喬qiao's Profile

我買咗一杯檸檬清茶，$22加咗個袋$23，其實一杯嘢飲嚟講二十幾，好平好好抵飲，味道確實唔錯，但係啲員工有少少粗心大意，本來檸檬清茶應該係會有椰果嘅，我攞到嘅時候冇睇，返到屋企飲嘅時候先發覺冇椰果，問題不大，但係唔係一兩次……之前都買過杯翡翠檸檬，又係唔知點解冇咗啲料，雖然價錢只係20出頭，但係寫明有啲乜嘢材料冇落到都有少少唔高興總括嚟講味道幾好，份量都好夠，好抵飲，但係，店員有啲時候真係要細心少少，我見好多時候都係得一個人，根本就忙唔過來，唔知會唔會考慮多一個人幫手，噉樣可能就解決到問題？🤔…Read More

服務態度好差一杯雪糕起碼要有半杯以上吧？佢淨係整咗半杯都冇就畀我，我望住佢整，半杯都冇跟住就擺蓋，仲搖1搖畀第二個男服務員睇，跟住擺低，成個過程我睇住佢整，到到我個餐點執好曬，叫我去攞嘅時候我仲問執嘢嗰個而家啲雪糕係得半杯？佢冇理我。我就大聲啲問入少少嘅嗰個幫我整嘢嘅嗰個女仔，佢點頭，我問多一次，你確定而家啲雪糕係得半杯？佢答我係啊。跟住我就攞咗我個餐點去搵我屋企人，我同我屋企人講我係有問過嘅時候，我屋企人攞起杯雪糕去問，個女仔先唔出聲，第二個男服務員攞起杯雪糕抌咗，整個杯畀我，佢整過杯嘅時候就證明件事就係嗰個女仔做錯咗，但係佢依然可以係我問佢嘅時候，理直氣壯同我講，係啊，純粹睇人落菜碟？而家麥當勞係唔使培訓？雖然係打份工，但係我唔係要求佢要做啲乜嘢，起碼你態度好少少同我講下，我都冇所謂，但係理直氣壯同我講你係啱嘅時候，真係火滾，而且我都唔係算細粒嗰啲，高高大大，攞住杯嘢正面問佢，佢都可以噉樣，但係另外一個畀我在大隻啲嘅，去問佢嘅時候佢就唔出聲，如果畀我細粒嘅咪任佢講？…Read More

每次嚟買人都唔係好多，唔使話點排隊，服務態度OK。其中有個姨姨人幾好，每次都儘量同我滿盒或者送幾條青瓜，但係好睇運氣，有陣時啲份量真係少到爆。味道都OK嘅，幾好食，食唔到辣可以要bb辣或者叫佢直接唔落辣都得，而且都幾新鮮，尤其是青瓜，賣得好快。銷量好到有陣時中午想去買盒青瓜都冇晒。😢做嘢好快手，就算要排隊前面都係排2到3個人左右，等都唔會等好耐。基本上除咗份量嘅問題，要睇運氣之外，其他嘢都做得幾好。…Read More