sikgaesther's Profile

韓國野好耐無食, 所以特登落俗稱韓國街的金巴利街搵下野食.其實有好多選擇, 不過通常我都係用一個好簡單的標準. 就係多唔多人排隊. 因為我覺得多人排隊應該唔會錯.二個人叫左3樣野食. 份份都好大, 應該食到好飽.1.蟹膏紫菜包飯呢間的包飯完成度好高, 包得好靚. 最怕食D包得唔好. 餡料好足料, 配搭蟹膏好好味.2.鐵板芝士五花腩呢個真係爆芝士. 五花腩每一塊都厚薄適中啦. 食落去唔會太膩. 呢個係幾驚喜既.唔食牛既朋友可以考慮下叫呢個3.牛油蜜糖味炸雞韓國炸雞一貫水準, 加埋牛油蜜糖味. 邪惡之極呢間真係抵,. D野樣樣都咁大份, 差D食唔哂…Read More

我朋友帶咗我去皇后食嘢，佢係尖沙咀蘋果隔離 都幾易搵到我地叫左幾樣野冬蔭公，炭燒豬頸肉，雜錦辣炒河，芒果糯米飯冬蔭公湯係我去食泰國野必叫 佢呢個好足料 入面勁多餸 索哂d汁 好正炭燒豬頸肉真係好好食 佢肉質幾淋身 燒完有陣陣嘅油香雜錦辣炒河 今晚冇叫到金邊粉 試下個炒河 又幾香口 有蝦有d蔬菜都幾好食 好夠味芒果糯米飯佢係細細蜿 岩哂兩個人食 芒果好甜襯埋個椰香就真係好夾今次餐飯好滿足 同朋友傾下計食下野好開心 下次一定會再黎!!…Read More

最近去左渝味曉宇銅鑼灣分店食lunch，雖然啲人黎通常係食火鍋，但呢排啲天氣咁熱就靜係想食麵。雖然係火鍋店，但係呢到環境非常舒適乾淨，木材間格簡潔得嚟優雅 座位闊落，坐得好舒服。我叫左曉宇貢丸、蟹柳重慶小麵，份量幾大，麵柔軟幼細，連埋辣湯一齊食仲正貢丸非常彈牙，蟹柳同菜吸晒啲湯超好食。除左麵佢仲送左啲開胃小食，黑木耳酸酸哋好爽口，鳳爪有豐富骨膠原。 食麵食到辣最啱就飲返杯冰凍洛神花茶解下辣，酸酸甜甜開胃醒神，又可以幫助去油消脂，絕配！…Read More

人生第一次試食日本廚師發板，朋友介紹下去了櫻木日本餐廳料理。先講下餐廳環境，很清靜，地方很大，坐得好舒服。服務生態度很好。餐牌有兩個價錢平嗰個係＄580貴嗰個係加＄300。由於今日係很特別的日子所以唔理得咁多一於試食貴嗰個。前菜係食三款東西：有蝦啦，海帶啦，同埋梅味素面。可能由於心情好的關係，不用2分鐘就極速清晒，好味！食完前菜跟住就係食刺身啦。刺身食咗七款，第一款係鮑魚，第二款係北海道牡丹蝦，第三款係帆立貝。鮑魚雖然煮得好林，但亦有口感。牡丹蝦同帆立貝就唔使多講啦，當然是十分非常鮮甜！跟住再嚟嗰三款刺身就係全晚最正嘅刺身，有金目鮦，野生劍魚腩同埋池魚。三款刺身各有特別，各有各出色。劍魚腩不油膩，池魚和金目鯛很鮮甜。第七款即係最後一款刺身就是中拖羅。中拖羅配搭紫蘇葉捲埋一齊食，冇咁油膩，口感層次鮮明，很正！食完一輪刺身後，便開始吃熱食。由於本人不太喜歡吃煎炸野，所以選擇了和牛配炸天婦羅。雖然唔太喜歡吃天婦羅但炸南瓜天婦羅真係好甜，黃牛牛味濃郁，肉質鮮嫩，好有口感，熱辣辣，停唔到口好好味，好吃到停唔到口，哈哈！再嚟下一到餸就係三文魚於軟骨，因為本人不太喜歡三文魚和吃有骨的東西所以俾咗男朋友吃。嚟到飯局嘅尾聲，最後一碟菜是深海池魚壽司，赤心壽司，同埋吞拿魚魚蓉撈海膽飯。吞拿魚魚蓉同海膽用嚟撈飯簡直係正個食神嘅暗然銷魂飯，海膽超級鮮甜，入口即溶，正過叉燒配隻蛋，深海池魚壽司和赤心壽司一啲都唔腥，很滿足喎！食飽飽坐一陣當然要食返個甜品先啦，甜品就係綠茶雪糕。雪糕尚算柔滑，很濃綠茶味和奶味。總括來說，環境，價錢，食物質素，服務質素我比85分，推薦各位值得一試！人生第一次試食日本廚師發板，朋友介紹下去了櫻木日本餐廳料理。先講下餐廳環境，很清靜，地方很大，坐得好舒服。服務生態度很好。餐牌有兩個價錢平嗰個係＄580貴嗰個係加＄300。由於今日係很特別的日子所以唔理得咁多一於試食貴嗰個。前菜係食三款東西：有蝦啦，海帶啦，同埋梅味素面。可能由於心情好的關係，不用2分鐘就極速清晒，好味！食完前菜跟住就係食刺身啦。刺身食咗七款，第一款係鮑魚，第二款係北海道牡丹蝦，第三款係帆立貝。鮑魚雖然煮得好林，但亦有口感。牡丹蝦同帆立貝就唔使多講啦，當然是十分非常鮮甜！跟住再嚟嗰三款刺身就係全晚最正嘅刺身，有金目鮦，野生劍魚腩同埋池魚。三款刺身各有特別，各有各出色。劍魚腩不油膩，池魚和金目鯛很鮮甜。第七款即係最後一款刺身就是中拖羅。中拖羅配搭紫蘇葉捲埋一齊食，冇咁油膩，口感層次鮮明，很正！食完一輪刺身後，便開始吃熱食。由於本人不太喜歡吃煎炸野，所以選擇了和牛配炸天婦羅。雖然唔太喜歡吃天婦羅但炸南瓜天婦羅真係好甜，黃牛牛味濃郁，肉質鮮嫩，好有口感，熱辣辣，停唔到口好好味，好吃到停唔到口，哈哈！再嚟下一到餸就係三文魚於軟骨，因為本人不太喜歡三文魚和吃有骨的東西所以俾咗男朋友吃。嚟到飯局嘅尾聲，最後一碟菜是深海池魚壽司，赤心壽司，同埋吞拿魚魚蓉撈海膽飯。吞拿魚魚蓉同海膽用嚟撈飯簡直係正個食神嘅暗然銷魂飯，海膽超級鮮甜，入口即溶，正過叉燒配隻蛋，深海池魚壽司和赤心壽司一啲都唔腥，很滿足喎！食飽飽坐一陣當然要食返個甜品先啦，甜品就係綠茶雪糕。雪糕尚算柔滑，很濃綠茶味和奶味。總括來說，環境，價錢，食物質素，服務質素我比85分，推薦各位值得一試！…Read More

最近天氣凍凍地，又係時候出去「滾」一下，今次挑戰極限，去食麻辣火鍋，由於之前其實無乜食麻辣火鍋經驗，梗係上網做下功課啦，於是上fb睇下d報導，最近有間新開既劉一手重慶火鍋係銅鑼灣開左，講明係全球十大麻辣火鍋，牌頭咁強，一於試試佢！湯底叫左兩款，重慶大辣同埋龍蝦湯底，唔好問點解係大辣，食重慶麻辣鍋唔食大辣根本渣ga，一上檯已經攻鼻，好香好麻既感覺，但姐未驚過；至於龍蝦鍋係真係叫黎試試佢飲湯碌菜ga姐，除左有開邊龍蝦係個鍋入面，個湯夠鮮濃，唔會死鹹。姐食野一向貴精不貴多，叫個澳洲牛小排，脂肪比例分佈平均，一放落鍋大概30秒左右就食得，牛味濃郁，入口即融，有budget可以encore幾轉，月頭對自己好d都應該既。再下一城就係鵝腸，食之前我一再警告友人唔好好似去x園、花x打邊爐咁一次過車d野食落去，鵝腸真係碌10零秒食得ga啦，怕生頂盡30秒，一次過車落去最後只會縮曬撈唔返上黎。講返味道，呢度既鵝腸係鮮鵝腸，食落去好爽，而且重鵝香，配合埋個麻辣，二重香味，絕對係麻辣火鍋既鐵膽。誠意推介：黃喉黃喉係咩呢？我就無深究，姑且我當佢係牛牛既喉嚨，但係呢樣配料係成晚最比到驚喜我，都係10零秒食得，賣相好似魷魚咁，但佢唔係海鮮，口感食落去係爽爽脆脆，而且佢同麻辣既香辣好夾，我宣布佢係以後食麻辣火鍋既必點item。最後食下青菜解辣解膩，完成今晚既麻辣之旅，仲有d烏冬啊芝士丸啊就不詳細講了，一句講曬，黎劉一手必食鵝腸同黃喉，剩係呢兩個都值回票價！…Read More

近排天氣時冷時暖，早晚就特別寒，收工凍凍地就梗係想約埋班frd打番個邊爐暖下肚啦。朋友提議大紅袍，話坐得夠舒服，吹水都開心啲，見到係荃灣開咗新分店，幾近西鐵站咁，啱晒住大西北嘅我地，一於book位試試佢。講番野食，一黎梗係點湯底先，我地點咗金屋藏嬌，成大舊冬瓜，配埋大約半隻雞，非常足料。店員仲溫馨提示我地可以先飲下個湯試下先，又真係幾鮮甜，仲有我最鍾意嘅竹笙，吸晒啲湯好好食啊！見個湯底咁高質，我地都即刻叫咗冰豆腐同響鈴，盡情吸啲湯汁，正啊！！呢度啲火鍋配料選擇都幾多，我地就揀咗招牌餃（黑松露蟹肉餃）、韮菜餃、脆鯇片、黑豚五花腩片、鬼馬蝦膠同埋娃娃菜等等。不得不提個招牌餃真係好驚喜，唔單只大大粒，一咬啲黑松露香味即刻爆晒出黎！而另一款韮菜餃都同樣好食，一碟有成8粒，大大粒夠晒足料。脆鯇片夠晒新鮮，啱晒鍾意食魚嘅我～呢度每款野食都真係好大份，我地一行四人，叫咗9樣配料，加兩楂野飲，飽到差啲行唔到，埋單都唔洗$1000。非任食邊爐黎講，呢種質素同份量，真係超晒值。咁啱今次有同行朋友唔食牛，見到隔離枱啲安格斯牛好似幾正咁，下次一於再黎試試佢！…Read More

呢間一豊其實係天水圍都開左一段時間，幾個同我一樣住天水圍既friend子都話幾好味，但一直都無機會去試下，今次咁啱去天耀個頭探朋友，夜晚就揀左呢間去食啦。刺身拼盤刺身非常厚身，而且油脂豐富，食落去好有滿足感。北海壽司呢個北海壽司係幾有水準，首先成個天水圍應該得佢呢間日本菜有螢光魷魚食，而且其他食材都好新鮮，除左刀工好，仲用心搭配唔同醬例如黑松露、柚子醬等，令到味道層次豐富。總括黎講，一豊算係區內少有既高質日本菜，住係天水圍既朋友唔想下下食爭鮮或者搭輕鐵出元朗搵食，可以近近d試下佢，讚哦👍🏻…Read More

在懷舊風餐廳品嚐新派多士在久違的假期約左朋友係vcity行街，血拼到6點幾終於累累地要搵間餐廳叉叉電，於是佢就介紹左間懷舊餐廳 -羅麥記裏面既裝修好有八九十年代風格，除左唔同既懷舊擺設，仲有好多舊陣時既廣告壁畫，感覺上好似時光穿越左返去幾十年前咁。食物方面，我地叫左個鐵板牛排同埋職員誠意推薦既阿華田多士。鐵板牛排大大份，兩個人share都好夠，同埋佢落左勁多汁，唔怕會好似平時茶記咁食食下唔夠，墊底既薯條都係懷舊波浪薯條，可見佢地懷舊特色係細節上都有。之後就係呢個阿華田多士啦，六舊大大舊既多士烘得香脆，而且好邪惡地落左好多煉奶同埋阿華田粉，食落去好香阿華田味，果然無介紹錯，呢舊野係必食！最後我地為左中和下油膩感叫左個菜菜黎講略嫌蠔油不夠，但係無煮得太老，而且比較健康，食落去係少油既，當係消除頭先食牛排同多士既罪咎感啦。…Read More

環境乾淨，服務殷勤，最緊要係每一樣野都好好食 日本既浜燒海產食店近年喺香港大受觀迎，至今都已經開咗好幾間，同屋企人食飯唔知去邊好，又唔想太平又唔想西餐咁拘謹，咁就一於去試下啦。荃灣西行過去十分鐘左右，喺荃新天地附近，就算唔係去開荃灣食飯都唔會話好lost好難搵。 店舖係一般日式料理既設計，以木製枱櫈為主，門口有啲海產養咗喺度比你睇下咁，色調以自然為主。我地四個人坐喺包廂，有同張枱少少窄不過有私人空間都幾好，唔洗同人你眼望我眼丫嘛。一開始先食沙律，上面有少少刺身雜碎同海葡萄, 令個沙律睇落日本啲, 但始終呢個唔係佢主打菜黎既, 所以都唔係我地既期待項目。店員旋即遞上一系列小食：烏賊刺身滑嘟有咬口、炸八爪魚外脆內軟，口感實淨。順帶一提，佢地仲有Frozen Beer架! 啤酒梗係用黎送烏賊刺身,聽落好似好麻甩但係將滋味再提升到另一個層次, 係心靈既大解放! 小食後就入正題：燒海鮮喇。燒魷魚筒香氣四溢，魷魚自己既鮮味完全保留到，唔會好似咬橡筋咁。帶子熟度適中，軟軟地充滿肉汁，加咗少少酒一齊燒更惹味～成個過程店員都會幫忙，唔洗驚雞手鴨腳啦：）我自己最surprise係蟹蓋, 混合蟹膏蟹肉蟹籽同鵪鶉蛋令口感上有不同層次,味道好濃郁又好甜美, 食之前完全想像唔到原來呢個combination可以咁好食! 如果都係覺得唔夠飽,仲可以食一個壽喜燒, 唔係好貴就有和牛有少少菜, 風味十足, 感覺好似真係去咗日本緊。食咗咁咁咁多野, 圍返埋每人四百零蚊, 去開香港旺區食飯既屋企人都覺得十分驚訝 – 出面邊度揾啊…Read More

穩世中既穩世!! 呢一間餐廳如果無人介紹，恐怕你唔想有咩意慾想入去，因為環境相對係比較簡陋一點的!但係有奇妙既就係 愈唔想入去，食物既質素就愈吸引，呢一間餐廳就係係我仲係KT返工既時候，同事介紹我去食的，因為每天譚仔都不是辨法，當然要找一些與譚仔類似，但又有些不同之處的餐廳，些餐廳正是!呢個餐廳同樣都係雲南，但不同的是佢係用左「羊肉」做賣點!基本上，整間餐廳偏佈左羊肉既味道!講呢到既食物，當然就係要講下佢地既羊肉米線啦!我地兩個都叫左正常size既羊肉米線 (其實正常SIZE份量已經好多了!)麵上既羊肉份量都幾多，而且每一件羊肉都好厚肉!…Read More

同朋友落街想食個宵夜，無諗會有間韓燒店。行過仲以為係海鮮火鍋店。d仔仔全部都係韓仔黎咖！先黎小菜，味道唔算太辣，我個人超鐘意食韓式小菜，最後都清哂因為怕食太多肉太飽！我地主打叫少少海鮮小食就算。第一樣係辣八爪魚，其實味道唔算太辣，正常辣度。店員講解，話係自家醃製架！我唔敢食個頭，但隻腳真係好爽，脆，帶少少鮮味！外皮燒得Lonelone地，好脆身！每次韓燒都一定會叫豬肉韓式豬肉同平時煲湯既豬肉完全唔同因為唔係用砂爆，豬肉本身好厚實油脂因為高溫而融化，塊豬肉慢慢變得脆身，正！必食推介，一定係依碟：生牛肉要先了解韓牛本身好香，少油脂，而且無「蘇」味加上辣醬本身去除生牛肉的味道，絲成絲狀既生牛肉，一定超出你對「生肉」的睇法配少少白蘿蔔絲，同生牛肉夾在生菜內，好fresh，唔油…Read More

意粉, 漢堡之類西式餐廳野聽落好似好易煮, 但要搵到好食既真係一啲都唔容易。有時百幾蚊出黎但唔好食真係會幾激氣架。聽朋友講旺角既Coffee Talks幾好食, 所以專程約朋友一嘗。總括而言我覺得食物製作有誠意, 食材有質素, 而且環境清淨, 拍拖約會見重要既人都唔會失禮啊!：）第一樣好值得欣賞既係menu真係好多選擇, 細細間cafe冷飲熱飲甜品前菜主食都有齊, 佢地最近仲改良餐單再加野, 真係任何時候去去幾多次都唔會怕唔知食乜好啦。好多人會覺得多就一定唔專樣樣都麻麻地, 但我就唔係咁諗。例如我地叫既牛肉漢堡, 店員好細心咁幫我分好插上竹籤, 咁就唔會食得論盡啦。漢堡好大份好足料, 舊扒肉汁豐富唔會好乾。另一樣主菜係青醬帆立貝意粉。帆立貝可以煎到外面少少脆內裡未熟透變乾已經好唔容易, 我最欣賞係個意粉啊其實! 意粉唔會太乾/太油/太濕, 同青醬比例岩岩好, 麵條彈牙冇煮到淋哂爛哂, 容我再三強調, 呢個意粉, 出面以意粉黎做招牌菜既連鎖餐廳都完全比唔上。另一樣想講既就係名為綠茶控既甜品。就咁睇98蚊好似好貴, 但我想講佢唔貴,相反, 係超級抵食。呢個甜品有齊綠茶心太軟, 綠茶雪糕加宇治紅豆, 仲有綠茶窩夫, 三個share都夠食啊! 仲要佢唔係得個色, 係真係拎過黎嗰時已經聞到綠茶香。我特別推介心太軟既, 綠茶解咗甜品既膩之餘少少既澀味襯托上朱古力既味道, 兩個人分享呢一份滋味特別幸福😊…Read More

早2日阿媽唔想煮飯，但又諗唔到食咩，就不如去附近既富臨皇宮酒樓食個飯算啦~~~ 去到即刻有位坐wor, 經理仲即刻遞左11,12 月菜牌比我地，等我地揀返幾個小菜先！老豆鍾意食乳豬，見到餐牌有，即刻叫左半隻bb豬食，切件大件，厚身，皮脆肉都厚，都ok之後叫左個水鴨湯潤下，好多湯渣啊，唔止水鴨，仲有雞，好夠火喉之後叫左個瑤柱金菇扒菜苗d瑤柱成碟都係！ 多芡，送飯一流阿媽鍾意食鱔，就叫左火腩大鱔煲，都幾入味，火腩同鱔數量平均，個味道都幾配合之後仲有隻德國豬手，睇下佢同德國餐廳有咩唔同，都係淋完汁切好上枱，食落好冧，似鹵過個款豬手最後食左生煎包當飯後小食，每隻都好大粒，多肉餡，如果煎脆少少仲正！…Read More

本身自己比較喜歡到cafe同朋友食飯聚下影港女相。但今次突然想食中式野，就同朋友轉去食上海菜。入去等朋友時，已被秋季限定既蟹粉吸引了。滿貫炒飯每粒飯都沾黏上金黃色蛋漿、蟹粉砂鍋上枱，就算唔係即時食，都仲保得住熱氣岩哂中意叫到成張枱叫滿食物既我地金黃蟹粉小籠包皮很簿，咬嘅時候一邊吮湯汁，肉餡充滿蟹味，感覺好滿足蟹粉翡翠苗菜苗混合蟹膏蟹肉芡汁，濕濕地入口，令到普通既菜苗霎時豐富香口黑松露小籠包黑色小籠包夠晒特別，帶有黑松露碎。將整個小籠包放入嘴，湯汁流出充滿黑松露嘅味道，正！韭菜水餃比佢嘅顏色吸引左，味道都唔錯雞絲粉皮麻醬青瓜絲雞絲撈埋一齊，味道清新，粉皮煙韌黃金南瓜條咸蛋黃與南瓜嘅結合，未食已經聞到甘香味，食落口南瓜爽口，炸得酥脆又好食紅燒獅子頭煨面清清淡淡，又保留到肉汁，感覺可中和之前重口味既食物，健康一啲…Read More

從來甚少覺得任食火鍋值得花筆墨去評論，因為去的人都係求飽而己，但今次「來一鍋」既體驗卻令我完全改觀。其實一到秋天有時就真係幾有衝動搜邏下新地方打個靚邊爐嘅。俾我巧遇到一間食物質素、誠意極高而且裝修相當舒服既一間上樓任食火鍋「來一鍋 One More 」。先未講食，入到去成個環境已經俾左一個好好既第一印象。佢既裝修唔似一般火鍋店咁大紅大紫，反且係以淺藍色為主調，非常有現代化，令人一入去視覺上已經有個好舒服既感覺，一啲都唔麻甩。第一份令我讚嘆既就係鮮炸嘅響鈴先至令人咋舌。見到好似圖中咁巨形嘅響鈴，我不禁問下伙記啲響鈴係點嚟。原來每一條都係接到order後，用新鮮腐皮即刻落鑊炸。因此你見到嘅唔似平時細細條好圓咁嘅樣，而係大大條不規則嘅形態。從呢樣頭盤嘅處理，我睇到嘅係廚房對食物嘅執著。如果將呢兩樣傳統嘅食品應有嘅水平帶番出嚟係「整色整水」的話，那麼「腳踏實地」其實不怎可貴。不嬲唔太食海鮮，尤其係打邊爐啲海鮮，因為對我來講多數都係將啲倉白兼淡而無味既過期貨放入鍋度烚到更加不堪。但見到呢個套餐嘅海鮮拼盤，我又真係忍唔住俾個機會佢。佢地唔似一般放題果啲放到乾哂咁，唔講以為可以生食。過左水之後仍然食到原有既鮮味。到standard嘅牛、羊肉同啲丸類，都不失驚喜。隨左由鮮肉即搓既四式丸之外，不得不提嘅係自創的墨魚釀豆卜同豬肉釀冬菇，兩樣嘅配搭都相當夾，新奇得嚟不失奇各自原味。牛羊肉細細片, 但肉味十足, 鍾意大大啖塞肥牛、羊入口嘅朋友不妨試下細味品嘗。當然，唔夠喉嘅話可以加單啦，伙記們都好快手，絕冇拖野漏野，抵讚！考慮埋個裝潢、食物既誠意同用料新鮮程度，總計每人 around 350 蚊其實真係值得。當然如果唔太好海鮮嘅會有其他平啲嘅組合可以揀啦。上次揀咗豬肚鍋湯底，但對佢個豬骨鍋又好好奇，所以小妹己經plan咗準備下個星期去再戰一番，希望佢個水準可以keep到啦。…Read More