followmeloeat's Profile

同朋友收工黎到觀塘食嘢喺一堆工業大廈之中呢間日系食堂真係好突出自家醃西京燒銀鱈魚定食見到相已經覺得好吸引想試下！跟兩個配菜，一碗味增湯，茶肉質嫩滑完全唔腥唔好煎得過老魚皮亦煎得好香脆好好味日作厚切吉列北海道豚肉眼扒定食大大件嘅吉列豚肉夠曬厚，食落一d都唔乾身而且肥瘦均勻又炸得啱啱好麵包糠令到咬落去更加香脆！點埋醬汁食酸酸甜甜咁兩款飯嘅配菜一樣，分別係海蜇，毛豆海蜇我同朋友都超鍾意食好爽又開胃、配飯好好食呀飯粒軟糯，係珍珠米味增湯好足料！有蘿蔔紅蘿蔔昆布而且有埋蜆肉食！！冇沙又夠鮮甜見到餐牌有串燒叫埋蕃薯仔真係好好味 好甜燒得好香甜品跟餐可以加埋平d揀左雞蛋布丁，都有其他卷蛋可以揀但聽講雞蛋布丁好好食的確好滑，加埋cream食都唔會漏又唔會過甜，值得encore呀！重點係餐廳夠曬大設計日系好靚又坐得好舒服…Read More

呢間絕對係可以滿足你味蕾既絕佳火鍋放題店！澳洲M5和牛既呢個餐係下午5點前入座仲有買一送一，相當吸引！！🦐海鮮海蝦，扇貝，青口，東風螺，蜆等等多種海鮮隨心暢享，全部海鮮都係新鮮採購，每一品種都帶到海洋既鮮香，好似扇貝咁就口感鮮嫩，海蝦汁水豐富，螺又夠彈牙，細細咀嚼，彷彿置身於大海既懷抱，火鍋既方法完全保留海鮮既鮮味，令人為之瘋狂！🥩澳洲M5和牛和牛鮮嫩香濃，真係令人垂涎欲滴，真正任食既澳洲M5和牛，每一片牛肉都係肉質鮮嫩，口感好細膩，非常柔嫩，咬一啖就肉香四溢，盡享舌尖上晚極致享受，無論是蘸醬黎食定係以涮煮既原味去食，都絕對滿足到大家對和牛既需求！🐷豚腩片豚腩片充滿濃郁香醇晚豬肉美味，腩片鮮嫩多汁，紋理分明，每一片豬肉都飽含住濃郁香醇既風味，肉質柔嫩到入口即化，瞬間滿足大家對豬肉既渴望！而且呢度亦有唔同嘅飲品，酒精同非酒精嘅飲品都有，選擇好多，絕對唔使怕食到口渴冇嘢飲！…Read More

幫襯開既居酒屋轉型做左冰室，質素正常發揮，常餐炒滑蛋多士都好味，性價比高，勝在份量多，最正有街泊，坐出面位可以睇到車唔怕抄牌，店員好好傾，最中意去啲有人情味既茶記，食都食得開心啲，呢到仲好歡迎帶埋寵物一齊添，祝福老闆生意興隆！🥳…Read More

放工之後便到深水埗隨便找一間台灣小吃。有晚市套餐，一個主食，一個小食，再加一杯台式飲料，100蚊內有找。食物嘅份量好大。價錢又唔貴好抵食。我叫咗酥炸大豬扒配滷肉米粉，豬扒是原塊炸豬扒，炸出嚟熱辣辣，十分酥脆。小息揀咗甘梅地瓜條，份量唔細有起碼十條，地瓜條係啱啱炸出嚟熱辣辣加上甘梅粉好好味。而飲品質叫了輕芝士岩鹽奶蓋朱古力奶。雖然係跟餐送飲品，但質素絕對唔差，朱古力奶好濃，加上鹹鹹嘅芝士奶蓋，係一個好好嘅飯後甜品。整體上，餐廳價錢唔貴，但食物質素高，值得推薦。…Read More

踩完單車咁攰當然要食好啲，先點左原隻磯煮鮑魚，完美既朱古力色，非常入味，鮑魚彈牙juicy，鮟鱇魚肝小食係日本版既鵝肝，質感細膩，回甘味係口腔可以停留好耐，一啖魚肝一啖珍珠米飯都好好食，鹽燒三文魚鮫第一次食，加檸檬汁酸酸地調味，三文魚皮香脆，油脂豐富好惹味，必點三文魚籽海膽大滿足迷你丼，滿滿的三文魚籽，仲有海膽慢慢融化，滲出海水味，好creamy，超滿足啊！三文魚軟殼蟹卷，即叫即炸既軟殼蟹，口感香脆，壽司飯本身已經有醬油調味，基本上唔使芥末或者豉油都好好味，另外美國安格斯牛小排壽喜燒套餐，壽喜燒湯底 一流，大力推介，牛小排牛味濃郁，冬菇味道很鮮甜，仲有大葱、娃娃菜、豆腐，壽司大讚嚴選火炙盛合，包括三文魚、左口魚、北海道帶子、中吞拿魚腩、松葉蟹腳各一，火炙真係好好食，特別係吞拿魚腩同左口魚，炙燒迫咗啲魚油出黎超級好味，油脂感好正，埋單都係六百幾，真心勁高質！😍😍…Read More

想推介呢間係平民高質日本野，壽司丼飯鍋物全部都有齊，店員好貼心咁幫我將行李篋放喺角落，坐得舒服啲，先點咗海膽壽司兩件、花之戀、芒果花之戀，因為朋友鍾意食芒果，酸酸甜甜配花之戀原來又幾好食，海膽份量十足，滿滿的鋪滿壽司飯，一啖咬落去濃郁海膽甜充滿口腔，質感軟綿，朋友點咗極尚刺身定食，包括三文魚、油甘魚、深海池魚、赤身、活赤貝，全部刺身都非常新鮮，深海池魚平時少見啲，薄切沾檸檬汁同少少Wasabi，味道啱啱好，原隻活赤貝味道鮮甜滑嫩，我就點咗火炙壽司定食，最中意食微燒後個種豐富既油脂感，怪獸火炙三文魚腩十分肥美，我哋仲叫左北海道雪花牛肉鍋，壽喜燒湯底，有生菜、金針菇、冬菇、生雞蛋，湯底清甜好飲，肥牛juicy惹味，推介😋😋…Read More

外國朋友話好耐冇食西餐，帶佢黎香港地既西餐廳試試佢，餐廳夠多選擇✌️真。卡邦尼意粉$108，餐廳真係用蛋汁去煮，而唔係忌廉白汁，從賣相已經好吸引，鮮黃色蛋漿同意粉完美blend，意粉硬度啱啱好，煙肉煎香過因此更有嚼勁，芝士粉調味就更一流，好耐冇食過咁高質既卡邦尼意粉🍝香蒜白酒大蜆扁意粉$138，大蜆份量非常多，而且完全無沙，味道鮮甜肥美，用白酒同香蒜炒過，一上枱已經聞到好香🤙意大利巴馬火腿薄餅$88，即叫即焗，薄邊香脆，配蕃茄仔、火箭菜、巴馬火腿、芝士等，簡單材料做出惹味pizza，個人中意佢用簿底做餅底，好食啲😆香煎帶子配蟹肉忌廉汁配脆多士$118，蟹肉忌廉汁多士好creamy，菜式賣相美觀，每隻帶子睇得出廚封煎技巧高超，帶子表面微焦，但同時內裡肉質保持濕潤，夾脆多士、蟹肉忌廉汁同步食，口感層次豐富❤️…Read More

印度朋友黎香港，因為宗教只可以食雞，秒速唸到帶佢食海南雞飯，唸起暖笠笠既椰子飯，好耐之前食過一次就喜歡了，先點左蒜蓉炒時菜，有好多菜揀菜心通菜油麥菜等都有，上菜好有效率而且店員十分有禮貌，蒜蓉炒係最簡單最好食，通菜有少少硬身既質感就啱啱好，新加坡炒蘿蔔糕同樣大力推介，真係好惹味，有啲似xo醬炒蘿蔔糕，但佢哋連雞蛋一齊炒，切成粒狀就非常容易入口，質感軟綿調味足夠，最後當然係主角隨心無骨海南雞飯大大份雞脾肉咁上，真係啖啖肉超開心，雞皮乾淨嫩滑，配海南雞特製醬料，即係黑醬油、酸辣汁同薑蓉，撈埋餐廳主打既椰子飯，陣陣既椰香撲鼻，飯粒有口感，真係好好食，飲埋個熱騰騰既中湯，埋單都只係總共$235✌️✌️…Read More

喺上水踩完單車，晚飯時間經過見到好多人堂食，於是同朋友入嚟試吓呢間居酒屋，先醬燒蟹棒壽司配少少沙律醬，原條蟹柳棒啖啖肉，醬油漬小貝柱軍艦同樣入味，紫菜新鮮脆口，小貝柱味道鮮甜，好耐冇食炸芝士年糕，餡料煙韌，芝士鹹香味濃郁，口感好治癒好好食，即叫即炸而且外脆內軟，廚師有特意係上枱前吸一吸啲油份，所以我地食既時候就啱啱好，唔洗擔心會滿腔油膩，主菜點左個火炙海鮮丼，有左口魚、三文魚、帆立貝、大赤蝦，火炙豐富左壽司丼既油脂感好好味，望住魚油滲曬落粒粒壽司飯，加啲豉油同芥末就更惹味，我中意食麵就必點豬骨濃湯配自家製黑蒜油，餐廳有太麵同細麵揀，鍾意食幼面較直身嘅口感就可以點細麵，我鍾意煙好彈牙同煙韌嘅口感，就可以點攣攣哋既太麵，我哋另加太麵都只係加$15，性價比高，仲有麵豉湯同兩款小點搭配，章魚酸酸地甜甜地夠晒開胃，埋單都係$361，唔怪之得晚餐時間咁多人食，不論係一個人定係情侶定係一大班朋友都啱晒黎食，空間感十足✌️…Read More

作為撈麵專門店，佢個主題係鮑參翅肚好正😹請朋友食生日飯就緊係要豪一豪佢😹我叫鮑汁牛腩撈粗麵，個人認為粗麵係最正既因為超級爽口，傳統手工蛋粗麵係最香又好食，份量好足好多牛腩，每件都好入味，瘦肉同肥肉55分佈，煮得夠稔肉質軟，超中意個鮑汁大花菇好juicy，滑嫩又惹味，朋友叫咗鮑魚襟撈配墨魚麵，墨魚麵真係好特別，煙韌彈牙，秘製麻辣汁好刺激，辣度恰好，小食點左鮑汁炸豬大腸，即叫即炸，表皮十分香脆，沾酸甜汁味道一流，另外叫啲撈家特飲，葡萄爆檸、葡萄果肉梳打，柚子蜜檸檬梳打，養生降三高茶，同朋友食飽就飲野坐下傾計，四樣都好好飲，推介葡萄果肉梳打，冰爽又開胃☺️…Read More

搵左間靚靚西餐廳同朋友聚舊見面，順便行下觀堂呢個新商場，想講餐廳好有心思設計做聖誕主題，不論內外都好靚好有浪漫主義同氣氛，忍唔住係門口打卡🌹💐主菜朋友嗌左燒紐西蘭羊架配薄荷開心果莎莎，七成熟$288，想講顏色真係燒得好靚，表面燒得啱啱好微焦，裏面依然鎖住肉汁，呈美美的粉嫩色，擺盤亦都七彩繽紛，賣相吸引又好味，而且份量好足夠，開心果莎莎醬味道特別☺️我就必點法式油封鴨脾配砵酒蘋果$238，油封鴨髀係我個人最愛，想大讚廚師真係整得非常惹味，想食完再食，外脆內軟，真係食到鴨皮嘅香脆，同時鴨肉夠嫩口，唔會煎到過乾，肉質又稔又入味，伴碟配菜例如薯仔同紅菜頭都好好食🤤最後甜品食個提拉米蘇$58，十分creamy，酒味同奶油香balance很好，唔同層次完美地blend埋一次，一啖食曬咁多層layer好幸福🥰…Read More

同媽子入元朗探表哥，順便帶佢食好西放題，放題黎講呢間個環境又大又舒服，媽子食得好開心，食物選擇好多，基本上佢哋既冷熱盤都好味，第一時間當然點刺身啦，榮螺甜蝦赤蝦全部都好鮮甜，赤蝦厚肉爽口，蝦頭有大量蝦膏超正，仲有任食即開生蠔真係好正，加啲檸檬吊味，海水味濃郁，仲有平時極少見既深海池魚，肉質較實，另外清酒煮蜆份量多而且每隻都無沙乾淨，清酒湯好飲，壽司方面則推介火炙左口魚邊、三文魚，用火炙燒迫左魚肉裏面嘅油脂出嚟，口感豐富好多，做到入口即溶嘅效果，另外手卷我鍾意佢哋做到細細件，令到客人可以食多啲唔同款，必點海膽、吞拿魚蓉同埋軟殼蟹蟹，今晚超滿足，有齊晒我平時最鍾意食嘅嘢，仲有鹽燒雞軟骨，非常爽口有嚼勁✌️…Read More

帶呀媽黎呢間新開無耐既和風居酒屋撐枱腳，好耐冇食石鍋飯，見到餐牌有即刻毫不猶疑叫個松葉蟹甲羅燒石鍋飯，上菜速度好快，松葉蟹甲羅燒十分惹味，好多蟹膏同真蟹肉同蟹籽mix埋一齊，蟹膏既鹹香味同煙韌飯粒搭配味道一流，石鍋飯最正就係有飯焦，脆卜卜，仲有啲紫菜、大魚籽同味素撈飯，好食又飽肚，媽子點左黑豚肉湯烏冬，湯底清湯勁清甜，我哋食完個烏冬忍唔住飲曬啲湯，有海苔同娃娃菜，烏冬彈牙，我哋另外再叫左左三文魚壽司、三文魚腩壽司、蔥吞拿魚蓉壽司同蟹籽壽司，每件都少飯大刺身，食到好飽都只係$481，性價比極高🏮👍…Read More

荃灣收工想食湯餃，同事推介呢間就行過去試吓，想講佢超抵食，餃子10隻加兩個小食，再加杯嘢飲，都只係$63 ，我點咗豬肉白菜餃同豬肉冬菇餃，全部都即叫即煮，清湯關東煮，味道非常清甜飲完唔口渴，平時食餃子多數係中式清湯加生菜，好少有用關東煮做湯底，白蘿蔔浸得十分入味，又稔又好食，主角餃子每隻都好足料大隻，吸左啲湯更juicy，冬菇餃好香，小食我嗌左蒜香雞翼同醃漬鵪鶉蛋，雞翼惹味可口，好少見出邊有鵪鶉蛋食，鹹鹹地酸酸地，幾開胃，推薦大家可以試吓，飲品必叫生椰奶茶，香滑濃郁奶香，質感smooth，下次再試羊肉餃👍…Read More

朋友話好耐冇食燒肉一路都想試呢間，我地點左美國牛小排，如圖所見牛小排半肥瘦，分佈非常平均，厚度啱啱好，兩面各燒大概一至兩分鐘就可以，個人最中意係香蒜燒汁，中意再鹹啲加埋海鹽一流，我地每人揀左個套餐，第一個係美國牛五花拼西班牙豬五花套餐，中意佢有配菜係中華沙律同韓式泡菜，夠曬醒胃，五花系列脂肪比較多，油膩感較香濃，撈埋溫泉蛋紫菜飯一齊食中和返就好惹味，紫菜飯係必定要點真係勁好食，嫩滑蛋黃漿配煙韌飯粒，飲品就推介樂天番石榴汁同埋韓國海太果肉提子汁，仲有梨汁都好特別同好飲，外面放題或者燒肉都好少見，朋友揀左韓牛日韓極上套餐，三種唔同款既和牛，雪花靚到一個點，我個人最中意就韓牛1++最高級別韓牛前腿肉，薄切得黎牛味濃郁，最後甜品必試純乳酪雪糕杯，酸酸甜甜，而樂天Tiramisu雪糕蛋糕個質感同味道都真係好似食緊tiramisu 完美複製成為雪糕好厲害👍…Read More