or#Tm66220603's Profile

1. 預約 1:45pm, 2:07pm先有得入 ，7月嘅天氣請問係幾熱，企喺門口等食$2000一餐？！我真係覺得好不知所謂，追爆我兩日催我比$600訂金，就係reserve seats, reserved 而最後要等有冇攪錯？我諗真係冇食客會期待食2000蚊一餐係企喺門口熱住企喺度煎20分鐘！2. 滴晒汗成身濕晒入到去，一坐低立即上蒸蛋，好痴線！所謂嘅金箔少到隱約見到一兩點罷，唔覺特別好食。食咗兩啖真係按捺不住，問可唔可以要杯冰水，侍應都唔係幾好禮貌，叫我等佢做埋手頭上啲嘢先，最後兩個人滴晒汗都係比一杯冰水，真係好貼心。後來附送一客小食話唔好意思要你等，完全係機械式表達，我諗佢已經慣咗每日都係咁講。3. 所謂嘅刺身四品，我期望係4款唔同刺身，原來只係兩款 ，而每款兩件，都係用上大量醬汁，完全食唔到鮮味，點解要用咁多醬料覆蓋都唔使講明白。4. 將凍嘅海膽放落剛炸好嘅帶子再包紫菜，完全錯嘅配搭，帶子真係超熱，食唔出粒帶子鮮味，亦蓋晒海膽嘅味，我唯一可以讚係塊紫菜係脆嘅。5. 師傅應該仲病緊，啲咳聲同痰聲令人好擔心，處理壽司期間佢都要處理自己鼻水，我真心寧願餐廳告訴我他要休息叫我唔好嚟住，唔好勉強佢上班；同埋，佢件製服左下角真係好污糟，希望注意清潔。6. 海膽杯嘅海膽份量超多，但品質超劣，我寧願減 1/2甚至 2/3，比返個高質嘅海膽。店員不停告訴我「呢個影相靚」，其實我係一個區外嚟搵好嘢食嘅人，唔係搵相影。7. 我只係一個最近勤力加班所以想嚟獎賞自己嘅為食鬼，所以食完呢餐真係好氣憤，浪費了我努力賺來的金錢，嘢食唔新鮮，店員服務也沒有誠意，完全唔值$892仲要加一x2!…Read More

湯底食材環境都一流！但以二人消費$1100來說被要求個半鐘頭食完要走個人認為有點唔合理打邊爐好難打個半鐘就走真係好掃興and煞風景我寧願你要我再點一啲野食Or乾脆再收附加費？希望可以改善…Read More

朋友話見朋友嚟過，話聽講好好食，好想嚟試吓。於是我都好早book定for佢生日等佢開心下，驚冇位嘛。而我們都是區外人士，特登搭百幾蚊的士入嚟試嘅，可能因此期望高左。首先，入到嚟至埋單，其實都唔full，我唔係好明點解我咁早book，都要arrange一個幾唔舒服嘅座位，而隔離張4人檯是一直空置著。每道菜又嚟得好快，好快已經一檯都係，張檯根本唔夠位放，侍應妹妹都好似唔知點算咁，結果要食客自己一係食快啲，一係將餘下的食物group埋一碟，勁狼狽。串燒同前菜都未食完已經嚟煲仔飯，真係食唔切，到食煲仔飯已經凍晒。$900食一餐飯，少少嘅request係甜品寫生日快樂，中午打電話嚟冇尾音同我講，咁樣要加$20。Be frank, 食物真的唔太出色，但最令我失望係此店態度真係好唔friendly ，如果唔係朋友生日，唔想掃佢慶，我應該由店員打電話冇乜禮貌同我講寫生日快樂要加$20嗰一刻，我會答咁我唔嚟。生平第一次寫一個唔開心嘅食評，我會檢討自己是否期望太高，同反思香港嘅租金係咪將人迫得咁艱難，兩杯暖水要問先有，同埋用朱古力唧生日快樂都要charge$20。…Read More