ppgg's Profile

幾個月無嚟荔枝角見到應該新開嘅，試下其實我真係好鍾意食車仔麵市面上好食嘅車仔麵愈來愈少仲愈來愈貴呢間睇落乾淨行新式路線標磅［金湯］湯式同平時感覺唔健康/深色 車仔麵湯底好唔同其實感覺［健康］嘅湯底對我來講唔算係好吸引，因為如果果日想食健康野就未必會揀車仔麵但公道講句佢個金湯係濃郁，香甜，好飲嘅，夠熱。不過搞到我唔忍心撈個麻辣落去污染佢，哈哈哈。但真心，個湯底健康，啲餸都係叫返車仔麵餸，有啲格格不入，可能係我唔慣。又或者 如果我啲餸叫菜呀 餃呀，都成件事會健康晒。:)叫左五餸我叫左 豬腸，韮菜餃，豬紅，魚皮餃，魚皮春卷。所有餸都合格以上嘅魚皮春卷係即炸，香口，不過無分湯，要同時間競賽。自家製韮菜餃 略嫌唔夠熱，但味道好又飽滿。豬紅入味嘅，豬腸夠淋無異味，厚薄位都有照顧到。魚皮餃正常四洲quality，純粹我自己鍾意食。今次唔餓所以無試到麵底，食左蘿蔔底，蘿白好甜似浸左糖水 不過我唔介意 無渣好食。佢仲有得揀菜底幾彈性！飲品叫左無冰凍奶菜ok好飲題外話玩新式點餐係自助用機點作為車仔麵fans都係鍾意圈紙多啲見佢周圍貼左［5秒必回挑戰］poster打佢工應該都有啲壓力😂😂但作為消費者覺得應得快 唔等於服務好 好似無咩意思咁係喇 頭先講會佢係自助所以點完野食 都要自己捧餐原本我驚論盡 所以揀最近果張枱［果時全場大約3成入座率］之後有位年紀大啲嘅店員/或者可能係老細示意我轉入面單人位好啲不過我見佢尚算好禮貌 都無咩負面感覺但如果可以彈性處理或店員唔忙時可以幫手捧餐 體驗可能會更好因為佢托盤好輕盤 麵放上需又有啲線係有少少危機嘅 或者店家可以改善下啲硬件 轉下啲盤/碗 可能好啲…Read More

住附近，呢個位上一手愈做愈差，轉左豬雜粉，雖然唔知係咪同一個老細，因為安心仲掃緊舊時果間資料，但質素有驚喜。已經食第3次，質素都keep到。最鍾意佢湯底係胡椒豬肚湯底，夠濃郁，小小辣，夠味。加埋米粉係用河源米粉，好滑同埋索味。豬雜有豬潤豬心豬肚豬粉豬豬紅，夠林夠多 都無乜可以夫挑剔，配埋佢附上一小碟秘製豉油，好夾。$48連熱飲。覺得性價比高。成間舖暫時最好食都係豬雜粉，打過邊爐一般正常野，屋企人食過咸雞，小食都係正正常常咁。附近咁多食肆，希望佢做得長😅加油註：落單收錢呀姐較大年紀 有啲甩漏 要比啲耐性 不過人同埋服務態度都幾好嘅…Read More

Tea time入去包場無客陰公真係好淡市Tea set驚太細份都係叫左lunch set扒ok好食 我地要medium well 都好ok 唔會太熟漢堡beacon 太乾薯條ok好食特飲上面啲芝士奶蓋好得炸芝士都唔錯幾好 夠熱 拉絲最後mp雪糕 雲呢拿味應該加咗拖肥質地有啲怪怪 草莓反而仲好食啲少少提議：- 鹽樽上面舖晒塵 仲要無蓋，可以處理下- 湯碗崩左- Waitress 只有一位，唔係無禮貌，不過機械式而且非常大聲地「朗讀式」咁講野好古怪，令有啲唔舒服嘅感覺🙊…Read More

平時行過都見到會有幾個人等外賣滿心期待試呢個水煮魚米線價錢$58 分湯＋$2一拎到個樣 覺得咁細碗 紙碗可能環保啲？但透晒啲辣油瀉晒 賣相差過用膠碗打開無乜香味有幾塊魚肉 係又梅又無魚味😞我叫左中辣 但得個辣字但無其他應有嘅香味 連調味都無乜一個字失望仲要呢個價錢🤯 感覺唔到誠意附近太多食肆/更好選擇應該都無機試第二次🙊但奇怪已經開左一段時間點解仲keep住有人幫襯唔通只係我唔好彩 / 太夜味道唔同左 / 定我應該叫酸菜魚一個謎！P.S. 原來細碗都無問題因為太唔好味 食一半就掉左了…Read More

上次睇完食評知道呢度有蠔食就係心度記住左咁岩渣車經過見到又未食晚餐, 咁有緣, 一於試下(扮晒野! 想食就想食啦!)叫2人餐 $288睇落唔係好多野, 但係原來係好飽原來仲諗緊唔夠再order咩野, 點知飽到差d食唔晒雖然茶餐龐格局食蠔好似格格入面一d都唔romantic呀不過真係抵食, service ok, 味道亦好佢仲有外賣架$168半打蠔, 圍返$28/隻真係好抵再搵機會試下先!!!…Read More

夜晚唔係好餓又要食晚餐隨便入左呢間試下車仔面$26好大膽咁揀左大辣...點知佢d辣好勁, 仲有d麻, 而且好油! 食唔到添~!問佢地拎清湯, 除左老闆, 其他人都serve得好好。味道唔錯, 仲有好少車仔面有得食既粉絲!魚餅好好食, 又夠熱仲叫左豬紅x菜$16, 同魷魚穌$16老公讚豬紅又滑又入味魷魚穌都可以, 個皮好特別, 唔係好油小食唔算平不過好熱感覺唔錯…Read More

居然做到第一個食評已經食過兩次非常唔錯, 一定要試睇裝修完全估唔到佢係食點心既此店標榜即叫即蒸點心可能係時間要等下但係點心比酒樓更新鮮更出色特別推介: 牛肉球, 咸水角, 蒸飯咸水角真係岩岩炸起粒粒漲卜卜架, 店員仲好nice提我小心熱添牛肉球味道唔同出面的, 感覺好fresh蒸飯好惹味呢度收$2茶芥雖然只係茶包, 比一壺滾水, 自己沖, 感覺幾得意店員幾充足, 不斷同我refill呢度豐儉由人平平地剩係食個飯又得想豐富d叫幾個點心有紙tick又唔使用口叫, 方便!睇牆上既報導原來老闆來頭不小係世界各地五星級食肆做過, 輾轉而家自己開個小店唔怪得食落感覺特別唔同d可能東大街競爭好大晚上都唔係太多客反而見8成客係一個人食, 有趣!老闆話遲d會出小菜同甜品呢!期待中....:)…Read More

星期六帶左屋企人去諗住一試接近3PM推門入去居然滿曬人好旺有個女人非常無禮貌向我地大呼「我地收工啦!」就咁一句得埋黎我諗佢意思係落場搞到我都冇咩心機下次再試…Read More

超愛打邊爐但係前排凍返先第一次試人人讚好的Tanyoto!因為見到有9pm 後promotion好似好抵閒日都唔係好多人, 9pm唔使等上到去招呼都幾好! (雖然2nd round成張單漏左!)叫左招牌麻辣+蕃茄湯底蕃茄嘛嘛地, 老公唔鍾意佢搞到咩都酸酸地既味最愛麻辣的我, 覺得寧記好食dtanyoto的麻辣, 唔太辣, 容易入口, 但係就唔夠香野食tick左要等好耐 (打邊爐都係生野, 比起其他邊爐店真係好慢)同埋d野食好普通, 算唔上好食肥牛簡直係差呀! 其他野只有現成的丸呀, 牛餐肉咁!只有小籠包同魚皮 係ok加上我最愛的豉油佢冇, 可能要另外叫///埋單,發現好多野都另加錢promotion係$108/位加加埋埋最後埋單$3xx應該唔會再試啦好似其他好食d~…Read More

一向好喜歡burger近水樓台就試試這間東大街相比其他店舖, 這裡算是冷清得可憐叫了2個餐burger味道不錯夠熱也夠fresh多士就嘛嘛不過已經咁少人都漏單扣少少分…Read More

年初吃過晚餐地下已經FULL了店員帶我們到2/F裝修幾得意, 燈光暗暗如果傾偈都OK記得點了餐要等很久小方推介的豬脾一般2人食好漏白咖哩就超水準薄餅也很好吃下次希望試下另一分店同其他curry…Read More

去第三次先成功食到因為佢夜晚七點就收不過又一次証實太大期望食完會覺得只係嘛嘛地TEA TIME去, 冇咩人入到去比想像中光鮮+大我叫左柱侯牛腩河老公叫左魚旦河我地食完都覺得冇咩特別, 只係OK, 唔算好食辣椒油好辣好香走時見台台都食撈粗, 可能因為我地冇叫撈粗喇 :(…Read More

公司搬左就喺對面Lunch特登上去試只係記得9樓, 上度去要周圍搵添lift同走廊, 因為係工廈, 所以嘛嘛地一個女仔會唔係幾想上去入到去比想像中細只有2張4人台不過熱狗真係幾好食, 好有心機水準來說 $35一個set係幾優惠egg salad 有糖心蛋好得人鍾意唔知係老闆定員工的一個男仔好nice問我點樣識呢度又好有心機介紹公司的product仲話有2間分店添其他入面做野的姐姐就麻麻地不過咁細間店好似好多人工作呢會再食最衰佢收早唔係dinner可以帶朋友來如果地舖仲好不過地舖就唔係$35啦~…Read More

第一次去tea time 去食, 好少人裝修幾新~waiter waitress 都ok, 有2個特別好人三文魚, 帶子都好新鮮鰻魚好好食tea time, 3件3年咁上, 抵d3個人狂嗌 $430埋單p.s. 炸物海鮮薯餅嘛嘛地p.s. 綠茶雪糕very good~會再去~~…Read More

我又係見佢咁受歡迎去試下但係真係好同意樓下人兄-肥仔奇 既講法真係冇咩特別好普通的粉面檔我已經係特登叫牛腩牛什究竟係佢水準差左?我期望太高? 定係其他人對佢好有感情先覺得咁好食呢hahaa…Read More