maymaymaymaymay的個人專頁

價格與優惠：: 原價HKD238，持滙豐卡享85折優惠，折後價HKD226，與網上購買同價。食物評價：沒有鮑魚麵，只有一款鮑魚飯。平日午餐： 沒有凍蟹腳和雪糕。中式點心僅三款（馬拉糕、蝦餃、迷你糯米雞），其中蝦餃評價為「不好吃」。沙律精彩，番茄湯好味，壽司不錯。甜品：款式一般。水果有三款（黃色綠色哈密瓜、西瓜），另有少量其他水果。飲品：: 咖啡奶茶自助任飲。整體評分：: 價格與環境氛圍均「力推」高評價。…查看更多

今日又食勇記！上次要髀飯點知肉係粉紅色！以為一時失手！今次髀飯又係咁！唔知食唔食好！唯有求其咬兩啖算數！可能自己問題，食唔到比較生嘅雞！唔知可唔可以落單時叫熟啲呢！啲油飯就繼續好好味…查看更多

肉骨茶在星馬一向係無限添飲！但係嚟到香港就變咗冇得畀你添飲！去過好多食肉骨茶嘅店，只有呢間店可以無限添飲！叫咗煲一字骨肉骨茶＄138！一個人添飲咗六碗湯！伙記一啲都冇歧視，仲好好招呼！另外，味道仲正宗到同去馬來西亞飲嘅肉骨茶一樣！仲有就係顏色喇！啲顏色黑到不得之了！非常吸引！最後好多人都唔知嘅必要條件，就係湯非常之熱，呢啲都係肉骨茶必須要有嘅，好多店做唔到！啲骨好淋好入味！值得再來！餐廳唔收八達通，要畀cash！…查看更多

12點15分打去訂位！想食＄58午市定食！對方話唔使book, walk in 就可以！馬上坐車去！去到12:45分！見有一半枱吉！以為冇問題，點知佢話12:45冇定食！只有任食放题＄218！問佢幾點至有午市定食，佢話12:00開始排隊！完咗quota就無！無一定數量！多數12:00排隊就有，12:15分後好可能無！午市定食無得訂枱！…查看更多

一個人，今日順路1点半去食碗豬雜先！在市政街市熟食中心！唔使排隊！即時有位(搭檯)！中午食晏冇咩人！生意唔易做！叫咗佢嘅人氣細豬雜麵加碗湯菜！五分鐘上檯，豬雜基本上每款得兩件，不過37蚊合理！好味，湯有少少辣，係加咗胡椒嘅！此店食物比較原味，冇咩花巧！唔錯！啲油麵正常！加上價錢平值得推薦！ 環境：五張左右大檯，要搭檯，冷氣夠！ 衛生：普遍，大牌檔格局！服務：好！但係得一個人做，落單然後去慢慢煮，再出菜收錢都係佢！並不打算快手快腳，有些日落感覺！傳說中嘅老闆娘亦唔知去咗邊！小店！似乎打算做得幾多得幾多！有時間支持吓！…查看更多

一個人，今日1点半去其他地方食咗碗豬雜麵先！到咗2点至過嚟食海南雞飯，果然2点後唔使排隊！即時有位(搭檯)！但係都係爆多人㗎！ 叫咗佢嘅人氣海南雞油飯轉髀！一分鐘上檯，雞肉嫩滑，啲雞去曬骨！非常之容易食！飯又入味，暫時係食過最好味嘅海南雞飯！加上價錢平值得推薦！ 環境：十張左右普通超細檯，要搭檯，不過有透明膠牌隔開！冷氣夠！非常舒適！ 衛生：食具非常清潔！ 服務：非常好！細店來說，佢係好好服務！說話客客氣氣，主動問你要唔要轉脾！…查看更多

此店燒鵝一向好味！係即日店內燒嗰隻！食咗幾年！今日又尊程嚟叫咗碟剩細燒鹅($88)，但就出事喇！半碟皮甘香肉嫩滑，半碟皮乾肉黴！於是再叫碟燒鵝湯生麵食($48)，點知又係一半食得一半唔食得！又係一半啲肉黴爛，一半鮮嫩甘香！佢同一碟一半用新鮮燒鵝一用隔夜！係好容易畀客人發覺！…查看更多

最推介炒粉絲！微微辣。臘腸炒介蘭，亦唔錯！用料高級！鵝紅，滑滑，有味！不過貴啲！2件要＄30！總是感覺係下價嘢！滷水鵝腸＄100，仲貴，不過仲好味！法國鵝肝要＄100兩片，味道普通！可能煎香層皮好味啲！佢嘅做法係滷水切片！點解唔用自己嘅鵝肝？反而佢啲雞肝好好味，＄48！酸薑皮蛋，糖心！:)黑白义燒！好味！唔知食咁燶對身體有冇問題！可能祈望太高，半隻燒鵝，冇食到最嫩嘅鵝脾，感覺其他部位普普通通！出面高檔酒樓一般都食到！唔夠深井好！可能唔係即秒出爐關係掛！上次去深井食，人家係計算時間，講明幾點幾分出爐！環境：細，茶餐廳格局！坐得舒服！冇白枱布！衛生：不過衛生唔錯！食具清潔！服務：不錯！總體來說不會有問題！可以重複光顧！…查看更多

見咁多open rice 3級4級食家講到天上有，咁去試吓囉！食物：$138鯛清湯拉麵擺款好靚，打咭冇得頂！湯，好咸！冇咩魚湯味！可能太清掛！麵，幼！煮太耐！口感似食煮淋小小咗嘅公仔麵！可能青年師傅唔得！2片炸魚皮！反而係主角！好味！但唔係即炸嘅！义烧，普通啦！細細碗！以拉麵計！夠一位女士食飽！環境：細细！但好舒服！樓底唔高！空間感夠！無壓迫感！冷氣夠！衛生：非常清潔！有獨立包裝濕纸巾！服務：非常好！個店長非常主動，要咩有咩！又幫新客人教佢買飛！有冰凍水！個金屬杯又高級！…查看更多

第二次到此店， 1個人易有位啲! 等咗10分鐘!食物:豬潤生麵，今次啲豬潤有2種色; 有啲係黑棕色，有啲係粉棕色! 一半半， 每種3片! 黑棕色唔好食，硬又鞋! 唔知係唔係隔夜嘅!粉棕色好味，夠粉又有彈性! 同上次食嘅一樣!湯底好有層次，鲜甜唔似重味精湯！可以飲多啲！雲吞正常! 豬扒可以! 凍奶茶， 好味！環境: 普通大細，要搭檯，有裝修，有特色，等嘢食時可以欣賞壁畫！冷氣普通！衛生: 非常清潔！服務: 非常好！全女班！客客氣氣！細心聽客人點嘢！…查看更多

食物:豬潤生麵，冇得輸！夠厚、夠粉、夠多！麵底嘅份量多！女仕多數食唔曬！湯底好有層次，鲜甜唔似重味精湯！可以飲多啲！雲吞生麵，好食！凍奶茶， 好味！環境: 普通大細，要搭檯，有裝修，有特色，等嘢食時可以欣賞壁畫！冷氣普通！女仕唔會叫凍個隻！坐得都舒服！衛生: 非常清潔！服務: 非常好！全女班！客客氣氣！細心聽客人點嘢！唔似好多麵店個個樓面多數好唔耐煩！…查看更多

食物:夠薑豬潤牛肉湯米+炒蛋厚多士+凍奶茶$56豬潤薄、好嚡，唔得(相對深水埗漢發來說)！好多薑！唔知食唔食得，定係要好似檸茶咁自己壓啲薑汁出嚟！牛肉、好滑，掂！料夠多！米粉底嘅份量正常！係我個人喜歡硬啲、爽口啲米粉！湯底飲落好味，不過咁多薑都冇咩薑辣味！唔知薑係唔係同牛肉豬潤一齊煮！定係煮完湯至夾啲薑落去湯碗到！湯都幾好味，冇咩味精！可以飲晒！炒蛋滑滑，非常之好！厚多士外脆內軟！炒蛋同多士係鎮店之寶！ 不可不試！凍奶茶係冇冰嗰隻！原汁原味！好嘢！環境: 好光猛，檯面好細，要搭檯，冇裝修，但好新淨！冷氣普通！有壓迫感！坐得唔舒服！想你早啲走！衛生: 清潔！服務: 好！有禮貌！$56 值得經常去！…查看更多

食物:牛腩生麵$50，問佢有冇坑腩，佢話盡量啦！點知真係有喎，仲唔使加錢，冇得輸！天后站冇第二間食到咁好味嘅坑腩！夠淋、半肥瘦、夠多！非常好味！麵底嘅份量正常！但煮過龍咗十幾秒！有啲淋！不過有啲人可能鐘意食淋嘅麵！我個人喜歡硬啲、爽口啲！湯底飲落超激盪，鲜甜冇咩味精！可以飲晒！籮白普通， 不過$20可以食！畢竟唔係咁多店舖有！環境: 好光猛，普通大細，要搭檯，冇裝修，但好新淨！冷氣普通！坐得都舒服！衛生: 非常清潔！服務: 好！客客氣氣！值得經常去！抵佢有米芝蓮！…查看更多

食物: 黄喉， 可以一試，叫做見識吓啦！好似食條冇味膠喉咁！幾得意，應該唔會再食！蝴蝶腩，特別部位，好食！下次去要再叫！鲜牛肉， 有牛肉味！湯，鮮甜，唔知有冇落味精！見好多人免費叫多碗剩湯！麵，唔係廣東生麵，係潮洲麵，即係好淋嗰隻！唔好食！下次去要叫河粉！環境: 普通細，要搭檯，或者面壁！冷氣夠！坐得都舒服！衛生: 清潔！服務: 非常好！粉麵店來說，佢係好好服務！說話客客氣氣，要碗比碗，要碟仔比碟仔！加上佢有啲名氣，都咁客氣，小見！…查看更多

食物: 海南雞髀非常好，好過星加坡嘅天天， 可以講同文東記同级。 雞油飯熱非常好！清雞湯有幾小粒豆腐， 非常清甜， 連個湯碗都熱，細心，唔係好多地方有！服務: 非常好， 不過食完唔會主動比牙籤環境: 非常好價餞: HK$160左右，合理！…查看更多