭冷氣足夠，坐低左就出去點餐，只收現金，但openrice寫收Alipay hk。雖然最後食唔哂但問staff拎左2個盒打包，唔想浪費食物。Staff唔多講野但尚算細心，下次借再黎幫襯。叫左3樣野，3杯飲品。卡邦妮意粉 $38碎蛋牛角包伴薯角 $36全日早餐 $88凍香芋鮮奶 $27芒果木瓜梳打 $27凍榛子鮮奶咖啡 $28…Read More

其實成日都去呢間食野，由佢裝修前到而家裝修後都一直幫襯，本身都無期望佢既服務態度好好，但未至於要扮聽唔到咁離譜，叫到佢黎落單又掛住同另一個員工傾計，我話你都無聽我落單，佢又懶哂可以multi tasks咁話你講，到最後咪又係錯單！我叫熱檸水，黎左杯熱檸茶，我都費事話要換，你知飲食業既野啦，廢事換黎換去啦！…Read More

今天黎到呢間試佢既漢堡同鰻魚飯，雖然無點一整條個款，但佢漢堡扒用新鮮免治牛肉整成漢堡扒，7成熟烹調，好juicy一d都唔乾，另外個魚柳勁滑嫩，比起一般快餐店水準還要高！！！但唯獨是店內較狹窄，大多數要搭檯，而且店員態度一般，無表情，語調平tone，但佢店既食物質素拍得住有名而貴少少既外國快餐店，下次都會再黎幫襯既！！！注意午飯時間黎的話可能要等位，因為位子唔多，但一般用餐時間好快所以唔係話等太耐。…Read More

個呀姐又寸，涼茶又貴，又唔覺得特別有效，仲要問我有無散字，呀姐有就唔使比$100你找啦！個樣勁不滿我無散字比佢，打開門早生意唱定散字找比客人是常識吧！下次唔會再幫襯，深水埗咁多間涼茶鋪唔一定幫襯你，講完。…Read More

我同女朋友和媽媽一行三人到旺角試新鋪馬辣，由於我女朋友已經訂枱，五點去到啱啱號開始，櫃檯女侍應帶位，坐梳化卡位，裝修風格有十分火車站感覺，通風系統良好，座位十分多。丸類和火鍋配料選擇甚多，食物質素以$158黎講係十分合理，在場多個女侍應都服務十分好，有禮貌又關注我們口味。由於入座時間頗早，完全係唔使爭位夾食物，飲品種類同放題相約，熱飲也和台北馬辣差原多，唯一挑剔嘅係雪糕種類無台北咁多而且係用dreyes而唔係haagendaz同movenpick同埋無蘋果西打。湯底我地選麻辣同蔬菜精力鍋，岩哂我地食辣又得，媽媽食唔辣又得，牛肉質素OK，收碟速度快，唔怕成桌野無位放。座位有差電位又有WiFi，超級貼心，女侍應更會問d野岩唔岩食，我同佢傾幾句先知原來唔係台北分店，買左個名黎做，但全部野都有9成似！同埋新開左8日度，環境超乾淨！結論係下次會再光顧！…Read More

我同女朋友26/12晚上9:30入座，叫左個雞煲底火鍋，雞唔多，但幾滑（應該冰鮮）之後佢上左份丸類同牛肉同埋炸魚皮、響鈴，size都幾巨型，牛肉質素幾好，丸類部分都係自家打，炸魚皮無油益味但硬左少少。之後追加各種丸類同菜，拉麵同烏冬無黎到，但我地都太飽無再追加。樣樣野份量都唔少。飲品有沙冰、冰茶同珍珠奶茶，我地叫左香芋珍珠奶茶同埋朱古力珍珠奶茶，有oreo碎係上面，由於佢係任飲任食，我地仲叫多2杯杯沙冰，味道唔錯。埋單2位$656，佢話9折左免左加一，但我地走左後發現收多左錢，打左番去問，佢計錯左我地每位加$30食海鮮，話減番醬油錢係收多左$40，個waiter話mark低左叫我下次去拎番$40或者下次食就減番比我地。但係31/12我咁岩出尖沙咀順便拎番$40，個waitress話係無可能無收到加一，我話係上次個waitress講9折免左加一，其間佢又打比同事問又話唔係$40，佢就是旦計番$33比番我，都糾纏左10分鐘左右，其實幾十蚊唔係話好緊要，但我覺得做生意都要均真d，除左呢樣野之外，整體來說都係滿意，下次會再幫襯。…Read More

晚上7點幾，唔使等好耐買左班蘭雞蛋仔，$19幾好味但買個陣d staff掛住傾計直頭拎住$20係佢地面前望到你想買野都繼續傾，2個女仔紮邊同1個男仔，我明係打工係咁，但下次都係咁就真係唔想再幫襯。…Read More