大肚腩BILLY的個人專頁

好多年前同一位置，唔知係係同一間放題？麻麻，評分中下收工口痕想食下日本野，又唔想出九龍就去呢間北區好似唯一的日本放題（有錯請指正）19:30，三個大男人去到，可以坐卡位，幾舒服最怕坐到迫一迫好尖沙咀果間：相x手，寧願將半間鋪養老鼠都唔d客人坐得舒服d我以後都唔會去呢度上菜都幾快，無漏單，值得一讚講翻食物，真係中規中矩，無乜特別好好食，但又唔係差重點刺身，ok，可惜全部細細片，唔過癮其他食物都好普通我最鍾意的牛俐，只得炒，無串燒牛俐供應，可惜洋蔥多，牛俐得少少建議遲d提供串燒牛俐上水一帶除左雞煲，美素佳兒，金莎，益力多外起無乜選擇下想食下日本放題，下次應該會幫襯的希望佢越做越好啦…查看更多

之前新開張時幫襯過焗飯，蒸飯，點心，不過不失，唔錯近排再幫襯佢的常餐見到佢個常餐有我最愛的芝士湯底，剌沙湯底選擇兩樣都試過，兩款湯底都好濃好香芝士通粉，剌沙配公仔麵都好夾 猶其個芝士湯底，加左些少香草，濃淡適中，正！阿女食過一次之後就成日都話要食芝士通粉 而配的牛乳炒蛋同厚多士，唔係求求期期的炒隻蛋同噠d牛油落塊多士度 都係熱辣辣的，明顯的係落過心機去做 最抵飲的，係杯凍飲，加三蚊，份量足足係一般茶餐廳的一倍左右 但又無話偷功減料，而係足料喎，係驚飲唔晒姐 夏天，熱辣辣就最正 簡簡單單的一個常餐，見到間餐廳係下過心思…查看更多

一早去完政府總部，2個人搵左$400.一於要食好d但元旦日，旺角放題唔易有位，起街見有人派傳單有新野，就走上去試試六點正去到，人唔多，坐位唔算太迫，唔錯估唔到食物黎得幾快，整體唔錯，香港一般放題的質素難得完全無拉布的情況出現出野好快，一個鐘都差唔多飽，成晚只係漏左個火龍卷壽司詳情無乜特別，唔多講，睇相好過……鐵板的牛柳粒好硬，天富羅太多粉，串燒牛琍好好食…查看更多

見團購有二百幾的酒店自助餐話又有生蠔，海鮮等食品供應就買張同老媽子去食翻餐行到去酒店幾骨子，上到33樓，地方好細可能早成半個月定位的關系，安排坐窗口位，好舒服但地方好細，呢個咁舒服的靚境窗口位，只得幾個其他的環境就差得多啦我地約7點3度入場，都唔算好多人去參觀放食物的地方，好細，食物款色重好少去睇下佢聲稱有供應的：新鮮生蠔、凍蟹、澳洲青口、鮮魚刺身、白酒煮青口、香煎挪威三文魚配水瓜柳汁、風乾火腿配香瓜、原來係………無的唔係嗎？佢七點開始，我地遲左十五分鐘之嘛……記得剛入來的時候，起電梯口見到有幾名女士企起度，我重以為佢地等位添？原來起度排隊等海鮮行去佢地排隊放海鮮的地方，應該係的，因為見到有d冰，但都唔係無野食喎，有d清口無人要我拿了回去食左……知道點解無人要啦實在男人老狗唔好意思起度罰企，唯有去試下d熟食熟食真係無興趣映想，同埋食憑記憶講下有乜食：好豐富的咖哩角煎雞翼唔知吉烈魚定豬肉？一個唔知乜野汁煮魚黑淑雞肉薯仔溶一個唔知乜野的炒麵？好可能係天使麵珍珠雞（最特別係珍珠雞個蒸籠下面鬼鬼祟祟的有二十粒左右的乾蒸牛肉）可能大家食自助餐都無打算食到會食物的關系，熟食都無乜人客理會難得見到有燒牛肉，但又無乜人食，我都無野食的情況下，食左3次食左3次牛肉，知點解無乜人食喇去沙律區……sorry，唔應該叫區，沙律有：生菜，椰菜，車厘茹……無啦唯有飲湯，湯有：南瓜湯，蘑菇湯，麻麻，好重麵粉味，但配麵包再加大量牛油，自制鮮油包唔錯的可惜麵包太硬當食麵包之際，特然後面走出好多人，下，可能生蠔出場已經七點九左右，果幾位女士的堅持係無白費的，師傅真係放生蠔但頭幾位女士的堅持當然唔會只拿一隻生蠔走啦結果頭三位的女士每人拿了三四隻的生蠔，其他遲來的，唯有轉拿長腳蟹腳正當大家努力搶長腳蟹的時候，我起傍邊偷偷的用夾，夾走了幾隻當時無人問津的凍蝦又起呢個時候，又見另一條人龍的出現，原來係另一位置我原本以為只是用來放芥辣 wasabi的地方（因為由始至終該位置都是空空如也的）師傅竟然拿出一碟香港人喜愛的刺身，有三文魚，北寄貝，八瓜魚數量都唔太多，好彩，我是第三個發現的，前兩位朋友，可能有屋企人餓住等他的關系，已經拿了七成的刺身當我想大大的夾下來的時候，看見在我後面的小姐，眼有淚光，仿佛對我講：先生，手下留情啦，我等左好奈好肚餓……無奈，我只有手下留情甜品，有個朱古力噴泉，蒸蛋，桂花糕，西瓜涼粉，唔好食的雪芭等等，但都無再補半小時後約八點幾生蠔，刺身曾經再次出現過幾分鐘左右，當然亦只能讓堅持排半個鐘對住個空盤得到的而心不死的家姐走左出去搶……結果……搶到幾隻蟹腳回來……好感動蟹腳一食……好咸，想折d檸角，點知檸角係半片檸，折到成眼都係剛去到的時候，家姐已經拿了幾隻珍珠雞回來，話食唔飽食珍珠雞結果……三隻我食晒…查看更多

見到盛八中午有特價140人仔左右，重見到開飯有優惠卷打電話去問清楚可唔可以用，（你知大陸D鋪頭成日會唔認架啦）維110人仔，OK無問題，先至出發限食二個鐘，但午市幾點到，14:00都會截單當日一點先到，好快就要叫定成檯都係午市同晚市價錢差成舊水，但食物都差唔多無睇清楚，主要係無羊架，生牛肉刺身同D鮮渣果汁果類，所以午市都幾抵講翻主打：烤肉，確實不錯，該店雖然用電爐，但原理是用電爐明火燒碳所以烤肉有碳燒味道，唔似得有D烤肉店用發熱線燒熱主打牛肉，牛舌，肉質確實唔錯，每種分別只是醃料味道，每款肉都有幾隻味道選擇小弟稍為嫌醃料味道偏甜及偏咸，如果加多味：原味，就一流啦除左牛肉外，肉類都無乜叫其他的，水準如何就唔知喇其次係海鮮，晚間有生蠔燒，午市就無，主打係帶子同生蝦，唔錯刺身都係D大路野，唔錯，午市無甜蝦供應因為成班人主打牛肉同刺身，其他野都無乜點叫，所以無得比較等食物時間都叫合理，一般十零分鐘到環境亦唔錯，唯坐卡位的話，冷氣稍嫌不足，但店員講得好清楚整體來說算唔錯的一家烤肉店，無做壞個招牌…查看更多

去呢道食因為有兩個原因，一，是曾幫襯過佢同一集團的MK木村，本人對木村都幾欣賞二是因為佢廣告話可以有三小時，唔似得其他果D放題得兩個鐘（實得個半鐘）今日開完會，打算一路食野，一路慢慢傾，所以特登黎呢道食點知18:00去到，佢話食到20:00兩個鐘，但佢門口都貼住三個鐘個喎算啦，費時多講，入內環境都可以，唔算太迫8個大男人佢安排左個大單邊，都好，佢有個屏風，總算坐得舒適可能是閒日關系，整晚入座都不足6成最抵贊的是，我地8大漢一入場，我親眼見到刺身師傅即刻準備一個大碗，加上冰塊隨時準備為我地8大漢準備大大量的刺身，當然8大漢亦無令佢失望，立即寫上大量刺身遞上單後，意料之內睇見師傅用剛才的大碗放上一個巨型刺身，好快就送上前後唔係幾分鐘，一輪狂風掃落葉，就清晒所有刺身香港食放題有個習慣，除左第一輪外，第二次落單通常都會奈D（唔知係咪故意）但呢間就唔同，完全係合理時間（10分鐘左右）起香港，除左五月花外，佢都算上菜最快的好喇講翻食物，主打刺身算中上，最重要上碟時有冰底，食落感覺會新鮮D三文魚等刺身都幾厚身，中上之選最欣賞係個玻璃蝦，爽口，唔似甜蝦咁廉口炸物普通，但有個炸蕃薯，估佢唔到幾好味的牛柳粒整得鞋，個豬頸肉最唔好食另外個番茄牛肉火鍋，可能落茄膏關系，好似金寶湯一樣，好飲！壽司就普遍，完全唔及2000YAN，但其中火焰和牛同三文魚幾好食全晚都無拉布，漏單，除左一樣：羊架，其實因為去開木村都知，可能係食材貴的關系，叫親羊架都要等好奈呢次都無例，等左成45分鐘有多，先至出現，再入單都無再出現過唯一有樣唔滿意的，就係當時都無乜客，一夠鐘就即刻走黎趕客走，呢樣其實都幾令人反感的，希望可以多多改善啦…查看更多

因為朋友送的團購才知這地方同一般放題一樣，限個半鐘，可惜等都等食的時間超過你一半時間我二個人頭一鑽叫刺身，每人五件，叫十件其實都唔算過份，但結果等好奈，先黎得四件刺身算ok，三文魚，北寄貝，馬刀貝，甜蝦都唔錯吞拿魚，紅得有d奇怪，唔多似魚味刺身無鋪冰，有d熱熱地的感覺除左第一次叫快d之外，之後要等好好好好奈，所以原本主打刺身的我們好失望其他野如羊架等要等好奈，你寫幾多都係得一件羊架本身自已都幾鐘意食，整得都唔錯，可惜只黎得一次牛柳粒可能取決於牛扒邊個部位，有筋果d好好食全晚最好食的算是個牛舌，好有牛味炸物好普通，無乜驚喜最慘成晚主力唔係食野，主力係等你吹單，伙計都好似習以為常，你寫多幾張，一樣照cut……成晚都黎得幾次，已經夠鐘，可能呢度主打拉麵，粥坐地我地隔離的食客，都一樣要等餐死，同埋cut數量，但明顯比用團購的快好明顯專登向團購客施展拉布戰術今日見到yahoo網站做呢間團購，肯定好快人山人海，但伙計要玩慢動作，打拉布而家知乜野叫便宜莫貪，我寧願比正價，都唔想再黎呢度比人歧視，受氣整體黎講食物中規中舉，可能有：少食多滋味的原因，去完呢度之後更加鐘情日本食物好快就好想去另一間日式放題，開懷大吃…查看更多

早餐時段趕時間翻工，起小巴站買外賣腸粉翻公司開餐腸粉美味與否，主要重點取決醬汁可惜老板娘的孤寒，唔捨得落醬，攪到成包腸粉乾爭爭，又無味，浪費了一個早餐腸粉無罪，孤寒無理腸粉6蚊4條…查看更多

新開張，見話有得開翻的士錢，就坐的士落去試下慳翻20幾的士錢（要羅收據，上限30皮）11點去到，都幾多人，裝修普通，但都幾舒服裝左有線，相信英超時，就難有位麻辣火鍋最重要係個鍋底，呢度個鍋底確幾正宗，D花椒好香（唔食得辣就無野講）重有我相信應該有加牛油的，鍋底有陣牛油味，好香鍋底連4隻鵝掌$98兩公婆唔食得咁多，只叫了九肚魚$38，OK新鮮同叫左唔易食到的牛白肉$38唔錯幾好食，好有油香，但怕肥的就唔易接受到羅送了一小份美國肥牛送的美國肥牛，唔錯，絕唔係普通凍肉料，見$38一碟，即叫，又幾掂喎！見美國肥牛都咁掂，再叫一個細的手切肥牛$88（唔記得影相）呢個手切肥牛最掂，肥美，淋滑，重有咬口，至正！伙計都幾友善，快趣，一個應該係老板的，會出黎問下意見的，記得搵佢……有九折的食物確新鮮，好正，為左個牛肉，牛白肉都值得再幫襯我覺得個鍋 好正，但最麻煩一粒粒的花椒等配料太多，食時一粒粒好麻煩如果可以改進得到就一流喇…查看更多

519...5月19日，慶祝香港足球代表隊25年前擊敗中國隊所以食餐好的……個理由充份嗎？食過唔少日式放題，呢間上菜速度算最快猶其刺身，上菜極快，有時剩叫一兩款刺身時，完全無花考，唔使一陣就到！抵贊！可能閒日關系，無坐滿人掛？但絕對比MK間2000X好，成晚只食得兩次放得好靚的刺身刺身不錯，但感覺有些少琳，不太彈牙？但唔算差，如果起碟加D冰會好D壽司不過不失，中上的水準炸物不錯，個炸蝦天富羅，蝦肉是爽的另炸軟殼蟹，亦好好味最好是個炸豆腐，一定要食個一口牛就真的普通街市牛柳……個靖魚不錯另有火鍋供應，個豬骨湯底好好味飲品有罐裝汽水供應，甜品有雪糕糯米磁同涼粉環境唔錯，有大卡位坐，唔似MK迫到得人驚員工收單收野都快，唔錯整體來講，不過不失，無乜驚喜，但都是一個不錯的選擇我比70分，扣5分，因$175一位，唔算平…查看更多

同媽打預早慶祝，早一日BOOK定六點鐘，全部FULL晒，當夠鐘時，成班餓狼一齊入內，唔使5分鐘就安排到入座同一時間幾十台客一齊落單起菜時間不定，但最多人叫的刺身第一轉等左約15分鐘左右，但翻叫，就等成45分鐘先再有刺身幾好，幾新鮮，三文魚唔係霉淋牌因為出野遲，以為漏單，好多台都再入單叫野去到後半段，D野食先陸續黎……發現呢間野，原來有拖無欠的食物方面：刺身同壽司確幾好的，可惜刺身等太奈炸物就普通個牛舌本身幾好食，可惜個汁唔好食D蝦類，如芝士焗，天富羅，吉列的蝦，都是霉的飲品類，罐狀汽水，完全唔凍，可能我地食頭圍，未雪凍掛？睇其他食評話D侍應唔禮貌，我又唔覺喎未算好殷勤，但都幾有禮貌…查看更多

媽咪生日，見花月庭人氣0甘就即管試試248兩個鐘，所以發現在場人客好似都比較心急大家好似好忙甘，其實足夠時間你食飽飽啦賣點係有淡水龍蝦供應，可惜整得唔好食淡而無味，如果煎或焗的話，應該好食好多（中段時間直頭無人去羅就知點解）開頭個個排晒隊搶龍蝦，最抵贊係不停供應……無生蠔食，魚生普通料，三文魚係……梅林牌（霉淋）貨色HD雪糕好受歡迎，張張台面都見有長腳蟹，翡翠螺，雪蝦都好新鮮薄燒牛扒亦無乜特別，好似煎肥牛片甘主晚覺得最好食的反而係無乜人食的，燒羊架好細件，但全無酥味，肉質淋滑即炒意大利麵，可能我唔識欣賞，只覺得好咸的……南乳炒意粉食物源源不絕供應，加得好快，執台亦快整體來講，好多野食，可惜無乜邊樣特別好食試過就算，以二百幾的價錢算可以的…查看更多

原本約左朋友去食晚飯但未夠鐘，走左去一間朋友之前去過的一間休閒咖啡鋪：屋棋 Chess House間野起彌敦道信和隔離間大夏20/F裡面好多棋類等遊戲玩，款式好多由好古老的飛行棋，康樂棋至一D好新的外國棋都有最好玩的要算係個：超級無敵開口中……真係超好玩！間野要幫襯一杯30蚊以上的飲品，可玩2個鐘因為班朋友上晒來，玩到唔捨得走結果起度食埋飯先走D野都幾好食，個冰極薄荷咖啡幾好飲值得一提店員好有善，好有奈性教我地玩D外國棋好多以前未見過D外國棋原來O甘好玩的見上便好多人起度上網飲咖啡，應該有WI-FI掛？如果有朋友聚會的話，呢度都係首選之一…查看更多

幫襯左好多年，起大角咀都算有d名氣全因晚餐鋸扒價錢平均價為$50樓下但佢近來d牛扒類，越來落得多的鬆肉粉d牛扒鬆到：霉連平時食開ok的安格斯牛扒，即頭苦的老板娘都好似知道的，即刻換過碟豬扒又試過叫T骨扒，但實在太多鬆肉粉件扒淋到好似酒樓的山竹牛肉O甘毫無肉味可言希望佢知道問題所在，叫師傅唔好甘重手但佢個吉烈豬扒，炸得好脆，好味同花園等餐比較係差一皮但都會再去幫襯的，希望佢改善啦，因為都幾抵食…查看更多

105任食火鍋，相比出面的任食黎講算唔錯了招牌寫98蚊任食二個鐘，但實收105一位都係一般貨色，但肥牛，牛琍，同手打墨丸算是中上質素繕片，生蝦等基本野都算合格間野賣點係有枝裝汽水供應任飲：可樂，雪碧，芬達最受歡迎就係玉泉忌廉……好搶手雜牌罐裝啤酒任飲同埋每位送一隻燒乳鴿，一落單即出，燒乳鴿不錯，正！最抵讚的是65歲長者有優惠，平30蚊，鼓勵同長者一齊去！抵讚！記得多d同老人家一齊去！…查看更多