kabay_chu's Profile

超級pizza: 如要求唔高, 其實都ok, 但我就覺得麻麻地, 個底好燶, 啲料普通, 總之食四式蒜蓉包啦!! 蜜糖雞翼: $33/5隻, 都唔平喎..... 但真係好好味, 好入味, size又唔算細隻, 嚟到一定要試!!!cappuccino: ok, 唔可以同大公司比菠菜鱈魚意粉: 好好味, 其實有好多意粉都好想食, 因為鍾意食芝士同白汁, 所以選擇了呢款!! 意粉普通, 但個汁同芝士真係好好味, 魚都ok, 起碼冇雪味.....…Read More

如呢間係一間食串燒的日本料理, 就實在太少選擇, 因我平時食開嗰啲都無囉....有啲失望芝士西蘭花: 完全冇味, 好彩叫咗咖喱湯底, 可以點啲汁食, 先食得晒蒜蓉帶子: $28我哋都以為有兩隻, 點知得一隻, 好貴囉.....仲要咁細粒......牛肋筋: 本身冇諗住叫, 但waiter推介就試下啦, 點知都不外如是牛舌: ok咖喱玉子湯烏冬: 呢間嘢最好味, 亦都係為咗呢碗嘢會再嚟幫襯的原因, 玉子好滑, 咖喱好濃, 好甜, 又唔辣, 烏冬亦好彈牙, 連啲湯底都飲埋, 真係好好味!!! 六十幾蚊又真係貴咗啲.....不過咁好味都算啦.....…Read More

蝦餅: 啲炸粉太厚, 又唔好味, 但啲蝦好彩夠多!!!蒜蓉包: 好好味, 蒜蓉夠多, 又香, 又脆, 又熱, 正!!!蟹肉沙律: 本身冇諗住叫的, 原先叫咗炒通菜, 點知佢話今晚乜菜都冇晒, 咁就介紹咗我哋食沙律, 佢問咁鍾意食菜多啲定水果多啲, 我就話要菜, 佢就幫我揀咗呢款$86的蟹肉沙律, 其實都幾貴, 啲蟹肉好好味, 跟住就有啲花生, 青瓜, 生菜, 蕃茄, 加埋柚子醬汁喺底, 真係好好味, 全晚最有驚喜生牛肉河粉: 湯底無味, 淡到死, 啲牛肉好淋, 都夠生, 河粉都好味, 但份量太少, 兩個人分埋得兩個小碗仔都唔滿... 蝦片: 唔知點解送埋比我哋, 都好食French Kiss: 下面的焦糖雪糕好特別, 好好味!!! 上面的草莓雪芭真係酸都爆, 單食佢真係唔掂, 如加埋下面的餅乾同焦糖雪糕都還可以, 但我哋都係頂唔順, 最後都冇食到佢!! 香蕉拿破崙: 好正, 好好味, +埋個雪糕真係無得頂!!! 啲吉士醬好好味呀!!! 本身食主菜時都唔飽, 但食埋甜品就飽晒!!!呢間嘢其實都唔抵食, 價錢貴得嚟, 啲食物又少, 唯一係甜品吸引到我.....為咗佢的甜品, 我會再嚟的!!!…Read More

金菇肥牛粉絲煲: 普通一個餸, 但我啲朋友話冇乜味!!!咕嚕肉: 普普通通, 但都好食西蘭花炒帶子: 好奇怪, 帶子得一小薄片好薄好薄, 仲要有舊類似蝦的物體"痴"住, 望落去好似好大舊, 但其實被騙了!! 西蘭花不過不失, 總好過帶子!!藥膳糯米蒸雞: 好食, 但冇第一次嚟咁好食, 啲雞好滑, 糯米飯亦好好味雖然冇第一次嚟食咁好味, 但而家呢啲價錢食番平時茶餐廳的嘢真係有啲唔抵, 又唔係特別好味, 如果再唔改善, 真係好難再幫襯, 唔怪得門口都少咗人排隊等位..... 同埋, 坐門口位真係太熱了!!!…Read More

返工同屋企都係同一區, 諗食嘢真係好鬼煩, 真係咩都食過晒.....成日行過門口都見有張海南雞飯大海報, 午飯時試下呢間, 一開門好鬼多人, 眼見咁多人梗係選擇外賣, 廢時等位!!!嘩....海南雞配荷葉飯, 我都係第一次食, 荷葉飯好香, 好好味, 啲飯係比平時的飯盒飯少啲, 但對我嚟講份量啱啱好, 因唔想食唔晒浪費, 海南雞有肶同胸夾埋的, 我平時唔食胸, 但佢啲雞胸都好滑, 雞肶梗唔駛講, 正呀!!! 加埋佢有兩樽雞醬, 薑蓉, 溝埋一齊食真係好好味!!!外賣自取仲有折扣, 本身四十幾, 折後$39!!! 通常外賣都要加$1, 好少仲平咗架嘛...…Read More

之前睇咗食評話呢間好多人食, 仲要等位, 所以就打嚟問有冇位先, 多人就唔嚟, 姐姐話都唔駛等, 有位架啦!!! 咁我就去試下, 一開門, 點知得三枱客, 心諗會唔會唔好食呢???加咗$25轉套餐, 有湯同飲品, 如果叫埋甜品的話可以平$10.... 羅宋湯一般, 蒜蓉多士, 唔香, 唔夠蒜蓉, 又淋晒...呢杯奶昔係套餐後再加多$10, 好好飲呀, 可能我係太耐冇飲呢啲奶昔, 因為平時都係M記嗰啲, 所以真係有叮一聲的感覺!!千島海鮮Pizza: 完全係好似食緊餅乾, 仲要話係千島醬, 點知一啲汁都冇, 似食緊海鮮餅, 完全唔掂!!! 之前係想叫芝士漢堡包, 跟住朋友又想食pizza, 問個waiter咁邊樣好食啲, 佢話pizza...唉....中晒蕉 我揀咗忌廉香草汁+蒜蓉+莫莎利芝士+巴麻臣芝士+煙肉+煙三文魚+金菇+巴麻腿+飲管粉, 因為自己揀的, 唔知好唔好食, 所以都係揀番平時嗰啲料, 出到嚟, 真係好正, 好好食, 好香, 好多芝士, 正呀!!! 個飲管粉同平時的意粉有啲唔同, 佢中間個空位大啲, 幾得意, 好好食, 唔知出面有冇得買呢? 唯一一樣有彈的係巴麻腿, 本以為係巴馬火腿, 點知係肉丸腸的物體, 咁又唔搞得人, 係我誤會咗佢的意思啫!!! …Read More

幾個月前曾經食過, 都覺得ok, 啲嘢幾抵食, 又大件, 最鍾意啲飯細細舊, 刺身大大舊, 但今次真係嬲到震!!!! 天氣已經熱架啦, 仲要我哋坐出面, 雖然都係商場內, 但一啲冷氣都冇, 得把唔涼的風扇, 咁多客都唔知吹到邊個??我哋係食正價的, 唔係食9:30得, 啲食物都咁, 真唔知宵夜時段啲壽司有幾難食??鰻魚壽司: 普通, 喺嚟餐嚟講算好好食軟殼蟹壽司: 平時係食開手巻, 但今次試壽司, 點知難食咁多, 啲軟殼蟹啲粉太多, 又唔脆, 好淋, 亦食唔出有蟹味, 失敗芝士鴨血串燒: 好難食, 一啲都唔夾, 又係凍上海膽壽司: 都叫保持水準, 好好味腐皮: 我冇食, 不過我朋友都係食完一隻得, 就有人再食芝士八爪魚壽司: 一啲都唔出色帆立貝壽司: 上次嚟食係因為佢大件夾抵食, $28!!! 但今次佢樣冇咁靚之餘, 仲要加埋價$35(鵝肝燒牛肉壽司: ok.....鵝肝太細, 但味道很夾玉子: 係全晚最好味的食物, 正!!!! 不過我哋亦都試咗鰻魚玉子, 松葉蟹膏玉子, 但都不及淨玉子好味!!!三文魚壽司: 超失望, 以前真係一隻碟咁長的三文魚, 而家簡直係將佢一分為二, 好嬲!!!! 亦冇之前咁肥美, 好唔開心....仲要比之前貴咗$2海膽甜蝦壽司: 好味, 但都係覺得比較細件咗啲!!!無影相的稻庭烏冬: ok真係唔知點解呢間嘢會變成咁, 我以後都唔會再嚟, 都唔明點解仲有咁多人喺到排隊的???…Read More

經常都會嚟食晚飯, 因為好抵食, 而家加咗價都係$32, 一碟夠晒飽, 吉列豬扒+咖喱汁真是絶配, 好好味!!! 今天更是中午去食, 午餐更抵$26, 一樣咁大碟, 咖喱汁撈飯, 正呀!!!我亦都試過呢間的拉麵, 唔好食, 真係食一次就夠啦!!滑旦豬扒飯: 啲豬扒一樣, 滑旦都好食, 但不及配咖喱汁咁好味, 香口!!!西冷牛扒飯: 牛扒有啲實, 汁唔夠多, 份量少(相比豬扒) 佢哋冇飲品送, 但有茶同綠茶供應!!!…Read More

[係４月時買下團購的，在coupon上明明寫咗至7月27日, 我就7月20打去book, 所以我諗住book7月26日食, 當同老公慶祝生日, 點知佢話full晒, 最快要去到8月11, 心諗有冇咁誇張呀, 咁唯有8月11日食啦, 食前已經預咗團購會冇咩好嘢食, 同睇定openrice的食評, 都話好差, 心諗呢餐應該食唔飽....點知都ok, not bad!!! 因我唔食生蠔, 主攻pama ham!!! 我諗呢樣都唔會難食得去邊掛.....巴馬火腿: 好食, 但一定會有個包放底, 為之一set.....但個包就好難食, 我食咗六碟, 有六片包浪費咗囉!!生蠔: 實在等得太耐啦, 我唔食, 但都要幫老公排隊, 每次每人攞三隻, 但唔知點解我次次攞的都係好細隻, 真係唔抵呀!!! 開殼個阿姐真係未瞓醒咁, 動作超慢, 咁又係的, 開咁快咁蝕晒!! 我老公喺個半鐘內食咗廿一隻, 佢話唔好食都要食, 個buffet6:30-9:00, 但個蠔吧就7:00先無應, 8:30就cut人主菜: 雖然係好細份, 但都足夠我食, 都唔難食, 有牛味, 我哋兩個都叫呢份, 仲要3成熟, 好淋, 啱啱好.....野菌湯: 全場最好食的.....湯夠濃, 好好味, 我都飲咗兩大碗車厘茄沙律: 普通, 可以自己再加醬多士: 貌似鵝肝醬多士, 但食落都唔知係咁嚟, 唔好食Pizza: 第一轉的pizza係pama ham pizza, 之後係肉腸pizza, 第二次出去就得嚟芝士pizza......但都ok, 我哋都食咗4塊Tiramisu: 啲cake嚟講咁好食, 亦都係食完唔出, 放咗兩個之後就出其他cake, 所以一出見到有就要拎, 如果唔係就唔會refill朱古力cake: 普通chesse cake: 一般, 可以唔食最後, 要比番加一的服務費, $98/2位, 如果原價係$488, 真係唔會嚟食囉....…Read More

之前行過見到新開, 跟住就約埋朋友去試試.... 價錢都ok, 唔太貴, 啲食物大過都好食西冷牛扒: 唔好食, 可能之前食咗牛柳同安格斯牛都好好食, 呢碟真的好差, 乾到爆茄子: 我朋友食, 話唔好食洋蔥: 燒得好甜, 好好味菜心: 估唔到咁好食, 佢上面加咗鹽, 食過最好食的菜心洋架: 我冇食, 但見朋友都食晒三文魚頭: 好好味, 味道一流.....芝士西蘭花: 我食嗰陣好快就凍咗, 所以麻麻地, 但多芝士 鐵板蒜蓉花甲: 好好味, 四十幾蚊, 唔算貴牛柳: 好好味, 好淋, 有牛味, 有肉汁, $12, 抵8"大蝦: 好多蝦肉, 不過就乾咗啲, 但都好抵食, $20牛脷: 好大件, 好厚身, 但我本身鍾意食薄身多啲, 所以扣咗分, $12冇影相:安格斯牛扒: 好好味, 比牛柳多咗啲肥膏, 更有口感 $20筍: 好好味, 我第一次食, 愛上了藍妹: $24x4下次都會再嚟的....三人食咗五百幾蚊!!!…Read More

黑椒煙牛肉三文治 + 薯條 + 汽水 套餐$44呢個係老公食, 佢話都ok, 我試咗一啖即刻比番佢, 我覺得我嗰個好味啲....啲牛肉得黑椒味, 無特別薯條係粗薯條, 好好味....但少咗啲煙三文魚茄旦沙律三文治 + 凱撒沙律 (另加$6) + 汽水 =$49一食落去個包真係冇得頂, 又香又脆, 好好好味.....煙三文魚, 蕃茄, 旦沙律三樣加埋個包真係好好味, 食完好想再食凱撒沙律: 份量啱啱好, 好正, 有煙肉, 麵包粒, 沙律醬加埋的味道, 無得頂呀噚日食完已經覺得好好味, 成晚都好掛住, 所以今日中午又再去試其他款....燒肉眼牛扒三文治 + 煙三文魚凱撒沙律 (另加$10)+ cappuccino (另加$14) =$70呢個三文治仲好食過我噚日食嗰個, 佢雖然唔係一塊牛扒, 但啲肉都夠多, 好淋, 佢啲汁仲多, 一路食仲路滴出嚟, 肉加埋啲汁真係正, 啲汁仲索埋落個包到, 仲更加好味......又好想再食呀!!!!個沙律加多咗$4多咗幾粒仔的煙三文魚, 一啲都唔抵, 所以下次都唔會再叫cappuccino: 都ok, 咁當然唔可以同大公司比啦......真係好開心屋企附近開咗間咁好味的三文治......以後唔駛再食m記!!!! 不過最衰間野真係收得太早了, 因我都係放9:00, 放工後食唔到!! …Read More

之前做晒rearch, 知道7:00後一定要等位, 所以約了朋友6:30食, 好彩未有人食, 慳番啲時間!!! 我哋揀咗上級涮涮鍋, 上級牛肉, 豚肉 $148 任食90分鐘一入座就送一隻牛涮鍋牛牛.....可選鴛鴦湯底: 豆乳湯+和牛清湯, 豆乳湯幾特別, 好味....和牛清湯一般, 好普通..... 店員見冇湯都好快自動加湯, 係真係加湯唔係加水, 讚!!上級牛肉, 豚肉, 好新鮮, 賣相好靚...我不嬲都好鍾意食牛, 但呢到啲牛都可以, 但我覺得豚肉仲好味過牛肉, 淋啲, 好好味.....其他好味的有粟米, 好甜.... 炸魚旦, 菜, 呢啲都係自助的....雪糕都係自助, 雲呢拿, 朱古力, 芝麻, 豆腐, 綠茶, 五款選擇...但90分鐘真係太趕, 好多嘢都未嚟得切食, 烏冬, 冷麵都未食, 就要趕人走.....我朋友話真係嘢都唔好講, 淨食, 食完先講.......…Read More

淨係得菜, 一啲面包粒, 煙肉都無......唔怪得menu上隔離要自己另加嘢囉......咁就要四十幾蚊, 我買啲生菜+橄欖油+黑椒+鹽+芝士都得啦!!! 駛乜喺到食呀!!!!本身係諗住嚟食薯皮的, 但見隔離枱叫左個pizza, 好似好好食, 咁就叫咗嚟試下, 點知最冇諗住叫的係最好食的!!! 個薄批好似餅乾, 幾得意, 勁多巴馬火腿, 每一塊餅都有加埋啲芝士, 簡直係超夾!!! 中間仲有夾啲蜜瓜令pama ham唔好咁咸...上面仲加咗好多菜, 好健康咁, 一啲都唔怕肥, 最緊要係啲汁, 啲汁好特別, 好好味!! $138嚟講都算ok.....望落去好似好大, 仲間waiter兩個人食會唔會食唔晒呢?? 佢話一定食到, 但點知我哋兩個人食都唔夠食, 嚟到先發現唔記得加旦, 因加咗旦更加好味......沒有加料的cabonara真係唔好食, 啲汁乾到死, 又勁細碟!!! 被朋友誤導話有幾好食, 同自己喺屋企整差唔多, 可能我乜都冇加, 所以唔好食啦, 但你哋如果要加嘢先好食的話, 咁點解唔一早較好晒啲味道而要客人加呢樣加嗰樣呢??蒜蓉包, 一啲都唔脆, 唔蒜蓉, 唔香, 淋的...... 九十幾蚊一啲都唔抵食, 如果要加其他配料咁百幾蚊的意粉, 更加唔值得!仲有, 啲坐位實在同隔離太近啦, 想傾計都比隔離聽到晒, 拿拿臨食完走人!!!!…Read More

喺門口見到呢間日本嘢裝修都幾好, 又新開未食過於是就入去試下, 當睇menu時發覺唔平, 仲要喺筲箕灣咁的價, 如果唔好食都唔會再幫襯, 因為東大街實在太多好嘢食......牛油拉麵: 好好味, 拉麵加埋啲湯底簡直係一流, 絕....完全飲晒個湯!!!咖喱豬扒飯: 無乜味, 份量唔夠食, 好細碟, 六十幾蚊, 一啲都唔抵食品!! 天悅嗰間好食好多, 仲要平佢一半...... 蟹子沙律ok蔥拉麵: ok, 啲蔥好食, 但食過加咗牛油的湯底後, 再食呢個就扣埋分, 真係差好遠呀!!!!日式煎餃子: 超失望, 一啲味都無, 個皮唔得個涵都唔得, 唔好食, 總之唔加錢叫無料免費雞蛋: 唔知呢間嘢係咪知道自己啲食物細份, 怕食唔飽人, 所以放咗啲旦喺到等人可以食飽啲!!! 我就好鍾意食旦, 但食一隻都已經飽晒, 我老公就食咗兩隻, 太貪心!!…Read More