Wai Lim's Profile

越旺其實我平時間唔中都會去食吓lunch。今日叫左個咖喱雞翼飯，越南咖喱小辣。食落無咩辣味，下次可以加辣。份量適中，好似有5隻雞翼，雞翼頗大隻，炸過再放入咖喱。幾好食。…Read More

約左人行山，黎安利先食啲嘢先出發。我10點半到，朋友遲到所以行左一陣睇吓食咩。呢間安利同隔離王林記係成條街最多人等位嘅店鋪。我地2個人都要攞飛等一陣不過好快大概10分鐘就有位。入面地方幾大，都乾淨。堂食同外賣都好忙，生意好好。不過出菜都幾快。我叫左個切腩魚片頭撈粗，同一份奶油多share. 奶油多正常好食。個撈粗都好食，自己加左小小辣油落去撈仲好食。唯一切腩有啲失望，個樣望落已經覺得乾嘅感覺，食落都係。我叫呢款係standard切腩，無加$10要坑腩其他果啲。可能要加果啲先好食，下次試吓。…Read More

啱啱先發現係銅鑼灣都有分店，所以黎試吓。門口唔洗等位，入到去原來地方好大。比深水埗店大得多，檯同檯直接空間都多。叫左個雞比飯，麵同一字骨肉骨茶。食物ok保持水準。一字骨個分量都多。唯一感覺差左係服務比深水埗差左。期間無人會主動黎加茶，叫人加都叫左2次先有加比我地。都理解嘅，地方大左咁多要來回去加茶的確會對人手多左壓力。…Read More

已經好耐無食蘭芳園，對上過次係上環食完有啲失望。今日lunch諗唔到食乜又黎食吓。門口有幾個人等緊但我一個人所以即刻有位。呢間啲侍應好好招呼，會主動過黎解釋餐牌，又無吹我落單。茶記黎講服務算係非常好lol。地方都係好乾淨。叫左個招牌雞扒撈丁，今次送多左隻蛋。整體味道ok，覺得蔥油少左啲。奶茶好飲。…Read More

今日約左來呢到食生日lunch，lunch啲booking都幾full，起碼要提早幾日訂先有位。今日我地3個人黎食，叫左個沙律，naan餅同2個主食。呢個份量剛好。Total 食左$58x。食物味道唔錯，個配搭都幾新奇特別。呢到食物嘅種類真係好多好多！！環境方面好靚啦，唯一問題係由於佢open kitchen 嘅關係，啲油煙會比較勁。服務正常，攞位，落單埋單出菜都幾快。…Read More

疫情近排好轉，好多人都返翻公司，近排Elements 啲餐廳lunch已經要排隊等位。今日約左個好耐無見嘅朋友，佢好醒目用app攞定飛先，去到唔洗點等。我叫左個北海道忌廉吉列豬扒定食。味道ok幾好，整體正正常常，個定食有湯有前菜有甜品，都幾豐富。環境服務都係正常預期之內。Icc返工或九龍站住戶有10%off，記得帶住戶證或員工證。…Read More

今日遲出來食lunch，1點半先出黎，行過麥金。我知佢地都開左好一段時間但一直都未黎試，見環境幾好，呢個鐘數又無咩人就趁呢個機會去試吓。叫左個娘惹咖喱雞配參巴椰漿飯$58，餐飲揀拉茶。食物賣相唔錯，但個飯太濕，味道同我食開嘅都有啲唔同。個咖喱雞同薯仔味道都可以但感覺都係同平時食開嘅馬拉嘢有啲出入，但我唔係食家，講唔出差左乜。個辣醬就最ok。其實整體食物嘅味道係OK。但杯拉茶就真係好麻麻。值得讚係環境幾舒適乾淨，服務都好好。…Read More

聽好多人講好好，終於來試左。我自己叫左個生熟牛河，太太叫左個熟牛河。同一個蒸粉粿share. 味道幾好，湯都熱，但可以再熱啲。牛都好食。河粉份量方面有點少，可以多啲會更好。蒸粉粿都算好食，裡面嘅料唔算多但個粉皮好食。自己認為最唔鍾意嘅地方係支brass spoon. 支spoon個形狀唔係好適合食粉，有啲難不啲湯同河粉。…Read More

呢個任食promo，初時其實都無諗住去食，但細佬有興趣去試咁就book左位去食。事實上比我預期好好多。$295任食，我初時係諗我最多食到2塊，點知最後每人食到3塊。塊肉係好食，但控制個火候有時過熟有時過生，建議medium rare. 因為佢過熟嘅機會比較多。medium食落有啲地方已經係過熟，好硬。服務都好好，無因為做緊promo而有任何下降。Refill都好快。加埋啤酒，每人消費$420。…Read More

聞名已久嘅海南雞飯，今終於黎試。環境好好地方乾淨呢點肯定，服務都好好。雞飯我地都係揀雞髀，連骨連皮。飯同雞嘅份量都唔細，味道好食。呢個價錢食個海南雞飯雖然貴，但我會再黎。另外再叫多半碗叻沙，但真係叫多左，個飯加埋餐前啲包已經好飽。個叻沙有隻好大嘅蝦，個湯同出面好多重奶味唔同，好重蝦味，都係好食。總結都係食得好開心。…Read More

今日突然想食burger就黎左呢到。之前食過一次覺得都幾好食，今次叫左一個藍芝士漢堡同芝士漢堡，跟餐薯條同薯格，仲有嘢飲。所有嘢都新鮮整，熱辣辣好新鮮。漢堡包咬落好多汁，好食。份量唔算好大，不過都夠食。…Read More

近排多左黎呢間食，差唔多一個禮拜一次。今日好多商場無開，但大角嘴好多小店都有開，就過黎幫親下啦。呢到主打係食水餃。今晚我地叫左個豆腐菜湯，豬扒菜飯，白菜水餃同熱豆漿。白菜水餃正常幾好食，我鍾意佢菜多。係到食過幾次水餃，有次佢煮過頭個皮爆左，但呢次ok。豬扒菜飯好食，個飯同豬扒都好好食。豆腐菜湯都ok，本身都鍾意食白菜同豆腐。熱豆漿幾好飲，唔太甜味道幾新鮮。服務都幾好，不過有點太過殷勤，收碟收得太快，感覺有少少壓力，哈哈。…Read More

呢間茶餐廳個選擇都算幾多，除有一般茶餐廳既常餐特餐外，比較特別有蠔仔泡飯，all day breakfast 等等。all day breakfast 賣相唔錯但份量好似比較細。泡飯幾好，大大碗，味道唔錯。我叫左個豬扒蛋飯，$60 有嘢飲，個飯係豉油汁，有少少菜但d菜個賣相麻麻地。豬扒好食，好厚身，肉質彈牙。…Read More

其實黎過呢到好多次，以前係附近返工，有位食素既同事帶我黎既，曾經係店到見過蘇杏璇。已經好耐無黎食，今次發現佢裝修左，坐得幾舒服。同枱有幾個都好似我呢d”單身”人士黎食，自己一個黎感覺唔會好尷尬。食完飲啖茶睇吓電話輕輕鬆鬆，唔係趕住走。一坐低佢就比碗湯同杯茶我，個湯味道唔錯，而且都熱，仲有栗米。我點左個肉絲炒麵，等得比較耐一點但味道同份量都唔錯。麵係炸過再打獻，真係好似一個普通既肉絲炒麵，但食落唔係好油膩。我諗我會經常黎。…Read More

今晚約左舊同事一共4個人，黎到算係方便大家。我地訂左枱7點，但其實walk in都好多位，環境唔錯幾靚，我地坐左係一個角落，旁邊都無人坐，好適合我地傾計。我地每人叫左個主食加上幾個小食，我就食得好飽啦。我個主菜係雜錦湯烏東套餐，套餐有多兩件壽司，分別係一件三文魚一件油甘魚，壽司包得幾紮實，味道一般。雜錦湯烏東有天婦羅蝦，牛肉，蛋，腐皮，魚蛋。整體係好食既，個湯好夠熱。烏東都彈牙有咬口。蝦好食，大隻新鮮。小食有炸雞，串燒雞同牛舌，炸豆腐，炒苦瓜。牛舌我覺得再燒多少少到表面有dd焦會好d。服務ok，無主動加茶，不過可能唔想騷擾到食客，我ok既，叫佢地加茶都好快。恆生信用卡單叫食品有9折…Read More