家住大埔的我其實好鍾意搵呢D地方坐～～（至LIKE人情味）如果有好嘢食直頭會做咗飯堂，其實我第一次食都係食佢既早餐，但認真講真係一般，但好在，我俾咗第二次機會佢，佢個蘇格蘭批真係無敵咁好食，下午去食LATE LUNCH真係不為過（亦係至抵星期一至五中午會送湯、包同嘢飲～）講返蘇格蘭批：佢批皮鬆脆，入邊係免治肉的內餅，好香，我鍾意既佢實在的感覺，實在的意思係佢食到好香既肉味，好過D大餐廳肉餅無肉味而且中間好JUICY，中午係襯沙律，無咁‘流’晚就襯焗豆同薯條，薯條真係好好味～～一個女仔食一個就比較辛苦，但如果SHARE就好啲今次我就食咗英國既名菜fish n chip個魚好新鮮，至少無雪味炸得不錯整體其實係滿意。呢間餐廳真係好啱傾計，（而且入到去都唔好趕時間）如果要趕食其實嘢算啦！～會煮得要時間即係代表佢係即叫即煮，唔係咩都整定先MA！～我之所以鍾意呢度係因為真係好有人情味，老闆娘又NICE，老闆同我估係老闆個仔（外國人X2）都係好好人，得閒會出嚟同客傾計，（雖然我食咁多次都無同佢地傾，可能次次去襯都有細路幫襯，佢地就會去搵細路傾計同玩）又見到D客同佢地交流得好開心，但只係入嚟飲杯水都好歡迎。（題外，再講真係可以由杯水睇到誠意，佢D水係真係放檸檬，係好香的檸味，飲得好舒服）除了誠意之外，我覺得呢度嘢食味道好實而不華，感覺好HOMEMAKE就好似個蘋果批咁！～（又一必食推介之選）係好明顯傳統的蘋果批，蘋果好大粒啊！～而且好有蘋果味，但當中所用的蘋果係偏酸，可能係怕個批底膩因為佢個批邊你一放叉拮入去係鬆脆到直落碟邊個隻一放入口就就知佢好足料，鬆脆既邊入口一陣酥酥既感覺，之後嚮口入邊溶化，個陣牛油味就嚮呢個時候湧出嚟！～一字記之曰：正！
個FD即刻笑我，唔怪得之要同侍應生講：“唔介意錯手切大舊D咁啦！～”
加上佢D價錢真係唔係太貴，而且係合理。所以真係要俾機會呢D有心機既舖頭，幾時都話好食既嘢唔一定係貴，而好食既細舖一定要支持，唔係的話，執咗就喊都嚟唔切。香港，有特色既食店賣少見少了…Read More
個FD即刻笑我，唔怪得之要同侍應生講：“唔介意錯手切大舊D咁啦！～”加上佢D價錢真係唔係太貴，而且係合理。所以真係要俾機會呢D有心機既舖頭，幾時都話好食既嘢唔一定係貴，而好食既細舖一定要支持，唔係的話，執咗就喊都嚟唔切。香港，有特色既食店賣少見少了…Read More
