達人食家's Profile

飲食業競爭愈來愈大, 要突圍而出少d心思都唔得, 香港人要求又愈來愈高, 坊間近年食家foodies以幾何級增加, 食餐飯已經唔係果腹咁簡單, 飲食係要講體驗; 旺角呢間新餐廳絕對係代表作之一, 座落波鞋街十字路口, 由外牆設計到餐廳內既裝修都別有用心, 服務更加係貼心安排, 早幾天預約, 到食飯當日會打電話黎confirm booking, 入座悉心安排位置, 餐點種類五花八門, 今日先試試招牌Lobster Mac and Cheese ( Risotto ), 加個馬糞海膽茶漬飯; 大大隻龍蝦鉗加埋拆殼龍蝦肉混係芝味意大利飯入面, 肉質鮮味又彈牙, 米飯軟硬適中, cheese得黎又無蓋過龍蝦鮮味; 茶漬飯湯底有淡淡昆布味, 配上新鮮海膽同珍珠米別有一番滋味, 旁邊開胃蘿蔔漬物建議飯前先食, 飲品Cookie & Mint係意想不到既驚喜, 絕對拎到薄荷與朱古力之間既均衡點, 外表又靚味道又正…Read More

開店幾個月, 每次行經這裡都幾乎人潮湧湧, 心想有機會無人排就入去試試, 今晚ot到夜一夜, 宵夜當晚飯食, 不用排隊順利入座, 刺身飯食得多, 反而覺得個爆盛慢燒牛肉丼幾吸引, 點咗個230g試試佢, 賣相一般, 唔似餐牌咁堆到座山咁, 可能餐牌張相應該係400g mega size呱, 本以為牛肉係暖暖, 原來係凍既, 燒汁無咩特別, 山葵忌廉汁味道奇怪, 山葵味唔覺突出, 牛肉質感偏鞋口, 絕配唔上慢燒, 好彩唔係排隊黎食, 睇黎都唔洗再試…Read More

已經係早排既事, 午夜過後搵食難, 見呢間開到夜深就黎試一試, 睇開飯知道砂鍋粥最出名, 可惜得兩個人唯有下次試, 我地點左醬醃海膽炒飯, 鍋燒肉, 燒手打牛肉餅; 炒飯只有丁點海膽, 撈完食真係無咩海膽味, 配雜豆同火腿簡直不知所謂, 鍋燒肉真係要留意menu右下角寫明“圖片只供參考”, 因為真身真係完全兩回事, d肉碎濕濕炸出黎, 香口但唔似食緊肉囉, 牛肉餅算係最正常, 口感彈牙有牛味係略嫌乾身, 另外, 餐具超級油膩唔知有無洗過, 睇怕個砂鍋粥都唔洗黎試…Read More

返工日子忙得不可開交,lunch time唔食餐好對唔住自己！今次介紹呢間新開上樓餐廳Master Kama, 唔上黎開飯睇都唔知開左間新野係附近, 裝修以藍白為主配上木制傢俬，感覺好舒服完全唔焗促，特別鍾意張粉藍色梳化, 餐廳主打龍蝦菜色，不過lunch食龍蝦又有點兒那個，呢度午市有lunch set, 我點左至愛紐西蘭西冷伴薯菜要 medium rare，同事點左fish n chip, 加多個小食烤墨西哥芝士脆片, 西冷烤得剛剛好又夠份量, 肉汁鎖緊無血水食落好juicy, 重點係法式牛油配西冷更能帶出牛味, 襯埋多汁串汁串茄無得輸; 炸魚薯條唔係一般用既鱈魚或比目魚, 店員介紹先知係用鯛魚, 炸槳金黃色又夠鬆脆, 咬落去魚汁唧出黎好fresh, 厚厚的魚肉嫩滑爽口配上他他汁一流, 薯條夾雜香甜蕃薯條好有心思, Nacho即叫即炸熱辣辣面上加埋芝士溶岩, 味道層次豐富食落又香口, 佐酒走唔甩。飲飽食醉又係時候返公司。。。。…Read More

知道李朝園最有名係俾食客自制章魚燒既日韓餐廳，不過時間關係，要拿拿食完趕下場，我地叫左個日式牛肉鍋$68，一個生薑汁豚肉飯唔記得咗幾錢， 還有任食泡菜，泡菜一d都唔辣仲帶輕輕甜味，好食易入口，可能混合日韓炮製出黎既泡茶，日式牛肉鍋，個鍋底好淺，配菜有豆腐，娃娃菜，冬菇同生雞蛋，牛肉係普通肥牛，湯底淡淡地，豆腐有些少酸味，牛肉係可以但湯底唔好味累事，麵豉湯唔熱又偏咸；生薑汁食落無薑味似燒汁，豚肉片ok唔鞋口，芝麻沙律清清地個汁幾好，麵豉湯同樣係唔夠熱同偏咸，睇怕都唔敢黎試章魚小丸子…Read More

天氣轉涼，友人今晚帶我黎長沙灣隱蔽小店石石鍋，咋看以為食韓式食頭鍋飯，原來另有乾坤，係石鍋配湯烏冬，小店只有20個位左右，剛好有張二人台，坐底先送上熱茶暖下手先，餐牌好得意，簡單三個step，1.選湯底>2.選配料>3.手打烏冬/拉麵/飯，我選左豚骨湯配牛尾手打烏冬，友人食龍蝦芝士流心豬扒湯飯，牛尾西餐食得多，配烏冬食都係第一次，小食選了醬燒豬手，石鍋黎到仲好滾，一個個小氣泡連鍋裡係乜都睇唔到，侍應提我地攪攪佢小心癡底，烏冬滾咗咁耐咬落仲係彈牙爽滑，豚骨湯底唔太油膩清清地抵讚，牛尾肉質炆得好入味, 配彈牙烏東係絕配, 醬燒豬手起咗骨，個汁有小小甜味, 淋淋地連皮食好邪惡好, 食咗好有罪惡感，最後黎多過迷你甜蕃薯, 面上塗牛油燒, 外脆內軟又香甜, 芝士龍蝦唔太濃, 芝士味又唔會蓋過龍蝦味, 流心豬扒夠乾身, 炸粉薄身食落好脆, 芝味夠濃郁, 今餐大滿足 …Read More

已經唔係第一次食，每次想起軟綿綿又香甜既玉子，我就諗起「一門」，幾年前食過已經一試難忘，質感同味道近乎完美，個人最鐘意芝士同原味兩款。玉子唔夠飽，仲有其他好野，個壽司都值得一讚，款式齊，有三文魚, 蝦, 海膽等等, 質素高又夠新鮮，友人點左個茄子肉醬, 味道好似台式野咁，其餘仲有串燒一堆，最讚係個燒白鱔，肉質爽口彈牙，要encore多串先夠喉，最後食多個梅子茶漬飯飽飽大滿足！…Read More

正宗日本串燒店香港唔多，大部分都係居酒屋、放題等等夾雜黎做，只做日式串燒唯獨南亭係我認為最出色，這裡走中高檔路線，據知南亭係日本人老闆，早於90年代已進駐香港，直到現在香港有三間分店，多年前係中環店食過後已經上癮了，食物都係即叫即燒，上台速度不快不慢，食物表面都燒得脆而乾身，燒汁不會過多，鎖緊本身食物既肉汁同鮮味，服務員態度都好好，唯一可以改善就係座位，比較迫夾同焗，不過可能呢個都係日本飲食文化之一😌相片太多不能盡錄.....…Read More

宵夜時間又到喇，突然諗起炸雞啤酒，灣仔路過見到李家，尖沙咀店就食得多，灣仔係第一次，唔知係咪星星熱潮過咗，店裡小貓三四隻，即刻落order先，首先點個辛辣麵，再黎魚餅湯，主角唔少得係蜂蜜蒜容炸雞，個麵唔多講都係一般野填飽個肚，魚餅湯清清地中和下唔錯，炸雞當然係一流，蜂蜜既甜配辣辣地既雞件，加上惹味蒜容，簡直天作之合，不比甜辣雞差，坊間都愈來愈多炸雞店，好多都只係用雞翼同雞鎚，咁樣太掛，李家有唔同部位，咁先食到炸雞既精髓，配上泡菜，酸蘿蔔，當然唔少得一杯啤酒啦不過用膠袋裝湯品就唔係咁好喇。。…Read More