iamnie's Profile

老闆落漏單，呆等半個鐘幫襯左好多次，冇諗過愈做愈差夜晚過黎食飯，唔洗等位本以為可以快快食飯之後返屋企執嘢，茶記通常出菜好快架嘛。我地7:20pm到，坐低左好快就叫餸，係老闆幫我地落單。滑蛋蝦仁、菜心炒牛肉、菠蘿雞粒炒飯平時order完都會比張單，呢次冇比我地，我見其他枱都有，我諗冇所謂啦。以為比較簡單既菜好快上，冇諗過要等半個鐘。係呢半個鐘入面，我見到遲過我地黎同遲過我地落order既人已經食緊野，我地好奇怪，以為漏單，問個高高地既妹妹仔，佢話有落既。係呢半個鐘入面，我見到兩張外賣單都做完，有張仲要水蛇春咁長。而我叫啲菜都未上枱，重點係餐廳冇坐滿，等到7:48pm先黎菜心炒牛肉，再等多10分鐘，先上滑蛋蝦仁，見到啲蛋炒得好老，只係食落仲係少少滑。我哋又繼續等碟炒飯，等左5分鐘，見到有碟菠蘿炒飯，以為係我地，原來係第二枱，我地已經餓到飽，等到飽。最後埋單走人話唔要碟炒飯啦。精彩之處係收銀妹妹話冇落到單，老闆係隔離只係講左句好冇誠意既唔好意思，係老闆落漏單架！唔會再幫襯！…Read More

今晚媽咪遲番就去左吉野家買飯盒...媽咪話要2盒煎雞飯同1盒牛肉飯拎走點知個人就俾左2盒牛肉飯同1盒煎雞飯俾我媽咪我媽咪番到屋企先知因為係個到佢冇check媽咪話個陣都冇咩人... 咁樣唔可以話因為忙而執錯啦d人咁既服務都有.. 好唔明點解吉野家d外賣要用咁多層既盒裝極度唔環保... d老闆見到呢個comment好好改善下下午茶個陣先16蚊夜晚就27蚊足足貴左成十蚊有多.. 嘩..除左d飯多左d送多左我都唔知有咩值得要貴咁多...唔再幫親apm呢間吉野家\____/…Read More

睇到食評都唔錯咁就特意帶屋企人黎呢間食整體okay啦.. 坐迴轉位, 因為個晚落雨就好少人.. 我地拎左11碟壽司同埋嗌左1對軟殼蟹手卷有鰻魚壽司,三文魚壽司,吞拿魚壽司等等我個陣同個人講要兩個, 即兩個手卷個個人以為我要2set..落左order第2個又走番黎問我要1set定2set我其實唔太sure 1set係咪指2個(第1次黎食)咁佢\最後先講話2個就1set我就話1set.. 佢\就幫我劃左另1set去之後其實係我唔岩, 咁樣個人同埋一個男仔就俾個女經理定唔知邊個鬧, 個女人仲要好長氣咁講1次唔夠仲要講好多次, 我都聽到囉.. 軟殼蟹手卷$35 軟殼蟹就岩岩炸出黎, 仲熱既不過唔係咁好食..冇肉冇汁冇味道紫菜唔脆, 難咬..我本身都唔係太好紫菜其實拎出黎個陣d紫菜都未包實三文魚等等都切得幾厚媽咪覺得唔錯..我覺得都okay既鰻魚壽司, 我好鐘意食鰻魚不過呢個鰻魚壽司我覺得麻麻..可能落雨冇咁多人掛..定係個陣先6點多, 入面都冇咩人.. 不過幾細間...多人個陣都覺得有點逼... 埋單$209食完第1次冇第2次 …Read More

上星期日同男友去左呢間新開既居食屋觀塘竟然有一間我覺得唔錯既日式餐廳, 難得我地6點半入座, 唔係咁多人, 不過到左7點半8點就開始有人..但唔洗排隊的..可能新開吧食物方面:我地嗌左炸軟殼蟹,雜錦刺身飯,鰻魚壽司炸軟殼蟹$38, 令我感到滿足, 冇諗過呢間既炸軟殼蟹咁好, 雖然唔係全隻, 但係夠大隻, d 粉少少厚, 落左七味粉, 多肉多汁, 有蟹味，食完個口仲有辣辣地既感覺鰻魚壽司$20 我本身想食鰻魚炒飯, 不過男友想食刺身飯，咁就嗌左呢個, 本以為係1件百佳買既普通鰻魚壽司,點知出到黎唔係, 件鰻魚4 吋長,有火炙過既..雜錦刺身飯$72呢個ok la, d 飯唔會落太多醋, ok 多飯環境方面:個到地方算是大, 唔會覺得逼, 幾寬敞坐得都算舒服的我覺得...服務方面:人手算多, 不過可能岩岩開張,唔係咁熟手不過服務唔錯, 有個女仔好好笑容其他:買單時個女仔話有甜品, 我地個餐都冇甜品送不過佢就送左2粒雪米糍給我倆，仲有2張有用既coupon 埋單$143 連加一d野唔算太貴, lunch有8折好似食得過…Read More