shiru~'s Profile

想在港島區食蒸氣鍋，因有長輩同行，特別找間不用上樓梯的，長發是個好選擇這間長發有兩層，蒸氣鍋區就在下層，雖然下層不及上層大，但檯與檯之間空間感足，尤其與潮福那種擠逼相比，這裡真是舒適太多，絕對係BB車 & 輪椅 friendly。另不得不提個廁所，好乾淨！我覺得呢點好重要，唔係淨係門面做得好，洗手間整潔令我覺得此店內裡都乾淨，加哂分！最欣賞呢度嘅服務。不太懂形容，就是由上至下都很樂意和主動，能和你有說有笑，而且不論誰經過你檯附近 而你的食物剛好夠鐘出爐，誰都會即時過來起鍋分食物，無分你我的，感覺良好好la～講吓食物。訂位前曾因爲這裡不是用草帽蓋而猶豫，但來了後真心覺得鋼蓋其實仲乾淨，而且蓋面是玻璃，可隨時看到食物在鍋中的情況仲食咗：污漕雞（原來即係紅棗杞子大頭菜蒸雞）、蒜蓉蒸蟹糯米飯、麵醬五花腩四季豆、沙薑蒸魚肚。仲有個粥底！食過的人都知道，鍋底加個粥，蒸食物時所有精華落哂個粥度～～冇得彈呢度個粥底冇加鹽，所以食落冇鹹味，反而突出咗粥同材料嘅原味。之前又擔心個鋼蓋D水蒸氣流哂落去會攪到個粥淡哂稀哂，原來唔會ga～個粥不知幾綿。而經理幫我們分粥時帶來了蔥粒同大頭菜粒各一碗，各人可隨口味添加。食完仲有甜品送，今晚係桂花杞子糕～…Read More

見佢減價，中杯$20、大杯$22，試吓！凍飲成杯冰 見怪不怪，但呢杯茶成杯冰，面頭再加個思樂冰。嘩！喜愛超凍飲嘅朋友萬勿錯過！味道方面，初初飲 飲筒插到底 毫無甜味，仲以為佢唔記得加糖。到後來，思樂冰入面嘅青蘋果糖漿溶咗落去，甜味又變得啱啱好。三個鐘頭後：面頭個思樂冰不但冇溶（25度環保冷氣下）仲結實咗！…Read More

難以置信！！此食店晚上提供放題，分三種價錢 限時100分鐘任食！留意放題入座時間至晚上九時半結束，九時半後入座order的食物當散叫逐樣計！入座後order了多款牛、豬、海鮮，食物種類算多，包括生、熟食，連飯麵烏冬都有提供，滿足不同需要。問題o黎la~! 一路燒一路食，為何會有個全副武裝o既清潔人員 拎住水桶+清潔用品 在食客周圍遊走？每有一檯食客離開，清潔人員就會提著水桶到該檯面清洗燒烤爐。講真，檯與檯之間空間唔大，正如我當晚 左右兩檯食客離開後，這名清潔人員就全副武裝o甘站在進食中的我們旁邊進行大清潔，見佢出力"省ar省"。。。真係非常影響！(唔係趕收工吓wa?! 當時九點幾!!)好la~~到戲肉！食到中途 成檯o野，生o既熟o既食緊o既，突然！！！有曱甴出沒！！！仲要o係檯面！咩事ar~~~成檯又o野食又食具，點會o甘ga~~~~!!!!即刻同個店員講，佢o地●●●好o野！真係好o野！居然若無其事走埋o黎用濕紙巾o禁死隻已自由行到檯邊o既曱甴，之後 就好似完全冇事發生o甘行開！這是甚麼回事？完全冇表示、冇道歉、冇sa lum！一個字：服埋單照計全數。…Read More

這個Test Tube賣相好且味道也不俗，店內黑板提供的順序吃法是由淡至濃味，即由椰子菠蘿味吃起，最後是朱古力味，很有心思。唯獨我有個疑問，中間的紅茶奶凍是冇甜味的！問過店員，係咪default咗係冇甜味？佢只說是淡口味的。但問題是，真係完全冇甜味wor!!!於是店員好好，幫我換過一支。可惜結果都係一樣.....不過講真，個紅茶奶凍o既茶味真係香，奶味亦夠濃，只係零甜味真係怪！變成茶苦味！結果我食清光另外兩支，呢支就...擺咗o係度...但店員的服務都係抵讚ge, 有禮且主動提出幫我換過…Read More

特別喜愛貢茶的奶蓋系列, 香濃幼滑的奶蓋真係超好味！可借不同分店的奶蓋份量和濃厚度有差異！這間銅鑼灣鋪門面窄窄的，但奇在這設在旺區而客量不少的分店竟然不設八達通付款服務，真的非常不方便！是日光顧我只點了一杯奶蓋綠茶(少冰), 收銀職員回覆竟變成:"奶蓋綠茶(少冰)加珍珠" 立即更正了以為一切順利‧‧‧誰不知數分鐘後櫃面出現的竟是奶蓋紅茶！唉！費事再等唯有算數！！這杯紅茶的奶蓋只有1cm左右 本人覺的非常不夠喉！…Read More

昨天過去外買蒸飯, 貪佢平平o地$18包埋o野飲去counter遞單取食物,居然成個counter冇人(午市點幾鐘wor~!!), 我只能站著呆等!!遠遠看見cafe經理在燒味部, 佢居然dup低頭係度啜緊檸檬茶.....最後走去叫咗企o係水吧部o既人,終於有蒸飯la~~ 不過!!!冇羹!!! (唔係掛~~~噤大間餐廳冇羹?!?!)算la~~用外賣北菇排骨飯用膠盒裝(分兩隔o個種), 份量OK~但唔知點解佢擺到兩隔都有飯同餸!雖然話外賣係由原本蒸飯盅度倒過去, 都唔係要求賣相要好似焗飯o禁靚仔,但都唔駛整到D餸o係哂盒底, 完全俾白飯蓋住, 之後就o錦淋豉油落面頭個白飯度......打開個盒好似淨係得豉油撈飯咁!!! 唉~撩開下面都幾多冬菇ge, 但排骨就肥咗D同硬咗D!好彩豉油唔係好鹹, 所以個"豉油撈飯"都可以ge~…Read More

10pm，入去食D o野先~~點菜後自動上檯o既麵包配軟牛油非常得大家o既歡心，麵包外脆內軟，好有麵粉香味，唔知係咪肚餓o既關係，覺得寧舍好食！之後有：- 洋蔥球 --- 賣相係好逗人歡喜o既~~ however, 都幾油，食多了覺得好膩，而中間個醬係酸鹹味，我唔係太鐘意！ 最後叫佢俾茄汁我o地，酸酸甜甜醒胃D！- 昆士蘭沙律 配 Honey Mustard --- 幾好味ga~~尤其欣賞個沙律醬，但價值$116 o既沙律我覺得偏貴！！btw, 可能係我孤陋寡聞，有冇人知道washroom門口個牌係咩文？真係好驚入錯！…Read More

唉~其實雪糕新地好多地方都有，亦係好普通的甜品，但呢度真係令我好失望！話說：見佢餐牌入面有兩類新地 → 普通 ($4X 以上) 同埋 輕型 ($3X 左右)本人想食個大D o既，於是叫o左普通裝o既朱古力新地，諗住有多D雪糕食，點知~~~~個新地只有兩個比乒乓球還細的小小雪糕球，上面有少少朱古力碎 plus 一支長條朱古力，下面用cream & 一堆cereal墊底，成杯新地o既容量仲細過檯面杯清水，如果大杯裝o既分量都尚且係如此，o錦輕型裝會細成點ga？！四十幾蚊雖然唔係龐大金額，但對比佢o既分量同"內涵"真係覺得佢食水好深lor~~~…Read More

book唔倒附近一間酒樓，book o左呢間。去到見原來有好多位.....早知唔駛book la~此店環境幾舒適，有圓形卡位，開陽o既形式令你同商場o既人好接近。點了：- 涼拌小黃瓜 --- 好清，青瓜切段，有少少鹹味 (同我心目中預期有出入....)- 口水雞- 糖醋魚 --- 我以為係黑色甜酸o係種，原來係"咕嚕"- 無錫排骨 --- 味道唔似我預期o既"無錫"，排骨好瘦，瘦到有D硬，感覺似食瘦肉- 奶油津白相對環境，D食物就比較遜色... 唔係話難食ge~~不過屬於好好好普通lor~!服務反而OK wor！！我覺得浪費o左o禁好o既環境，如果味道講究番D，我諗我會幾鍾意去呢度！四個人，叫o左以上o禁少o野(→注意其中兩個只係冷盆小食)，信用卡折o左都仲要$410嘩！未食飽ga wor~!!!…Read More

此店環境舒適，最鍾意o黎飲o野傾偈，睇o下雜誌！可惜tea set只供應星期一至五，weekend假期只好散叫- 辣肉醬熱狗 配 薯條 & 蜜糖芥未醬： 熱狗好大隻，用幼薯條墊底，但所謂的"辣肉醬"一D都唔辣，而蜜糖芥末醬味道亦唔出- 心太軟：伴有鮮果 & 芒果醬，食落冇o禁"漏"- 朱古力抹茶牛奶- 榛子抹茶牛奶唯一係服務麻麻，唔知係間店太大，定係服務員唔夠，經常叫極都冇人o黎....…Read More

賭場內o既中餐廳，24小時提供點心、粉麵、小菜、三文治、甜品 等食物。環境當然係冇得彈la~~but某D朋友覺得佢唔夠光wor...其實係情調o黎ga !!ordered：- 點心(排骨、燒賣) [所有點心全部$28]- 肉絲炒麵- 乾炒牛河- 潮州蠔仔粥兩碟炒o野有飲品跟 -- 咖啡或茶。排骨好好味，炒o野o既賣相同味道都好好~酒店出品，價錢當然唔同出面，招呼得好好，食物水準亦OK~！總之係見得人之選LA~…Read More

因為俾名人o係電視賣一賣，肉切酥即刻斷市.....唉~~~次次去都買開ga ma~~平時擺唒o係度ga!今時唔同往日，老闆話而家要買o既話，兩個鐘後先有wor~~見倒佢成地都係pack好哂一袋二袋之前D客訂o既貨！只好放棄... 揀第二樣la~要o左 盲公餅($9) 同 椰蓉餅($11)！盲公餅ok ar~~好味！椰蓉餅...食唔出有椰味，but好重泡打味....no good!…Read More

今次有幸同伯伯傾o下~原來佢話做金錢餅o既材料係由世界各地o黎ga~~~聯合國wor~~e.g. 牛油 --- 係澳洲o黎ge~，碳 --- 係新加坡ge~~叫做"坡碳".....等等等絕對唔係普通批發國貨！oh~ 大家可以好放心o錦食多D la~~~真係一種勁好味，又有益o既小食！btw~~伯伯話想授徒喎！佢好慨嘆：「而家D後生...又怕熱...冇人肯學lor~~」…Read More

門外有個電子牌，話有"機磨咖啡"...等等，入去試o下！店名係"雞"，以為主要係食"雞"，原來又唔係，係提供泰國越南菜式ge~店內有兩層，面積唔大，裏面同外牆一樣，好黃！- 青咖喱牛筋腩 --- 呢度D咖哩汁係好稀o個種，但好味，牛筋腩好軟- 豬扒包 --- ok ar~~幾脆口！- 扎肉粉 --- 只有5塊半圓形扎肉...- 蔥油拌麵- 越南春卷 --- 好好味ar~~呢個，雖然貴D--38蚊碟，但真係做得好好，D餡好多！下午茶時間，加$3可以有飲品！D咖啡奶茶真係唔錯ar~唯一唔好o既係 → 男女要共用廁所...…Read More

入去，檯檯都係打邊爐，我o地就試試佢D炒o野！叫o左：- 炒花甲 --- 唔夠熱，而且係蜆仔o黎ge~~細隻都死！！- 京都骨 --- 喂喂喂~~點解係豬扒o黎ge~?? 應該改命做"甜酸汁豬扒"！- 魚唇 --- 我冇食，but其他人話好硬wor~- 肉絲炒麵 --- 咦？碟麵o禁黑ge~?我o地冇嗌豉油王炒麵wor~~~!!!仲有→ 上菜速度好慢，而且全部菜式都好鹹！唉...唔ok ar!!! 怪唔之檯檯都打邊爐la~~我o地錯la~~~~…Read More