FatPoEatEatEat的個人專頁

同朋友去佢推介嘅尖沙咀放題居酒屋度食嘢五點至七點食兩個鐘 人均大概$400 入到去坐低之後就去咗熱食區 嗰度嘅熱食一啲都唔馬虎 有豉椒炒蜆 蒜蓉蒸元貝榴槤Pizza 等等 我覺得豉椒炒蜆同榴槤pizza 都係超級好食，值得推介然後就行咗去飲品區 果汁汽水啤酒紅酒白酒 都應有盡有甚至青酒同梅酒都有 所以絕對對得起呢個價錢同埋的確係一間清酒屋然後睇埋個生果甜品櫃 生果有西瓜蜜瓜 都係切好晒同埋超甜呢度最特別嘅就係有當造嘅榴槤蓉 可以配埋雪糕甜品一齊食 超級正另外佢嘅西式小蛋糕都幾吸引 另外馬卡龍亦都係值得一試然後到QR code落單嘅嘢食 刺身就一定唔少得 三文魚 吞拿魚 帶子 象拔 赤蝦都係超級新鮮 而且佢擺盤都好靚 另外亦都有一啲比較特別嘅taco 壽司 呢度供應嘅海膽亦都係幾鮮味 值得encore然後有唔少嘅串燒同炸物 我自己就推介黑松露炸薯條 佢個黑松露醬比得絕不手軟完全係超級邪惡呢度嘅服務質素都好好 店員都好主動熱情有禮貌同埋好勤力去執拾啲碗碟整體都係性價比超高嘅鋪…查看更多

睇到屋企樓下開左間新嘅甜品店，所以就買左幾碗返屋企試下馥綠開心果露哩排開心果真係好hit, 見佢哩度有個開心果露就決定叫一杯嚟試下，糖水外賣嚟講都算好大碗，一打開個蓋就聞到好香嘅開心果味，食落去仲有啲開心果粒，好正！滿滿楊枝甘露楊枝甘露是一款極具代表性的港式甜品 當然都要叫返一碗嚟試下啦！搭配了新鮮的芒果、椰漿和西米，味道清甜可口，特別適合夏季消暑。紫米芋圓小丸子紫米的香氣搭配軟糯的芋圓，口感獨特。每一口都帶來淡淡的甜味。佢仲可以比我揀要椰汁定牛奶底，啱晒唔同人嘅口味！…查看更多

最近我去左一家韓國餐廳 佢最近做緊個醬油蟹放題 二有幾蚊就食到 不過我朋友唔係好鐘意食醬油蟹就冇食到哩個放題啦首先我哋就叫左個泡菜豬肉鍋 哩個湯底好濃郁配上新鮮的豬肉同泡菜 味道酸辣可口 泡菜的香氣和辣味完美融合 令整個鍋子充滿左層次感我哋都叫左一碟醬油蟹同醬油蝦 哩道菜真係海鮮愛好者嘅夢想！新鮮嘅螃蟹浸泡喺醬油和香料的醬汁入面 好似食緊啫喱嘩 每一啖都可以感受到海洋嘅鮮美 配上一個紫色飯 真係絕配！另外仲叫左個海鮮煎餅 外脆內嫩 裡面包著各種新鮮嘅海鮮同蔬菜 這道小吃特別適合做開胃菜 令人胃口大開最後係炸醬麵 這是一個相對簡單卻充滿風味嘅料理。麵條彈牙 淋上濃郁嘅炸醬 再配上新鮮嘅青瓜絲 真係唔錯！下次可以試埋個醬油蟹放題！…查看更多

好耐冇嚟過東港城食嘢以前魚米家嘅舖頭依家變咗食泰國嘢嘅泰國婆令到東港城都多咗，除咗粉麵嘅其他選擇餐牌嘅嘢食選擇唔多 但係每一個種類泰國出名特色嘅嘢都有齊晒串燒拼盤泰國嘢一定要食串燒拼盤 呢度就係豬牛雞各2但係你如果鍾意食牛肉或者雞肉嘅話可以選擇全部都係雞肉或者牛肉佢呢度個沙嗲汁好惹味燒，亦都燒得啱啱好 唔會韌泰式燒雞半隻 配雞油飯另外因為隔籬枱食個隻燒雞 燒得好靚所以我都嗌咗一份 佢啲燒雞皮脆肉嫩 而且佢配咗個特色嘅蔥豉油汁 令到味道更多層次不過其實本身燒雞嘅味道都好夠 唔特別點都惹味另外佢個雞油飯先係精粹雞油飯佢吸晒雞湯嘅味道 超足味 而且一碗勁大碗夠兩個女仔食啦🤣明爐烏頭明爐烏頭有一個火爐喺下面加熱烏頭本身已經熟㗎啦 魚肉好嫩滑 唔會過老配咗一個香茅上湯 加少少湯落去熱煮嚟食上邊香茅蔥花等等嘅配料煮多陣更加入味👍泰式椰子沙冰 椰子沙冰椰子味超濃 佢個冰底亦都做得啱啱好 唔會太水或者唔會太硬甜度亦都適中唔會死甜😋…查看更多

今日係陳儀興食左2個好特別既牛部位，都未係其他地方見過🌟牛脆骨麵（極罕有部位）聽樓面哥哥講話牛脆骨好罕有，就膽粗粗試一次。上菜果下就覺得碗麵好大碗，但啲牛嘅份量一啲都唔少喎！食落去都幾新奇，脆卜卜又彈牙，個感覺都幾獨特。🌟牛沙瓜 麵/飯/ 淨呢個牛沙瓜又係罕有部位，我孤陋寡聞，真係聽到未聽過，鑒於我最鍾意試新嘢，梗係嗌返碗試吓味。估唔到嘅係，牛沙瓜反而睇落有啲似豬肚，食落又好有牛香味。仲要勁大兜，有排食，最驚喜嘅係，食到落底有蘿蔔解膩，即刻加晒分。🌟炸物諗住呢度主打牛，啲小食嘅水準應該同出邊差唔多，但估唔到炸魚皮真心超好食，新鮮出爐脆又香。我地仲嗌埋炸墨魚條，配泰式甜辣醬，又係口感一流，係必試之選🌟腐乳通菜個腐乳通菜都唔差㗎，印象深刻係腐乳勁多，啱晒我呢啲重口味嘅人，偏偏啲通菜又唔鹹，同腐乳嘅鹹香超夾。#陳儀興牛什粉麵 #旺角 #粉麵 #港式 #旺角美食 #煙廠街 #港式粉麵 #牛什麵 #牛脆骨 #香港美食 #美食指南 #美食推薦…查看更多

順化香茅牛肉撈檬首先個撈檬嚟到嘅時候真係好大碟 而且啲牛肉都好多 除咗份量大之外 味道都好足夠 啲牛肉都好重味 再加埋啲碌冧 真係好好食！香茅雞扒湯檬塊雞扒真係好高質 好大塊之餘 仲要好嫩滑 六十幾蚊嚟講真係好抵食 而且個湯檬個湯底都好好味馬拉盞炒通菜呢個係加$22加配嘅 $22嚟講 真係好抵 仲炒得好有鑊氣添 而且食吓啲菜 感覺都健康啲最後嘢飲方面我哋就加錢叫咗兩杯特飲分別係水晶芒果沙冰同椰汁紅豆冰 呢度嘅椰汁紅豆冰係沙冰嚟嘅 而且椰味好重 非常推介😋…查看更多

今日尼到船渦食海鮮蒸氣火鍋 叫咗九品芝麻餐 同埋八府巡按餐 兩個餐最大分別就係啲海鮮沙律+炸物睇落普普通通，食落幾有驚喜，啲炸物炸得幾香口九品芝麻餐（白蜆，蝦，鮮魚片，大蜆，扁蟶子，鮑魚)佢既海鮮係真係好新鮮，上到枱啲海鮮都個識郁，煮完之後全部都好鮮甜，又好有咬口。肉類方面，我揀咗美國肥牛同雞腿肉，佢嘅雞肉都好滑，一啲都唔嚡。八府巡按餐（白蜆，蝦，北寄貝，鮑魚，元貝，扁蟶子，鮮魚片，龍蝦，蟹（半隻）)呢個餐就勁啦 一上枱 份龍蝦同蟹冇得輸 最鍾意呢隻蟹 又多膏又多肉 最緊要係夠新鮮 食落極甜 肉類方便 呢個餐可以揀安格斯牛肉 佢嘅安格斯牛肉好重牛味。食完海鮮之後，仲可以選擇加唔同嘅主食。我揀咗南瓜芋頭粥同埋米粉。佢會用返海鮮蒸之後嘅水去煮粥同埋煮米粉，令到啲粥同埋米粉都有好鮮甜嘅海鮮味。呢間餐廳仲有一個好好嘅地方就係佢會寫明每樣海鮮及肉類，應該要蒸煮幾耐時間，我就唔怕唔熟或者過熟，食到海鮮最鮮甜嘅時刻，店員亦會主動去提醒你要煮幾耐船渦 (銅鑼灣)銅鑼灣謝斐道500號維安商業大廈3樓…查看更多

近排見到屋企樓下新開咗一間好抵食嘅拉麵 所以今日就同媽咪去試吓 我哋就叫咗兩款新出嘅拉麵沖繩風辣肉醬豚骨湯拉麵媽咪鍾意食辣就叫咗呢個辣肉醬拉麵 初初問佢辣唔辣嘅時候 佢話唔係好辣 但係後勁好勁 而且佢辣得好惹味鍾意食辣嘅人可以挑戰一下特製日本咖喱免治牛肉油麵(大盛)我鍾意食撈麵 而且問過店員咖喱係唔辣嘅 所以我就食咗呢個啦 我見到佢本身嘅油麵係要撈香醋同埋香油 但係呢款店員話唔使加哩啲調味料 不過如果鍾意食酸啲都可以加啲醋落去另外小食我哋就嗌咗三款小食 分別係和風豬軟骨 胡麻櫻花蝦秋葵同胡麻豆腐 喺呢三個小食入邊 我最推介嘅係胡麻豆腐 $20就有大大嚿嘅豆腐 而且好重豆味添最後食完嘅時候 而家做緊個推廣活動 可以投票邊一款新嘅拉麵好食啲 投完票之後就有張下次惠顧可以換枝豆嘅優惠券…查看更多

今日同朋友去元朗行街 元朗有好多餐廳都唔同晒 行過見到呢間就好似幾抵食咁👍🏻六品刺身盛合入面有半板海膽 三文魚 油甘魚 帶子 甜蝦 北寄貝各三切 二百幾蚊就已經可以食到呢六樣刺身 仲要都幾新鮮 真係好抵蟹籽沙律個蟹籽沙律係由青瓜 蟹柳同蟹籽組成嘅 沙律醬超多 好正椒鹽雞軟骨雞軟骨全部都係新鮮炸起嘅 熱辣辣 脆卜卜牛肉壽喜燒牛肉壽喜燒只係$100咋 原本睇到個價錢以為淨係一個人嘅份量 點知嚟到大窩到我同我朋友都食唔晒呀 淨係牛肉都起碼有8塊 大大塊牛油蒜蓉海蜆啲蜆都幾新鮮 而且好鮮甜 仲唔會有沙 佢仲有得俾我哋揀辣同唔辣 我哋唔食得辣嘅就揀咗唔辣嘅 不過可能辣嘅會惹味啲串燒我哋就叫左蜜汁燒牛丸 燒火雞腎串 厚燒牛舌 同一塊A4和牛 呢幾樣最好食嘅係牛舌 真係燒到啱啱好活乳酸藍莓沙冰芝士奶蓋最後嘢飲方面 我哋就叫咗一杯孖份飲 好彩淨係叫咗一杯咋杯嘢飲 大杯到我哋兩個最後都飲唔晒一杯啊呢間餐廳嘅價錢又唔貴 但係份量就好大份 真係好抵食呀…查看更多

喺尖沙咀都估唔到有呢間黑門水產 性價比高之選招牌甲羅燒 蟹籽鵪鶉蛋蟹膏味道超濃郁😍喺你面前慢慢煮到熟 蟹膏嘅香味撲面而來😆鰻魚玉子燒玉子燒香甜 入邊嘅雞蛋仲有少少嫩滑配埋鰻魚汁同埋鰻魚紫菜 口感豐富 味道有層次和風三文魚果漬沙律佢哋嘅刺身三文魚都係咁鮮甜 而且相當厚身另外佢個果漬沙律汁 超酸超開胃🤤黑門彩虹丼吞拿魚蓉 厚切吞拿魚 吞拿魚蓉夠鮮味 厚切吞拿魚就更加新鮮有口感另外配上是拎嘅海膽 蟹膏 都係超級重海鮮味加上佢個飯係赤米 一啖飯一啖海鮮 成個口腔嘅層次相當豐富呢個價錢食到 呢幾樣高質嘅日式料理性價比都好高…查看更多

今日尼到呢間餐廳 見到有個2人餐幾吸引 就點左呢個2人餐試下鵝肝配安格斯封門柳（12安士）配2x酥皮湯，4x花蜜雞翼，2x特大飲品，2x炒意粉酥皮湯酥皮湯最緊要熱辣辣，同埋個皮要夠酥，佢2樣都做到，湯底係蘑菇湯，入面好足料，好多菇菇係到。花蜜雞翼甜甜地既炸雞翼，係幾好既小食鵝肝，安格斯封門柳（12安士）鵝肝好香，好creamy，入口即化，相當好味。安格斯封門柳超級大份，餐廳燒過表面，之後用熱石板加熱住上菜，再可以根據自己中意而控制燒幾耐，牛味好濃，好淋，相當抵食。炒意粉係一個正正常常嘅茄汁炒意粉可樂，花蜜水一嚟到見到個size，大到O曬咀，可樂就係好大杯既可樂，我幾鍾意個花蜜水浸，清甜清甜。OK唔該。…查看更多

今日放假嚟荃灣嚟同屋企人食川菜佢呢度晚市優惠套餐超級抵酸菜魚加一款小菜再加一款涼菜都係328 涼拌魚皮 本身以為前菜小食應該細細兜 但係估唔到佢呢個超級大兜而且食呢啲川菜 最緊要夠麻夠辣夠過癮呢兜魚皮滿足晒呢幾個願望酸菜魚小辣估唔到佢嘅套餐酸菜魚亦都係咁大兜而且魚片嘅數量亦都好多配菜有芽菜，寬粉等等 而且亦都夠酸夠辣 正😄然後有個腩肉花菜我個人就覺得佢啲腩肉太大大嚿如果在切細舊小小嘅話會容易入口多啲不過佢啲椰菜花都炒得好爽唔錯海王蒸蛋白味道啱啱好，唔會太鹹清清地配住麻辣嘅酸菜食感覺都唔錯 冬菇鮑汁鵝掌煲冬菇同鵝掌都超級大嚿用了足，亦都好入味…查看更多

今日同朋友慶祝生日 去左間幾多朋友推介既cafe地方細細 私隱度高三文魚菠蘿千島醬pizza一去到見到隔籬枱叫咗呢個Pizza就覺得幾吸引 所以我哋都叫咗過嚟試吓 煙三文魚菠蘿再加千島醬呢個組合都幾夾 好食到個Pizza我哋兩個人都可以食晒😋北海道海膽帆立貝青瓜麵海膽唔係剩係得海膽醬 係真係有海膽喺面 最有驚喜係個青瓜麵 真係好好食 成一條條嘅面 好fresh 真係好推介轉做青瓜麵去食🤩明太子醬薯條個明太子薯條比我想像中大碟 而且啲薯條炸到外脆內軟 好適合一路傾偈一路食芝麻巴斯克芝士蛋糕最後叫咗個甜品 真係好重芝麻味 係真係好似每一啖都食緊好多芝麻入個口度咁🤣Sor barries呢杯飲品係一個雜莓smoothie 酸酸甜甜咁好啱消滯用🤪…查看更多

又跟朋友去觀塘工廈搵食佢話呢一間近排做緊抽獎活動 佢仲話呢間好食過挽肉與米 所以就特登帶我過嚟呢度試吓咁我朋友同我都係牛魔王嚟嘅 同埋佢講到呢度既手打牛肉漢堡好優秀所以我哋都嗌咗牛肉壽喜燒同埋 和牛漢堡飯首先就嗌咗個和風汁沙律 🥗啲蔬菜同埋蕃茄都好新鮮同Juice 酸酸地嘅醋汁都唔錯 食完都好開胃招牌牛肉壽喜燒火鍋其實都係幾抵食 佢嘅配料 豆腐蔬菜菇類都已經好多另外仲有好多牛肉 而且都係好同壽喜鍋專門店個湯碗底都有得揮佢仲有蛋黃 芝麻醬 同埋醋俾你配牛肉 一口芝士外脆內軟 然後配埋沙律醬 一嚿接一嚿食都停唔到口手打和牛漢堡蘭王蛋飯橙黃色嘅蘭王蛋蛋黃 蛋味超濃郁和牛漢堡，超級Juice 仲有好重嘅牛味配埋個醬汁一齊食 蛋香同牛味溶係口中真心好過其他牛肉漢堡店最後我哋碗底抽獎 抽中咗多一杯飲品 🤪…查看更多

今日晏晝冇嘢做就去左旺角搵細佬食飯 兩個人叫左一個主食 兩個小食都夠飽紅燒牛肉牛筋麵紅燒牛肉麵係台灣傳統嘅麵食 佢呢個紅燒湯底好濃郁 而且牛肉同牛筋都有好多舊 好大碗 而且啲牛肉都好腍 好抵食芝士肉鬆蛋餅嚟到食台灣嘢就梗係要食蛋餅啦 入邊有超多肉鬆 仲要個蛋餅皮有蔥花嘅香 然後煎到啱啱好 少少脆 可以encore蚵仔酥蠔仔酥都係第一次食 原來就係好似鹽酥雞咁 但係入邊就變咗熊仔啲學唔會好腍 都唔會好聲 係一個幾特別嘅體驗最後飲品就叫左芝士岩鹽奶蓋炭燒烏龍茶同粒粒白桃紅茶 兩樣都好濃味…查看更多