1101blueli's Profile

每次行過K11去地鐵站見到一間心裏都會叫一聲，好伏想試，今日落雨懶得周圍搵嘢食，終於入去買個外賣試吓。個包裝好做作，好睇唔好用，啲倒汗水濕晒喺入邊，個包又要倒出嚟勁麻煩。原本都冇乜希望，但食落口嗰刻，無論口感同埋味道個組合其實都真係好不得了，而且唔係貴，性價比高，我俾8/10。⚡️👍…Read More

見外賣八五折，叫幾個小食蒜泥白肉豬手呀，豬手冇一件係有肉三件都係骨。蒜泥白肉份量少到一啖就可以食晒落肚，唔誇張，下次落樓下三哥買好過。呢間野外賣有八五折都唔抵食。…Read More

嚟到灣仔Bakehouse見到半個場都係為心諗發達唔使等，入到去同我講要等九個字🙂哦轉場過去隔離汕頭街，好似話有間意粉小店要執，諗住試吓，點知原來已經執咗，間舖有人接手，同一個橙。好食，真正意粉味是這種？好香香草味，玫瑰瑪莉味啦啦。好少食肉丸，呢度啲肉佢應該自家製，味道同宜家傢俬食到嘅好唔同，有層次豐富。個湯都唔錯應該係薯仔蘑菇忌lin湯，味道又喺同出邊既好唔同，天氣涼先坐到呢度食。會想再去多幾次每一隻味道都食過為止！…Read More

見到慈雲山又有新餐廳梗係要即刻試吓，青咖喱，一於食青咖喱，點知原來冇賣，不過算。想食下泰式咖喱一於叫個咖喱豬扒煲， 叫得煲諗起都期待😚食得泰國咖喱你會expect會有豆、有青檸葉、有茄子仔各樣蔬菜調味。點知嚟到剩係得隻豌裝住半塊豬扒兩舊薯仔加條芫荽。我諗隨便去間茶餐廳$40食個咖喱豬扒飯都係呢一個格局😪而且呢度我仲要加多$15先有個油飯。油飯係有少少香味但係粒粒米都硬到爆炸，斷估呢度海南雞飯都唔會好得去邊，所以應該冇下次。結論唔食冇損失。食下食下塊豬扒其實好越棧嘅味道🤔…Read More

Happy happy lunch buffet is back!!呢間印度菜一直而來都係我出觀塘搵食嘅首選，幾年前第一次發現呢間係因為佢哋嘅午市自助餐好吸引但係去到嘅時候自助餐已經冇再做，故自失望但午市套餐仍然吸引。咁啱出開觀塘再次嚟到呢一單餐廳發現午市有返自助餐，立即衝着食。基本上所有經典印度菜食都有食得到。個人最推薦係咖喱燒魚，薄荷脆餅同甜品米布丁，菠菜哈羅米芝士也是👍👍👍最後個garlic Naan蒜蓉印度包，超香蒜蓉味，煙靭鬆脆，不過可惜太多都係食唔晒。九龍區印度嘢首選。…Read More

石湖墟見到周圍都係小食，見到手抓餅心諗掂啦，呢啲餅皮都係來佬貨，加熱然後就會得應該冇死，叫咗個鴨胸雞蛋手抓餅，去到附近公園開餐，咬第一啖已經知道唔對路，滿口臭油味，而且無論個餅，同埋個餡都整到勁燶，炭一樣咁燶，黑過黑洞，覺得唔食又有啲折墮，但繼續食落去我又驚中毒，結果放棄個餅食埋入邊啲餡就算，啲餡其實都唔係好得去邊，劣食就係劣食，最終食咗半個頂唔住揼咗，過一陣個肚有啲唔舒服，有啲作嘔，好彩冇成個食晒。…Read More

由元朗踩單車出到上水，諗住飛出去大埔先至搵嘢食，大埔好似比較多好嘢食，但未到上水已經晚上七點，有冇堂食之下，嗱嗱臨搵啲小食食填下肚就算，見石湖墟見到好似好多嘢食就數下街，見到暗黑料理水果腸粉冇你又唔試吓，諗住呢啲咁簡單嘅嘢實冇死，點知難食到一個點，調火龍果豬肉蛋腸粉完全無味，超孤寒，豬肉嘅比例5蚊銀都重過佢，串燒係炸嘅都係第一次見，點解唔叫串炸？d 油益味重到想作嘔，見到串豬柳，以為炸燒雞皮比錯咗。超孤寒🙃…Read More

食印度野有時候都幾麻煩，你會覺得又要點呢個醬又要點嗰個醬，啲包又大塊要用手滅黎滅去，呢一個kabi滿足晒所有懶人嘅願望，雞肉豐富，醬料好果唔使講，我第一次咁樣食印度嗰隻薄荷醬，整個雞肉卷唔會太乾，只係有啲太過辣。如果唔係因為夏天嘅關係，喺度食嘢真係一大享受，老闆非常友善，好吹得。呢餅耶最出色地方，係用印度paratha 酥油薄餅而唔係平時土耳其的版本嘅pita，老細話佢特登將薄餅做得薄一點食落去唔會太過飽。正，即刻升上我首三位印度菜。…Read More

話說呢間甜品真係好出色，今次過黎試下正餐，係香港好少食到咁通透既河粉（至少我未試過🥲，相可能唔係好睇得出），味道口感唔洗講，Dee ma👍Ging ma👍。而且份量剛剛好，我好怕港式泰野，因為d碳水野既比例係泰國既一至兩倍，飽到反眼。原本以為只係得煮食，點知原來又有嘢飲又有甜品，呢個價錢變得性價比好高。杯菊花茶都唔簡單，應該係菊花玄米茶？味道令我諗翻起喺泰國嘅七仔買到嘅菊花茶一樣🤔椰汁小丸子，同上次一樣好食，本來特登過嚟想試吓第二隻甜品，三色冰椰奶囉，不過送咗個迷你甜品之後都冇位放多碗落肚🥱滿足👏…Read More

呢間咖喱，始終都係元朗佢最出色嘅一間，今次食咗一個mutton bhuna ，呢一道菜係將咖喱煮入去羊肉本身，所以食落口比一般咖喱更加咖喱。係一個將羊肉煮成咖喱，將咖喱煮正羊肉嘅概念…Read More

我喜歡呢係因為佢性價比高，而且有碟豆花椰香飯，同黃金飯，不過可惜都無再做，減肥食肉唔食飯，叫左個薄荷葉炒羊仔腩，純粹想試吓薄荷葉係咩感覺，結果食落口好似刷緊蛋食緊牙膏一樣，奇妙。整體幾好食有滿足，但羊腩係凍，有少少失望，就算係一早做好擺落雪櫃都應該將佢吵到熱透先至上碟，因為啲脂肪仍然凝固嘅關係，食落口有少少嘔心。…Read More

因為疫情嘅關係，每個六點都冇辦法喺餐廳裏面進食，所以通常都會嚟到佐敦呢一個十字路口位呢一間土耳其小小店買外賣，又到對面嘅逸東酒店出邊嘅公園空地解決。油尖旺區有好多土耳其菜，但高水準嘅土耳其菜而且價錢低嘅我諗就只有呢一間，可惜嘅係鋪面細冇辦法堂食。佢哋嘅kabeb雞卷樣卷，肉嫩多汁，非常好。買雞卷同事一定要買埋佢哋個米布丁，入邊嘅香料令味道嘅層次非常突出，肉桂茴香果仁，比起好多土耳其餐廳都做得更加好，不得了…Read More

天陰陰又落雨，一心等停雨之後再踩下單車就走咗入去食嘢。叫咗個午餐，加小食。見係$38貴貴地，一心以為係燒八爪魚丸，章魚燒之類嘅嘢，只不過係燒汁加墨魚丸。咩料？無下次。…Read More

其實都幾鍾意食素食自助餐，但食嚟食去都係主流比較出名果幾間。而銅鑼灣有一比較特別嘅，但係做唔住上幾個星期已經結業。黃大仙素食餐廳寥寥可數，最近得知開咗間自助餐一向都冇時間食飯嘅我親家日走落嚟試試。開頭睇相見到咁空虛都抱着沒有大期望嘅心情去試，點知原來入邊係咁精彩。所有菜式都好精緻味道算係唔錯，最欣賞係有好多唔同嘅甜品，因為製作甜品其實好考功夫，唔多餐廳會用心放喺呢一個部份，一路食一路有新嘅菜式亦都好令人驚訝。廚房不斷送上一啲實驗嘅菜式唔知係咪因為新開張。價錢合理食物超高質但可能地點問題冇乜客希望日後可以做得住。…Read More

第一次嚟呢間酒樓，問門口個阿姐有冇點心食，望都唔望下你，第一句就勁差語氣話酒樓梗有點心食㗎啦，其實唔需要咁串囉。點心紙上邊又冇價錢咁樣做生意，真係好老土。即走。…Read More