tsuyoc's Profile

因為openrice 只有6點可以book, 咁就book 左呢個時間，而且知道限時食1個半鐘。上菜上得好快，但同時執枱都執得好快，全程好似去左茶餐廳咁，d 侍應不斷埋去你張枱收起你食完既碟, 想催你走咁。你可以話佢係服務好，但我地真係受不了。好多時係夾緊野食，佢就過黎收碟，係跨過你夾緊餸既手去收，等我夾完先收唔得？全程好密既黎左好多次，有幾次正頭未食完都想收你碗野。。。。其實個陣未夠7點，即係我食左一個鐘都冇，有必要咁急住收碟？感覺係好想你快d 食完就走。去到7點問你嗌唔嗌甜品食，其實想嗌，但我心諗嗌完你又會過黎催我快d 走，所以最後都冇嗌。野食其實係有質素，好食既，但全程食得好唔舒服，係咁被騷擾。 我明白餐廳係想做多一兩轉生意，但我未食夠一個鐘就咁樣，過份左。所以都唔打算黎第2次。…Read More

之前食過一次覺得幾好味，今次見有PC 狗聯乘，所以再黎。12點幾黎到要排隊，1點鐘入場職員已經話PC 狗menu 得返咖喱飯同椰青水，連最想用黎打卡既PC 狗甜品都冇。心諗，明知聯乘都唔準備多d, 1點鐘就話冇晒。。。咁唯有嗌咖喱飯同普通既甜品啦。點知等上普通甜品之際，見到佢上緊PC 狗甜品比其他客 （遲黎過我地既！！！！！）咁我地即問，係咪依家有返啦，想order.佢走去問廚，然後話， 唔再出喇喎！！！勁嬲！ ！！如果有返既時候，你係咪可以通知聲我地（因為order 個陣有專登再問有冇），而家比我見到你地出幾碟比其他人，到我問你又話唔再出。即係由頭到尾，唔係冇晒，而係你地個廚想唔想做既問題！！！！😤😤😤冇心做聯乘，好心就唔好做啦！咁樣對客人都得既？以後唔會再幫襯！！！！！🤬🤬🤬🤬🤬🤬🤬…Read More

之前係日本食過呢間一次, 都覺得唔錯。成2年冇得去日本, 又撞岩老公生日, 就黎食返餐!首先打黎confirm booking 既職員已好有禮貌。到左個度, 由reception, 帶位, 介紹, 同上菜既職員全部都好有禮貌。佢地會先上前菜, 刺身拼盤, 蔬菜籃同你叫個set 既牛。我地嗌左日本和牛set. 仲送左無限暢飲比我地~刺身好新鮮 個人最愛牛小排同牛背峰! 好肥美!!當然d 牛同蔬菜可以再encore, 只係刺身唔可以。然後可以用QR code 點其他野食同飲品。基本上點完冇耐就送到, 亦冇漏單情況出現除左燒既肉, 仲可order 火鍋既肉~但薄好多, 所以同燒既肉比下去😆火鍋可以揀2個湯底, 唔錯!! 同埋我記得日本食個陣, 得個燒爐, 妳唔叫火鍋就唔會比你。呢度2個爐放埋一齊, 一點餐就問埋你要咩湯底👍其他食物唔多介紹, 睇menu 就知有咩~~最後食完, 會上埋生果同蛋糕~~件蛋糕都唔錯架!基本上我同老公都好滿意呢一餐, 好味又夠飽, 我地都order 左幾轉和牛呀, 所以抵返晒同埋店裡既環境都幾舒服乾淨, 好有日本既氣氛. 影相都靚。我覺得可以要黎多次美中不足係, 明明openrice mark 左係慶生, 職員打黎confirm booking 話上生果盤時會插上爉燭送上枱, 結果冇做到...係呢度有少少失望.…Read More

第2次幫襯了, 依然保持水準, 好好味👍無骨豬手, 好入味!!古法蒸魚, 大大條, 蒸得剛剛好, 肉夠滑~牛肝菌炒牛肉, 炒得好香好惹味唯一失手之作, 滷水乳鴿。滷得太鹹了, 不過因為d 肉太juicy 太滑, 所以鹹都食晒😂後來向侍應反應了,應該係師父今次失手了。海味雜菜煲, 好足料~最後食左甜品, 芒果布甸 + 法式提子凍。芒果布甸大大杯, 好好味。 提子凍用白酒整, 仲有提子肉係裡面, 食落感覺好清新好特別。另外仲有燉湯 (冇影相) 都好飲, 黎得食晚飯, 點都要叫返盅飲下😋仲有其他菜式未試, 加上環境舒服, 所以會再幫襯的。…Read More

lunch 經過，見到價錢合理，又不用等位，就入去試下。裝修有古舊酒吧感覺，尚算坐得舒服。食物水準不過不失，不多佢作評論，因為再好吃我也不會再幫襯！ 皆因服務態度很差勁！首先所有侍應好似著左火咁，上菜時永遠是大大力，似發脾氣咁放係枱上，好冇禮貌！我明白lunch 時間會較多人，所以提早將張單叫你埋左先，都正常。之後其實仲有幾枱吉的，也只有兩位新客入黎，佢都迫我地走，實在不合理。埋單時比左2個5毫子，點知佢講左句唔收5毫子 (5毫唔係錢???)，好啦，比返個1蚊佢。多謝都冇句就收錢即走左去……態度差到冇人有!唔知係咪員工待遇唔好，定咩原因，但都唔應該發洩係客人身上! 今時今日咁既服務態度，絕對唔會再幫襯!!…Read More

入到西頁唔知食咩好，經過見到menu 價錢都算合理，睇落裡面環境又好似幾舒服咁，就試一試啦~~2個人，叫左刺身蝦，泰式炒金邊粉，沙嗲串燒同埋炒雜菜，夠晒飽!刺身蝦都唔錯，點埋佢個泰式辣醬食，好味，不過份量較少。 推介佢個雞肉串燒! d 雞肉焾得黎又夠爽，配埋佢個沙嗲醬好正~~牛肉就反而較韌，唔鍾意野既朋友應該唔太鍾意…好似我咁，到個口好攰，所以食唔夠一串就停口了。至於泰式炒金邊粉同炒雜菜都唔錯，炒雜菜仲有好多菇食tim.…Read More

以前係附近返工，所以lunch/放工都會黎食。就算冇再係個間公司做，都會間中黎食下晚飯。冇食年幾兩年，再黎食，已經冇左以前既水準。首先book 位已講明只限食1個鐘，我明白多人食要限時係正常，好多餐廳都係咁，但1個鐘實左太少， 感覺不多良好. 至少都1個半鐘吧?以前黎食，好鍾意飲佢既湯(至少飲一半)，食佢既牛肉! 今次再嗌，已經食唔返以前既水準同味道! 而家既湯比較鹹，所以飲少少已經唔多想飲，牛肉好 '鞋'……唯一keep 到既水準，就係依然可以熱辣辣咁上個烏冬~同埋烏冬都仲keep 到滑。…Read More

復活節期間，做雪糕買一送一優惠，於是一人四行食完晚飯就出發去食~滿心歡喜去到，點知貼告示出黎話 '今日買一送一優惠已售罄'。如果你有每日限額，可以早在宣傳單張上標明，去到冇晒我唔會怪你，問題係宣傳單張上冇寫明有限額制，感覺取巧，吸引人來造勢，但其實又冇優惠!!! 仲有咩叫售罄? 售罄唔係一杯都冇得買咩? 但又唔係喎，比正價，你又會買到囉~咁一場黎到，正價買黎食都要啦…但實在太失望，第一次食到咁淡味既綠茶雪糕……食頭幾啖完全食唔到味，似係食思樂冰上既碎冰既感覺， 食多幾啖先食到綠茶味，但依然係好淡好淡……所以一次就夠了…市面上大把好味過佢既綠茶雪糕囉!!!…Read More

約左老公去唱k慶生，但太忙所以未有預先訂定蛋糕，於是趁老公仲未到，去撞下手神睇下有冇細細個又唔太貴既生日蛋糕買。點知又真係有，個樣仲幾靚既mixed berry cake!! 比錢個陣問佢有冇生日牌比我，佢話有仲問我想寫咩，我一心諗住係d 膠生日牌咋, 原來係朱古力牌~~雖則佢話要等5~10分鐘寫，但我問可唔可以快d, 因為趕時間 (老公已殺到)，果然3分鐘左右就寫左比我，非常好既服務!! 仲寫得幾靚tim~至於蛋糕，好綿好好味，出面d cream 好creamy~~ d berry 多到連裡面都夾住好多，老公都讚好食，果然冇買錯! 同埋呢個size 岩晒2~4人食，食完唔會飽得滯。…Read More