OnOon的個人專頁

朋友生日揀左呢間餐廳我去到餐廳就問朋友係咪幫我慳錢佢解釋係好出名元朗價錢但銅鑼灣開舖質素話會keep到咁我地點左一枱魚生、天婦羅好彩嘅係我冇點剌身食落魚生唔新鮮一切名過於實食完隔左日開始唔舒服發高燒睇醫生話食左唔乾淨嘅食物或受感染嘅食物所引致而嗰日我冇食其他野第二日都全部熱食真心無奈😮‍💨可能係我黑仔但質素上真係仲有好大進步空間價錢唔係話真係好平但如果俾我選擇我會揀鮮選或壽司郎因質素始終有保證…查看更多

好耐冇去小西灣之前我記得係得返間85佢執埋之後真係想搵杯咖啡飲都冇⭐️另計睇到社交平台有人話開左間coffee shop就去試下舖頭一眼望晒但幾整齊 感覺都好開揚我地叫左個煙三文魚麵 + mocha (因為我老公唔太飲濃啡）個麵唔係好淋又唔好硬個硬度好啱我老公而我飲完杯flat white就試下其他所以order左個croffle + black coffeeCroffle冇salmon用左Parma Ham代替Croffle真係好脆 脆到我慢慢食 食到尾都仲係脆蛋炒得好滑好creamy成件事幾好不過我個人鍾意食煙三文魚多啲因為有個素食者佢就order左個All day breakfast本身有塊煙肉同腸就俾晒我食左牛油果burger好味（佢本人好鍾意食牛油果）再加多杯flat white Perfect for the day…查看更多

成日見到人地post佢個花牆，今次終於我地去。去到啱啱坐左喺有花牆嘅sofa位其實我見本身食物個comments都唔太差我地就order左海膽pasta, 明太子雞翼，鴨胸pizza，吞拿魚藜麥沙津，玫瑰花cheesecake, 啤梨撻同2壺花茶1. 吞拿魚藜麥沙津-吞拿魚正常 唔算特別滑但幾香2. 好快就黎埋明太子雞翼，雞翼裏面釀晒滿滿嘅明太子，切開後都唔易散，味道唔太濃我覺得ok3. 海膽pasta同pizza同時一齊到。先講海膽pasta, 睇相係份量大而且好creamy,但實物份量少同埋乾身，一d都唔creamy, 個感覺係好似攤凍左嘅pasta。4. 鴨胸pizza, 賣相唔錯，但一拎起d油多到。。成塊pizza底好似油浸咁 好恐怖，用紙巾抹佃pizza 底，成張紙巾都係油，好唔得5. Rose cheesecake - its a birthday cake. cheese味濃同埋都幾幼滑，唔太滑唔係死甜6. 啤梨撻+士多啤梨雪糕 - 正常唔太甜唔太酸。。。 啤梨整成蓉喺個撻，撻皮唔太脆7. 2個花茶，一個玫瑰花味另一個唔記得🤣我嗰個玫瑰花等左好耐先黎 佢有個candle熱住，所以到飲完嗰陣 d花茶仲但我朋友嗰個，有candle熱住都唔熱🙃整體都可以，裝飾搭救。個鴨胸pizza真係恐怖到唔敢食，好油…查看更多

今晚同男友去左呢間食Dinner我地早左少少去到 點左2個 10-course set dinner呢個餐有2 starters, 2 appetizers, 3 mains, a dessert and a drink. 其實真係好抵食室內環境都唔錯 幾靚，有盞水晶燈喺中間，不過樓底高d佢盞燈會仲靚😅叫左杯mocktail同red wine 個餐包埋開始上appetizers （冇錯 係Appetizers ）1. 法式鵝肝蛋撻 - 可能我本身係一個對蛋撻有偏好嘅人，我又覺得幾好味，佢個蛋撻同葡撻好相似，鵝肝啱啱好！2. 龍蝦湯 - 我好滿意個湯，蝦味濃但又唔會太咸，隔離有塊蒜蓉包，好脆，但蒜蓉可以再多少少，不過其實已經好食。3. 立鱗魚 - 佢塊魚皮某d位係脆嘅，但某d位係切極都切唔開。但魚肉唔夠滑，有少少overcooked 嘅感覺之後就上Main.. 冇錯 係上Main. 佢地上左個4. 鵝肝日本A5和牛肉眼 - 我當佢地個次序亂左少少，1次半次就算。鵝肝其實我覺得夠香，冇so味，而個A5和牛，油脂分佈唔平均 好多肥膏 同埋有筋……咁食完呢碟Main, 我就問waitress, 應該有生蠔係starter? 佢答 係食完呢個先上！ （我個頭有幾個問號出左黎但算）5. 佢補上返個starter （佢話正常次序anyways）生蠔 - 蠔味唔太濃唔係十分creamy但都算大隻，佢有三文魚子，魚子醬同金薄喺面都加左分。之後我以為繼續上返我個starter, 點知佢上左第2個Main...6. 鵪鶉bb - 佢d皮比較難切，好堅持咁。肉質so far so good 唔係十分滑。佢個底用左蘿蔔整成蓉再用左黑松露做汁。我地係鍾情於truffles，所以so far so good咁食完呢個，我就襯佢收碟嘅時候問一問waitress, e.. 係咪有另一個starter未上? 個waitress答我，係呢個main之後先上！我d黑人問題全部浮晒出黎，食西餐唔係食starter先 反而main與main中間穿插？但我地等緊佢所謂個starter已經ready，所謂呢個main之後上嗰個starter之際，見到我地第三個main已經拎左出黎，但就即刻俾返頭先答我話準備上嗰個waitress截住🙃 之後我就望住我地個main放左喺bar檯抖緊涼🙃等左一陣就上supposed第二碟食嘅starter7. 雜菜salad - 佢呢個唔係雜菜，係蟹肉😃 蟹肉裏面混左d生果同埋 jelly on the side. 正常唔係新鮮蟹肉咁樣～食完，就拎返bar檯後面碟飯俾我地8. 黑松露帶子薏米飯 - 其實係幾香 同埋我都鍾意d飯有咬口，口感唔錯，但可惜個飯已經唔熱。帶子都有口感唔係散晒又霉嗰d. 但奈何我都已經飽左，所以開始唔係好食得晒之後黎到最後一個dish就係dessert9. 原隻海膽雪糕 - 呢碟幾有驚喜，雪糕用海膽殼裝住，海膽整碎連埋雪糕一齊雪，海膽味雪糕咸咸地甜甜地都幾特別。同埋佢應該用左乾冰墊底再拎出黎，所以一直飄住白煙幾好笑，同埋因為呢個係birthday dinner, 所以佢地都有用法文寫左個happy birthday喺碟邊。整體如果唔係d次序問題其實都冇咁令我費解但咁嘅價錢食到呢餐都正常嘅……有待改善同埋一路食嘅時候，有時會聞到陣陣煙味仲有我聽到個待應同有個客講 個客應該問緊關於佢個set dinner問題，佢答個客 個次序未必同個menu the same... （我心諗，我到底聽左d乜）…查看更多

今餐係生日飯,揀左Zappybook左8點鐘 去到唔需要等位當晚唔算忙唔多人我地3個女仔order左黑松露薯條，parma ham platter, 唔記得咩酒煮蜆同埋肉眼扒staff好好都會問我地想逐個頭盤上定係一次過因為時間關係，我地叫佢一次過上晒，食晒頭盤就直接上steak黑松露薯條 好唔錯 唔係嗰d油淋淋 同埋真係多松露同埋夠乾身夠脆parma ham platter, 有apricot！同埋佢唔係blue cheese 係偏硬嘅芝士，啱晒我地。而Parma ham so far so good到個蜆，酒味唔會太濃，冇濃到苦咁樣。對於平時少飲酒嘅我係幾好之後上個扒 我地要medium, 木板上 （我唔記得影相）冇overcooked 都好香 同埋唔肥😀之後我地自己帶左個蛋糕 Staff佢地好好招呼😂 幫我地影左好多相😆到最後我地食唔晒個蛋糕，佢都有offer俾盒我地拎走我地係咁講多謝 staff就忍唔住話 我多謝你地就真😂今晚餐飯好滿意😃…查看更多

約左朋友食個lunch, 咁就揀左coffeeology因為冇得book位 所以我都早少少去到地方其算大 舖頭裏面得10幾20個位🤔去到就叫左杯nutty 嘅 cold brew咁再加多個pepper beef pasta味道好濃 pasta口感都唔錯係我鍾意硬硬地嘅口感唔記得我朋友order左d乜本身諗住食earl grey cake但staff話只係seasonal咁我地最後叫多左個Matcha cream cake share整體我地都覺得好味地方唔大 但質素好會再去食😋…查看更多

朋友請食Lunch，佢揀左櫻田。我地1行人就坐左喺餐廳中間枱我地預先就已經order定想食咩我就揀左個 Lunch set第一碟上左個salad 開下胃之後就有個剌身盛😆剌身不過不失 不過我覺得好似未解完凍咁 有d係硬左少少之後再上左個龍蝦同龍蝦湯龍蝦唔算大隻但都有少少肉口感唔係十分彈牙但都可以接受龍蝦湯就好濃之後我就揀左炒手打烏冬我覺得udon好冧 我唔太鍾意呢個口感同埋都比較油所以呢個都扣扣地分最後我揀左美國牛肉薄燒好似overcooked 左少少 比較硬🥲整體係平 價錢ok 但就預左唔係話好食正常…查看更多

朋友請食飯佢揀左志我地被安排坐門口位人齊就食得朋友order左 25 course Omakase set俾我地整體我所有dishes都覺得好食但我就一般個清酒而我最欣賞係個 海膽壽司海膽好creamy好香佢個大帆立貝又係好唔錯食完個scallop其實已經飽左所有野食我都好滿意 好好食😋加上每上一道食物staff都會喺隔離解釋食物名稱成個service我都好滿意…查看更多

有日同男朋友去旺角dinner誤打誤撞見到呢間，見到門面幾靚 同埋我地已經好熱好攰 咁就揀呢間餐廳我地被安排坐近門口位見人地d野飲好特別咁就即刻order我地叫左2杯飲品1杯 焙茶latte可能太熱 又太多冰溶得太快所以好淡咁主菜order左burger同埋個藥膳好似係鴨意粉都好香好濃好味道！我地仲有order左個黑松露薯條當我食完burger d薯條 我覺得好好味咁我地滿心歡喜咁等我地個truffle fries點知食完所有野 我地個薯條仲未到催左3次第一次係差唔多食完第二次係已經食完我嗰陣同個staff講 未整唔要佢話整緊到第三次係食完野15mins我話唔要個薯條，埋單個staff先話跟跟之後企左喺廚房野食個出口等個薯條唔敢再行過黎埋我張單5分鐘後就見佢拎個薯條過黎因為佢個炸爐好近個窗口位我個位係望晒個staff拎過黎 我就燥左話我已經話唔要 total等左成粒鐘個staff答我 我話唔要嗰陣已經整左我又燥左 話我個位係望到廚房我係望住你行過去同廚房講佢再倒薯條落鑊炸之後倒俾你 你再直接拎過黎！佢先唔出聲而呢個薯條 完全唔同burger d薯條好油 唔脆 好唔得。…查看更多

朋友生日想搵一間坐得舒服又靚靚地嘅餐廳咁就喺個list揀左Statement.今晚我地3個人就揀左佢個tasting menu因為樣樣都可以試其實整體真係幾唔錯而我最鍾意係佢個飯😂…查看更多

同朋友興祝生日 預先訂左窗口位 開頭冇窗口位 但staff記得我有講 所以佢地都話一有位就會搬返我地過去。坐左5分鐘就移到 咁就開始點野食。Caesar Salad with runny egg and jumbo sodt-shell crab 幾不錯！佢個蛋唔會話太熟變到唔流心之後再點左個Mussels, 佢個汁好creamy, 但又冇搶走原本Mussels同clams嘅鮮甜味！之後我地點左個牛,好似係 Wagyu beef，佢一點就要點兩份，呢個唔記得影相 但呢碟係極力推薦！塊牛唔會話燒到好乾，咬落好Juicy仲幾彈牙！之後我地點左個Pork ribs, 呢個Pork ribs反而都幾失望…… 佢比較乾同唔夠軟 唔夠“林”，係好大份，但因為唔係太岩我地口味所以冇食晒。佢岩岩上枱時夠熱，比較脆，但因為我地食得慢……凍左就唔想再食佢。之後我地叫左個espresso banana creme brulee, 我訂枱時有講明係朋友生日，當我地叫任何一款甜品時，麻煩佢地幫我加個birthday tag落去，佢地真係有做到。個甜品黎到嗰陣，staff先會喺你面前淋酒再點火，完晒成件事之後，佢地有一杯coffee係俾你淋上上面 溝淡返個酒味！食落去好滑 就算上面係好多塊香蕉都唔會話好飽好滯，成個感覺好唔錯！我地仲叫左禁冇酒精嘅Lychee & Rose Twist Ice tea 特飲，唔太甜幾清甜又冇話藥水味！今餐都食得好舒服，整體服務同食物我都覺得above average! …查看更多

約左朋友食生日飯, 咁一心買個蛋糕同佢慶祝下。去到Sogo樓下其實都有好多選擇, 但我朋友想食cheesecake, 見到Moncher有cheesecake而佢話可以加錢有Birthday Tag, 咁就買左佢個蛋糕話夜D 8PM去拎蛋糕。去到排左陣就拎蛋糕, 之後拎去食飯場地。食完飯滿心歡喜拎個蛋糕出黎, 一打開冇生日牌冇蠟燭, 一個米色蛋糕乜都冇.... 已經好嬲! 即刻打電話去SOGO間舖問佢地, 佢地叫我等陣之後話唔得閒收我線! 之後我再打, 佢話陣間打俾我, 留左名同電話, 跟本冇人打俾我!!我keep住每個星期打一次問而家點, 搵左好耐佢地office電話, 搵到個女人聽, 佢話負責同事行開左話轉頭打返俾我, 我問左佢會唔會我又等幾個月都冇電話收到, 佢話一定唔會。之後當然我等到呢一刻, 都冇人contact返我我唔係因為要佢refund俾我, 我只係需要佢一個解釋, 佢地就連一句對唔住都冇同我講, 咁算得D咩? 雖然加ge錢唔多, 但係一個好地地生日蛋糕搞到plain到冇得再plain, 咁算點?!一間完全冇心, 冇服務, 冇禮貌, 冇質素可言的Baby Mon cher...  只能說 垃圾!!!…查看更多

Book左枱, 完全唔需要等位就可以入去。入到去個裝修都幾唔錯, 幾舒服。因為有朋友未到, 所以就叫左杯cocktail飲住等朋友。其中一個朋友唔飲得酒咁就問個waiter有冇一D冇酒精飲品, 佢就答我地冇! (之後反左一下眼) 咁我地再話我地朋友唔飲得酒, 有冇D mocktail又或者其他冇酒精飲品? waiter答我地, 我地冇冇酒精飲品, 全部都有酒精! (之後再反多次眼), 咁我就忍唔住吓左一聲望住佢... 佢先死死氣咁話如果你唔飲酒, 我地D cocktail都可以唔落酒落去, 或者可以飲茶! 真心忍唔住答左佢一句, 哦~即係有『冇酒精』飲品啦!  除左被呢一位waiter pissed off之外, 其餘時間都十分快樂!咁我地就叫左壺大紅袍再加2杯cocktails, waiter哥哥就介紹左一杯叫1000 year song, 幾特別! 有個Ying Ying waitress好好人, 佢問定我地要唔要reserve定隻雞, 我地黎其中一個目的就係隻脆皮雞! 當然即刻要啦~ 人齊了~ 我地就係咁落order~~ 我地一行四人叫左都唔少野... 海膽蝦春卷 (waitress recommend) 好味到一個點!!! 好唔錯上湯苗  呢個我最鍾意食, 清清地, 同埋本人比較偏好食豆苗物體龍蝦包 味道都幾唔錯, 唔算話太多龍蝦肉係裏面, 但係佢夠juicy鵝肝唐心蛋  呢個真係真係好好味! 鵝肝外層夠脆, 十分香口! 加埋個蛋漿一齊食.... 不得了!!開頭見到隔離枱食, 以為係豆腐。睇Menu先知係茄子, 即刻叫左! 感覺都好唔錯之後個脆皮雞黎喇!!! Sidedish D野已經好唔錯, 個皮夠脆, 雞肉又滑..... 真係要食要食之後我地係Ying Ying waitress言談間得知有豬手, 對眼即刻發左光.... 於是又叫埋!! 豬手個皮好脆, D肉唔會話太咸, 皮食落去唔會話太肥, feel到個個骨膠原好正!! 加上佢有個sour sauce... D肉點佢黎食唔會話太"漏", 可以中和返!之後我地當然有叫到個mushroom buns~~~ 佢都係其中一個黎食ge原因! 好似真mushroom, 食落去裏面都係菇粒!! 口感好唔錯食完之後我地就叫甜品喇~ 因為我地自己都有帶個生日蛋糕黎, waitress & waiter們都呆左一呆我地可以清晒枱面上所有野食.... 哈哈... 咁我地因為咁樣就輕輕叫左兩個dessert. 呢個亦都係waitress recommend, 豆腐乳凍! 好滑好有豆腐味!!! 推介得好唔錯! 唔錯!!之後我地最叫左個朱古力糯米糍!! 食左一啖, 裏面D朱古力仲係暖暖地流心... 呢個簡直係心心眼! 不過個皮就有少少厚... 但整體係好OK! 食完以上所有野.... 我地再有個蛋糕.... 4個人share一個500g 蛋糕.... 個一刻... waitress幫我地拎去cut, 問我地係咪cut晒, 我地話係~ 當然.... 之後cut完拎出黎.... 嘩!! 成個磚頭禁大... 個一刻, 真心好Full...........整體呢間餐廳好值得去, 我地亦再encore!…查看更多

BOOK左枱, 唔需要等就可以入座。但係佢好似得3個staff? 總之等佢地黎叫杯野飲都需要一定時間, 叫左4杯野飲, 味道不過不失, 都叫正常。咁之後我地叫左雞蛋仔雪糕, 份量少, 同埋凍左! 我去返4C小巴站間MXXXX買會仲好味好多...Ham & Cheese ... 芝士味冇乜... Truffle Fries, 不過不失, 都OK的叉燒炒飯, 唔夠金黃色... 冇咩味可言炸雞翼, 應該算係全晚最好味的一道菜色棉花糖多士... 多士好似冇烘過咁........就咁樣, 我地就食左9百蚊.... 仲要唔係好夠飽!…查看更多

同我朋友想食韓國野,冇BOOK枱情況下, 走左入去JOOMAK. 一開始坐低見正正常常都冇乜事, 咁見佢MENU都幾吸引, 好似都算多選擇。咁見佢個SET都唔差, 我地兩個人就ORDER左一個SET。坐低叫左個waitress, 佢黎到好似唔太知自己做緊乜咁, 算~ 我地肚餓淨係想快D有得食。咁ORDER完佢就話冇晒SHAKES...... 都算... 我地ORDER左日式炸雞, 燒牛肉伴飯, 卷物, 1杯LATTE同ICED lemon tea.杯Latte, 個賣相真係十分唔討好, 冇拉花, 可能忙又或者唔係講求拉花, 係講咖啡質素.. 但飲落又唔係... 之後伴飯到, 都係冇乜特別... 好普通。炸雞到, 都係麻麻, 雞唔算滑....個紫菜卷物, 算係最好食, 我地兩個係食晒。話說呢個SET係包甜品, 個waitress就話叫我地一早揀好食咩, 佢幫我地HOLD起個甜品, 因為如果遲D可能冇晒, 咁OK, 我地就叫個WAITRESS幫我地HOLD起個粟子味PUDDING.食到差唔多完就叫佢上甜品, 佢就話我地個甜品SOLD OUT! 問題就黎, 你唔係幫我地HOLD起個甜品? 佢話原來個陣已經賣晒, 咁點解你唔一早同我地講, 要成1個鐘之後先講? 個陣真係嬲左, 唔想同佢地講野。…查看更多