yipcff's Profile

同朋友二人來到旺角這間蘇媽.蘇媽馬來西亞茶餐室時，首先被這裡的特色南洋復古裝修吸引，牆壁的南洋特色店屋插畫更顯其馬拉特色。餐廳樓底高，座位算舒適，還有機械人幫忙工作🤓我哋都比較傾情南洋粉麵類，分別叫了檳城亞參叻沙及檳城白咖哩海鮮米粉，再配上一份椰香咖央多士，非常之飽滿😊🔹檳城叻沙米線對於喜歡啫辣的朋友簡直是一流，椰香味濃郁的叻沙湯配上蝦及多款菜，南洋風味十足。🔹檳城白咖哩海鮮米粉有彈牙魚蛋、蝦、青口、蜆子等等的海鮮配料，仲有豬血牙菜等配料，個咖哩海鮮湯底好鮮甜，加埋個醬，微辣帶點小甜，非常惹味，適合不是太能夠啫辣的人。🔹椰香咖央多士更加好食到唔使講😋 黃金香脆的麵包外皮，配上斑蘭椰香味濃厚而帶點香甜的內餡，非常好味🤤必食😌整體感覺都不錯，下次可以再嚟試其他食物，例如肉骨茶😛…Read More

今晚經過樂富順便搵野食, 見到門口餐牌平民化, 裝修同環境都唔錯, 我哋就選咗呢間西餐廳喇:)同朋友二人點了兩個唔同嘅餐,一個包餐湯同飲品, 另加少少錢配多個dessert性價比高今晚個餐湯係菇菌忌廉湯, 好多菇菌碎碎粒, 啖啖香濃忌廉味🔸特濃黑松露有機野菌天使麵 ($128)呢個天使麵麵質細軟有口感, 配上我至愛嘅黑松露, 松露味夠濃郁香醇, 野菌爽脆彈牙, 作為主菜絕對係難忘亮點之一🔸大西洋鱈魚燒汁炒意粉 ($92)新鮮的大西洋鱈魚搭配炒香了的意粉, 鱈魚肉質鮮美多汁, 外酥內嫩, 意粉則附有鱈魚的鮮甜味, 整個配搭不錯🔸熱抹茶牛奶 (set dinner 加 $12)抹茶味濃而香, 未飲已經聞到陣陣香味, 濃郁的抹茶與香醇的牛奶係一個好好嘅mix and match🔸凍檸茶 (set dinner 加 $5)夏日最清爽消暑飲品之一, 酸甜適中, 有檸檬的清新酸香🔸法國芒果熱情果蛋糕 (set dinner 加 $38)蛋糕賣相精美, 融合了法式同熱帶風情, 有芒果香氣同熱情果的清甜酸爽, 蛋糕體質地綿密細緻,入口即溶, 係一個夏日清爽甜品之選…Read More

今晚又約左朋友係黃大仙食飯喇上次食左韓國野 - 韓閣, 今次就去食係韓閣旁邊既台灣野 – 嘆嘆!店內氣氛舒適, 唔會好迫, 有空間感, 食物種類多, 花多眼亂, 同朋友二人點左一個鐵路便當套餐, 另叫小食, 甜品同額外點多杯飲品share食.便當套餐相當抵食，有鐵路便當主食，仲包小食、飲品同埋加配甜品滷水雞翼拼滷水豬耳既鐵路便當盒呢個便當都幾多野食ga, 有肉質鮮嫩多汁既滷水雞翼, 豬耳同蛋. 滷水汁既香氣完美地滲入肉中, 口感濃郁肉燥高麗菜脆爽既高麗菜配上鮮嫩肉燥, 除左係一個唔錯既組合之外, 仲帶黎左一份健康同營養.香酥鹽酥雞鹽酥雞熱辣辣, 外表酥脆金黃, 內裹保持左肉質的鮮嫩, 有台灣街頭小食既風味.台南芝士肉鬆捲餅酥脆既捲餅包住豐富既肉鬆同濃郁既芝士, 濃郁既芝士配上肉鬆, 帶黎獨特既風味.巴士克蕉芝士蛋糕芝士蛋糕濃郁香甜, 質地細膩柔軟綿綿, 有愉悅既甜蜜感覺.抹茶千層奶蓋蛋糕層次感足, 有抹茶苦甜香氣同滑順既奶蓋口感, 甜度適中桂花蜜桃鳳梨水果茶清新怡人, mix and match左桂花、蜜桃同鳳梨, 有桂花既香氣, 又有清爽既蜜桃, 仲有鳳梨的甜味蘋果青檸草莓烏龍茶蘋果既甜蜜, 清新既青檸, 仲有香甜既草莓, 帶點微酸, 係一杯唔錯既飲品總括黎講, 價錢唔貴, 坐得舒適, 食物好食, 性價比高, 會再來…Read More

最近好少食韓國餐, 今晚突然好想食, 隨意咁響openrice搜尋一下, 搵了位於黃大仙的韓閣, 來了一個韓式晚餐:)店內氣氛: 充滿韓國風, 有韓服可供試著, 被那種迷人的韓風包圍, 彷彿置身於遠古的時光中座位舒適, 有不少卡位我們點了一個二人餐和幾個小食, 簡單介紹一下:🔸亞之媽炸雞炸得金黃味, 外脆內嫩, 每一啖都有鮮美口感, 再加上秘製的醬料, 讚👍🏻🔸小食拼盤配雞皮餃子同金沙蝦仁兩款，雞皮餃子好特別，雞皮同裡面嘅肉餡好夾，蝦都好香脆可口🔸年糕魚片炒雜菜年糕有彈性, 有口感, 魚片則有鮮嫩多汁, 再加上鮮甜和脆爽既豐富雜菜, 形成了完美的組合🔸吞拿魚烤雞PIZZA (升級版)餐廳 fusion菜之一, 結合了韓國和義大利風味的美食. 香嫩烤雞配上酥脆的餅皮, pizza 面佈滿雞肉, 吞拿魚, 粟米粒, 芝士滿滿, 難怪店員推介我地食呢個升級版pizza.🔸紫菜明太子蛋卷柔軟蛋蛋口感, 加埋香口紫菜, 同鮮美明太子, 係一個色香味俱全既小點心, 值得一試🔸冰火鐵版雪糕布朗尼呢個係不得不提既甜點, 絕不馬虎, 融合了冰涼的雪糕和溫熱的布朗尼, 仲有個爐即埸加熱, 自己倒抹茶醬, 整個設計好特別🔸蟹肉薯餅炸得脆脆, 內面卻鬆軟的口感, 濃郁既蟹肉味道, 喜歡蟹餅朋友不能錯過🔸蒜香牛油燒扇貝鮮嫩扇貝同香濃既牛油燒烤而成, 帶黎滿滿既海洋風味飲品方面, 我地叫了清潤的雪梨茶和有爆珠同仙草既紅豆抹茶, 兩杯都真材實料, 好好味最後值得一提既係, 食物除左好味外, 份量仲係非常充足, 性價比一流, 非常滿足, 值得再嚟…Read More

今晚放工去到尖沙咀habour city食飯, 選擇了裝修美麗, 又有得打卡的一間泰式西餐廳職員先為我地安排左window seat同提供餐前小食 (炸蝦片), 可一邊享受美食, 一邊看看海景, 非常之輕鬆寫意餐廳有本靚靚menu, 圖文並茂, 而食物種類都好多, 選擇多到令人心大心細, 選好之後用手機scan code 落單, 都好方便炸蝦片:酥脆口感配合鮮美味道, 帶來滿滿的滿足感, 香脆可口, 食過不停香脆蝦餅:口感豐富的料理, 外層酥脆, 內裡蝦肉鮮嫩多汁, 一嚐泰式獨特風味咸蛋黃薯條:可以話係為薯條控而生, 薯條炸得金黃酥脆, 配搭上特製的黃金咸蛋黃醬料, 非常香口誘人泰式炒金邊粉:傳統的泰式美食本來不太有期望, 反而有驚喜, 表面有塊薄薄的蛋網皮包住整個炒粉, 配有鮮甜大蝦, 豆腐干, 酸酸甜甜, 大大滿足了味蕾香蕉薄餅:可要求後上, 令完美既一餐畫上句號. 上菜時熱烘烘的, 很喜歡熱既甜品, 外皮口感柔軟綿密, 內有香蕉片的鮮甜, 配上煉奶及榛子醬, 非常之正! 好滿足斑蘭龍眼蜜:好多龍眼肉, 甜甜蜜蜜, 有滋潤的感覺:)最後不得不提餐廳內的搖搖千秋打卡位, 連我不喜愛打卡影相的女生都拎起手機隨意影咗好幾張相, 喜愛影相打卡的女生不要錯過啊…Read More

好耐無去PP食晚餐, 今晚順路同朋友選擇了一間性價比較高嘅泰國餐Apinara😁餐廳門口同內部裝修都俾人一個舒適relax嘅感覺, 因為不太餓嘅關係, 我哋決定點一個主食, 再加唔同嘅小食🤣🔸泰式和牛船麵 ($168)我哋選咗走辣, 但湯底一樣夠香, 又清澈, 有椰香味, 配料絕對足, 有牛丸, 牛肉同牛徤, 份量都唔少, 食配料都已經夠. 牛肉方面夠彈牙, 牛肉同牛徤都好淋, 食到好滿足😊🔸泰式魚餅 ($78)魚餅厚身夠晒足料, 絕對唔係食空氣, 而且好有口感層次, 又有陣陣既魚香味, 又香口👍🏻🔸泰式炒菠菜 ($88)未食已經見到翠綠色澤, 新鮮的, 食落同樣有口感, 香香既蒜茸味又唔會太濃😌🔸泰式芒果糯米飯 ($98)最後當然唔少得食泰國必食嘅芒果糯米飯, 軟糯香甜既糯米配上香甜既芒果, 當然唔少得嘅係陣陣椰子的鮮味椰漿, 絕對係一流既配搭, 非常之好食😋差啲唔記得🫢 前菜有一籃蝦餅🤓 非常之香脆可口😋 忍不住係咁食😂😂呢間泰國餐廳整體都好掂, 食物同環境都好正,性價比好高👍🏻👍🏻👍🏻值得再嚟😌😌…Read More

一段日子無去台灣旅行, 今晚相約朋友二人黎個台式晚餐🤭細食既我決定來一個一人晚餐再加三個小食同一個甜品, 以回味台灣美食既回憶☺️🔸香濃番茄汁大蝦刀削麵第一次食呢種配搭🤣 刀削麵有口感又唔會太硬, 呢個就係刀削麵既特色, 配合嫩滑既大蝦肉質, 配搭埋蕃茄醬汁, 夠晒出色👍🔸豆乳香香雞完全滿足了我喜愛炸物的追求, 夠晒酥脆口感, 當中既香味更令我食個不停😆🔸澎湖花枝丸咬勁十足 彈牙 紮實的口感😌🔸百頁豆腐同平日的豆腐不同, 豆味足且香濃, 配埋滷水汁都唔會過咸🔸草莓花生雪糕吐司重頭戲甜品, 大大球雪糕配合大大份既吐司, 除咗有草莓🍓, 仲有藍莓🫐 上面灑有花生粒😌吐司係絕對可encore的, 好食得黎又岩晒打卡😎飲品方面, 叫了柚子蜜綠茶同鳳梨茉莉茶杯果茶係有水果粒粒的😊😌總括然而, 呢間餐廳性價比高, 環境不錯, 坐得舒適服務又好, 值得再黎👍…Read More

今晚約咗住將軍澳嘅朋友食飯，順便去將軍澳站食完飯行街😁因為我好耐冇去台灣，突然間又想食台灣鹽酥雞🫢 就提議去呢間桂花小幸食🤭好彩我哋早一步到，等一陣間就有位可以入座見到琳琅滿目的餐牌唔知食咩好🤔想起了在台灣的時光，就選了原盅燉湯定食套餐嘅鹽酥雞扒配鹵肉飯，仲免費付送上湯浸時菜及原盅燉湯☺️ 再加台式小食併盤、蕃茄濃湯水餃4隻，之後我哋各自點咗杯飲品😌今日的燉湯是椰子排骨湯。一打開蓋已聞到好香椰子味，見到材料豐富，湯清清的、好健康！一口食下，滿是椰子同排骨的清甜又不會油膩🤤🤤好有媽媽燉湯的味☺️好快就被我飲哂😌😌鹵肉飯一上都吸引我的目光，每粒飯都有被鹵肉汁包圍，每一口都有飯香加鹵肉汁，鹵肉入口即融👍🏻忍不住一下子食了半碗🫢配上清湯娃娃菜，感覺健康得來又好美味☺️👍🏻鹽酥雞扒都好大塊，外皮炸得酥酥脆脆，入面鮮嫩多汁 🤤 配上脆皮上的椒鹽粉，食慾大增 又不會太咸剛剛好😆加配香酥米血糕，一條條的米血糕 煎到外皮香脆 入而好軟糯😌台式小食併盤配有一大份炸物😌 炸蕃薯條係粗身嘅，有濃濃嘅甜薯味道；炸餃子唔太油膩，香脆可口；鹽酥雞翼大大隻，夠晒香口；炸墨魚丸好大粒，外脆內彈，好食😋蕃茄濃湯水餃🥟濃濃的蕃茄湯配上大大粒肉餃，好多肉又多汁，水餃包得好好，連埋蕃茄湯一齊食更加好味😌朱古力迷的我 最後叫左一杯超濃郁的熱朱古力 一入口 濃郁醇醇的朱古力味 甜度適中 加上有咬感的珍珠 令到朱古力多了一層淡淡的黑糖香 層次好豐富🤤 配上酥脆的鹽酥雞扒 雖然邪惡 忍不住一口接一口 幸褔感滿滿☺️☺️☺️朋友點咗杯仙氣火龍果茶，杯水果茶粉紅色嘅🤭 拎到覺得好吸引又好大杯，係紅火龍果肉打成，佢話飲到有碎碎嘅果肉，甜甜地，又解渴離開時見到好多人點麵食🤓應該都不錯🫢下次來一定要試下🤤🤤😋…Read More

近呢一年係港島返工, weekday約朋友食飯都改左係港島為主. 今晚就約左係銅鑼灣食飯, 在時代廣場附近行行下無意中見到間看似唔起眼既西餐廳食burger🫢 望落都唔錯, 我哋決定試試佢😁一入餐廳, 店員已經主動安排座位😊餐廳環境氣氛: 雖然餐廳唔大, 座位都唔多, 但裝修絕對無馬虎, 牆上有唔少西方壁畫, 好有心思, 走歐陸式風格, 感覺輕鬆😆食物方面: 我地都唔太餓, 就叫左一個和牛burger 伴薯條, 加個apple crepes☺️ 朋友仲選咗杯抹茶鮮奶- 和牛burger: 都大個的, 一個人係唔會食得晒, 入口即溶既和牛漢堡, 伴上芝士、新鮮番茄同軟熟既麵包, 正啊😋- 薯條: 餐廳選用左幼薯條, 炸到好脆熟辣辣, 食到唔停口- apple crepes: 很喜愛熟辣辣既甜品, 呢個crepes上檯已經傳來陣陣芳香嘅蘋果味, 味道又不算太甜, 配有一個gelato, 我哋選咗黑朱古力味, 朱古力味濃厚👍🏻 同個Apple crepes 好match, 值得再試☺️- 飲品: 賣相好靚, 抹茶味濃服務: 一流, 店員有主動查問甜品是否需要後上, 主動提供餐具同收回已用完既餐具, 抵讚👍🏻整體來講, 餐廳環境舒適, 食物唔馬虎有品質, 好食😋…Read More

今晚約左朋友返將軍澳新都城食燒肉, 之前有朋友推介過, 決定去呢間和牛燒肉一郎試試😊想食少少, 又唔想太貴, 品嚐返係日本食燒肉嘅味道, 所以就選擇左B餐放題, 計埋加一全包都唔過500蚊一位就有和牛食, 性價比高呀~講返我哋最期待嘅牛先, 先黎兩盤指定既燒肉拼盤, 有牛里脊肉, 牛肋肉, 牛肋條, 扇貝, 蝦, 豚肉, 雞肉等等…除左指定燒肉拼盤, 仲可以用手機APP任點燒肉, 當中真係包羅萬有, 有好多唔同種類既牛, 一口牛, 壽喜燒里脊肉, 簿牛肉等等, 多到我都唔記得左, 除左燒肉外仲有海鮮, 例如蠔, 青口, 帶子, 蝦, 菇類拼盤等等, 連sushi同其他熱食都有, 真好好多選擇😆👍🏻講返d燒肉先, 全部牛肉都超好食, 非常之juicy, 幼嫩, 入口即溶, 生熟程度又可自由控制. 值得一提係一口牛, 真係頂級食材黎, 又靚又新鮮.. 一口細細啖, 可以試多幾款. 壽喜燒里脊肉又係正黎, 燒完加d雞蛋, 味道岩岩好, 好正, 真心好食到停不了😋😋 仲有飲品同甜品都係任食ga, 見到個飲品甜食區好興奮,超過十款飲品同甜品可供撰擇, 飲品有特別嘅亦有新普通嘅, 汽水熱飲都有,我哋飲咗幾款特飲, 完全唔伏, 清新自然又唔會好甜, 啱晒食燒肉👍🏻雖然好多野食都好吸引好想食，但我哋唔算大食, 今次無機會食到d飯同拉麵.. 唯有下次同多幾個人一齊食，先至可以食到更多款野食😌🫢 今餐燒肉放題好滿足😊 找回日本的味道，好開心😁…Read More

三年無去旅行, 今晚先來個台灣美食之旅. 之後先真正去台灣美食之旅☺️☺️由於我同朋友二個人都唔算非常肚餓, 所以叫左一個Set, 另叫5個小食, 加2杯野飲, 邊食邊吹水, 享受我地既晚餐😋😋🔸原盅燉湯時菜紅燒三寶牛肉定食 (轉雞肉飯)呢個雞肉飯值得一提, 只係加6蚊就將原來既白飯轉為滿佈滑嫩雞肉飯, 非常之抵！雞肉入味量又多, 牛肉三寶之中既紅燒牛肉最為吸引, 大大件又入味, 牛肚爽口, 牛筋彈牙, 口感軟嫩Q彈, 又能襯出香甜味, 跟set嘅燉湯好足料, 有椰子同雞, 令味道更濃😃🔸鹽酥雞排完全滿足了我喜愛炸物的追求, 夠晒酥脆嘅口感, 當中既香味更令我食個不停, 非常之香口惹味😁🔸煎餃子睇起黎平淡同樣好有水準, 煎到金黃色, 肉汁豐盈, 又夠香脆可口🤓🔸紫菜貢丸湯好多紫菜, 又香又濃稠！值得一試😁🔸蘿蔔牛肉湯蘿蔔清甜, 湯清鮮甜,有舒適的味道😊🔸滷水豆腐滷水十足, 夠晒入味😌🔸日式紅豆抹茶(熱）正宗紅豆抹茶, 有抹茶既苦澀味之餘, 又有紅豆既咬口, 甜甜蜜蜜的感覺☺️☺️簡單一句, 味道好, 性價比高, 值得再黎😆😆…Read More

今晚約左朋友到東港城Ocio 食晚餐, 早左收工, 我哋早d去食飯，餐廳環境行文青風格, 簡簡單單,加少少各式各樣既小擺設, 環境唔會好擠迫，感覺都幾舒服！我哋二人點咗個set, 包餐湯同飲品, 仲有優惠價加小食、蛋糕。我哋就再加個小食.食物都上得快，仲要新鮮熱辣辣的送上餐湯: 蘑菇忌廉湯有好濃郁既蘑菇味, 仲有d蘑菇仔粒ga , 好味道小食: 脆炸洋蔥圈上菜時見到有點驚喜, 沒想過是那麼大份, 有手拳頭甘大呀！份量多, 可以多人share.. 外層香脆可口，內裡的洋蔥好新鮮, 唔會辣口主菜: 紅酒燴牛肋條手工闊麵好出色, 未食已聞到香噴噴, 紅酒味滲入闊麵中, yummy…. 牛肋條又夠軟熟入味, 夠晒惹味,濃汁, 闊條麵夠彈牙..好食好食甜品: 朱古力麻糬窩夫 驚喜再次發生, 勁大份呀, 勁足料, 窩夫仲要熱tim ga, 熱熱地得黎又夠香脆, 窩夫中間有朱古力味麻糬, 上面佈滿朱古力醬同朱古力醉片, 仲有杏仁碎片同cream, 加埋個朱古力ice-cream更加係無得頂, 朱古力味好濃, 非常推介愛朱古力嘅人👍🏻👍🏻餐飲：凍檸茶正正常常嘅一杯凍檸茶, 糖漿另上, 可自由控制甜度簡單一句, 性價比高, 食物同環境都唔錯, 值得再黎飯聚😁😁…Read More

難得疫情回落，今日約了一個很久未見的朋友在尖沙咀 食食飯 聊聊天😊尖沙咀厚褔街就食得多😅今次我們在厚幅街的盡頭 發現了新大陸 H8大廈入面一間店😂😂 AMITIE KITCHEN誤打誤撞來到了一間西餐廳 見到有好多好評 環境和食物都很好 也是一個適合聊天吹水的好地方我哋二人點咗三款食物首先我們點了一個有黑松露的炸薯條 還加上了一個加拿大海膽松蟹膏蟹肉忌廉汁意大利麵 當然少不了叫了一份是士多啤梨雪糕窩夫的甜品😋原來這間點餐 有餐包送😊 好開心香草面條 香脆可口 竹炭面包好軟熟 塗上牛油果醬 一流不要小看這小小牛角包 好鬆軟 食一口會引不住再食一口 😂 餐前小餐包 好快手就俾我們消滅哂😂😂黑松露炸薯條賣相好吸引 未食已聞到香口的薯條味 份量都唔細 薯條熱辣辣 又香脆 除咗薯仔味 當然都食到黑松露味😋😋 又唔會話咸 好啱我哋食😁😁再來呢個加拿大海膽松蟹膏蟹肉忌廉汁意大利麵 真的不得了 一見個賣相就係真材實料 而且香味撲鼻 蟹棒的肉一梳梳的 不是普通貨式 上面的海膽口感好Creamy、味道好濃郁 入口即溶 充滿鮮味配上香菇 面條 忌廉汁 👍🏻👍🏻 滿口都是海瞻蟹膏的咸香鮮味 也有蟹肉碎 味道十分濃郁再配上新鮮疏果 簡直是不得了😙😙 雖然是忌廉汁 但都不覺得膩 令人有好滿足👍🏻 會推介俾朋友試下😙😙最後就係限定推介的士多啤梨雪糕窩夫 因為無晒士多啤梨味雪糕 換上雲尼拿味雪糕 甜品賣相都好不錯 窩夫好香脆 食到蛋香味 配上雪糕更好味 兩個人好快就食完😌😌整體來講 今次我哋都好滿意呢餐 食物有驚喜又美味 環境都舒適 店員友善 係一個同朋友相聚傾談的好地方😊😊 下次再嚟食☺️☺️…Read More

今日約了朋友見面 好耐無見😂 一堆心事要傾 行到累 又說到口乾 想搵個位坐低飲野 偶意發現到呢間店 仲做緊優惠 一杯自選花茶加一件花茶蛋糕只是$58蚊🤭🤭 二話不說就入左去😁見到不同款的野飲 都心大心細 但由於近排天氣有點凍 我們兩個都不約而同的選左杯熱飲🤭🤭我就選了皇牌氣血茶手腳成日冰凍的我就選了他們的皇牌氣血茶試試😂 呢個氣血茶 好像好勁咁 一打開 已經聞到好香花香味 一望入面有好多材料，有桂圓, 紅棗,黑柯杞,玫瑰花，菊花等等飲落好舒服☺️ 又充滿花香 令人好舒壓 我叫左少糖 剛剛好 每一口都好暖身😊 飲到最後雙手已不覺凍了🤭 甜品我就選了玫瑰荔枝慕絲☺️外形已經好靚 好少女feel幼滑的慕絲和莓味的果醬，加上淡淡的荔枝香味 整個感覺 酸甜酸甜的好開胃 食多口都不會覺得膩 仲加上鬆軟海綿蛋糕 ☺️ 真的好滿足🤭朋友選了好滋補潤的紅棗枸杞銀耳露及士多啤梨千層批 ☺️ 杯紅棗枸杞銀耳露都好足料 望落有好多雪耳 有紅棗、枸杞…好滋補養顏☺️👍🏻 朋友話唔會太甜 飲野之餘有啲嘢咬下😆🍓千層批樣子好靚好吸引 好似拿破崩蛋糕的樣子🤭 食落個批都幾酥化 每層都好多cream, 🍓香味甜中帶點酸 唔錯唔錯☺️除咗杯裝茶 呢度仲有養生保健茶包賣 可以買嚟自己得閒沖嚟飲 店鋪雖小 但環境舒適 絕對是一個朋友聊相聚聚及扮偽文青打卡的好地方☺️🤭…Read More

好耐冇約好朋友出來撐枱腳，約定今日大家收工後到中環找間餐廳食飯傾計。行到中環威靈頓街，除了1-2間店舖外，幾乎整條街食肆大執位，以前食開的全部換了新餐廳。行到這間新開的日日香鵝肉飯店時，門口已聞到一陣五香滷水撲鼻而來，食慾大增。我們2人點了2個套餐，金牌滷水鵝片飯，鵝腎豬耳，再配上滷水墨魚仔。份量是真的多，2人吃完是捧著肚皮出來的，好飽滿。先講下滷水鵝片飯，香噴噴的鵝片配上紅腸滷水蛋、豆腐、酸菜及菜芯和白飯，各種所需要營養基本上已齊備。鵝片大塊，肉味同五香味濃，配上滷水汁，非常惹味。另外一味鵝腎豬耳雙拼飯，爽脆的豬耳其實很適合配啤酒。滷水墨魚好大份，配有豆腐，墨魚好彈牙爽口，唔錯呀！套餐包飲品，奶茶值得一讚，難得一間滷水鵝飯店可以沖得出茶餐廳冰室水準備的絲襪奶茶實屬難得。…Read More