Kristin Beh's Profile

上星期去南山邨懷舊一下，打算每星期食唔同店， 今星期瀨晒嘢，伏到喊。首先，媽咪老人家怕凍轉枱， 點個服務員說： 成日換嚟換去，都唔記得咗你哋坐喺邊。加埋全餐廳都冇10個客人，新客得1-2張枱，其他差唔多食完。算啦，以為服務差，嘢食會好啲搭救， 點知咖啡淡而無味， 似飲是飲緊咖啡味嘅水，炒蛋冇油水，媽咪雲吞面食唔落， 最好食就係塊午餐肉， 正！ 隔籬對情侶食咗幾啖就埋單走左，碟嘢由頭到尾都冇掂過。 下星期唯有再試其他店， 呢間行過都要運路走。 睇路啦各位。 …Read More

當日同媽咪去啟德，想試吓雙子會嘅新餐廳。全層嘅餐廳應該都屬於同一個集團，因為見到枱上面嘅濕紙巾都印有唔同餐廳logo。我們被安排到餐廳靠窗卡座， 外面是商場空中平台 ， 遠眺山景好開陽 。午市套餐，因為新開業的會送鱈魚片， 之後沙律新鮮，燒牛肉丼 ， 牛肉質素超班，最掛住的是日本米，煙靭有彈性，性價比超高， 一向認為啟德都是美食沙漠，餐廳多多，但有質素的少。 這是一間我會想一去再去的餐廳 。 而且員工服務態度很好， 又協助推介Menu， 每一個細節都令人舒適。 …Read More

車仔麵係香港最地道不過的特色食物，之前係元朗住咗1年，聽人講永年士多車仔麵好好食，但我每次在元朗見到大排長龍都唔敢進內，幸好今日出灣仔做野，做完野後路經銅鑼灣謝菲道見到永年士多，搞到即時心郁郁走入去食個車仔麵， 嚐一下我之前錯失嘅願望。在門口排隊入到 cashier 可點食物， 由order到取餐時間大約10分鐘左右，速度都算快。因為第一次食永年士多，每款餸菜都好吸引，最後決定點了米粉，牛根、 鳳爪、冬菇、蟹丸、流心蛋同時菜。聽朋友講辣都幾辣下唔講得少，所以就叫咗微辣， 嚐一嚐辣味就夠了。先呻一口湯，湯底甜甜地，微辣都幾辣同惹味，餸菜方面，冬菇，蘿蔔好入味， 鳳爪同牛根都好夠淋，正喎！蟹丸估唔到咁鮮甜和彈牙，流心蛋外面滑嘟嘟，裡面好流心，反而菜心有渣，比較老。其實今次叫嘅餸菜，特登點啲需要時間心機去處理嘅食物，呢啲都係車仔麵嘅靈魂！果然冇令我失望呢 ～配一樽奶茶，茶味夠濃，奶同茶比較平均，都滑口唔覺苦澀同鞋口，想不到連飲品質素都唔錯。再追加$16蚊叫了鮮油多士，厚多士外脆內軟，微微烘燶，夾著鮮油，好快被我KO 了 ，下次一定再encore 。…Read More

臨近農歷新年，大家都很忙碌， 難得今天來個小聚，決定相約到荃新天地的蝦麵店。 癲姐爸爸是半個馬拉人，孩童時代在檳城渡過，所以順理成章，癲姐都有馬拉身分證。每一次到檳城，蝦麵一定是我的早餐，二十年前外賣是用膠袋扎住的。好，說回正題！晚上時間尚早，我們是第一枱客人。餐廳裝潢主要是黃白色調， 光線充足。麵分了幾個湯底，當然必點招牌辣味蝦湯的蝦肉肉骨， S小姐不嚐辣，所以點了個豬骨雞湯的蝦肉肉骨。招牌辣味蝦湯的蝦肉肉骨 $78-有90% 像檳城的蝦麵 ！！ 好驚喜， 竟然在香港食到 ！ 蝦湯濃，辣味足，配菜還有炸蒜頭，香味爆燈。麵底一定要選摻摻， 基本上在檳城食到的都是摻摻 ， 摻摻即油麵和米粉的結合，兩種口感，而且更加能吸收湯底，正！ S 小姐的豬骨雞湯底， 一樣是叫摻摻， 豬骨跟我的一樣，腩排炆得算淋啊！而且有淡淡香料味～好！不過湯底略淡，略嫌無味。馬來沙嗲雞髀肉串（2串） $22雞脾肉滑，有肉汁， 沙嗲醬是偏甜的那種，有好多花生粒粒😋榴槤咖央多士 $18 多士是冷的，榴槤和咖央味比較淡，幾乎聞不到 ， 但食落都有榴槤味的，可能遷就一般香港人？ 青檸梳打$17 是S小姐的我小試一點， 青檸汁多，好香好香，但不會太酸，甜酸度剛好！最後我叫了一碗甜品摩摩喳喳（$22）作結尾。一上枱，給浪漫的紫色吸引住，急不及待吃一口， 嘩～～ 有紫色黃色番薯🍠芋頭，QQ的木薯粉，還有香蕉🍌，好味呀！比出面的甜品店更出色！ 雖然不明白為何會有香蕉，但味道都算夾嘅，提議加點西米或者芋圓取代香蕉更好！…Read More