pplyp's Profile

見呢間野新開，平時晏就都冇乜人幫襯咁，所以今日試佢一試見佢海南雞飯賣緊$68蚊，以一間外賣店黎講價錢相當進取，想必一定有佢既看家本領係入面，決定買一個黎試下。結果，個味道賣相同配套都令人失望由order完，見佢原來將啲所謂海南雞放晒係一個碼兜度，就咁拎出黎斬就砌落個外賣盒，感覺非常不衞生。用$68蚊買左一個外賣既海南雞飯。飯，又柴又乾又冇味雞，個味同燒味店$30蚊既切雞冇分別，雞唔滑，又冇雞味，但收呢個價錢仲要外賣店就真係有少少進取。咁既質素咁既價位真係冇下次。…Read More

今次我臨急抱佛腳，在紀念日當天先搵到餐廳BOOK位。本來話今日FULL BOOKING，但係係我用誠意打動下，店家答應比枱我，但要8點前交枱，我馬上答應，因為6點鐘食到8點鐘已經好足夠了。多謝店家環境非常好，好寧靜，現場所見，四人枱坐二人，所以用餐環境好寬敞，值得一讚。燈光亦都岩岩好，每枱有一盞小爉燭，好有情調。進入正餐前佢會先送上兩個餐包比客人，有橄欖油同埋黑醋用黎點包，好香好好味。不過忘記了影相，因為實在太肚餓了焗蟹肉酥皮$118。一放上枱已經係香噴噴，蟹味勁濃，大大個勁飽滿。切開，外面個酥皮真係只係一層皮，入面包住滿滿既蟹肉。每一啖都滿滿蟹肉，而且入面加左啲洋蔥碎增強口感，超級好味。海鮮慕絲烤釀大虎蝦＄２４８。第一時間聞到既係黑松露汁既味，好香好香。大蝦煎得相當香脆，但慕絲稍嫌失色，一來慕絲食落冇味，而且冇咩口感，感覺上只是掩蓋大蝦的不足－唔夠大隻。另外，大蝦的口感略嫌不夠彈牙，令整道菜食入口有小小唔夾，唯一要讚既係配菜真係好好食，有落到心機去做配菜。藏紅花蟹肉魚子忌廉意粉＄１８８。睇落好似唔大碟的意粉，卻填飽左我倆的肚子。煎封了的帶子上面加了一匙咸咸香香的魚子，入口卜卜聲。我們將魚子與意粉混拌一起，魚子的咸香帶出了落左甜酒的意粉的甜味，中和左忌廉既膩滯，令我地想一食再食。另外，帶子的煎封技巧非常到家，應該是落左小小生粉去煎，令到帶子煎完既外皮比較硬身，食入口更加有種甜品。一粒帶子、一團蟹肉、一匙魚子，混埋意粉一齊，完全成為左我下次到來一定再叫既其中一道菜。最後，感謝侍應生不斷加水同貼心既服務，下次一定再來！！！…Read More

星期日無所事事。無獨有偶，同女朋友閒聊間講到興起大家都想食甜野，於是乎我地就約左出去青衣城。最後隨便入左呢間由東海 • 海都重新裝修過既東海薈 • 拉斐特。呢間店自從裝修後我地都冇再入過去用餐，一入到去掛住叫野食，忘記左影下周圍既環境＄３２，鮮果鮮忌廉班戟，鮮果揀左蜜桃，班戟皮加埋忌廉再加一塊蜜桃一齊放入口。FEEL到個班戟皮岩岩整出黎果種熱脆加上入口好FULL 既忌廉，最後加埋酸酸甜甜既蜜桃，食入口一啲都唔覺得"漏"。$32 蚊，質素絕對在大部分甜品店之上。＄４２，是日精選甜品：士多啤梨忌廉巻。忌廉巻皮是薄薄軟身有咬勁果種，用叉壓下去可以見到士多啤梨忌廉同埋吉士醬咇出來果種快感。吃入口軟軟綿綿的，同鮮果鮮忌廉班戟的口感完全相反。另外附送飲品一杯，點了熱英式紅茶(熱奶茶)。只能說筆者比較喜歡喝茶餐廳的奶茶結帳時，隔離枱點了一些熟食，看起來十分吸引，下次一定再來！！…Read More