hiuping917's Profile

今日去GO PARK行下，見到呢間貓員外入去試下。門口有大大個餐牌寫早餐供應時間10:00-12:00。 入座時間喺11:40，職員隔左陣放低個QR code俾我地自己落單。 我地即時㩒左兩份早餐，點知個app落唔到。出去問職員，個男職員態度極差，話早餐賣哂喇。 果陣只喺11:45，早餐竟然可以賣哂？ 咁點解要寫早餐供應時間喺10:00-12:00？ 簡直係不知所謂⋯⋯跟住11:50喺個app叫左三樣野 （薄餅、玉米卷和咖喱薯格）。先黎左個咖喱薯格，竟然一啲咖喱味都無，同KFC既炸薯格無分別，但要收你$65。份量少之餘仲要成個碟個底都係油！ 超級不知所謂！！第二樣黎既喺個薄餅，收你$168，啲餡少到一個點，但個餅邊喺焗得唔錯。 之後大概12:20，見個玉米餅半個鐘都未黎，就追下職員。個職員話整緊，五六分鐘到，點知等到12:35，即係足足45分鐘都未黎到，好明顯喺漏左單，同埋職員講大話。 最後一肚氣之下就埋單走人。 總括黎講，呢間野服務態度極差，性價比極低，唔會有下次！！ …Read More

星期日一行四人行山行到去西貢，已經一點半左右。好肚餓，所以求其入左去呢間餐廳，入到去得幾個人。點左炒金邊粉、菠蘿海鮮炒飯、泰式拼盤大、泰式串燒豬牛雞各兩串、香茅蝦沙律同埋四個椰青。點完菜兩分鐘碟炒金邊粉就送到。好明顯係預先炒定，上到黎只係好微暖，感覺唔好。跟住黎個菠蘿海鮮炒飯，啲飯好濕，好難食。順帶一提，個菠蘿底有啲疑似被鐵匙羹篤過既痕跡，個菠蘿係唔係重用，大家心中有數接住黎既係個泰式拼盤，香葉包雞完全無味，而個春卷賣相差兼且好難食之後到香茅蝦沙律，鹹到痴線最後黎個泰式串燒豬牛雞各兩串。一黎到，見到六串都一樣樣，就叫返落單個侍應黎。我問邊串係豬、邊串係牛、邊串係雞。佢走去望一望電腦返黎，然後竟然無賴到話佢聽到我話全部要哂雞，我地四個都話點既時候係講明豬牛雞。要求佢換或退，個侍應竟然話燒左出黎係無得換或退！！ 今時今日竟然仲有咁既服務、咁無賴既餐廳，仲要屈落個客到，真係嬲爆 間餐應咁既手法，佢隨時每次都可以賴落個客到，話個客點既，然後話因為已經煮好左無得退無得換，咁就可以屈個客硬食俾錢！！！ 最後，最正常嘅就係椰青，但啲椰子肉都好硬食餐飯食到成肚氣，夜晚喉嚨仲要勁乾，好可能落左唔少味精。呢間野真係離哂大譜！…Read More

近幾個月烏溪沙站開左好多細細間既食店。 每間都試過，當晚一次過喺度買左兩碗野食。呢間既門面喺最吸引人，可惜就喺最伏既一間。首先，價錢一啲都唔平，一個便當要近六十蚊。一打開，賣相極差，飯極少，鹽酥雞又少又硬、連啲豆腐都味道怪怪。至於個滷水粉，所有野得個色，一啲滷水味都無，果然係秘制既滷水。四十幾蚊，份量少之餘，色香味美無樣掂。另外值得一提既喺，唔知關唔關佢事，凌晨三點零鐘起身狂嘔，之後仲痾左六七次，痾到天光，好多年都未試過咁樣了 🤢台灣野黎講，呢間野零分都比多左。…Read More

上次新開張試業，十一點半營業，星期六十點九去到已經大排長龍，好彩都食到第一輪。 上星期六又喺十點九去到，得一個人排緊隊，問職員原來改咗十二點先營業。最後十一點四左右上返去，已經派緊飛了。原來開頭攞飛果啲，就算兩個人，都會先安排坐窗邊四人卡位，超舒服。 相比上次坐二人枱，左右都有板隔住，張枱細到食物都好難放，個分別實左太大了。午市90分鐘任食，有三種價錢揀，但價錢唔差太遠，所以揀左最貴果個。埋單連加一大概$230一位。佢呢度個湯底真係唔錯，叫咗個鳳梨雞鍋（好過上次個牛骨鍋），好足料。 叫左三輪澳洲和牛，第一輪超靚，第二輪幾靚，第三輪可以接受。 自取配料同醬料都超多選擇，而點既小食都唔錯，特別喺鹽酥雞。飲品方面就喺佢自家製一樽樽既茶，當然都有汽水之類。甜品個豆腐雪糕都幾好食，唔喺太甜。總括嚟講，呢度啲野大部分都唔錯，我都會再嚟既 😋…Read More

遊完塔門半日，欣賞完靚景之後，心情唔錯。臨走前搵地方醫肚，OR見呢間有塔門出名既海膽炒飯，就走去間餐廳，等左十分鐘左右就有位了。入到去，一張大枱share坐，坐左1+2+2+2人，都唔算逼。 但張枱「痴痴笠笠」，仲有一啲上手食完既飯粒。 呢啲算啦，即刻落單叫左碟海膽炒飯、蝦醬鮮魷炒麵同一枝豆漿。 等左五分鐘，枝豆漿就黎左，兩個字，好甜。跟住等呀等，等呀等，15分鐘、30分鐘、45分鐘、等左近一個鐘，終於忍唔住追單。問個抹枱既婆婆，佢話唔關佢事，叫自己出去門口追 (因為間野得門口有兩個爐，有個阿姐負責炒飯炒麵)。 追個阿姐，由於佢剛剛炒緊一鑊海膽炒飯，就隨手裝左碟俾我。 由於要趕船同埋已經浪費左一個鐘等待，見佢仲未炒麵，就同佢講唔要碟麵了。碟海膽炒飯，味道還可以，但份量偏細，一粒完整既海膽都見唔到，五分鐘左右就差唔多食完，點知佢碟炒麵突然可以咁快炒完拎過黎。咁算啦，佢都炒好就照食啦，點知鹹到痴線，本身落左唔少鹽、蝦醬又好鹹。最恐怖係，離開間餐廳之後，發覺洗碗既阿姐連枝裝奶茶/豆漿既膠樽都浸係啲碗碟到一齊洗。終於明白點解枝豆漿個樽蓋係冇封了🤮…Read More