April Cherry's Profile

我俾咗三次機會佢，因為屋企住附近，有時諗唔到食咩就唯有再試吓佢其他嘢，但係冇一樣嘢好食⋯⋯第一次我買咗章魚小丸子，係伏到爆。第二次買咗啲燒賣，諗住應該穩陣啩，仲衰過OK七仔嗰啲😓第三次買咗日式雞串嗰啲，有浸味⋯⋯唔知係咪雪得太耐⋯⋯…Read More

勁低能，淨係收現金、Alipay同埋WeChat Pay，唔L諗住做香港人生意🙄我唔明點解一間咁多分店嘅茶餐廳可以連八達通都冇🙄仲要屯門呢間分店收唔到信號⋯⋯頭先要增值Alipay又要load勁耐，本身啲嘢已經好難食，仲要唔收其他payment真係搞到人都燥燥地🙄啲嘢食難食到痴線，真係唔明點解咁多人食？頭先嗌咗個西冷同埋焗豬扒飯，冇樣嘢係好食！嗰塊牛扒仲難食過我喺惠康求其買一塊返屋企自己煎，柴到呢⋯⋯個焗豬扒飯仲衰過大快活⋯⋯都唔平，兩個餐買單都要二百幾蚊。其實呢間嘢到底有咩出名？點解成日經過都見到咁多人食？🙄真心想知。反正我淨係知試過一次之後冇下次🙄…Read More

CMG，我買嗰段時間完全唔多人，嗰兩個職員唔知搞乜，我話我要鐵觀音珍珠奶茶，不過可能因為我帶住口罩嘅關係個職員聽得唔清楚，落單嗰陣時落咗鐵觀音奶茶，之後我話係有珍珠嗰，所以珍珠嗰張單係後加，我有講返唔該晒，收錢嗰職員都有同返入邊整嘢飲個職員講返頭先嗰杯係要加珍珠。然後我企咗喺舖頭入邊等，隔咗一段時間其中一個職員同我眼神對視之後佢先開始整我個杯嘢飲，嗰吓我先知原來佢哋一直唔係整緊我/其他客嘅嘢飲😑我拎到我個杯嘢飲之後問係咪有加返珍珠，好彩有問！佢哋之後先幫我加返，態度同埋行為西到呢😂嗰支飲管係抌俾我😑…Read More

香辣XO醬撈麵：好！難！食！佢哋唔會幫我撈⋯⋯就咁加勁多豉油喺底（鹹到傻咗，食咗幾啖真係食唔落⋯⋯），之後叫做係咁咦加一pat仔XO醬喺面，我打開嗰下真係呆咗😂然後個XO醬係撈唔開🥴唔知佢哋放咗幾耐⋯⋯個餐包嘢飲，不過杯嘢飲淡到呢😂同飲水差唔多🥴上次經過都有試下齋買嘢飲，都係勁淡味⋯⋯仲有嗌手抓餅，唔明點解可以整到唔熱😂我行翻屋企其實都係3至5分鐘路程，唔會凍得咁快⋯⋯根本就似冇幫我整熱過⋯⋯真係唔會再食！…Read More

已經係好耐之前食，唔記得咗嗌咗咩餐，不過唔係最cheap嗰隻，佢啲肉真係韌到傻⋯⋯香口膠起碼都係咬得開，佢啲肉係完全咬唔開⋯⋯真係太難食，頂唔順，然後我同男朋友冇食晒就諗住俾錢走，佢哋仲好意思走埋嚟問我哋啲肉O唔OK⋯⋯平時我哋好少嘥嘢曬到咁樣，如果係唔好食嘅，我哋通常都會起碼食到八成，真係唔想浪費，但今次真係搞唔掂，又唔係平，仲衰過喺街市惠康買嗰啲肉⋯⋯…Read More

餐廳環境：有樣嘢我真係想反映下😂我唔太清楚佢哋幾點開門，我去到嗰時已3點半，佢哋一部冷氣都唔開😂環保起見，我都支持嘅，但風扇都唔開就真係過分咗少少😂行斜路上去已經好熱，坐低咗幾個字，一滴風都冇，我流汗流到沖涼咁😂然後問佢哋可唔可以開一開風扇，但把風扇係座地式，就咁擺咗喺我隔離，所以淨係吹到我隻腳，然後我對面嗰個話完全吹唔到佢⋯⋯間餐廳唔大，所以冇位移去第到⋯⋯我哋就係爆住汗咁享用午餐😂🥵🥵🥵🥵🥵💦差唔多食完先開冷氣，真係唔該晒😂I would like to provide some feedback. I was not very clear on the restaurant's operating hours, and when I arrived it was already 3:30 pm. The restaurant did not have the air conditioning or fans turned on. It was already very hot by the time we arrived. I asked the staff if they could turn on the fans, but the fans were floor-standing models and were only blowing air towards my feet. I understand the restaurant has limited space, so they couldn't move the fans to another location. But they could have at least turned on the air conditioning.Overall, the lack of climate control made for an uncomfortable dining experience, despite the food itself being satisfactory. 我哋嗰日去每人嗌一個set，有前菜+主食+甜品，一個人唔會食得晒😂太多啦，應該嗌一個pizza就夠！嗰日我哋每人食淨嘅🍕可以拼翻埋一個完整pizza，拎走又好唔方便，勁大個pizza盒（餐廳冇膠袋提供），唔拎走又好嘥。所以如果你唔係好大食，建議齋食pizza就OK了～🥗前菜：TUNA CARPACCID吞拿魚薄片+Smoked Salmon GNOCCO FRITTO煙三文魚意式脆炸麵包～個吞拿魚薄片er⋯⋯我唔識欣😂只可以話我食唔慣嗰口感😛煙三文魚意式脆炸麵包我覺得幾好食，個麵包好煙韌，配煙三文魚幾好食！唯獨是嗰中間加咗啲lemon cream cheese（我估，唔肯定係咪cream cheese），我覺得加埋就麻麻地（純粹個人口味～）但食一舊已有啲頂胃，細食嘅建議正係嗌Pizza就夠，唔洗嗌set～🍕Pizza：MARGHERITA （V）瑪格麗特薄餅（素）+GAMBERI AGLIO E OLIO 香蒜大蝦薄餅整體嚟講嗰餅皮係幾好食，幾煙韌！MARGHERITA正正常常，未至於勁好食，都對得住佢嗰價錢。香蒜大蝦薄餅都唔錯，幾juicy～🍮甜品：PICI TIRAMISU 都正正常常，口感比較creamy，唔係一整舊正方形嗰隻，係用杯裝住。食到後尾真係好漏，加上個TIRAMISU偏甜，唔重咖啡味，我好中意食TIRAMISU，但今次另一個胃都搞唔掂😛…Read More

呢間嘢之前係唔差，如果係個男人整嘢食。但今日得嗰阿姨喺到，整得勁難食⋯⋯啲鴨胸肉勁大浸雪味！咬咗一啖想lur 翻出嚟⋯⋯食唔到。⋯⋯杯嘢飲⋯又勁淡⋯我以往都係嗌開抺莉綠茶，之前浸味唔係咁⋯⋯今日翻工嗰阿姨好唔掂⋯⋯如果大家睇到係男員工（定唔知係老闆）先好入去食，女員工就不了⋯⋯之前呢間嘢係唔差，今日完全係難食！成個餐$38（早餐價），都唔平，嘢飲加大，加多$2，八達通俾錢要額外收多$1，total都$41⋯⋯但就俾呢啲食物質素人⋯⋯…Read More