Kong C9's Profile

幾個月冇嚟長洲冰室，今次朋友從外國返嚟，我哋就去敍舊。以前多係夜晚嚟，今次星期日下午，竟然好多人，搵枱都唔易。Menu 換咗，仲有相片，睇得舒服啲。我叫咗芒果豆花多花奶，芒果夠甜，豆腐好滑，糖水細味配合花奶，唔會太甜，好正！🍧…Read More

話說同朋友行到去灣仔唔知食咩好，朋友突然提議試吓保育嗰間西餐，於是我哋就即興試吓呢間餐廳餐廳環境唔錯，好有氣氛，唔會好嘈，適合傾偈。餐牌嘅價錢有啲高，不過地理位置同埋環境，收貴少少都係合理嘅！我自己叫咗杯白酒，諗住配個生蠔。點知嗰打生蠔，size同食生蠔嗰隻叉咁上下大，幾百蚊你唔係俾啲咁嘅嘢我呀？你過意得去嗎？我完全食唔到蠔嘅鮮味，淨係食到一肚氣😡我深信潮式蠔餅嗰啲蠔仔仲大粒過佢。香煎白鱈魚配蘆筍及蕃茄橄欖莎莎醬: 個Portion少到你食咗等於冇食過嘢新鮮黑松露意粉:唔知點解個醬可以咸到呢🤮🤮完！…Read More

好耐冇嚟幫襯，上次試過西瓜芝芝覺得好好味，今日過嚟試吓新嘢。我叫咗杯新春限定嘅柚子金芒芝芝；佢哋嘅芝士奶蓋正正係我鍾意嘅嗰種…鹹鹹地，冇奶氈味，少少杰杰地；柚子肉勁多唔孤寒；重點係所有嘅味道都唔會蓋過茶嘅香味😌如果鍾意芝士奶蓋嘅人一定鍾意飲🤭…Read More

今日放假，約咗個好耐冇見嘅朋友，咁啱朋友今日喺灣仔有啲嘢做，所以我哋就去咗呢一間餐廳。我哋叫咗三個下午茶餐😆脆皮豆腐：豆腐炸得外皮好鬆脆，但絕對唔會一夾就爛，裏面豆腐好滑，再加上少少淮鹽，所以好夠味龍門炒米：米粉炒得好香口，加入紅蘿蔔絲、銀牙同洋蔥，好爽口；肉絲同蛋絲都能夠令哩個炒米粉生色不少檸檬雞小腿：雞鎚微微炸過，加上檸檬汁，酸酸甜甜好開胃，仲有沙律做配菜玫瑰花茶：玫瑰花好香，有蠟燭暖住壺茶，Keep住個溫度而且好出味燉雞湯：燉湯用蠟燭保持住溫度，足料而且唔會好油我見隔籬枱有人帶咗兩隻小狗嚟，原來呢間餐廳係可以比狗仔坐㗎，真係好開心毛孩都可以一齊食下午茶，下次我都可以帶我個寶貝嚟😊…Read More

同朋友去沙田石門處理一啲事情，原來佢以前都喺呢頭返工，我哋行到萬怡酒店，就去左飲茶。XO醬腸粉：煎得香脆，XO醬唔會好辣，加埋芝麻更香。晶瑩鮮蝦餃：蝦夠大隻，而且新鮮彈牙，皮薄但有韌性蟹籽燒賣皇：鮮蝦同豬肉嘅比例啱啱好，蝦肉夠彈牙豬肉夠香黃金流沙包：一咬已爆餡，餡料香濃，食到入面，有鹹蛋黃嘅鹹香味薑蔥蒸牛柏葉：爽口又不韌，少少辣，十分惹味。鮮蝦腐皮卷：鮮蝦腐皮卷熱辣辣，外皮煎得香脆，入面嘅蝦好爽口乾炒安格斯牛肉河粉：好有鑊氣！安格斯牛肉牛味濃，而且好淋，唔係嗰啲用梳打粉醃嘅牛肉質感，河粉條條分明唔會好油紅燒煲仔翅：非常足料，一排魚翅勁有口感，湯頭夠濃…Read More

裕民坊重建後都未嚟過，今日約咗個朋友嚟行吓。我地行咗陣就見到哩間餐廳，見佢環境好似幾舒適，所以入去試吓。泰式生蝦刺身：估唔到會用shot杯嚟放生蝦，個presentation 幾好。生蝦非常新鮮，蝦肉爽口彈牙，配上酸辣汁同蒜片，極度開胃泰式鹹蛋黃單骨雞翼:雞翼炸得好香脆，內裡好juicy，加埋蛋黄嘅鹹香味，好惹味。蒜蓉法包：烘得好脆口，蒜蓉味出東羅泰滷豬手飯：無骨豬手滷得好入味，而且煮得好腍，每一啖都覺得自己食咗好多骨膠原😆而且配有酸菜同溏心蛋，送飯一流提拉米蘇杯 ：咖啡味嘅蛋糕配上香滑忌廉，唔會太甜，同朋友share食最啱，因為都幾飽肚泰式奶茶：茶香而且奶味香濃，好滑…Read More

今日經過蘭桂坊，見到有上次試過嘅霸嗎拉麵，所以就入去食個麵。今期有個季節限定嘅松葉蟹肉蟹膏軟殼蟹拉麵，全蟹宴點可以唔試下☺️拉麵係幼身嘅，我揀咗軟硬度適中。拉麵索左濃濃嘅湯汁，唔會令到啲麵淡而無味。軟殼蟹炸得外脆內軟，而且好酥脆，重點係夠大隻而且啖啖肉，好滿足。松葉蟹肉鮮甜，蟹膏甘香，混合喺濃濃嘅湯頭裏面，個蟹膏令到個湯底提升鮮味。另外叫咗個沙拉唐揚炸雞，即叫即炸熱辣辣，又香脆，雞肉有醃過所以好入味，炸完都好Juicy，配埋沙律醬同香蔥，增加口感同埋減低油膩感！…Read More

成日都喺尖沙咀行街，今日終於試吓呢間香港小熊呢度主要係賣蛋糕同埋手搖飲品，飲品方面種類繁多，有港式、台式、「特式」🤣🤣總之包羅萬有天氣炎熱，我叫咗一杯芒果冰檸。有四季春茶做膽，茶味香醇，加左香甜嘅芒果，仲有檸檬青檸，有少少酸，但係感覺好清新，絕對適合夏天飲。另外叫咗個檸檬肉鬆卷，貪佢夠特別。檸檬肉鬆加埋好似怪怪地，但原來味道好夾。蛋糕好鬆軟，微濕，而且有蛋香味，內裏包住檸檬醬，外面蓋滿肉鬆，肉鬆絕對唔係平時食嘅泰國肉鬆咁鹹，酸酸甜甜鹹鹹，三種味道都平衡得好好。之後再買咗個楊枝甘露返屋企諗住當飯後甜品😂😂呢個楊枝甘露同平時糖水舖嘅好唔同，非常足料！有少少酸嘅西柚、香甜嘅芒果、大大粒嘅西米、仲有椰汁，用料十足，性價比高…Read More

今日老公話帶我去科學園食嘢，原來哩度竟然有好野食😍🤫我地去左哩間西餐廳，叫左兩個set dinner生蠔 (St. Martin No.2 size): 肥美飽滿、味道鮮甜麵包：微暖嘅麵包，香脆可口，跟返個好惹味嘅秘製蛋黃醬，鹹鹹地襯返個包，好食！龍蝦湯: 好濃郁，有龍蝦肉， 龍蝦肉爽口彈牙香濃蘑菇湯: 蘑菇味好出，因為冇忌廉，所以唔會好杰身香烤澳洲西冷扒：牛扒睇落好似好生但完全冇血水，好軟身，好有牛味；薯條好脆，老公勁讚香煎比目魚：魚肉厚身而且好滑，外層煎得香脆，伴菜有翠玉瓜同薯蓉，薯蓉好creamy 朱古力慕絲蛋糕 ：朱古力非常香濃，配上雲尼拿雪糕同脆脆，可以平衡返朱古力嘅味道，蛋糕好厚實，兩人order 一份已經足夠。…Read More

朋友住喺觀塘，今日特登約佢去合十食飯，呢間餐廳我都嚟過幾次，真係值得推介，最鍾意佢哋可以帶寵物嚟，又有室外地方，空間又大，食物質素高。今次我哋點咗….小食拼盤：炸魚餅香脆嫩滑、炸雞外面好脆，裏面好Juicy、洋蔥圈好大件，而且洋蔥好鮮甜、墨西哥脆片好香口。食完炸物再食燒菠蘿，好解油膩感，而且菠蘿好鮮甜多汁。極尚和牛漢堡：和牛漢堡扒好大塊，肉質鮮嫩又多汁，仲有一大片煙肉、新鮮蕃茄、生菜同埋香軟麵包，口感豐富。另外薯條香脆可口，用新鮮薯仔炸成，朋友話好好食！🤣🤣戀愛預告：有玫瑰花蜜、荔枝汁、蝶豆花、梳打水同雪糕，外表真係好靚，好有戀愛嘅感覺😂味道清甜。香芒斑斕奶蓋瀑布蛋糕配椰子雪糕：將執邊透明膠條拉起，就好似瀑布咁流落個蛋糕度，好有創意同好靚。斑斕蛋糕好香，芒果甜，配上椰子雪糕，配搭完美。…Read More

開心星期五，當然同朋友出去食飯飲嘢，尖東都係其中一個好選擇。我哋首先叫咗兩杯飲品，朋友叫啤酒，我就想試吓Cocktail，所以叫咗”Fantasia”Fantasia: 又靚又甜，女士們一定鍾意，酒精濃度唔太勁，容易入口坐低左一陣就送上法包做前菜生蠔：好鮮甜，算大隻，對得住呢個價錢鵝肝配油封鴨薄餅：薄餅好脆好好味😋餡料有鵝肝、油封鴨、黃椒、橄欖、芝士、火箭菜、焦化洋蔥。鵝肝外脆內軟，油封鴨好入味，成個Pizza好豐富，推介👍🏻香烤原隻法國春雞：春雞好鮮嫩而且入味，薯蓉好creamy，配上蘆筍、抱子甘藍同甘筍，仲有秘製醬汁，提升左整碟菜式嘅CP值…Read More

上次帶朋友嚟試lunch，都幾滿意！今日就帶另一個朋友嚟試吓dinner 。我哋叫咗….生牛肉薄切 ：生牛肉好軟林林，火箭菜好新鮮，仲有巴馬臣芝士碎同蘿蔔仔，配上芥茉醬同黑松露醬汁，真係好好味牛脊肉配法國鴨肝：牛脊肉五成熟好Juicy同好有牛味，鴨乾煎得外脆內軟，配菜有甜嘅洋蔥，仲有蒜頭，蒜頭咁樣嘅煮法令到口感似薯仔，好味；薯蓉好creamy法國油封鴨腿：油封鴨好嫩好入味，配埋羽衣甘藍、薯仔同蘋果。原來蘋果同油封鴨好夾架，蘋果甜甜地又少少酸，好開胃同時減低油膩感蕃紅花啤梨蛋糕：啤梨微暖，蛋糕唔會太甜，質感又唔會太厚實。白酒：食法國菜點都要叫下wine嘅😌我哋選擇左白酒，都算大杯，而且易入口…Read More

我細個成日去紅磡，因為爸爸喺紅磡廣場返工，今晚就去睇下改變左幾多，原來有港鐵後勁方便，而且有好多新樓。行完之後，我揀咗哩間食店，因為有我想食嘅燒牛肉哩度最特別係石頭燒，我叫左牛魔王拼盤，因為可以試哂三款牛😌😌麵豉湯：好濃郁，有好厚嘅昆布同埋有一啲好爽口嘅蝦米仔沙律菜：好新鮮爽脆，配上沙律醋好開胃主菜送到嚟嘅時侯，店長幫我將前面嘅”水喉”移好位🫢 原來係抽油煙機😂😂熱辣辣嘅石頭放喺面前，我當然好心急咁一次過將三款唔同嘅牛放上去。美國安格斯牛：點燒都係軟身，牛味雖然唔係最濃，但有油香味；美國牛小排：牛味最濃郁，又有牛油香味，而且好有咬口，但千祈唔可以燒得太熟；M5特級和牛：因為薄切，所以最快熟，因為一片片所以好易入口；燒完第一輪，石頭開始冇咁熱，店員會換過新嘅石頭，所以唔需要擔心其餘嘅牛會燒唔到。牛係冇醃製過，所以建議用佢地嘅秘製醬汁，醬汁少少鹹，又少少甜，仲有少少辣。喺等食期間，店長請我試咗一碗西瓜沙冰，佢話哩個沙冰即將推出西瓜沙冰個質感好似棉花冰咁，但係完全冇加糖漿，冇添加任何嘢，用原西瓜做出嚟嘅，絕對好啱夏天食，味道清甜而且透心涼。…Read More

朋友之前同一大班同事嚟食過，今日就帶我嚟哩間西餐廳試吓。呢度裝修幾舒服，仲有open kitchen。酥炸牛油果真係稱得上外脆內軟，平時就咁食嘅牛油果，經過炸之後味道同口感有啲唔同，加埋酸忌廉，哩一個小食真係有驚喜！值得一試！******************************BBQ手撕豚肉pizza薄餅餅底又薄又脆，豚肉係慢煮嘅關係，好鮮嫩，配上芝士、青瓜粒同生菜，口感淸爽，醬汁用咗燒烤醬，酸酸甜甜好好味，推介！******************************酥炸廣島蠔牛油檸檬乳酪意粉炸粉薄，廣島蠔juicy ，意粉帶有少少檸檬嘅酸味，加上乳酪做出嚟嘅醬汁，混合喺軟硬適中的意粉，而且中和炸物嘅油膩，實在好開胃…Read More

嚟十次，八次都係叫脆皮牛腩飯，因為真係好好味！今日帶個同事嚟食，我照舊食牛腩飯，跟咖喱汁，佢就食XO醬炒飯。我試左少少炒飯，都幾辣，但炒飯都係好香好有鑊氣，不過冇乜料，所以我麻麻地。至於我個咖喱牛腩飯，今日實在大失水準👎🏻👎🏻👎🏻👎🏻👎🏻，牛腩乾到呢….咬又咬唔到，要用口扯開先食到，我最後仲食剩添！等我之前仲係咁同同事講勁好食，仲俾咗一舊佢試添😮‍💨😮‍💨另外同事好唔鍾意個侍應用眼神催佢快d食完，同事話好唔舒服，我就叫佢唔好望個侍應🤣🤣…Read More