為食beautifulb's Profile

偶然發現在長沙灣新開的工廈cafe. 雖然當日係close 但兩位老闆非常好咁俾我哋入去，所以成間鋪其實得我地。環境好適合傾計，又Design 得好好，廁所值得一讚係好乾淨企理，工廈中小有的乾淨廁所。Order 左ocean soda 同玫瑰花蛋糕爭朱古力蛋糕。玫瑰花醬一d都唔假，有淡淡玫瑰花味，好清香唔會太甜。朱古力蛋糕比較濃，上個的朱古力醬都係比較濃，但整體味濃但唔會太甜。但個人比較推介玫瑰花蛋糕😊汽泡水比較淡，Ocean soda 係波子汽水味，上面加左雲呢拿雪糕，可能雪糕比較甜以致飲落比較味道較淡。友人的汽泡水就比較適中，但有雪糕真係比較開心。另外有corner有賣耳環，亦有榻榻米坐位，想清靜又近地鐵站的好選擇。…Read More

遲左食午餐，所以想食個飽d既下午茶。點左個水冷面同tea set 的雞腿飯，追加一個卡邦尼年糕。個年糕好「林」，感覺係煮左好耐咁，個卡邦尼醬太多，多到見唔到年糕。個雞腿飯是不錯的，個雞腿是煎過，外皮脆。加上燒汁同紫菜是不錯的，飯亦不會太硬或太軟。水冷面是一致認為吃過最難食的水冷面，冰塊半溶化地上，面是黏在一齊，亦好難咬開，完全拌不到青瓜同蘿蔔入面一齊食，金槍魚外表沾滿五味粉，吃不出魚的味道。整體來說是不會再來，完。…Read More

朋友生日所以去食個甜點慶祝下，我地叫左個綠茶心太軟，好流仲好有心思寫左祝福字句。個雪糕都好好味，唔係雀巢，D字頭的朋友！叫左個自選窩夫，比想像中大份同配搭得不錯，可以揀個底，雪糕，生果同醬！個窩夫好鬆軟，個雪糕係上面又唔會溶得好快，推介！推介薑汁燉蛋白，好滑唔會起泡泡，有熱同凍，識食一定係熱食！推介！另外仲叫左個傳統糖水，桑寄生蓮子茶。朋友食的，但似乎桑寄生唔係咁多地方有，所以朋友突登再叫。中式糖水無親自試不過朋友好滿足！呢度中西糖水都有，想要多選擇可以一試！…Read More

諗住係紅磡食韓國野，見到呢間小店忍唔住要去試下。佢話等兩張枱，諗住都可以啦因為周圍都好多人。點知一等等左差唔多個半鐘🙈勁肚餓的關係我地兩個人叫左四樣野，蜜糖炸雞，勁香蜜糖味唔係用cheap cheap蜜糖，配埋雞同nuts, 覺得重點係蜜糖度。章魚紫菜卷，估唔到上面有蟹籽，同好少韓國餐有鮮章魚泡菜同鮮魷魚泡菜，所有見到興奮左一下。可惜個紫菜唔脆，泡菜配埋個蟹籽十分好。可以一試！海帶湯連飯，飯個口感好好，唔會太硬又唔會太Lam,唔會一舊舊，一粒粒分明。海帶湯有好多好多海帶，但個人覺得濃左少少佢又唔係咸但覺得味重左點。芝士炒年糕，滿滿的芝士見到已經流口水，入面仲有好多的魚糕塊，仲有白菜，好足料又唔太辣岩香港人口味。個人覺得可以再辣d，拉絲的芝士忘不了。因為我地等左好耐所以老闆請我地飲野，很有人情味，這就是小店的特色！讚！…Read More

今日同朋友想搵間餐廳坐耐點又安靜點咁食下飯傾下野。見到新野就試下，整體蒞講都算貴，雖然食得出佢地用心煮野食唔食hea過。首先蒞左個墨魚餅，好脆同個汁係比較特別，墨魚餅味道ok。個炸雞拼盤比想像中唔抵食，辣味似係pizza hut雞翼，炸版似KFC。蒜香意粉重蒜味但意粉比較多橄欖油個蒜味溶不入意粉之中。個蕃茄濃湯好好飲，少少辣辣地又夠味，配蒜香意粉是不錯。仲叫左邊個黑毛豬試下，上菜比想像中細，但睇得出係肉質比較好的，同佢地唔用汁，用左個蘑菇醬，係有點新穎，個人覺得蘑菇醬味太濃蓋過左肉味，分開食比較好。最後叫埋個甜唔，個棉花糖好靚，雪糕都不錯，雞蛋仔比平時食個d脆同薄，如果鋪底厚身d會比較好，放上面反而可以薄脆點。整體來說覺得肉類比較多，價錢比較貴，但欣賞用心煮的菜👍🏼…Read More

朋友婚禮找了NOVA首次做banquet, 雖然落雨係草地開唔成但因教堂突然有偏堂可用一陣，NOVA手足們好快就的set up. 原定開唔成都可以送食物去機構畀老友記，佢地又願意收返d食物，仲叫我地拎左d我地想要的食物先，激讚👍🏼 但因為都係收唔曬所以拎左d漢堡包、柚子芝士蛋糕返公司畀同事食。漢堡包有肉有蕃茄有汁，好足料。食左個三文魚蝴蝶粉,三文魚好平均係d粉上面，蝴蝶粉中間唔會太硬，剛剛好。豬肉腸就普通，有個綠色的馬卡龍,係wasabi馬卡龍，幾特別味道不錯。其實仲有好多野食但未能一一品嚐。佢地有自家製曲奇，黑椒曲奇是幾特別，辣辣地又香口（$78），黑朱古力都不錯，但覺得牛油比較重（本人不喜牛油）。Overall, 到會服務好仔細，唔會因天雨夾硬要你硬食d野覺得服務好好。食物整體蒞講都不錯，可以一試。…Read More

因為落大雨的關係同朋友決定係朗豪坊搵食，行左幾層都無咩特別野想食。結果蒞左呢間野試下，因為佢鍋的下層係煮飯上層蒸餸。我揀左人氣推介的岩鹽雞肉辣蕃茄飯，一個餐有飯有前菜有芝士有菜有肉都不錯。上菜時侍應會幫你較timer,等6分鐘就可以加入芝士搞伴就可以食。個飯煮完之後好入味，加排上芝士拉絲，好好味。但菜就寡左少少，所以我將所有配菜都放埋入飯一齊撈。個雞都係一般，主要都係推介個飯。可以一試。…Read More

路過一試，見佢烏冬係十杠分推介我就決定直接一試定高下。叫左芝士撈烏冬加芝士丸同蝦餅（後來先見到有司華力腸）一蒞到其實只係見到一層芝士係上面，已經睇唔到烏冬同其他野，個芝士勝在唔會變硬，一路食一路都係熱既，芝士可以完全包住烏冬，勁！不過食到最尾覺得咸左少少。…Read More

放假的下午想搵個地方做下野等夜晚去睇戲，需要有WIFI同坐得耐的舒適地方，結果決定要臨白宮😊原本想試附近一間bar and Restaurant 但因為佢地要落場所以都係搵返間cafe. 一入到去就request 樓上因為可以安靜d又專心d. 服務生好好，叫左個all day breakfast 加honey latte (grande). 其實都未餓，雖然個ADF比較多肉同油但有個菜中和下好少少。牛角飽好鬆化，個蛋又滑，個沙律比較多醬，少d會比較好，其他肉都比較油個人認為，但都ok, 本身我不是很好肉類。Honey latte 係香滑的咖啡中有點honey既味道，調較得剛剛好。可以一試！grande 同普通好似都唔差得遠，最後跟餐唔知有冇加到錢要grande，不過係度hea一個下午是很好。…Read More

要去演藝睇劇就search下附近有咩好食，見大家都話呢間幾好就決定一試。一行三人我地決定叫一個雞肉pizza,一個fish and chips 同一個土耳其米布甸的甜品。Fish and chips 個魚出奇地juice奇加左佢d source好好味，chips又脆加埋檸檬汁都唔會淋左。食完雞肉pizza，我地的結論是不會想再食pizza hut. 😂😂😂因為個質素差太遠。Pizza Full of cheese加雞肉，簡簡單單已經好好食👍🏼個米布甸是凍食, 幾滑同中間有米粒幾有口感，值得一時。 …Read More

同友人兩個夜晚在觀塘搵食，因為差唔多9點我地又想搵個地方傾下計，所以就蒞到呢間LM CAFÉ. 我地叫左兩個鐵板餐，一個雞一個魚，分別配黑椒汁同咖哩汁，都係跟飯。蒞到每個鐵板都有兩塊扒，呢個價錢都算係咁。黑椒汁無咩特別，咖哩汁比較咸同辣。雞扒的大小都有手掌咁大，魚就比較鬆散。飯同鐵板係分開上的，都無自己淋汁呢回事，好同唔好就睇個人啦。最後叫野飲都係包熱飲，凍飲加$3。我叫左杯熱檸茶，檸檬多到有成半個係入面😱拎起檸檬得返半杯茶，澀味完全出嘥蒞！我見普遍都係叫凍飲，可能比較明智😂個環境好好，岩大班人又岩兩三知己蒞食，不過比較嘈，想要浪漫安靜就唔係好岩。不過想要好境又抵食呢度係不錯的選擇。…Read More

星期日即興想搵個地方傾計食tea都好唔容易，因為周圍都好多人。原來想去第二間餐廳不過又熱又多人於是就去左小蟻人博一鋪。點知唔洗等位環境又幾好，有free wifi之於仲有靚靚tea set. 我地兩個人見到個二人high tea set連野飲好似抵過叫兩份tea set, 就叫蒞試下。整體野食普普通通，個人比較不喜甜所以覺得個杏仁條太甜，綠茶慕絲有點溶，個鬆餅不錯，puff and tart都係太多cream 。個咸點都幾好，係火腿加芝士，仲有個咖哩酥。野飲就比較特別，叫左一個薄荷有汽咖啡同橙皮有汽咖啡。（唔記得佢個名叫咩）薄荷比較清新，橙皮我個人覺得麻麻，但友人比較喜歡橙皮。我覺得都可以一試😊…Read More

放假出來走一走，想搵個空間舒服休息一下。點個蒞到1500就完左All day breakfast, 唯有食其他。叫左個salmon and onion bagel, 入面有cream cheese, salmon, onion and lettuce. 不過無咩洋蔥味，如果有蕃茄口感會更好，不過份量不少唔會食食下無嘥👍🏼 喜歡咖啡的朋友可一試咖啡，入口唔會酸咖啡味濃。環境舒服，但大部分椅子都無椅背，中間大枱會長期同人搭枱，未必非常適合香港人。…Read More

第一次去仲係新開張的時候，人不是很多，環境亦不錯，舒舒服服hea下吹水食下野都不錯。因為同區都較難搵到個地方hea，同埋價錢都ok,食物都唔hea！忌廉什菌意粉個意粉好彈牙，又唔會太濃味👍🏼 All day breakfast有3合一同4合一揀，朋友揀左3合一，不過分量比想像中細但女孩子都夠飽。飲品連曲奇，曲奇很鬆化，好想買一盒返去食，有驚喜。飲品蘋果茶有蘋果香仲有果肉，飲品基本上都比想像好👍🏼會再去🤘🏻第二次去的時候都係平日夜晚，食物都係咁上下但叫左個greentea Latte 同紫薯Latte, 綠茶味唔會太淡，但比較甜，個人不好甜所以勉強接受。紫薯latte友人話好香好好飲！都值得一試，重點係我地吹水吹到所有人走嘥佢地準備收鋪都叫我地慢慢吹仲主動幫我地較細d個冷氣👍🏼有心的coffee shop…Read More

唔知個日係咪早去所以唔洗等位好快有得入去啦我地點左好多野食,係度重點推介啦我覺得佢個3文魚花腩好正!!又"林"又滑最重要佢D 料好足啖啖肉真係好正個特大甜蝦好爽1d都唔會粉我本身唔係好中2食seafood都覺得好食值得1試黎到有勁長sushi梗係要try下啦我叫左個長鰻魚sushi成24吋長唔易食不過可以啖啖鰻魚佢d骨又唔會好硬好刺喉嚨燒得唔錯又唔凍不過試1次就夠了小食仲食左個牛舌同雞軟骨牛舌比我想像中好食不過凍左先好硬要熱食雞軟骨好脆又唔硬配埋lemon juice正!另外朋友們推介個特大帶子因為都幾貴成30幾1件所以唔多中2食seafood既我就無try了不過佢地話好鮮甜好多肉中2食seafood既人可以1試其他野食…Read More