happy_debbie's Profile

旅發局推出"夏日賞賞你"優惠，搶到消費滿300減200的優惠,高高興興的預約了，打算試一下酒店中菜廳的午市點心。酒店位置便利，與美麗華同一條街。中菜廳座位比一般酒樓闊落，枱與枱之間相隔一張枱的距離，坐得舒適，適合慢慢坐，傾下偈。剔完點心紙，落單時服務員提醒茶芥及加一都不可計在300元的消費內。。。這個有點意外，消費條款只提及另有加一服務費。茶芥60元兩位。我們二人平日細食，最後點了6碟才滿300，太飽了。芥是一小碟花生，及一小碟辣魚醬。 很失望! 花生又腍，又沒有花生味， 而且有點辣。辣魚醬太辣，點兩下，就吃不到了。食物擺盤都不錯，可以用來打卡。失望的是，食物質素只有一般酒樓的水準。黑豚咕嚕肉 （＄７８） 賣相好好，味道是正常的咕嚕肉，反而伴碟的南瓜蓉有點驚喜，但份量比較少。水晶蝦餃皇（＄４８） 蝦餃上面好似有金箔，蝦都大隻，但比較乾身。蟹籽松露燒賣（＄４８） 味道很好， 食不到松露味。蠔皇蜜汁叉燒包（＄４２） 餡料不多，很一般。香煎臘味蘿蔔糕 （＄４５） 碟很漂亮。。。需要問才提供甜醬，而且竟然無花生醬。原隻鮮蝦腸粉（＄４８） 不錯，蝦夠大隻。洗手間看得出酒店有點歷史，但仍然很清潔，而且男廁清潔叔叔服務殷勤。埋單$405-200，每人大約$100，算是跟外面中價酒樓差不多價位。食物不是特別吸引，如果沒有優惠，真的不會特地再來用餐了。…Read More

唔知叫熊本牛涮鍋定熊本牛鍋先啱，見到店內的餐紙同隔板都刪左個"涮"字，可能改左名。網上見到介紹，5月做抗疫價，$268加一/人，5 小時任食，仲要有二人同行，一人半價，平均每人230，都幾抵，咁就試下啦。不過有個條件，就係要至少提前一天預約。網上睇片，仲要送一盤時令海鮮，同一板海膽，超扺!間店喺山林道，一去到有d失望，因為個門面好殘舊，又無招牌，以為去錯。預約左6點半開始，準時到但未開門，到6點35分先有人黎安排入座，可以食5個鐘，無左5分鐘就無咩所謂。好彩有其他人喺到，如果唔係，真係以為黎錯。間店唔大，只有大概20張枱，行出行入都比較迫。我地一行四人，揀左鴛鴦鍋，一邊係龍蝦濃湯 (要加20蚊，但本身要鴛鴦鍋都要加入15，所以都係加多5蚊)，一邊係蕃茄薯仔湯。好快上左海鮮盤，份量尚算多款，而且有比較貴價的象拔蚌、鮑魚，係每種類一人一隻，一枱一盤。跟住每兩個人送一板海膽，FB有留言會送多一板。之後上任食的主菜，有加拿大豬肉、安格斯牛、同牛肩胛。肉的脂肪分佈平均，望落係靚野，質素唔差。個人覺得安格斯牛最好食。因為任食5小時，所以唔使趕。家人就覺得後來差唔多9點，D肉開始無咁靚，就無再叫。出面有D打邊爐配料拎，一般肉丸、菜就唔多提啦，最令我驚喜的係有羽衣甘藍同埋秋葵，出面好少有，呢餐好似健康D咁。飲品喺雪櫃,有好多款韓國汽水，仲有韓國啤酒。家人就覺得啤酒唔夠凍。甜品有雪糕同雪糕糯米糍，雪糕係一盤盤要自己畢，唔肯定係唔係Dreyer's，有時店員得閒都會行過黎幫手畢。好耐無食過雪糕糯米糍，我攞左幾粒都係芒果味，應該全部都係。呢間餐廳幾隱蔽，但質素真心好過好多放題。宜家尚算近，交通方便，但如果位置再好D，可能就唔係呢個價。…Read More

上環食Lunch，見到外賣app有幾個餐平。平日成七十幾蚊嘅餐，外賣自取五十幾蚊就有。好掛住三鰻完蛋飯，喺上環唯有食住蒲燒鰻魚丼先。間店原來好細間，店員都幾有禮貌，一去到就拎到外賣。估唔到仲有沙律前菜同麵豉湯送。個飯好正，鰻魚算大塊，汁夠多，蛋好甜，都幾抵。沙律前菜同麵豉湯就正正常常。如果有優惠我會再試。…Read More

星期六下午一點幾，店舖剛開門，本來想幫襯同一條街嘅"花果山"，但當日"花果山"無飲品賣。見到呢間 "皇茶"，同樣是與香港人同行的店，就決定試一試。我本來想叫最穩陣嘅黑糖珍珠奶茶，點知店員話無珍珠，奶茶又因為未整好，要等十分鐘。咁我就叫左杯 Oreo 朱古力奶蓋 ($36)，覺得有D貴。收銀位有寫明奶蓋唔會加冰。但因為戴住口罩，無得即刻飲 (唔想喺街冒險除口罩)。所以外賣拎左去第二度室內先飲，都隔左最少十五分鐘,但我覺得無影響到奶蓋味道，只係無咁凍。奶蓋超滑,加埋Oreo碎，好有口感，覺得唔夠喉。 第一次飲奶蓋下面唔係配奶茶，而係朱古力。 朱古力比較甜,本人好鍾意食甜食,啱曬我口味。 睇你平時經唔經常飲，如果奶蓋奶茶，飲落可能會無咁heavy，少D罪惡感.我好耐先飲一次，就有多D quota。…Read More

中環午飯想食日本菜，朋友推薦這間。不用等位，而且價格相宜。這店有上下兩層，午飯時段都可以預約。午飯時間有便當，有lunch set，有精選推介，價錢大概$66-100，不用加一。中環來講算幾平。餐牌上的配壽司是配兩件三文魚，不知道是不是每天一樣。感覺侍應都是新來，不太熟手，幸好沒甚麼問題。點了燒雞扒拉麵(配壽司)很快上了兩件三文魚壽司，三文魚較薄，感覺不到鮮味，有很多進步空間。但燒雞扒拉麵很正常，雞扒很多，建議食湯麵類，避開刺身壽司。緦括來說，這是一個可以在中環倉促地嘗個日本菜的選擇。…Read More

之前用app叫過這店的外賣，但沒有試過堂食。這間店果然名不虛傳,難怪經常看見店外排長龍。今天午飯時間，自己一個人經過時，決定碰碰運氣,竟然立即有位，原來外面的都是排隊拿外賣。我點了紅菜頭燴意大利飯配大啡菇 ($78)，餐飲免費送，我點了薏米水(熱的)，很快已經上菜。味道很好,之前還怕紅菜頭味道，但這個像是紅色的意大利飯，啡菇也很配，薏米水也很好喝。不過，這個菜是一個立方形的外賣紙皮盒盛著,份量對於胃口大的人可能不夠。下次會再來試試其他菜式。…Read More

今日無煮飯，諗住近近地，一家人去返屋村間酒樓食小菜。點知...宜家做個優惠，$198三個小菜，我地叫左香芋臘味滑雞煲，椒鹽鮮魷豆腐，龍廷小炒皇，同加左支啤酒。龍廷小炒皇，個賣相已經唔吸引，仲要 好咸，我食左兩三啖就食唔到。椒鹽鮮魷豆腐，明明用椒鹽整，但無味，真係好高難度。唯一可以食得過的是香芋臘味滑雞煲，雞有雞味，芋頭有芋頭味。最後會有糖水送，今日係紅豆沙。但太甜,好似食緊糖咁。仲要係我本身鍾意食甜野都頂唔順。我都係想唔煮飯，食下正正常常嘅小菜都唔得。唉!荔景又少一個選擇!…Read More