namying's Profile

十四號星期五晚六點半，同三個朋友上去食飯，竟然得兩三枱客，真係隋便坐🤭食物普通嘅，但很靜，好好坐，又唔會趕人走👍🏻係收咗我支威士忌八十蚊開瓶費🥃但無乜客係最好的…Read More

因為見到他的冬日火鍋很吸引，於是就入去食餐飯！進店後，店員說可以用QR code落單，我說：你可否幫我人手落單？我哋已經揀好㗎😊竟然換來了一個黑面😳和一句：咁你要等啦⋯⋯最後都是成功落單！食物亦好正常，好好食！特別係個火鍋，個蠔都好好食，好新鮮。就是個感覺唔好。我哋心目中已經有食物選擇好，你落張單有幾難呢？我打開個手機掃完QR code仲要慢慢搵，你店內人客又唔多，幫我落張單唔需要俾個黑面我呀！呢啲真係要搵古天樂再培訓下佢。…Read More

見佢新開張又有人排隊就入去試吓啦，點了鹽酥雞扒同炸蝦两個餐，上菜時間都ok ，十分鐘就有嘢食，點知嗰塊炸雞扒的味道真是難忘，嗰種油益味應該係用咗成個禮拜嘅千年油味道，感覺很差！ 果杯果茶，淡而無味。 呢間店無下次了！…Read More

18/05/2014 於 1:22 PM這間小店, 開業超過半年, 見openrice 食評都是笑臉, 居於沙田的我倆, 星期天特意乘車上去試一試.步到店外, 見有露天雅坐, 感覺十分好, 但這天又熱又濕, 都係選擇店內坐位吧.店內只有三位人客, 星期天也得咁多客, 感覺有点奇怪…..看Menu, 選擇不多, 但也算馬拉特色. 我們選了新加坡叻沙, 海南雞飯, 跟餐仲可以加 $10 要多份咖央多士, 好, 試下. 飲品要了檸檬薏米水和雙檸凍檸茶.等餐期間人流也不多, 但烏蠅就有三幾隻不斷穿梭飛來飛去.食物送到,海南雞飯明顯係雪鷄, 硬之如, 又無也鷄味, 油飯普通可以接受;叻沙ok, 如之前見openrice 食家們的評價, 但可能湯太小, 很米線吸晒D湯, 而發漲晒.飲品普通, 只是不明’雙檸凍檸茶’ 只有一片檸檬, 所以只有糖水味, 無檸檬味.最好的還是咖央多士, 又香又脆, 正!總結食物水準普普通通, 並不如之前所看的食評那麽好, 但百三蚊食咁多o野 是不應大有要求. 只是不會再去就是.…Read More

25-06-2008 打完風，又要返工；於放工後，求其選擇一間就腳的，於是選了『博多拉麵』。博多拉麵在開業時的口碑已很差，諗住都開了咁耐都未結業，應該有改善啦，点知都係非常失望！服務態度又OK 喎！加$5 有嘢飲係侍應主動提出，又有笑容，好。我們兩人選了兩個套餐:1.肥牛拉麵套餐, 有肥牛拉麵, 配炸小蠔, 加$5.00有凍檸檬茶；2.雲吞义燒拉麵套餐, 有雲吞义燒拉麵, 配壽司, 加$5.00有橙汁；上餐後就失望了！炸小蠔外表好但內裡有一泡冷水，應該是解凍不足，討厭！壽司就精致了，小到似是在超市的size 一開二，您地自已諗吓有幾大件；講到麵就更失望了！首先湯底有少少鹼水味，好彩味精不多；肥牛還可以，叉燒又乾又硬，雲吞內裡像粉頭，拉麵煮得太稔了，不夠彈牙，一pat 嘢。檸檬茶淡,無茶味，橙汁連菓汁先生都不如。好了，不再寫了，因為其他人已給了很多不滿的評價了，大家知就OK 啦！不再幫趁就是。…Read More

星期日，一行三人午餐想食Pizza，正如我之前的食評， Pizza Hut 已是不應再有理由去幫趁，所以又再去 King Pizza Tuesday. 之前去過好多次，但都係叫 Pizza 和 意粉，都好ok!今次因友人要食飯，所以叫了一個二人世界套餐：一個8吋Pizza，吞那魚長通粉，白汁鷄皇飯，送兩礶飲品，$6.00加一礶，共$108；Pizza 和意粉都90分以上，不提了；但個白汁鷄皇飯就差小小了，白汁忌簾味太重，鷄又大鹹，評65分吧。總的都係好！亦正如我之前的標準，以這樣的價錢，千萬不可希望有咩超好服務態度了。…Read More

星期日，一家5人到沙田吃Dinner, Pokka Cafe 開業咁耐都無到過, 所以攞飛等都試吓。七時等到八時, 過咗50個籌，終於有位了。點了咖哩吉烈豬扒飯，牛油果焗海鮮飯，鐵板日式牛柳(200克)，煙鴨胸野菜春卷，Dinner Set A德國豬手餐。咖哩吉烈豬扒飯-咖哩味適中，豬扒脆口但內裡太乾無肉汁，美中不足；牛油果焗海鮮飯-牛油果溶入飯內，＋分juicy美味。德國豬手餐-跟鮮茄完個+紅米飯，豬手味不太濃，但紅米飯就很有趣，入口後有一啲奶油香咪；跟餐仲有朱古力蛋糕，Good!煙鴨胸野菜春卷-有燒汁送上，蔬菜新鮮，又係好；鐵板日式牛柳- 其他配菜如椰菜,藕片,紅蘿蔔片,冬菇,芽菜,仲有麵豉油和白飯。牛柳嫩口但味淡。最重要提那待應，在送中鐵板日式牛柳時，十分細心解釋，因鐵板有高熱，如要5-6成熟，就要盡快把牛柳挾起，否則就太熟。服務95分。總的都好，但因為好所以要等好耐。…Read More

星期五晚，一行三人吃晚飯，又唔想食快餐咁dry，又無蚊食好啲，就到連城廣場1樓連城美食坊走走，見到Stage Cafe 幾十蚊有湯又有咖啡，試吓啦！我叫了豬扒拼法蘭克福腸，前菜要沙律；其它二人要龍利柳牛油忌廉汁配飯，餐湯。我會在收費與服務水平掛鈎的，所以這裡的服務水平雖只一般，但我已覺得好OK啦。食物方面，豬扒拼法蘭克福腸份量十足，兩塊豬扒好大件，要同家人分享呀，龍利柳好味但細小小，忌廉汁都ok(唔太稀)。總的都OK；都係果句，比幾＋蚊想食皇帝餐咩。…Read More

星期天(Sunday)晚上，一家人到Fish & Co 食炸魚。六時四十分，無人等位，但門口位小姐就木口木面，好似有心事咁，全不主動，面帶愁容，OK 啦、算數；本來想座外邊露天位，但原來是Smoking Area，就座番室內啦。Memu 款式都多，点了兩set dinner : 前菜有炸魚寶, 炸魷魚圈, 主菜要了英式炸魚薯條, 炸‧魚前領全配薯條，仲有飲品;再單点魔鬼魚(stingray Black Pepper)和海鮮拼盤, 全配海鮮飯。炸‧魚前領是我最喜歡的, 魚前領即魚扣部份，加脆醬炸香，今我回味再回味，我給95分。至於魔鬼魚(stingray Black Pepper)新奇, 味OK, 但醬汁大小了我給70分啦；其它的都是水準之上，唯薯條好辣,小心不要讓小孩子們吃。總的而言: 味道、份量、環境都好！但侍應生們都好有心事，愁眉不展的....希望老細比佢地放假休息吓啦！最重要的提示!! 不要去Fish & Co的女廁, 家中女仕們回報：廁內比70年代的公廁還恐怖，要如廁請到新城廣場吧...。…Read More

星期五晚上一家人去Pizza Hut 試吓 新登場意式乾蕃茄魷魚1.2cm feel good批套餐；我好鐘意食Pizza, 所以有新嘢一定會試。套餐有:‧璀璨熱情果冰和碎冰朱古力‧野菌忌廉湯2客‧意大利沙律1客‧意式乾蕃茄魷魚1.2cm feel good批‧挪威三文魚班戟卷‧蘋果卷伴雲尼拿汁1客‧龍蝦汁海鮮鴛鴦意粉一上菜, 失望、失望、失望；是否Pizza Hut 己浮於裝修的品牌而只賣弄菜單的新意，不為食物味道而進取下全面退步呢！‧璀璨熱情果冰和碎冰朱古力OK, 但普通茶餐廳都可高分過Pizza Hut；‧野菌忌廉湯2客又係舊瓶新酒，普通；‧意大利沙律1客-不知所謂，那個自稱特醇意大利黑醋汁令人有点嘔心，我在Citysuper 買任何一款Salad 都ok 過；‧意式乾蕃茄魷魚1.2cm feel good批-批底太硬、魷魚太乾，差；‧挪威三文魚班戟卷-可笑! 四片班戟只給三片三文魚@@ ‧蘋果卷伴雲尼拿汁1客-似预先做好再番叮的，因為如果即製的話，碟子是不應是那麽熱的。‧龍蝦汁海鮮鴛鴦意粉-咪普通海鮮鴛鴦意粉，又係玩綽頭。總的來講，差差差，Pizza Hut 近年己由賣Pizza 改為賣綽頭和裝修格調。我諗我未來五年都唔會再去Pizza Hut 了。 …Read More

每次同兒子單車遊, 多數入去食碗<楊枝甘露>, 因為兒子最愛! 我就要下午茶餐, 炸鷄亦薯條+豆漿$15, 再加燒賣五蚊6粒。<楊枝甘露>西柚粒和芒果粒分量足, 味適中; <炸鷄亦薯條>是即叫即炸的, 外脆內淋, 絕不乾晒, 掂!但不要再叫燒賣呀!比街市的味道仲差, 早知叫炸春卷或滷水蛋啦。店內好清潔, 又夠泠氣, Good!…Read More

有朋友要返美國了，所以星期日，八個人上去食飯餞行。雖是星期日，但不太多人，叫了一人一份鴨掌鮑魚, 冬爪盅, 星班兩食, 片皮鴨, 和三個小菜, 再加龍蝦伊麪。水準都好，但個龍蝦伊麪啲龍蝦就差啲，唔知點解有啲雪藏味，她自稱鮑魚專家，所以鮑魚好穩陣，甜品燕窩糕都好滑，整體OK。但有兩點希望可改善:第一, 他們會在大堂煎牛仔骨呀, 羊鞍呀, 之類的菜色, 但抽氣差, 就好似吃韓燒, 大油煙味；己向部長反影。第二, 可能我地幫襯多, 所以部長送張乳豬券比我地, 但一睇乳豬券在八月三十一號到期,咁我地咪要5日內再嚟食，有點不切實際囉！…Read More

星期二下午(22/05/2007)開完工揾太太會lunch, 路過見有雲南米線, 就入去試吓。一点倒, 還清靜; 因第一次幫襯, 所以看memu看耐了, 但三分鐘內, 那個男伙計催咗我地5-6次叫嘢未! 真討厭。最作叫了雲吞仔米線(小辣) $25 送豆漿; 太太叫了豬膶米線(小辣)$25 送五花茶; 仲有炸春卷$8。豆漿普普通通; 五花茶太淡; 雲吞有雪味, 米線不過不失，但豬膶夠爽好味。但這店對客人服務原來作差得很的，我和太太坐圓枱，4-5人位，與另一位客同檯; 另一枱有位小姐一個人一檯,後來有四個人入嚟,揾唔到位喎,個伙計一邊向那位小姐講可否換去對面張檯呀? (即我坐果張) 那位小姐望了那伙計一吓, 來不及反應, 那伙計己攞了她那碗米線和豆漿到我張檯。我與太太都忍唔住笑出嚟!那小姐就無奈的坐過來。邊坐邊講: 有無攪錯呀!到我地食了三份二了, 有兩位人客入嚟, 那伙計又走埋我地果枱對那兩位新人客講, 就得啦, 呢度就埋啦。我即時叫停果個伙計, 我無叫埋單喎! 佢面懵懵咁講唔好意思。總的而言, 食物普通, 股務奇差, 閒時食吓無所謂(但最好免啦); 用膳時間就無謂幫襯了, 費是攞氣嚟受。…Read More