miffybb824's Profile

今次真係比個牛尾煲同牛雜煲吸引到，因為好少餐廳有得食，尖沙咀店仲有龍蝦🦞湯底打邊爐，海鮮又新鮮👍岩哂大胃王，因為最長可以食足7小時，放題套餐包括無限量任食牛雜煲，烤魚，再加雞煲，牛尾煲，豬手煲，同埋打邊爐。雞煲除醬香惹味雞煲，比之前新增了以下口味：重慶麻辣雞煲，辣酒東風螺雞煲，泰式冬陰雞煲 雙乳雞煲（咸牛乳，腐乳） 。而烤魚共6款口味，新增左冬蔭功口味，番茄口味。另外仲有酸菜魚及秘制牛雜煲，除咗雪櫃一般嘅汽水飲品之外，還包含紅白酒任飲。今次試左牛雜煲及牛尾煲，炆得好腍好入味，份量又剛剛好，最後嘆咪個龍蝦湯底海鮮火鍋，豐富滿足。總括而言，啱晒牛魔王同大胃王，食物種類繁多，而且都炆得好入味，用料充足用心，下次一定要試吓個烤魚同酸菜魚。…Read More

旺角行街見到廣告牌大喜屋有新菜式，款式好吸引，款式多咗，但係價錢依舊，🤩試一試先！新款菜式有魚子醬日本空運蠔杯、避風塘炒大頭蝦、海鹽焗海螺、辣酒煮海螺、見島特選和牛芝士燒、焦糖鮟鱇脆餅、油鹽焗鮮蟹、避風塘大頭、XO醬蒜蓉粉絲蒸蟶子皇及酥皮焗周打魚湯。其實剩係新菜式已經食到好飽，仲有以前平時有既食物，十分滿足😌有時諗到好頭痛唔知今晚食乜嘢好嘅時候，大喜屋真係一個好選擇。總括而言，食物款式比以前多，而且都是海鮮，對海鮮控嚟講係心心眼😍值得一試。…Read More

之前係呢間大閘蟹專門店食过大閘🦀，覺得平靚正，而家推出$98任食烤魚、雞煲同埋羊腩煲，仲要有小食串燒，汽水任飲，性價比極高，但係今次我揀咗$168任飲任食120分鐘，因為可以慢慢食又多食物款式。$168套餐包括前菜：螺肉，魚皮，青瓜🥒涼拌木耳及中華沙律。烤魚分麻辣酸菜及蕃茄味，有三個口味選擇，重點係條魚勁大條，一家三口都食唔晒，羊腩煲味道濃郁，真材實料，口感煙靭。$168包埋🔥煱，炸物，一品料理，仲有創意蟹粉及鵝肝料理。火鍋配料，包括安格斯牛板腱、西班牙黑豚腩片、美國特級肥牛、澳洲和牛牛胸爽、紐西蘭草字羊肉卷，豬牛羊都包括在內，好豐富，而且質素唔錯。總括而言，性價比極高，百零蚊可以食到烤魚、雞煲、羊腩煲、火鍋、串燒、炸物等等，真係一個價錢滿足晒你幾個願望，又可以符合唔同朋友仔嘅口味喜好，呢個價錢絕對抵食，超值。…Read More

今日約咗兩個閨蜜聚一聚，大家都係鍾意飲酒嘅人，雖然放題有好多，但係都限時兩個鐘就要走人，如果姊妹淘想再傾耐啲呢度一定啱晒，因為可以食到凌晨12:30，飲品更加係任飲任食，所以真係一班好知己吹水嘅好地方。食物方面亦都很豐富，有唔同嘅餐前小菜，包括炸饅頭、醃青瓜、香辣魚皮等等，有驚喜嘅係提早一天訂枱送海鮮蒸，裏面有鮑魚、蟹、蠔及蝦，而且仲有四川烤魚，烤魚勁大條，最後食唔晒，之後再轉打邊爐，真係一個放題滿足幾個願望，其實另外佢仲有雞煲要留返下次先可以試啦，火鍋嘅牛肉方便，有牛嘅唔同部位，亦都寫明咗要錄幾多分鐘，最後仲有日式刺身 。餐廳嘅職員亦令到我很窩心，禮貌周到，而且很有親切感。總括而言，可以食到半夜已經值回票價，而且服務有線周到，如果下次同一班朋友會再去飲過食過。…Read More

餐廳環境寬敞，坐位數量極多，每日都排隊排到人山人海，好彩今日早啲去食，快啲可以入座，性價比高，食物款式多，而且高質。刺身方面，有其他放題極少有既拖羅同蟹腳，口感肥美新鮮，另外仲有帶子、甜蝦、三文魚、北寄貝、油甘魚等等。其他食物方面，特別多咗避風塘炒蟹、燒乳鴿、花雕醉鮑魚、海膽手卷、鹽燒大頭蝦，大頭蝦燒到好香口。餐廳門口位置有唔同飲品櫃，包括唔同口味茶製飲品、另外仲有暖飲品，細心安排。小食方面，包括醃製螺肉、中華沙律、辣鳳爪、帶子裙邊、生果，甜品亦有唔少選擇，包括有小型巴斯克蛋糕，最特別係燕窩椰汁燉木瓜，滋潤可口。總括而言唔錯，高級感滿滿，食物款式多樣化，有超大滿足感。…Read More

將軍澳呢個美食沙漠入邊，有間飯堂真係唔錯，最好有燉湯飲，忙碌嘅都市人嚟講，簡直係恩物。星加坡黑醬油胡椒粉絲大🦐煲$108大大隻蝦，新鮮而且厚肉，粉絲吸取了黑醬油，入味。拔絲山楂汁菠蘿咕嚕西班牙黑豚肉$98推介，咕嚕肉上咗醬汁，依然係有脆嘅口感，而且醬汁酸甜開胃，仲可以拉到絲，菠蘿新鮮。水門雞半隻$98分量充足，雞肉嫩滑有口感，送飯一流。加$28換燉湯最欣賞係呢度嘅燉湯，清甜美味，冇落味精，用料十足，加$28就可以飲到，化算。總括而言良心飯堂，用料新鮮十足，而且味道唔錯，晚飯比午餐更加好食😋…Read More

終於試到而家好Hit嘅，水果忌廉三文治🥪去日本同韓國旅行成日見到，而家香港都有啦，估唔到近近地德福廣場就食到，倍感開心。菠菜雞肉千層麵$78健康之選，千層麵裏面有菠菜絲、雞肉粒及紅蘿蔔粒，口感軟熟。水果忌廉三文治$62甜甜嘅忌廉配上水果，水果有提子、士多啤梨、及柑橘，同日本嘅味道一模一樣，有驚喜，而且打卡一流。紅菜頭橙沙律$68粒粒嘅紅菜頭，配上火龍果，味道清新，仲有香橙片，健康開胃。濟州柑橘乳酪$68乳酪滑流，口感清香，外型美觀。漂浮棉花糖朱古力咖啡$52咖啡香滑，甜度適中，杯邊仲有碎朱古力，棉花糖一直都唔溶，名副其實飄浮棉花糖。Heart Beat士多啤梨窩夫$118窩夫鬆脆，看顏色似係紅莓窩夫，口感極好，上面仲佈滿士多啤梨🍓，美觀好味😋👍員工親善有禮，醒目貼心。總括而言推介，濟州柑橘為主題，韓國出名嘅士多啤梨，菜式吸引，好適合港女打卡。…Read More

諗住提早慶祝聖誕節🧑‍🎄，以為未咁快有聖誕套餐，貊炙竟然已經有，所以決定一家三口食個聖誕大餐。👍職員細心講解套餐包含食物種類👍細心安排，有聖誕小禮物👍疫情期間，有送餐機械人🎄Merry Christmas套餐🎄$720每位Starter季節沙律（黑醋沙律）醬油元貝（自家製醬汁，出邊食唔到）Barbecue Items熟成帶骨牛小排熟成美國肉眼熟成五花肉熟成豬梅肉（肉類豐富，而且熟成後肉質更加嫩）Korean signature韓式水冷麵或海鮮豆腐湯（豆腐湯配上紫菜飯，經過肉類嘅油膩感之後，送上一碗湯飯剛剛好）Sweet甜品（Tiramisu蛋糕）Still water$55茉莉花水果綠茶$50檸檬茶$32總括而言唔錯，套餐由頭盤到甜品都細心安排，頭盤已經有魚乾仔、將油小蟹、泡菜等等，肉類方便則佈置得好靚，打卡一流，最後唔夠飽仲有湯飯及冷麵，食得好滿足。…Read More

今日一家人去旺角行街，見到好多新開餐廳，俾吃扒門面吸引到，係紫色嘅可以影相打卡，所以入去一試，性價比高，熱熔芝士好吸引。20 cm吉列豬扒$118好大塊吉列豬扒，分量超多，仲要係厚切，外面炸得金黃鬆脆，裏面肉質仲保留到，20 cm嘅吉列豬扒唔係講笑，多到食唔晒。熱熔芝士紐西蘭牛柳$188牛柳肉質鮮美，分量充足之餘口感十足，五成熟啱啱好，加埋熱熔芝士，口感更加豐富，必食推介！以上晚餐可選擇意粉、飯或者薯菜加$25轉為套餐跟餐包、餐湯、甜品及一杯飲品（凍飲加$3）可選配黑椒汁、蒜蓉汁、洋蔥汁、紅酒汁，l仲有加$18熱熔芝士朱古力心太軟配雪糕$58總括而言唔錯，熱熔芝士牛柳喜出望外，比一般鋸扒嘅餐廳做得出色，價錢適中，性價比好高，而且餐廳職員有禮親切。…Read More

環境舒適乾淨，係珀麗酒店二樓，簡約風格半自助午餐，除咗了主菜，還有自助沙律吧及熟食。Lunch set $168自助沙律吧及是日餐湯-周打海鮮湯及中式湯-自助沙律吧有肉醬意粉、炸春卷、炸薯條、餐飽、沙律菜及火腿。主菜燒春雞春雞肉質鮮嫩，份量充足，配菜健康。吞拿魚及青口吞拿魚大大份，略為咸香，適合喜歡濃味朋友。甜品及咖啡/茶-自助式熱飲，包括咖啡，熱檸檬水及奶茶。-甜品包括芝士蛋糕、藍莓朱古力蛋糕、朱古力噴泉、咖啡布甸及唔同口味雪糕。總括而言唔錯，如果喜歡舒適環境，與朋友暢聚，酒店式環境係一個好選擇，而且價錢便宜。…Read More

咁岩落雨，天氣急降溫，急急腳去帝景灣食飯兼避雨，見到大灰熊個名好特別，入去試吓先，以中菜為主，有二人家庭餐，兩個小菜剛剛好。時菜炒牛肉時菜新鮮，牛肉嫩口，醬汁味道可口。椒鹽豬扒份量十足，豬扒軟硬適中，唔會好乾，椒鹽味好香口，送飯一流。粟米豆腐羹落雨天嘅時間送上一碗熱辣辣嘅粟米豆腐羹真係啱晒，重點係熱嘅。椒鹽豆腐豆腐切到細細粒，然後用椒鹽爆香，外脆內嫩。整體而言唔錯，小炒有水準，而且份量十足，一家人食飯唔錯嘅好選擇。…Read More

好耐冇食omakase，去元朗搵朋友食飯，就試吓，omakase 既優點係睇吓有咩新鮮食材，即整即食，夠哂新鮮。池魚池魚食既次數唔少，但係今次係軍艦形式，配少許醬油，味道更加鮮味。海膽壽司之中海膽最容易分出高下，帶有甜味，而且分量十足，入口即化。仙鳳趾生蠔生蠔口感飽滿，甜中帶有少少海水味。師夫把刀好利害，即埸切魚生片，刀工掂。總括而言唔錯，價錢合理，而且食材新鮮,如果入開元朗或者住喺附近都可以一試。…Read More

👍服務細心冇得輸，餐廳職員會細心講解每一道菜，介紹辣嘅程度，客人食得安心放心。👍餐廳氣氛舒適，室外位置可以飲酒，室內有秋千位，整體感覺舒適，同朋友lady talk一流。泰式香辣凍鮑魚$108鮑魚軟淋入味，醬汁香濃微辣，切件容易入口。原隻大魷魚，混合香料，泰式辣汁$168魷魚大隻而且香口，有七味粉伴碟，泰式辣汁另上，想辣啲自己選擇，魷魚新鮮爽口。廚師發板炒蜆$128份量十足，蜆肉新鮮入味，用咗泰國嘅香葉調味，辣得過癮。廚師發板甜品盤（6款）$198廚師發板甜品好特別，混合中西式甜品，包括有蛋糕、慕絲蛋糕、桂花糕、芋頭雪糕、燒菠蘿、紫米露等，感覺好特別。整體而言唔錯，好適合喜歡辣嘅朋友仔，唔同口味嘅辣，食物材料新鮮，製作用心。…Read More

住喺將軍澳一直都未食過素食餐廳，朋友介紹味道都唔錯，價錢又唔貴，所以試吓，真係長見識，原來好多食物都可以係素食，用植物製造。秋冬combo set $95Omni新蟹餅味道似足蟹餅，炸得金黃鬆脆，有蟹肉香味。葡汁新炸魚柳燴藜麥蒟蒻米第一次試蒟蒻米，口感好特別，但係夠飽肚，減肥岩哂。焙茶拿鐵樂樂雞味道好似麥當勞嘅麥樂雞，一樣有肉肉口感。新炸魚薯條炸魚像真度非常高，健康又美味。美式咖啡戀暖香芋推介！流心香芋西多士香芋西多士超好味，煙煙韌韌，唔會太甜。呢間餐廳主打素食，仲有未來漢堡以100%植物製造，不含抗生素及膽固醇，下次有機會會試吓，健康餐食。…Read More

今次入鴨脷洲搵朋友，其實之前一直未入過去，依家有機會睇吓環境，同朋友一齊食個下午茶，估唔到有素餐三文治🥪配杯紅豆冰。雞米花配台式蛋餅皮好薄，蛋餅口感唔錯，比較鬆軟。素餐蛋三文治三文治有驚喜，竟然用咗素午餐肉，另外有菜，蛋仲係半生熟，幾好喎。雲呢拿雪糕紅豆冰上面有雲呢拿雪糕，紅豆軟綿，甜度適中。總括而言唔錯，懷舊冰室，一件三文治再配紅豆冰，咁熱天氣，真係唔消暑好選擇，仲可以同朋友仔坐耐少少暢談一番。…Read More