阿敏's Profile

其實呢間係我飯堂, 加上我鐘意食牛肉麵, 我係前前後後食左好多次~ 等我分享吓我既美味經驗啦~~佢個餐牌寫招牌牛肉麵「一麵入魂」, 所以係唔試唔得啦。我第一次就係食招牌牛肉麵, 上枱巳經勁香, 上面三大舊厚腱肉, 對佢足料真係滿心歡喜, 試啖湯頭, 香濃不膩, 咬一口肉, 入口即化, 唔會有渣卡牙縫, 真係勁勁勁好食, 個麵我揀粗麵, 煙靭彈牙, 好好好滿足啊~~~ 呢個時候要介紹吓碗花雕牛肉牛筋麵, 我係第一次食咁好食既牛筋, 試左之後我唔再剩係食牛肉麵啦~ 佢個牛筋啊, 膠質好豐富, 平日去潮州麵店0個啲, 個牛筋係煮爛晒同好冧既,  但係呢度呢種牛筋呢, 就係有咬口有嚼頭既, 好似食緊好靚0個啲糖心鮑魚0個種啜口既感覺, 帶有微微酒香,  鮮甜既濃湯入晒味, 真係好食到欲罷不能~~~  加3蚊可揀加辣, 有招牌麻辣同辛辣兩種選項, 只有得揀小辣或特辣 --- 啱丫, 其實我都唔明有啲地方分十幾廿級辣係咩玩法, 而且通常出黎結果都同預期唔同~ 唔講人地, 呢間既兩款辣我都試過, 都係揀小辣, (我驚特辣蓋過我既至愛湯底味丫)~ 我覺得麻辣好有層次而且好香, 如果招牌牛肉麵我必加辣, 但加辣無可避免會增添油膩感。自從我拜倒在花雕牛肉牛筋裙下, 我就冇再諗加辣囉~~…Read More

呢間好新, 今年六月底先開, 日日都經過, 係廠廈內的巷仔店, 主要食車仔麵, 小食類等.  環保關係, 我一直冇諗過要試, 直至昨天, 畀一塊黑板打動左….唔好誤會, 呢塊板係另一間餐廳"香港早晨"既, 上面寫“如果多人排隊, 就試下前面新開既秘坊…” , 後面有句, 呢張相度睇唔清楚, 細字寫 “我唔係老闆”係乜野令一間店會 refer客畀 competitor?  0個刻我真係feel到好有愛, 好感動, 同埋決定要幫襯晒呢兩間咁可愛既店.今日試左呢間”秘坊”, 因為佢個位真係好神秘, 我知佢有位畀人堂食, 但在門口又睇唔到, 出於好奇, 想黎試吓個酸辣米線先~酸辣米線中辣, 揀左辣腩肉同魚蛋, 配菜巳有枝竹豆卜芽菜肉碎等, 非常豐富,  加3蚊可加罐裝汽水. 由於係外賣店, 黎時湯麵分開上.雖然叫左中辣, 我覺得一般香港人都會接受到, 我冇食到流鼻水~  腩肉同魚蛋都好入味, 我鐘意佢黎自甜酸菜既酸味, 有啲店係用醋, 我真係接受唔到,  呢碗就惹味又豐富, 整體都好滿意~佢提供食野既地方真係唔講吓唔得,  付款完要再轉個角先到, 堅秘密, 好蛇竇feel. 環境一流呀,  一個小房間,, 簡潔但係有小擺設, 仲提供免費wifi ,亦提供紙巾、搓手液等,  環境雅緻舒適, 講真, 我好想拎杯咖啡出黎嘆~…Read More

到銅鑼灣找飯吃, 唔鐘意食大連鎖, 就上左間樓上cafe試吓.Cafe環境優雅, 有張吊椅可以打卡, 牆貼花花很漂亮, 有露台位, 作為怕熱既港女, 都係坐入面好~午餐六十幾起,  冷烏冬非常好吃, 有咬口, 鰹魚汁有芥辣薑蓉相伴, 帶出烏冬滋味,  令人印象深刻.個日式咖哩飯都好好食, 我女一個人食晒, 惹味唔嗆~Pizza應該唔係主打, 茄汁重手左, 又可能我自己整得好食(讚自己~~) , 所以黎呢度就推介烏冬同咖哩..黎食個舒適既午飯, 位置方便, 係值得返轉頭食既舒適好店~ …Read More

知道新開左間貓cafe, 今日放假就黎試吓, 一開lift門就見小貓跟住職出來掉垃圾, 牠們很親人呀~入門有機器幫要穿即棄鞋套, 非常方便, 為了貓貓, 保持地下清潔是必須的啊～入到去就見幾隻貓在枱上, 非常可愛~ 有些巳坐到客人腿上享受抓癢, 有些則安睡在客人旁...... 每隻貓喵頸圈上都吊了個名牌, 雪糕, 豆腐...... 名字都非常好吃~禁不住興奮, 我勉強冷靜, 先用qr code點餐, 再用眼神向各貓召喚，當我食到一半時, 終於有貓貓坐過來陪我啦～~佢叫豆腐, 超可愛吧～講返野食, 藍莓芝士蛋糕伴tiramisu雪糕, 個雪糕應該係自家製, 伴入蛋糕粒, 好食~~ 招牌咖啡都唔錯, 幾香濃, 重點還是有貓相伴, 我覺得好抵食, 我真係好鐘意呢度~…Read More

約埋朋友黎食餐舒服午餐, 餐廳裝潢係工業風, 座位寛敞, 非常舒適.午餐頭盤可揀沙律或湯, 我個沙律有羽衣甘藍, 堅係一啲都唔hae, 朋友個湯我就冇偷飲, 我對我個沙律好滿意~一直想試呢度既漢堡, 鮮嫩多汁既牛堡呀, 好想即刻一啖咬落去 (不過個口唔夠大~) ~~~ 外有焗脆既麵包, 夾埋新鮮既配菜, 香濃多汁, 唔會失望~朋友叫既牛扒更正, 五成熟, 外香內嫩唔沁血, 配唔配醬都超好食, 下次黎我要食牛扒囉, 貴啲但 value for money~…Read More

星期六末開門就到左, 店員好好人, 畀我地入去坐住等~叫左兩份午餐一份小食, 個人最鐘意係小食, 個薯條堅炸得好好, 香脆得黎充滿薯味, 雖然簡單, 但我覺得係做得出色既~其他野食都有中上水平, 我覺得勁抵食呀: 牛仔骨份量好大, 煎得好香, 意粉用蒜蓉炒香, 整體都 春雞充滿香茅味, 老公話入面唔夠慢煮既滑, 阿女就KO晒啲蜜糖雞翼, 話雞翼比隻春雞好食~  OK, 口頭話唔係超級好食, 實質就 KO 晒唔畀我食, 咁我心裡有數食完午飯就出街行吓, 點知我又約左人要等到四點, 嚮街蕩蕩吓又返黎食個下午茶.....個窩夫好好好好食, 又香又脆, 如果可以伴雪糕就更好啦, 以家咁加 cream 都唔錯~~~ 整體都超抵食, 推介呀~~~…Read More

觀塘廠廈裡找到間小店, 工業風,文青咖啡室超好 hae , 有望街的窗口位, 也有密密針既梳化位, 原本避疫在家, 都忍唔住黎打吓卡. 飲住咖啡望到街上行人狼狽避雨, 唔好話我黑心啦, 我只係想講自己好嘆啫~ 論環境舒適, 呢度堅滿分~叫左個士多啤梨窩夫, 伴士多啤梨雪糕以及美式咖啡,  窩夫有改善空間, 但整體仍然好吸引, 我鐘意士多啤梨雪糕呀~  店員亦很積極友善, 我一定會再回來噢~…Read More

其實我成日黎飲, 次次都係大杯紅茶加小芋圓, 環保啲我會帶返開頭佢用既杯, 以家轉左紙杯啦~ 佢既小芋圓好有芋香, 又夠Q, 個紅茶底帶蜜味, 甘而不澀, 好過好多茶飲店. 我一般都走甜, 飲到好好飲我唔會轉, 次次都叫呢個呀~~ 我都試過珍珠, 覺得比唔上附近另一間, 所以加配料的話記得要加小芋圓~~…Read More

尖沙咀食飯, 老公原本唔想食西餐, 點知經過呢間就話食過好好食, 咁門口有良心認證, 咪開門直入~~頭盤麵包同湯, 巳知食材新鮮, 茄茸湯好好味, 絕非罐頭茄醬可比, 麵包簡單新鮮熱辣(我真係好討厭凍或靭既多士~), 唔係高價品, 但全部用心制作。大蝦意粉, 質感同味道都剛剛好, 我唔嗜白汁都偷食幾啖, 份量仲唔小器, 質量並重~光復雞扒, 唔叫唔得, 大大塊煎得金黃既雞扒下係新鮮蕃茄同翠玉瓜, 雞扒皮脆肉嫩又多汁, 黑椒香而不辣, 蕃茄同翠玉瓜可與主角爭輝, 真係好正呀～到個甜品, 唔係咁有誠意呀嘛, 小玻璃杯上香滑既巧克力奶凍(我好憎用膠杯上甜品, 膠杯幾靚都跌晒watt), 唔係齋滑, 上有脆脆粒增口感, 視覺同味覺我都好滿意~😋😋😋…Read More

近日大吃大渴, 晚上又預約左五個course大餐, 原本想素食清一清, 結果, 素都可以超豐富😂叫左日式定食, 冇預到咁大份丫烏冬好咬口, 大大碗食極都有, 唔惹小喎！配油豆腐兩片, 睇落唔多, 但真係好滋味, 我個人非常喜歡。可樂餅既咖哩味可以加重少少, 感覺好似健康左啲豆腐豆味香濃, 個汁好夾, 上面有花辨點綴, 又靚又好食。黑椒毛豆好香口, 黑糖番薯仔甜滋滋, 綠茶厥餅好煙靭, 我係好鐘意厥餅, 難得呢度有。整體都好好味, 好健康呀～…Read More

食五個course既神秘menu, 真係飽死我丫 ~神秘令你唔使煩揀啲咩, 亦有探奇feel, 所以唔可以拆穿太多, 講少少。首先服務好好呀，哥哥親切有禮, 先自我介紹, 我地黎慶生日既, 哥哥仲會帶唱添, 全場又會一齊唱一齊賀喎, warm到一個點❤。環境啱feel, 兄弟爬山, 小店應該可容廿幾人, 播既音樂唔會太大聲, 傾計氣氛唔錯。每枱都送個黑糖飽, 熱辣辣, 外脆內軟好新鮮, 伴cream cheese超好味。部份食物暗藏小辣, 有時仲用啲非平常食材, 古古惑惑, 店名早有暗示😂, 有新意, 我鐘意。甜品寫咩都得, 所以慶生或節日皆可。總括而言, 我地食得好滿意。…Read More

全部新鮮熱辣燙嘴，點了魚柳，雞扒及脆牛漢堡。個魚柳炸到脆卜卜，入面又滑溜溜，係我食過最好味既魚柳飽。個芝士脆牛好juicy, 我女食完一口接一口，（唔好食埋我份~嗚~）下次真係要試佢個和牛堡至得。至於個雞扒，滑嫩好吃，個脆醬汁好有口感，係層次最豐富既一款。講講個side, 有薯條同雞寶，薯條薯味出眾，雞寶唔似麥記咁實的的，面略加了胡椒，唔加醬都好好食。價錢仲好實惠，四十幾起，灣仔呢個價冇得輸，mark做呢區首選！…Read More

食過一次後就變左我既私藏食堂，真係好好好味架~~~第一次去食揀左韮菜餃，味道好家庭feel，湯底偏清淡，餃子皮薄飽滿有內涵，桌上放有自家製蝦米辣菜脯，嗜辣既我梗係唔會放過，一試即另眼相看，帶麻辣又香口，加左簡直令眼前碗餃變到不同凡響！後來留意到勤菜芫荽餃，天啊！我認我重口味，但我很少在別處看到這風味，於是要碗芫荽餃台灣麵，重點來了，大食既我上次食剩餃略嫌不夠飽，今次碗餃子麵係有五隻漲卜卜餃子加大大碗實實在在既麵條，末食完都飽到反艇~~~好好味，平靚正，要大大力推介！…Read More

不經意地找到間小店喝咖啡看書，此店位於荔枝角廠廈內，簡潔的日式咖啡室，入內先脫鞋，可在小茶几旁席地而坐，也有一列衣服可供選購，感覺悠閒，氣氛宜閱讀，很文青風哩。看到餐牌只有飲品，可以選擇手沖單品，今天只是午飯閒坐，所以點了杯long black 及鐵觀音卷蛋，伴書本來慢嚐。室內播著柔和的純音樂，咖啡香縈繞室內，喝一口咖啡，甘甜在齒頰間散開，餘韻猶在舌間，是杯難得的long black，相信手沖更有驚喜，再來時可以品嘗，可惜沒有三文治一類的熱食，不能當個午餐。有真 •小貓幾隻，可惜沒放出來給我抱抱，後段時間滿座，想喝咖啡要早到啊~…Read More

久聞康瑞的甜品好吃，午飯時間過來還沒開門，便去了另一家吃個八寶冰，聊慰對芋圓的思念，黃昏剛巧再訪深水埗，終於可以去康瑞一嚐心願囉~點了特色仙草，咬開珍珠，黑糖非常甘香，黑糖水同樣給整碗糖水生色不少，簡直是這甜品的亮點，仙草非常滑，比我深愛的芋圓還好吃，午間那個八寶冰其實不錯，同一價錢，材料還再豐富點，但若論味道質感，還是給眼前這仙草凍比下去！…Read More