masy's Profile

第一次試，揀咗抹茶鮮奶+軟雪糕。完全冇抹茶嘅甘，奶味占8-9成，淡到冇知覺當然唔係難食，但對真正抹茶L嚟講，絕對失望。咁嘅價位，質素真係太低。唔明點解可以開咁多分店。仲有，講埋服務。上手客用剩嘅所有嘢，完全冇員工打算清理。我坐咁耐，嗰堆垃圾就一直喺度，原封不動。x你，food court 都有阿姨執嘢抹枱啦。如果你唔想執枱，就貼張紙喺枱寫明叫客人自己處理。啲枱隊返晒出鋪頭範圍外，供商場客使用。唔好圍住晒啦，咁咪唔洗清潔囉。$52食杯奶味綠茶加雪糕，已經唔太高興，仲要對住堆垃圾食。冇下次…Read More

一直鍾意食poke，亦試過銅鑼灣、長沙灣唔同嘅poke，鍾意佢清清哋，食材多又新鮮，味蕾衝擊下令人會回頭再試。難得見到新蒲崗有，滿心期待去試。第一次試食所以揀咗$58帶子經典組合。返到去打開，見到中華沙律同蟹柳絲⋯⋯ 心知不妙完全冇諗過喺一兜$58嘅 poke入面會見到呢類平價食材。我啲相清晒兜嘢但唔代表佢好好食，純粹因為買咗所以點都會食晒佢。愈食愈覺得嬲嬲哋，因為$58真係好貴，而每一啖食緊嘅係蟹子、青瓜絲、中華沙律、蟹柳絲，飯⋯⋯ $58？ 唔係掛 呢啲配料完全只可以話佢定價太高嘅港式拌飯。慶幸帶子大粒又新鮮，否則呢啲配料足以令我拎返去退錢。有人話抵食？sorry 算小弟消費力太低，而要求又太高，唔會再試。滿心期待去試，揀咗$58帶子經典組合。返到去打開，見到中華沙律同蟹柳絲⋯⋯ 心知不妙，完全冇諗過會見到呢類平價食材喺一兜$58嘅…Read More

睇完其他食評，以為搵到石硤尾隱世好嘢，安撫下對日本嘅思念。冇得飛日本唯有喺香港食咗當去咗啦，點知！再一次證明呢度好評不能盡信，盲目對零負評執著，都會有中伏嘅時候。首先，飯唔係珍珠米，只係普通嘅飯，仲要爛飯；鰻魚肉好乾，唔知係太熟定魚唔靚；醬汁太少:(，加埋乾身嘅魚，乾上加乾，真係講不上合格⋯⋯ 另外附送黃色嗰舊蛋⋯⋯ 又甜又乾⋯⋯ 算啦好嗎本身唔打算留評語，食晒啲鰻魚後剩低啲飯，感覺好可惜又覺得好貴，要評價一下點解咁多人讚口不絕？在下實在唔會再有下次。轉角阿姨整嘅手撕雞飯賣$40，好食好好好好好多！…Read More

實在太同意前一編食評既精華標題，不得不再用一次。朋友介紹先入去試，入到去老闆一開口就已經表現出佢臭串既態度，對話內容唔講啦，大家可以參考下之前有個食評「甘味定甜味呀？」總之就係單單打打，假設所有客都係佢眼中所謂「唔識飲咖啡」既人，所以要企喺度俾佢串，然後俾錢佢。賣得呢個價位既咖啡，卻有如此低質既服務，實在全港難得一見。恭喜你黎緊又會少一批客呀老闆唔好意思無辦法評論咖啡質素，極低質服務態度令我飲唔出咖啡究竟係老闆口中既甘定甜味，that's too bad…Read More

成個商場其實無咩好食，有新野都會想試下。好不幸，今次呢間都係一次就講拜拜。:(本來想先單叫餐牌食物試下水溫，但呢幾日天氣實在太熱，好難唔叫凍飲送飯。所以最終都係揀左俾多少少錢叫2個$88單人餐。小食：雞肉串，魚餅雞肉串食落似走油雞肉，無咩特別；魚餅有香葉味道小弟鍾意。主角：海鮮叻沙摻摻，新加坡海南雞飯叻沙湯底味道唔錯，好香，唔會過辣，麵條都好好食。攞命係，作為一碗叫「海鮮叻沙摻摻」既麵，3粒蜆肉係可以既，但係幾隻蝦都係梅肉，食左半啖無食。魚片好實淨，唔太討好，豆卜無咩特別。海南雞飯本來想要求走翼，但店員話指定部位要另加$5，小弟即刻來個超級大反眼🙄好彩味道不錯，雖然唔係話超級好食，但係雞肉的確幾滑，鍾意食爽滑雞皮一定喜歡飲品：斑蘭檸檬薏米水因為杯入面只有一小塊薄薄既檸檬，所以無乜檸檬味，都無斑蘭味，有淡淡既薏米味，估計可能加太多水。另加：肉骨茶味道不錯，夠濃，不過唔夠熱。總結：$88單人餐抵唔抵食見仁見智，在下無第二次，會選擇過返隔離越X。多過…Read More

自從百x豆腐花無再出，好日都唔會特登去甜品店食燉奶燉蛋。有晚食完飯散步時發現呢間野，一見到燉蛋白！椰皇！養顏呢啲字即刻坐低食啦。坐低已聞到陣陣椰皇香，令甜品mode快速啟動桃花仙子入面有桃膠，即係桃樹皮既樹脂，稱有養顏作用，望落似雪蛤膏食落似大菜糕之類既質地。桃膠會另外放喺一碗椰汁入面俾你倒入椰皇度食。主角椰皇&蛋白好食到後悔應該唔好食飯留肚食佢。甜味剛剛好，無搶到椰皇、蛋白既味道之餘，蛋白又滑，真係食到停唔到！點樣可以又夠熱、又滑、又香、又好味！另上既桃膠連椰汁再刮埋啲椰皇肉一齊食，超級滿足又飽肚，宜家淨係打字已經又想衝去食我諗我一個月入面食左3次，絕對可以飯都唔洗食！…Read More

瓊東街唯一餐廳，客源不絕，亦是附近學生們的午餐選擇。但是定價實在太高，普通炒粉麵飯單價也需要$40以上，只會在沒有選擇/緊急情況下才光顧。食物：質素不穩定，開幕時燒味、小炒味道、賣相也很好，尤其叉燒，可說是餐廳王牌。到後期水準開始下降，變得不穩定。過咸、過淡、爛飯、硬飯、叉燒肉質新鮮程度時好時差等等。小弟由開幕開始光顧過無數次，見證了各方面質素的不穩定。希望這次不會被刪除評價。員工：數目雖有增加但多時遊魂太空或「見/聽你唔到」，種種原因令人小弟不想再光顧。如果必須以高定價經營，何不推出街坊優惠？既然有空間容納學生優惠的話。希望附近可多開一間食店刺激競爭，令瓊東街街坊不用再食貴飯。…Read More

又被打回頭既食評，「加入更多有關食物的味道或賣相等的描述」講真，港式茶記食物賣相黎黎去去都係嗰啲，無特別，唔放相唔飲申代表無描述賣相。味道，好我需逐樣講：牛肉粥正常，意思係粥有粥味，咸甜/份量適中。肉絲炒麵中上，意思係好好味，即係好味，無其他形容詞。咸魚雞粒炒飯都正常，意思係炒飯有炒飯味，咸魚有咸魚味。重點想講叉燒腸，其實望都估到應該係唔好食既，4塊正方形細細舊上碟已經夠寒酸，皮好白，白到似椰汁糕，唔好期望可以見到叉燒透出黎，皮厚可能有1 mm。反開睇下，叉燒唔似係新鮮，灰灰地色。至於質地⋯⋯一夾落去，膠到不行。食落口同賣相一樣唔掂，硬膠，唔夠熱，叉燒味道唔夠，食左半舊無食，強烈建議腸粉類既唔好試。…Read More

星期六等位飲茶是必然，尤其身處鑽石山區內唯一大型商場。相比其他酒樓，這間價位偏高，就如要配合整個商場強國高級品牌化一樣。價錢偏高當然不大問題，如果食物質素能夠成正比的話。所有食物真的很一般，真的沒太大的驚喜感覺。服務呢，開錯茶，揮手看不見你，漏單，你說呢？還有沾有油脂的筷子⋯⋯ 一定不會有下一次。…Read More

曾經因為尖沙咀某分店難食到極點既食物影響心情，之後更因為想俾既實話實說惡劣評語過唔到OpenRice審批而傷感。從來食板長都只會食池魚、海膽同鰻魚，今次第一次試左大吞拿魚腩。色：淺粉紅色加埋脂肪嘅紋理的確好吸引，目測已經覺得佢應該會好好食。（習慣用口食所以無影相）香：無諗過索魚生。味：超級超級超級好食！！！魚油同肉既分佈令舊肉食落口好滑，魚油唔係左口魚裙邊嗰種油淋淋嘅感覺。食完成個人好開心，令到已經飽既我即刻著左後備緊急quota，想隊多2件！$26/件果然係好野，成功過左池魚王喺我心目中既排位！整體唔錯，新開始終比較好。唯一不足係d飯好實，實到似栥飯，感覺好百佳，飯入面欠肉鬆。…Read More

低估左旺角區人流，錢收得快不過跟本做唔切order..........可能因為要趕出ORDER，等D俾左錢既客唔洗棟晒喺度牛咁眼望住，D薯條油lum lum咁入杯，再淋D溶左既芝士上去......望落去個樣都無事，食左面嗰幾條就知出事。D芝士"KING"晒同D油喺底，撩D芝士試下..鹹爆!!!芝士真係唔係咁食......唉......點薯條既芝士sauce都唔係咁，焗薯皮上面用溶左既芝士就得!轉用"芝士味"既sauce 把啦都係M記同快餐店D薯條值得俾錢又擺得入口!…Read More

$28 一個下午茶.....其實都唔算好下午茶... 黃大仙區$28應該係午餐價。莫非新裝修領匯啲租貴??????貴刁﹕"Woodstock KC" 仁兄已講中9成，我嗰碟介要係啲貴刁(河粉) 一疊疊，幾塊合併為一大條。即係成餅落獲未炒開就上碟!!我食得半碟已經無食。湯麵﹕多油.....蝦餅...多油.....冬菇...怪味至於waiter /waitress 同之前幾位講既都一樣------ 大部份發夢!!!!!!!!有個男既一睇就知佢剛剛訓完仲未醒，依舊沉醉喺夢境入面。有個女既就奇奇怪怪，叫佢，佢好似俾我地嚇親咁，又問我地 "咩事?"哦...無事.... 我相買鄭裕玲演唱會飛之嗎，仲有無呀?食物 / 服務都唔掂，點解可以開咁多分店?…Read More