thyjanice's Profile

聽聞近排好興食越南法包，我都喺灣仔揀咗間試下，除咗法包仲試咗其他嘢，餐廳菜式本身都幾有特色至尊牛寶湯河有齊蘿蔔、燒牛肉、生牛肉同牛丸，果然係至尊！牛丸好彈牙，又juicy，好高質。兩款牛肉食得出唔同存在感，各有特別之處。而個牛骨湯偏甜，另成碗粉更加有記憶點！慢煮牛肉法包用咗竹炭加入個法包，打卡更特別。本身個包入面嘅材料係勁多料，啲配菜全部都好夾，牛肉好軟熟，夾埋香料好清新香蒜牛油雞翼雞翼外皮好脆，仲包住蒜蓉牛油，好惹味啊越南春卷網狀春卷皮超級酥脆，仲爆曬餡添…Read More

呢間火鍋店一開始無限時已經好有興趣，嗰陣真係book極都去唔到，原來依家轉咗兩個鐘又另一個時間好耐，搵咗一個平日晏晝去，超高質！講一講少少前奏先，有個自家製嘅辣椒醬超級好食，直頭想成張買返屋企。另外講明係養生火鍋，連飲品都有熱嘅提供。不得不提呢度其中一大特色係，Shake Shake粉小食，叫咗啲炸物之後，或者炸魚皮，再揀自己鍾意嘅調味粉放入紙袋，有Gimmick!兩個湯底嘅材料都非常足，兩款同肉類都好夾，安格斯牛頸脊好食就唔使講，最有驚喜係伊比利亞黑毛豬，我自己食咗一碟！海鮮全部都好新鮮，最鍾意嘅配料係冬菇雞軟骨餃子，嗰塊皮好煙靭原來鍋霸已經五週年，近排仲推出咗鍾意嘅時候先加$40轉無限時，完全自主。食唔同嘅套餐，仲會送高級嘅肉㖭啊…Read More

又試新餐廳啦！今次食到一間價錢都算幾抵食嘅串燒店，同埋香港好似都冇乜呢類型嘅餐廳，大家都可以去試吓因為我哋嗌嘅嘢食實在太多，精選咗幾樣都覺得好食同必試嘅，其實冇寫落嚟嘅都好味大漠烤羊肉串 - 生熟程度啱啱好，有羊味但係唔會太騷蒜蓉/ 芝士烤新鮮生蠔 - 兩隻味都食晒，芝士味重得來但係都食到蠔味，芝士足料，一咬落去都爆曬汁泰式Q彈燒豬頸肉 - 果然真係好彈牙，好嫩口，必食燒雞軟骨串 - 超鍾意！唔係碎濕濕，大大粒，骨肉分明，有咬口酥炸花枝墨魚丸 - 食得出佢全部炸物都係新鮮炸起，超彈牙仲食到有墨魚粒粒元氣森林水果茶 - 無論打卡定係餸餐，都真係要試，大過你個頭嘅水果茶，兩個人一齊飲都冇問題…Read More

秋風起就想食啲暖笠笠又養生嘅嘢，今次呢間真係打工仔福音，抵食又好味！胡椒豬肚湯米線黎到未食已經聞到好香胡椒味，好吸引！個湯超濃郁，飲落去無乜嘢，呑咗之後喉嚨先感受到有股辣度。豬肚處理得好好，洗得好乾淨，而且一咬就斷！加咗$10轉雞髀，物超所值椰子雞米線加咗個小火爐一齊上，唔使錢㗎，食到最後熱辣辣之餘，啲米線都唔會過淋。個湯又係超濃郁，奶白色咁，好鮮甜。佢哋仲有唔同味嘅冷泡茶，成件事超級養生，埋單一個人唔使$80，健康、儀式感、味道，我全都要！…Read More

讀書時期曾經好鍾意呢間韓國餐廳，冇食一排見到人流仲係咁多，條隊冇短過，試吓係咪仲係咁好味先。同之前一樣仲有好多馬格利酒，幾個女仔去就啱晒，成個環境佈置仲好似喺韓國現場，食住韓國傳統嘢，超有氣氛！牛肉炒粉絲 $133每一下夾起都充滿材料，尤其是係牛肉，一啲都唔吝嗇，而且好香麻油味，令人食完一啖又一啖👸海鮮煎餅 $149呢度嘅煎餅永遠都令我咁驚喜，今次試咗海鮮煎餅，入邊好足料，煎餅外圍煎得好香脆，點埋秘製醬汁，推薦醬油蒜蓉炸雞 $120食韓國嘢又點可以唔食炸雞，點都要嗌一個感受吓個氣氛，保存到肉質Juicy，又充滿醬油味蛋捲 $133今期最驚喜真係呢個蛋捲，入邊嘅芝士多到好似瀑布咁，入邊啲配料有紅蘿蔔青椒煙肉，但係蛋本身又夠濕潤…Read More

第二次食呢間餐廳，我自己覺得都算係香港數一數二做得好有心機嘅泰國菜，每一樣食物見到同食落口嘅味道分別好大，因為每一個菜式都好有層次，超欣賞，應該會帶其他朋友食第三次Salted egg yolk crusted Squid $108魷魚鬚做得好腍，外層嘅炸皮好薄脆，加埋鹹蛋黃又好惹味，但係點到即止，就算連續食好多舊，鹹淡適中Mango fried rice with Prawns $118菠蘿炒飯就食得多，芒果炒飯我都係第一次食，估唔到熱食又幾夾，啲蝦都幾大隻又新鮮，炒飯夠乾身Tom Kha Gai $68湯可以揀大細，都幾貼心，椰汁雞湯加上一種酸辣嘅感覺，飲落好有層次，入邊嘅材料都幾多，最鍾意係嗰啲菇，吸晒啲湯汁超正👸Larb pork neck salad $98如果食悶咗炭燒豬頸肉，可以試吓呢個，又係感覺到店家誠意嘅一個菜，從未食過味道層次咁豐富嘅豬頸肉，而且肉質比起炭燒嘅更加柔軟，每件肉都包裹住酸辣嘅醬汁，超級推薦Prawn cake $88炸蝦餅就中規中矩，偏向實淨彈牙為主，但感覺到係真材實料…Read More

同其他韓國餐廳一樣，坐低就有幾碟前菜食下先，鍾意嘅話可以加 $40無限任食。所有肉類仲有店員幫你燒添，店員會詢問番每個客人喜好再幫你燒肉，竟然做到咁個人化最上等牛肋骨 $388原條牛肋骨喺你面前剪，肉味超重，佈滿肉汁，但又不失肉質，店員強烈推薦我哋點埋壽喜燒汁，成個質感更加順滑山洞和牛壽喜燒 $198呢款肉比起牛肋骨更軟淋，多咗份油脂感，更加香滑慶州黑毛豬盛合配生菜 $270呢個盛合有齊哂豬嘅各個部位，超抵食，我最鍾意竟然係個豬皮，食落完全無油膩感，點埋一個我未見過嘅調味料，超正。豬大腸都比預期中好食，另外豬五花烤到脆卜卜都好香海鮮豆腐湯 $138有齊蜆、青口、大蝦，海鮮味超濃，以為飲緊龍蝦湯，成個湯好鮮甜雪梨水冷麵 $95食完燒肉要食返個水冷麵是常識吧！水冷麵唔會做得好濃味，完美幫食完嘅燒肉解膩…Read More

有時都會揀啲半自助餐試吓，冇自助餐咁貴，但係又可以食到飽，滿足吓任食嘅心今次就嚟咗呢間餐廳試吓半自助套餐，有好多特色小火鍋揀，定量已經包埋一個小火鍋、主食、前菜同小菜，仲有嘢飲添。我就揀咗蕃茄牛肉小火鍋，入邊嘅牛肉大大嚿，已經整到好腍，仲有少少筋位，個湯就酸酸味味，超級開胃！另外仲試咗花膠雞小火鍋，個湯好濃稠，feel到有滿滿嘅骨膠原。小菜有滷豆腐同埋鴨血，配菜仲有肉燥娃娃菜添，每一樣都食到台灣風味，超讚！自助吧枱只有一般嘅水果同前菜任食，仲有超有誠意嘅滷肉飯無限任裝！…Read More

港島東係一個寧靜嘅小區，我自己都好鍾意喺呢啲餐廳度食嘢，今次揀咗呢間Cafe雖然都係連鎖，但係裝修都同其他分店有少少分別青醬忌廉雞肉長通粉啲青醬係好多啊，每一條長通粉裏裏外外都有醬汁包住，而且食得出個醬汁超足料，有好多香草，仲有少少薄荷，雞肉都係大大嚿，唔係碎濕濕檸檬汁烤雞煙肉意大利三文治有時都幾鍾意食Panini，貪佢考完之後外層都幾脆，但係入邊仲好軟熟，熱辣辣新鮮出爐，食嘅時候仲有芝士拉絲添呀~法式西多士配自家製雜莓醬麵包充滿咗牛油香，最欣賞係佢一啲都唔會過甜，連埋雜莓醬，酸甜酸甜嘅，就算食完成餐，再食埋呢個甜品都唔會漏啊~…Read More

淨係呢間分店都食緊第三次，今次叫咗兩個煲仔菜，一個小菜，果然係一排冇食都仲係咁好味呀，之後都會不停返嚟，一入到去氣氛超，無論情侶、三五知己、定係一大班friend都好適合菠蘿拔絲咕嚕肉呢個都算係每一台必叫，咕嚕肉做咗梅頭嚟做，他們夠肥瘦分明，落去嘅時候除咗有焦糖化妝嘅脆皮外皮，入邊嘅肉都仲好淋滑，除咗菠蘿仲有蜜桃香爆黑椒牛仔骨煲牛仔骨一件都大大嚿，全部都比醬汁包裹住，黑椒超級香口啊，仲熱辣辣㖭，啲醬汁超級好餸飯飛天通菜煲飛天通菜夠晒入味，但係又唔會過鹹，吞咗落去之後後勁都好凌厲，啲辣味浸返上嚟，正呀今次為咗影相仲試埋佢哋嘅豬油撈飯，用完豬油再用豉油撈，勁香口！嗌埋支大啤，真係飽晒…Read More

平時都鍾意每過一排就回訪啲好鍾意嘅餐廳，其中一間口袋清單就係安平燒肉，辛苦完一個月梗係要食餐好慰勞吓自己，今次就揀咗M5和牛套餐，係有成104款嘢食！ ！食完之後覺得...過一排好快又會再嚟今次都同之前一樣揀咗幾日精選同大家分享~-肉類-牛舌芯同薄切牛舌: 兩款都好鍾意，兩種唔同口感，但係都係爽彈為主美國SRF 極黑牛: 牛肉入邊最鍾意呢款，因為有齊油脂，牛肉香，又軟熟山椒牛柳丁: 我好少鍾意預先調味過嘅肉類，但係呢個真係好好味，通常一口牛煮得唔好就會好韌，呢隻完全冇呢個問題，調味又啱啱好牛仔骨: 一啲根都冇，而且好易咬開，好淋-海鮮-帆立貝同生蠔都幾好，雖然唔係話好大粒，但係feel到都新鮮，肉質都係彈牙-小吃-最鍾意呢度就係有無限咁多小食！鹽酥雞、澎湖花枝餅、安平炸蚵卷，點解每一樣上到枱仲咁熱辣辣！ ！我自己就最鍾意黑松露安平腐皮卷，同埋黃金泡菜，encore咗好幾次…Read More

今次直係任你魚肉7小時，近排發現咗間嘢除咗雞煲同打邊爐任食之外，竟然有豬手煲、牛尾煲、烤魚，全部嘢都係任食！我本身就比較細食，淨係試咗雞煲同埋打邊爐雞煲有幾個辣度揀，就算食完第一次加煲都可以轉辣度，呢樣我係覺得幾貼心嘅，上到枱店員仲會將個雞煲快手兜一兜，令到個雞煲整體更加惹味。另外嗰幾樣我就冇食，因為想放多啲quota喺打邊爐，不過以我所知佢哋嘅烤魚都做得好好味，有兩種魚可以揀，重點係可以任食，幾個朋友或者大食嘅都可以嚟挑戰吓！湯底我哋就揀咗胡椒豬肚雞湯，睇色澤就知道幾濃味。呢度最高質嘅係牛肉，幾款都好值得encore，安格斯封門柳、牛板腱，兩款都好好味！其他重點推點推介有牛栢葉，新鮮海蝦，蜆。自助區、飲品區同雪糕區都有好多選擇添~ 比較特別嘅仲有好少見到放題類打邊爐嘅醬料係每台都有自己一set，非常企理乾淨…Read More

可能係我喺香港最鍾意嘅打邊爐~ 一啲都無誇張，唔講食物先，由前菜開始，去到飲品、甜品，全部嘢都勁有心思，店員又Nice，收費又公道，應該好快就會回訪首先講吓佢個玩法先，一坐低就會上咗前菜先，其中最好味嘅係炸雞軟骨，唔講以為係付費食品，超好食！除咗前菜之外，每人都會有一個頭盤，頭盤可以揀龍蝦/ 生蠔/ 佛跳牆/ 雞煲或者酸菜魚，我就揀芝士焗龍蝦同埋佛跳牆，隻龍蝦份量完全大過我隻手板，肉質彈牙新鮮佛跳牆都唔輸蝕，熱辣辣有足料，個湯超鮮甜，依家打緊篇文都有啲掛住去到真係打邊爐，海鮮拼盤同埋牛肉拼盤係限咗份量，海鮮真係好新鮮，上到枱都係仲郁緊，我自己最鍾意鮑魚同埋蟶子，兩款都係超級鮮甜，果然新鮮嘅海鮮唔使搞啲乜嘢花臣。牛肉我都唔知邊款打邊款，不過整體都中上，同任食嗰個冇得比。個湯就嗌咗大排檔豬骨湯同埋沙嗲湯，豬骨湯胡椒味好重，越食越過癮，沙嗲湯夠惹味又唔會太濃太鹹…Read More

食咗間好適合幾個朋友傾計，質素又唔錯嘅韓國餐廳，有幾個包廂有埋簾，私隱度極高。有啲套餐裏面菜式係超級多，三四個一定夠食，可以試晒咁多款嘢食，食完一定捧住個肚走Eat at Seoul $985Appetizer韓式前菜: 有足足8款咁多，一定有一款啱口味醬油帶子配紫菜: 粒粒彈牙，圓軲轆脹卜卜，夠入味醬油蝦: 每隻都有手掌咁大，非常多膏亦好新鮮Main安東燉雞: 連埋火爐上，冇諗過套餐都咁大份，食到最後都熱辣辣牛肋骨: 又係連埋石頭，超有誠意，望落肉質好結實，但係咬落淋滑，蘿蔔都好入味Snack海鮮煎蔥餅: 未見過咁足料嘅煎餅！最特別係有好多魚乾仔，令到海鮮味更加突出首爾蒸餃: 我當佢係一個過場，中場休息嘅時候食一隻餃子唞唞韓式甜辣炸雞: 醬汁包裹仲每一嚿炸雞，但係又不失香脆度另外仲試咗兩杯Cocktail，分別係See You $108同 Snowing Night $118，兩杯都好似果汁咁好飲咁易入口，少有飲到啲韓式調酒咁好味…Read More

今次想介紹間好有心思嘅天后小店比大家，相信大家去日本都食過吉列豬扒丼飯，店主好有心機咁樣將起福岡食到呢個飯嘅感覺呈現比大家，不論係食物嘅質素、環境、用餐體驗，同店主傾計，知道佢細心到將食具器皿等等都喺日本帶番黎。知道佢哋嚟緊仲會有新產品，大家都可以留意吓黃金黑豚豬扒Pan丼 $98我諗嚟呢度嘅每一個人都係想食呢個，佢最特別係連埋成個鐵pan上，等你影完相再倒落個飯度慢慢食，為咗營造一個超級滑蛋嘅感覺，偏向多汁水潤。不過最難得係個炸豬扒，炸到金黃鬆化，放喺滑溜蛋汁上面都唔會變腍星嵐雞肉咖喱湯烏冬 $$98重口味人士之選！ ！嫌親子丼太清淡嘅朋友仔，一定要試呢個烏冬，烏冬扁而淋身，係超級掛到個湯，連埋啲咖喱，濃到似醬汁多過似個湯，勁惹味…Read More