百夫長's Profile

上星期三一個人去灣仔做嘢， 經過呢間都叫做有啲名氣嘅餐廳見到門面ok，入面又唔太多人又知道係黄店於是入去食個午飯，餐牌選擇都好多嘅， 於是叫咗個個漢堡包午餐， 但係上餐之後咬落去嗰個漢堡牛肉凍嘅，另外薯條又係凍嘅， 奶茶叫少甜點知仲甜過紅豆沙， 叫待應哥哥換個杯但佢個態度仲話好似話我唔啱咁， 價錢己收得唔平埋單差唔多100蚊， 食物質素差唔好味都唔緊要，因為支持黃店都預咗 ，但服務態度差就絕對接受唔到，永冇下次幫襯。…Read More

入開去元朗做嘢諗住試下呢間阿玉冰室， 叫咗焗豬扒飯同紅豆冰， 落單嗰陣阿姐嘅態度已經麻麻， 焗豬扒飯來到塊豬扒係梅嘅同佢講可唔可以换過一碟，跟住佢話係咁樣冇得換當時真係火都嚟，一定冇下次…Read More

琴日同朋友去荃灣品川幫襯， 之前有朋友食過覺得唔錯所以專登去試下， 起初見到有咁多負評都覺得驚驚哋，但坐低後待應十分有禮講解用餐時間， 之後當然係第一時間點嘢食啦， 第一轉當然係食刺身先啦 ，三文魚及甜蝦、帶子呢啲係必食之選， 佢哋嘅刺身非常新鮮， 啲生蠔亦都十分唔錯，我同朋友兩個起碼食咗12隻， 之後再點羊架及燒物完全係水準之上， 淨係食刺身、生蠔、羊架已經回本， 佢哋上菜速度非常快，落單幾分鐘啲刺身及生蠔已經到枱值得一讚， 最後食埋雪糕成個人飽曬，呢間放題完全值得再回頭幫襯。…Read More

呢間鋪好仔細細，未有限聚令之前夜晚好多人排隊等位及叫外賣，所以未入去試過， 今日下午經過見唔使排隊所以入去試下， 試咗凱撒沙律夏威夷薄餅， 沙律夠大碟，薄餅夠熱、足料及餅底夠脆， 果然無令人失望，終於明白點解咁多人排隊，絕對有下次。…Read More

昨日同太太經過入去試下， 差不多九點去到所以唔使等位 ，'鋪面唔太但都乾淨企理，見到啲侍應服務態度幾好， 其中一個原來係老闆 ，佢話本身讀酒店管理所以同幾個朋友夾份頂咗間舖實現實踐下理念， 叫咗串燒豬肉及海南雞飯， 佢啲雞幾冧幾滑，同埋啲飯係用油飯幾好味及價錢親民 (海南雞飯50蚊已經可以有双併，及分量都ok)， 佢嗰啲點海南雞既汁好好味 用嚟送飯一流，老闆話嗰啲雞及汁係泰國師傳整既，但啲串燒就可以有改善空間，如果多啲炭火味就更加正………Read More