頑皮貓's Profile

放假到港島區一日遊，去到北角已經差唔多到夜晚，女朋友行到攰想入左北角滙搵下野食，行左咁多間最後決定入去豚豚屋。因為好耐都冇食過日本料理。等候人數唔多，大約15分鐘左右就可以入座，雖然職員安排左近出入口牆邊位置，但好貼心咁放個路牌，以免其他食客經過打擾到我地叫左個2人套餐，主食方面就叫左個黑豚拉麵同招牌牛油拉麵，拉麵唔會太軟身，湯有濃濃既黑蒜味，叉燒偏瘦但對我黎講就岩岩好。小食方面可以任選3款，我地分別叫左炸薯餅，炒魷魚，燒雞翼搭雞軟骨各2串。比較有驚喜既係炸薯餅，南瓜蓉帶有甘甜，唔需要額外加沙律醬食。串燒方面，雞軟骨燒得唔夠耐同埋冇乜味道，雞翼就岩岩好，有調到味。…Read More

早排見聯和墟開左間新店就過黎試試。平日見門外有好多人等位，今日假期就少d人只係等左幾張枱就入到。 內部裝修新淨，店員服務態度唔錯。 叫左個午餐 xo醫雞排豬手飯試試，淨係見到佢個賣相已經加哂分。味道方面，豬手有咬口唔會太韌，XO醬拌飯帶有少少辛辣刺激味蕾，雞扒煎到外皮香脆可口。值得講講既係佢杯招牌凍啡，咖啡香味濃郁，口感非常好，好想再飲多杯總結黎講，食物質素算好，值錢適中，下午茶個迷你肉醬意粉都係28蚊，下次再黎試試。…Read More

食過一次覺得唔錯，於是決定放假既時候再黎試一次，今次就叫左個鹽酥雞排肉燥飯肉燥幾入味用黎送飯都唔錯，唯一美中不足係個主菜鹽酥雞排，食落就已經感覺到炸粉太多，而且個表面冇任何調味料，所以食落會冇咩味道，可能要自己用餐廳提供既調味粉去調味。飲品就叫左杯榛子奶茶，幾好飲榛子味道濃郁。至於服務方面，上一次黎幫襯時以為咁岩撞正餐廳員工放假，樓面員工數量唔多，所以上菜速度比較慢，等左差唔多25分鐘先有得食。今次情況比上次仲差，要催佢地2，3次先跟到單。希望可以改善。…Read More