or#tm67353842's Profile

貴，份量少，味道對不起價錢，茶味淡如水。伙記淨識收碟，但同時枱頭打開左既茶壺可以視而不見，要主動招呼伙記加水。以「曲」下單而又不吝加一。「懷舊裝修」十分膠，處處透出廉價情懷。衛生狀況見人見智，總有對衛生無所追求之人見之樂意。蘿蔔糕一夾就散，椒鹽魷魚鬚皮肉分離，十多元一粒乾身蝦餃要以茶解乾，十多元一個普通奶黃包但從餐牌上無從知悉實為迷你版本，唯一可足道者，就係蝦餃蝦肉總算新鮮彈牙。如果有興趣比高級價錢享受質素極端一般之食物，份量又可以令你叫完又叫，咁比高價入場與超人打卡係一個唔錯既消閒活動。絕對是經典適合初來乍到不知物價幾何既遊客，又或是家有餘財而又對飲食無所追求，只求新奇既貴客上佳顯示財力之選。滿廳亦難以聽到本地語言，有處身神州之感。…Read More