kitwanyan的個人專頁

上網才知道有這間小店，之前經過但唔覺眼。看到食評，所以預早18:00晚巿開始前到達，已有2-3組人在等候，幸好有預早來，可以第一輪進入餐廳內。餐廳坐位不多，亦沒有安排搭枱，可以坐卡位。店內裝潢懷舊，1982年開業至今。 門口張貼小籠包已經沽清。本來都諗住食，有些可惜，但第一次來，可以先試下其他食物先。 上海粗炒兒時熟悉嘅味道，多菜健康不油膩。 炒鱔糊客飯 + 例湯價錢不貴，而且鱔份量亦不少，大量芽菜，鱔無泥味亦唔腥，可以轉配菜飯，性價比高。明白例湯為何推介，例湯是青紅蘿蔔清甜，湯有肉的味道。 煎鮮肉鍋貼即叫即煎，皮脆香口，略嫌肉汁較少。 脆皮春卷有菜在內，外皮金黃香脆。 豆沙鍋餅除咗面層脆，中層好似PANCAKE皮咁少少彈牙，豆沙味道適中唔太甜。 女店員有禮，食客食到咁上下主動加水，甜品豆沙鍋餅亦叫上時就上。 最欣賞所有食物都是即叫即煮，即炒、即煎、即炸，全部都熱辣辣。 價錢唔貴，270元2位晚餐食到飽。…查看更多

較早前見親戚係面書上的打咭相，已覺食物相相當吸引，加上近排有彩虹邨的報導…所以便試試訂位。我想這是我第一次覺得等得最長時間，又最難訂既餐廳。於上年6月時已訂位，酒樓只接受WHATSAPP預訂，但酒樓似乎太忙…一直都沒有回覆。到一回覆時只告知沒有位，一度我都想再放棄，但為左食咩肯制，所以聯絡左3個月，才等到回覆終於問我幾多位和貴姓…我就知道有希望….而問取過預訂人數和姓名後就再沒有回覆。這已是半年前的事….直到差不多到約定時間，我都有些擔心便再問問酒樓覆實，好彩張枱仲係度….因為一早已叫家人預留日子。海鮮要當日先知價錢，我們預訂菜單，酒樓表示有些食物要預先準備，所以先過數500元訂金。 土身土長都沒有去過彩虹邨，食晚飯外亦趁將拆卸前打下咭，彩虹籃球場不乏不同國籍的旅客在影相，當天下雨，人流量不算太多。而邨內周圍店舖好有懷舊感覺，當日見有導賞團。我地訂枱時間1800，酒樓真是會堅持1800先開門，要去洗手間唯有去附近公廁…其後原來酒樓洗手間只是男女各1格，而且要蹲底。 入到去真係好懷舊，店面不大，感覺走回以前舊式酒樓，而家真係賣少見少。坐上客好多，牆上都是名明捧場客的相片。當日亦撞見電視上一位女甘草藝人，對店內店員相當熟悉，相信是熟客。家人在網上見食評已話店員態度一般，我提示家人我地今次主要來食野，唔係要食服務….哈哈 店員見我地打咭影相，好主動叫我地一家人一齊在酒樓背景影相，相信是指定動作。提我地打咭一流位置有小朋友在，親切店員不斷和小朋友傾計，感覺親切。 杏汁豬肺湯見餐牌上有3個價錢，預訂時應已按人數決定要邊個SIZE ，每人最少可分到2碗，出面真係好少飲到，個湯真係好好飲，真材實料，連家人話自己不喜歡杏仁仍覺好飲。 梅菜扣肉這是沒有預訂菜，當日店員告知因有其他客訂，所以整多些，所以問我地要唔要。訂枱都等左咁耐，梗係試埋，家人非常滿意，扣肉香肥美而不油膩，即刻要飯話好送飯。 酥炸鮮蝦丸香口酥脆彈牙 錦鹵雲吞見咁多人叫，所以一定要試下，雲吞大大隻又脆，放左一陣仲係咁脆口。 順德魚腸蒸蛋好少地方有得食，就算不放胡椒粉亦不會覺腥。 荔芋香酥鴨一放底已覺香噴噴，香酥鬆脆，雖然家人話覺油膩話飽，但仍盛讚好味，仲要趁熱食。 蜜汁脆鱔球見特別考功夫所以點這道菜，爽口脆甜香口而且鱔球唔腥感覺新鮮。順德煎釀鯪魚新鮮唔腥，大大條，魚骨拆得仔細，手工菜。 金碧小炒皇食材配搭略嫌普通，有少許失望。 之前的菜太出色了….馬拉糕充滿椰香味，食後留有餘香，甜度適中。 肉絲炒麵平凡中見不平凡，炒麵脆卜卜，儘管最後上都秒殺。 蠔豉生菜包見幾乎每枱都有，心思思下問店員會否可叫來試試，店員告知沒有多的材料，廚房只會預當天已預訂的食材…. 有小朋友老人家，所以我地20:00就埋單，其後發現原來酒樓有餘興節目…老闆高歌一曲為3月之星慶祝，全場人都一起唱生日歌，酒樓亦有預備生日帽給生日之星戴，氣氛相當好…. 唔怪得訂枱時告知，不收切餅費和酒水費。希望再有機會來食其他菜，但相信預訂需時…查看更多

之前看電視，見到有貓店長一直都想嚟幫襯，點知未幫襯，已經喺新聞見到消息話快結業。貓貓🐱 都在等待領養。所以決定爭取機會，喺結業之前來一次。🥹放工當日，就急急腳過嚟趕係下午茶之前到達，幸好當日不是太多人，可能是星期三關係。餐廳🍴坐位已🈵️，我是坐在走廊加開的一張枱。如食評所見，裏面的氣氛好好，見到有三隻🐱🐱走來走去，一舉一動都吸引所有食客影相拍照。除咗貓貓🐱之外，見餐廳相片食物都好吸引。我點咗公司三文治，真係大大份，薯條亦很多，而且用料十足，最喜歡三文治兩邊都焗得脆脆的…其他食客望見我份公司三文治🥪都嚇一跳，即製熱辣辣，差啲焫親咀。另外，見其他食客叫炒牛河和咖哩…仲有件西多士真係 big size，賣相都非常吸引。有一位食客叫芫荽雞蛋三文治，又係大大份。連個食客自己見到都嚇一跳原來除咗貓貓之外，食物都會令食客歡呼。今次第一次嚟，可惜都係最後一次。近來見很多曾光顧過的餐廳結業….這些特色抵食夾大件的食店逐漸消失….希望大家係番香港幫襯返香港啲餐廳啦。到最後我走嘅時候發現門口排晒長龍。…查看更多

可能晚飯當日是星期三，去到等一陣就好快入坐，餐廳比想像中細和迫。但我們的坐位已經好好，坐最入的4人枱，平排坐要和對面搭枱。店員好快已問叫什麼餐點，但我們剛剛坐好，話要看看，店員就話咁你要等我一陣先叫…. 食物好快便送到，不過因為位置不太舒服，且店員迅速為客人收拾餐碟，感覺好趕。食物價錢看落不太貴，但份量不多，晚餐消費560元，最想不到既竟要收小費….好似又唔係感覺倒有好多服務…哈哈… 其後食到中段時，已經有客人走了有枱。但店員仍感覺在催促地問: 食物係咪到齊啦?....便收晒所有餐具… 啖啖蟹肉奄列 最想食這道菜，可惜有些失望，蟹肉不多，而且略覺奄列 OVERCOOK左少許。 芒果糯米飯 店員落單時已問要否預留，但為免食唔晒，所以沒有預留。其後見食物份量不多，所以再點芒果糯米飯。最有趣是店員迅速送上甜點。味道椰香甜，糯米飯軟伴脆綠豆，可能喜歡食甜品，個人認為所點的菜單中是最好味的。 和牛醉貓炒河 本想叫湯麵，但因為坐位置太窄，為方便分食物，所以叫醉貓炒河。份量不多，和牛不多之餘連河粉都好少…..炒得好夠鑊氣，本身帶有少少辣味，味道香口，一放底便聞到香味，連搭枱食客都忍唔住叫 ”好香呀” 燒豬頸肉 份量適中如2人食差不多，想試其他串燒，但沒有拼合所以便揀這款評分高的豬頸肉。肉質軟熟，和平時食的豬頸肉不同，肥瘦均勻，不會太過油膩。芒果冰沙 芒果味不太濃，而且一放底時好似快融咁…要快速咁飲，已融流瀉在枱面。 店內廚房樓面都係泰國人，埋單時老闆講笑話比現金，我就嚇一跳，說沒有現金不是可以用信用卡?…老闆先笑說話收信用卡，黃金就唔收。 總評︰食物不錯，但真心認為香港好多泰國餐廳水平都不差，而如果呢間係米芝蓮餐廳，呢個收費和這樣環境和服務體驗下真係令人失望…. …查看更多

朋友請食生日飯，晚上6:00前去到，可能早到唔算太多人。裝潢舒服日式，可看倒師傅整理食材。見好多人都叫海鮮丼飯。朋友為我點選了超特選壽司拼盤，海鮮丼，蒸蛋，生蝦壽司和海鹽雪糕。海鮮好新鮮，加醬油醃製飯好好吃較少見。不輪丼飯或拼盤海鮮都鮮味十足，海鮮份量亦好多，非常滿足。拼盤一次過可以試咁多款海鮮，而且賣相吸引。食丼飯亦好開心，刺身堆滿碗。最喜歡食醬油飯，比平時白飯好味得多。蒸蛋滑滑，有白果係裏面。海鹽雪糕好好味，有海鹽味道，雪糕軟滑，淺藍色好吸引為美味晚餐劃上句號。…查看更多

之前已聽過這間餐廳，朋友約食慶生飯，就算小暑都照打邊爐。訂左枱6:30，限時8:30交枱。但因為早到，所以可以周圍影下相，裝修特別，入到去不斷影相，玩味十足。這裏沒有免費茶水供應，我地叫左1壺茶一齊飲。有些飲品happy hour, 買1送1，另外還有些特式雞尾酒。這裏是一個餐廳酒吧。有2層樓，樓下有Bar枱，可以打邊爐又飲酒，好特別。2位女士已叫左好多食物，湯底有些可以揀鴛鴦鍋，我地配左沙嗲和茶樹菇什菌濃湯鍋。店員話什菌湯底就咁飲都得，我地試飲，菇味濃郁。呢度食物有得叫半份，可以試多少少款我地叫左牛頸脊，黑毛豬肉片，黑松露蟹肉餃，墨魚滑，芝士牛丸，響鈴，炸魚皮，蔬菜….牛頸脊雖然半份，不過份量十足，黑毛豬肉片都幾厚肥美，最推介黑松露蟹肉餃，黑松露味濃。枱要放左一包0.01 紅色方型的物品，嚇左一跳，原來是濕紙巾不過因為當晚都好多人，而且啲位比較貼啲，所以就有啲嘈，傾偈就難啲而且時間比較趕，店員都好似怕我哋交唔切枱，問我哋使唔使幫我地煮食物。其實離交枱時間仲有45分鐘以上。…查看更多

訂左好耐，終於試到…之前訂位時，問walk in位時，店員實話冇，一定要訂位，全家人一齊來，夾時間不易，而且要多人先可以試倒多款菜式，幾經波折終於來倒…可惜限時1個半小時座位只能是排排坐，沒有圓枱，訂位時都知道，多人去食就真係有啲困難，食物不斷夾完就傳來傳去，不過都冇阻我哋想試新嘢嘅熱情。上菜速度非常快，又似乎真係趕得切食喎，我地叫左…菠蘿拔絲咕嚕肉 - 唔算話好拔絲豬油撈飯豆漿杞子浸時蔬 - 雖然追咗幾次先嚟，仲想過唔要算，不過又真係值得食，豆乳味香濃椒鹽白飯魚 脆皮炸豬手 - 皮好香口燕麥金沙蝦球 - 好特別嘅蝦食法啫啫田雞煲香煎黑松露手打蓮藕墨魚餅 - 黑松露味道唔算好濃難忘漁港蝦醬骨 - 鹹香好惹味飛天通菜煲 - 送飯一流脆皮炸大腸鳳梨底 - 好傳統嘅懷舊菜，配埋菠蘿食，中和番七味黃金炸豆腐可以試倒咁多款食物好滿足。本來咁早7:00食完飯唸住去食甜品，店員主動問要唔要糖水，原來呢度有糖水送，仲要唔係普通嘅糖水，似潮州糖水，好特別既清心丸綠豆，天氣炎熱，食完啲香口食物，食返碗清涼糖水，真係舒服好多。…查看更多

朋友請食生日飯，入到去發現裝潢設計好日式，有些位有榻榻米，同佐敦街頭好大對比，原來這裏有間隱世日式小店。我地主要食串燒小食，味道不錯，但食物份量嫌略少。燒銀鱈魚，鵝肝，苦瓜豬肉炒蛋…雞翼尖 黑醬油叉燒拉麵，湯味濃厚，推薦👍🏻，店員幫我地分成2碗田樂豆腐，豆味香濃，推薦👍🏻清酒煮蜆，好有清酒味道食物環境都可以，可惜進食時不斷被店員提示要交枱。可能星期五較多客人，而且我和朋友坐卡位，就連叫食物時，店員都提醒我地避免叫些食得耐食物，有d無癮。…查看更多

聽聞屯門虹橋有好多特色食店，來到果然名不虛傳，這裏似乎越夜越精彩，好多食店。今日路經專誠來試一試。家人推介下，到了一間中式麵店，這裡位不太多，但坐得滿滿的。我地叫了魚皮、牛腩粗麵、牛腩河和牛雜河。牛腩好多，粗面滑，每碗都只是39元，牛腩鋪滿碗，性價比高。魚皮香脆，20元大大碟。最最推介係辣椒油，好香，忍不住一加再加。…查看更多

之前呢間店係買外賣多，因為有折頭。但今次同朋友食，所以專登過嚟糖食。荃灣好多特色素菜。素年在一條食街中，彩紅白色店舖突出。之前見人不算太多，但約左朋友，所以先預位，好彩聽店員講訂位，好多人呀。點了咖哩炸豬排意大利飯，照燒茄子茶漬飯，甘梅炸蕃薯條，泰式炸蝦和苦瓜蘋果梳打。炸番薯條配埋甘梅味道清新，酸酸甜甜:)苦瓜蘋果梳打清新炸豬扒就好似真豬扒咁嘅口感泰式炸蝦有啲類似腐皮嘅炸到脆脆好好食最有驚喜係照燒茄子茶漬飯，個人最欣賞嘅係燒汁雞髀菇，有咬口又入味。仲有花雕車厘茄，微微酒香，照燒茄子香口。不過茶漬飯方面，味道較清淡。可以中和返當中嘅配菜。堂食覺得更好味。值得推介。…查看更多

餃子控咁岩經過，所以又來試試….冇留意原來冇堂食，只有外賣。只能買完搵地方食，如果唔係街坊，建議可以去碼頭個邊對住海食。點左咖哩，芝士煎餃加撈麵。想試下個椰子雞湯，所以點了2款湯餃，韮菜和紫菜餃。4款餃都皮薄餡料多，煎餃只是稍煎，由於外賣所以唔脆口，可能時間關係。個人推介咖哩鮮肉餃，咖哩味幾香口。辣菜脯都幾辣。椰子豬骨湯清淡，有椰子片粟米和紅蘿蔔，餃子味道較清唔太濃味，有家庭式健康感覺。如果喜歡健康味道，這間餃子適合大家。似乎好多訂單，所以等時間都頗長。…查看更多

都係屋企人食過介紹，先知原來呢度有間酒樓，可以海鮮加工。隔離就係出名買餸買海鮮平既街市，買完海鮮過條馬路就係酒樓。可能復活節多人外遊，所以酒樓唔係太多人，都係一圍圍食飯多。買左蟶子，琵琶蝦，星斑，蟹，鮑魚，扇貝..去酒樓加工…見有乳鴿有優惠，都叫左來試試，細隻唔多肉但勝在夠脆。另外，叫左白菜豬肺湯都幾好味。蟶子選左煎米粉托底，米粉煎香代替粉絲，特別好味。炸鮑魚香口，蟹炒得殼都很脆可咬開。其他海鮮都係蒸，蒜蓉粉絲…都不錯👍🏻唯一可惜係星斑未熟，要翻整過，再蒸出來時肉都冇變得太熟。送糖水紅豆沙，不太甜，紅豆煮很林。這裏海鮮加工價錢比著名食海鮮地方平。餐廳位置方便，近西鐵站，而且買海鮮方便，值得推介。…查看更多

搭車成日經過，見到呢一間舖頭，一搵之下原來尖沙咀都有分店，所以咁啱嚟到附近就要試試。呢度自己搵位，嚟嗰時唔係太多人因為較早，所以可以有位坐，氣味非常濃郁，店舖充滿食物嘅味道。點咗個松露芝士牛肉漢堡和泰式蝦堡，個餐包咗一個薯條同埋飲品，另外加錢叫咗個番薯薯條，仲有炸芝士。好多食評都係話牛肉漢堡好食，不過一場嚟到，所以試吓其他味道嘅漢堡，泰式蝦漢堡，個蝦餅好厚身彈牙，好似食緊泰國蝦餅咁，蕃茄蔬菜都好新鮮。松露牛肉漢堡，值得一讚，不似普通的漢堡，牛漢堡咬落有口感，松露香味濃郁，唔會好死實咁。飲品都好多選擇，可以揀汽水，或者可以揀柚子蜜。個人推介番薯薯條，感覺好食過薯條，甜甜脆脆。…查看更多

突然想食素，不過初一十五實好多人，咁岩呢間餐廳可以即日訂位，所以即刻係Openrice 訂定位先。好彩有訂位，好多人可能疫情過後，大家都出來食飯。見人地食泰式明爐魚，所以照叫，幾特別，慢慢煮來食，越煮越入味。推介士多啤梨骨，汁酸酸甜甜開胃。松露雲吞，味道較濃，不錯。有糖水送，不大甜，完滿晚餐。菜譜好多野食，多人先可食多些，下次再來。…查看更多

同事介紹，個位置都幾隱蔽。舖位唔大，但不斷有客人入坐，好多人幫襯。我叫左豆漿，食梅菜煎雲吞牛腩麵。梅菜甜甜地好喜歡，味道會掛住，唔怪得如果再加梅菜/炸菜要另外加錢，煎雲吞好似炸咁脆，好似金元寶咁，到似即炸咁，唔係好多肉，但香口好味可以加腩汁，牛腩林，麵可以加腩汁。豆漿唔太甜，挺健康，一進入店舖就聞倒豆香。…查看更多