agnescheung05's Profile

好耐之前食過佢既糖水,超級難食1年後見佢出左綿綿冰,心諗都是機做,難食都有個譜一入到去見到枱面冇人清理,還有幾隻蟻行來行去,扣分至於綿綿冰味道ok,同出面幾間出名的差不多,價錢都是$28-$30,尚可接受不過可惜的是佢地既面孔,3個男人打理,以前都有位小姐招呼,好好笑容如今3個黑面的男人,目無表情,完全感受唔到食完糖水甜絲絲既感覺仲有佢地既服務態度極差,我叫碗湯丸做好放上工作枱冇人攞俾我地,只見一個男人在另一張枱搓湯丸,我大聲叫佢..."碗野得喇"佢回應我一句..."等陣啦"我有d嬲同佢講..."好趕時間",佢就黑面俾我睇,但依然唔郁,我再大聲問佢..."不如我自己攞啦"佢才叫另一男人攞出黎之後問佢地攞隻碗仔又係黑面望住你算吧啦 !!! 咁既態度一定冇下次…Read More

聽朋友說小朋友6歲以下free,一於試下,講真小朋友真係唔係食得多野,佢地呢種做法好合理!之不過成晚我覺得唔係太岩我食,連我最愛的生蠔淡而無味,細隻得過份,而刺身又係冇味,夠膽講句,旺角20蚊磅果d都好食過佢,熱葷好一般,唔多,普通野,毫無吸引力甜品尚可接受,但蛋糕款少,全晚得2種蛋糕款,一種係藍莓芝士蛋糕,一款係chocolate mousse cake,去到差不多9點幾先出一隻唔知咩mousse蛋糕,上面有片菠蘿,一d賣相都冇!!!!!!!!!(注:BUFFET是去到9點半完,6點開始,佢9點幾先轉款,根本都已經飽了不想再吃)布甸難食,有幾款杯裝甜品甜到漏,連最普通的JELLY我個女都話唔好食,唯一欣賞係芒果拿破崙同自助珍多冰雪糕有4款係HD,但唔知點解比起HD專門店吃的甜好多好多,味道怪怪的,唔係平時食開果隻味,真係想問一句係咪"真係HD雪糕",我食左一球仔已經唔想再食,連我的小朋友都甜到只食到一半已唔想食,(我家的小朋友最愛雪糕的)而服務環境算OK!!!不過侍應生本身自己成日傾計,有個廚師忍不住行出黎叫佢地傾少D計,多做事!!!!!!整體我覺得真係唔太岩我口味,就算小朋友係FREE都覺得不值,真不好意思,我想不會有下次了!!!!…Read More

大仔生日,諗住帶佢去食buffet,近近地,因第2日仲要返學,見屋企人都day off,就約埋一齊去啦!!睇食評見好多人都覺得好味,開頭都唔敢太大期望,點知原來真係幾好食,就返個價錢算不錯呢!!好多part我都好鐘意,不過影得好少相,因為掛住食.如果大家去必食藍青口~~好新鮮,係鮮甜,仲要半帶海水味,good燒羊架~~即燒伴薄荷醬一流燒鱔~~皮脆肉彈,勁新鮮,從未食過脆卜卜既鱔皮,回味ing燒大蝦~~d蝦膏多到bid出黎泰式燒牛肉沙律~~好辣但我都頂住食左一大碟,好味過好多泰式餐廳涼拌魚皮~~爽+滑,唔駛講野,你地試過就知炭燒雞全翼~~雖然係普通野,但用炭即燒出黎,臨走都要食返隻刺身~~有三文魚,吞拿魚仲有2隻唔記得左,一樣鮮甜蒸比目魚~~魚肉滑到不得了其實仲有好多野食,不過唔記得左喇,甜品好多都好好味,有8成係食得過既,佢地既mousse cake好味過好多連鎖餅店而服務方面都好好,bbq果d廚師仲會同我地講笑會問我地夠唔夠,唔夠記得再揾佢攞過我印象中好少buffet會咁熱情食到一半仲可以出去行下睇下海景,過百隻遊艇排晒向出面,個景非常之好...5大1小折左唔駛$1500下次會再encore…Read More

好耐冇去食過齋,上網睇到呢間齋鋪元朗必食,一心去試下.果然冇令我地失望,樣樣都好好食好有驚喜.每碟齋菜都做得好似,特別係叉燒,就連口感都有9.9成相似,老公講笑話可能我地其實真係食緊真既叉燒,haha......今次一行4大2小,叫左個4人餐,另外再散叫3碟小菜餐有一鍋翅, 黃花魚, 西蘭花花枝片, 龍蝦丸小炒, 枝竹豆腐煲, 4碗白飯另外我地再散叫左一個齋拼盤(大), 香酥芋卷, 蜜汁叉燒埋單免加一,平日仲有9折(初一,十五除外)$424,都算抵食,因為真係我地叫果幾樣全部都好好食,所以覺得都值,最重要係唔油,咁先叫做健康素食嘛!!…Read More